Ng Osobelir a Rokui, Ebangkelio el mo er a Rokui

Mla er a President Jeffrey R. Holland

Ometechei el President er a Chelechad er a Teruich me a terung el Apostol

siasing/Llecheklel

Elder Jeffrey R. Holland

A ebangkelio, Tngakireng, me a Okisel a kodellel a Jesus Kristo a omekngeltengat er a rokui el ngelekel a Dios.

siasing/Llecheklel

Christ and palsied man[Kristo me a chitechut el chad]

Christ and the Palsied Man[Kristo me a Chitechut el Chad], mla er a J. Kirk Richards, diak molai a llecheklel

A mla moluut el ebangkelio er a Jesus Kristo a, kot, klou a ultutelel, e diak a ulebengelel, el uchul a deuel reng, klemerang el budech, me a deurreng el mo er a rokui er a chelsel a ikal uriul klebesei. A ikel klengeltengat el omaoch el ngara ebangkelio me a blekokeuii er a Kristo a diak el dil bo er a bebil er a rechad, er a chuodel el taem a lechub chelechal taem.

Meng kede locha diak desal ungil, me a klengit el oridid er Ngii el telkib el taem, eng di a Osobeled a menglou a rengud el kmo ngii a odersii a chimal el mer [kid] er a bek el taem (mesa Jacob 6:4), e sioati er kid el me er Ngii e omelchesiu er a betlkil a Rengul.

Klengeltengat er a Ebangkelio el mo er a Beluulechad Rokir

A ebangkelio er a Jesus Kristo a “mla moluut er a ikal uriul klebesei el mo … olngeseu er a bek el beluu, klauchad, omelekoi, me a rechad el ngar tial beluulechad.”¹ A ebangkelio a mo er a rokui el chad me a chiro ra bedengel a chad el melmuut er a siukang lolsisechakl el kmo a rokui a di uai a Dios(mesa 2 Nephi 26:33).² A Babier er a Mormon a tokubets el sioning el kirel tial klemerang.

Tial rekord a ouchais el kmo a Kristo a melatk el kirel a rokui el beluu (mesa 2 Nephi 29:7) e mo ochotii el mor tirkel rokui loumerang er ngii, … [e mo meruul] a tekoi el chelid, ocholt, me a ongasireng, er a delongelir a rengelekir a rechad (mesa 2 Nephi 26:13). Uldimukl er aikal tekoi el chelid, ocholt, me a ongasireng a sel berkel a ebangkelio. Ma le uaisei, e kede oldurokl er a remisionari el meliuekl er a beluulechad el mo ouchais el kirel tial ungil chais. Kede dirrek louchais er a ebangkelio el mo er tirkel meliuekl er kid. Sel dousbech er a mla moluut el kiis er a priesthood el kirir a rekiei me a re mla mad a oterkeklii el kmo a mui el ebangkelio a mo sebechel el mo er a bek el ngelekel sechal me a redil er a chedam ma chedil e ra babeluades—ra mla memong, chelechal taem, a lechub a ngarmedal taem.

A reng er tial ebangkelio—sel chedul a klemechir a re bek el profet me a apostol el mlokedong el mo er tial lureor—a kmo a Jesus a Kristo e Ngii a mlei el mo omekngeltengat er a rokui el chad. Sel de chedal a Ikelesia er a Jesus Kristo er a Uriul-klebesei el Santo, e kede ouchais el kmo a melngakireng er Ngii a mo er a beluulechad rokir.

Usbechellel a Diak a Ulebengelel el mo Cherechar el Tngakireng

Sel bo kuldingel a beluu meliuekl er a beluulechad, e ak kadecheduch lobengterir a rebek bedengir a rechad er a Ikelesia. Ng soak el mo orrenges er tir sel lolchesuar er a klengeltengat er a Tngakireng er a Jesus Kristo el ngara chelsel a klengar er tir, me sel louchais a ikel mla mo merek el kengterir. Ng meral kleboekl tial omekbeches e mengelaod el Tngakireng er Ngii el blechoel di ngarngii sel bo dousbech er ngii.

“Eng kirel mo er ngii a Tngakireng,” Amulek a melekoi, “le lak a rokui el chad a di mo remiid.” E kid rokui a mo “ruebet e … remiid, … a lak le bor ngii a tngakireng,” el kirel ngarngii “a diak ulebengelel el mo cherechar el tenget.” Mi se a uchul “eng diak el ngii di le ngerang el mo ngesonges er a diak a ulebengelel tngakireng, a mo ungil besul er a kirel a kngtil a beluulechad.” (Alma 34:9, 10, 12).

Ngkel ungil profet el Jacob a dirrek el lusisechakl el kmo “le kodall el mo er a rokui el chad, … ngkirel mo er ngii a klisiich er a okiis er a kodall” meng ngoikid el mo er a rengedel a Dios (2 Nephi 9:6).

Ng kired el mo mesisiich er a klengit me a kodall. Tiang sel mle urerel a Osobel, el Ngii a mle blak a rengul el kudmeklii el kirel a rokui el ngelekel a Dios.

siasing/Llecheklel

Kristo el ngara Gethsemane

Gethsemane, mla er a J. Kirk Richards, ngdiak sebechel melai a llecheklel

Osobeled a mlo Chuarm

Sel mlo ulebongel el kesus er Ngii er tial klengar, a Jesus Kristo a mlo soiseb er sel Sers er a Gethsemane. Ngarsei, e Ngii a mlo outibaruach er a delongelel a kerrekar el olive e mocha ngara dmolech el ringel el kau me a ngak a diak el sebeched el mo medengelii.

Ngarsei, e Ngii a mocha melai a kengtil a beluulechad. Ng mlo omelchesiu a rokui el ringel, chelam el reng, klengiterreng, e Ngii a ultekangel lotekau a rokui el ringel el mla meruul lokiu kau, me ngak, me a rokui el chad el mla kiei er tial beluulechad a lechub e te mo kiei. Tial klou e diak a ulebengelel ringel a uchul me Ngii a mlo mengerderid leng uchul a ringel, e mlo merael a rasech er a bek el belsibs er a bedengel (mesa Doctrine and Covenants 19:18). Ngii a di chimong e sebechel rulii tiang.

Ng dimlak a ngidil chad el sebechel
el mo tonget a klengit.
Ngii a di imol sebechel mo mekengii a chesimer
Er a babeluades e osisebid.3

A Jesus a le ngiluu el mo er a Calvary, el tiang sel kmal mle diak lungil teletael er a reksi er a beluulechad, e le Ngii a mlo mekerus. Ng diak a ngidil chad el sebechel mo nguu ngiil klengar er Ngii. Meng Ditang el Negelekel a Dios el Sechal, Ngii a ngarngii a klisichel mo mesisiich er a kodall er a tech. Ngii a mle sebechel meluluuch el mo er a Demal, me a rebetok el telael reanghel el mei el merrob er tirkel lomekringel er Ngii e mo ochotii a Klisichel el mesisiich er a rokui el tekoi. “Eng mekera a sebechel el motaut a chedaol llechukl,” a Jesus a uleker er sel Temel ra lemotrau , “lolekoi el kmo tia kirel mo ua isei?” (Mateus 26:54).

E leng sel bekongesenges el mo er a Demal—me a cherrungel beltikerreng el mer kid—a Jesus mla er ngii er a rengul el mo odersiii a klengar Ngii e mo kudmeklii sel diak a ulebengelel el mo cherechar melngakireng, el ngii a morsel mla memong el taem el mo lmuut er a ngarmedal taem el mo cherechar.

Osobeled a mo Mesisiich

A Jesus a milsterir a ngerchelir a re Apostol er Ngii el mo meruul a Urerel er a uriul er a Kodellel. Te mekerang e moruul a ikang? A bebil er tir a mle chad er a chei, e dimlak a ta er tir el mla olisechakl er a ikeleisa. Seikid el taem, ea Ikelesia er a Kristo a ua lorael mo nguemed. Eng di a re Apostol a miltik a klisiich el mo outekau a okedongir e ngildechii a reksi er a beluulechad.

Ngera mlo uchul a klisiich el mlo er ngii er a ikal klechitechut? A merredel er a Ikelesia er a Anglican e scholar el Frederic Farrar a dilung: “Ngarngii a tang, e di chimong el sebechel el nger—tia sel okiis er a kodall er a mla mad. A rokui el mla dubech a uchul sel klisichel a Okisel a Kristo er a kodall.”⁴ Me sel sioning er a mla mekiis el Rubak, ea re Apostol a mle medengei el kmo ng diak a ngera el sebechel mo tomer er tia lureor. Tirkel mle sioning a uchul a klisiich se ra uchelel a Ikelesia mlo mesisiich er a rokui tekoi.

Chelechal temel a Baskua, el ngak a ta er a mla moterekokl el sioning er Ngii, e ak kuuchais er sel mle tal klebokel el tutau er a Sandei, el Rubak el Jesus Kristo a milkiis er a kodall el mlo melisiich er kid e mlo mesisiich er a kodall el kirir a rokui el chad. A Jesus Kristo a ngar! Le Ngii a uchul, ea kodall a diak el ulebengeled. A Okiis er a Kodall a sengk er a Kristo el mo er a rokui.

siasing/Llecheklel

Kristo me a Maria Magdalene el ngara debull

Kristo me a Maria el ngara Debull, mla er a Joseph Brickey

Mei er a Kristo

A ebangkelio me a Tngakireng er a Jesus Kristo a mo er a rokui el chad—el ngii a, bek el chad. A dita el rolel a bo dodengelii a mui klengeltengat er a melngakireng er a Osobel a sel derta el chad a kongei er siotai er Ngii: “Mer ngak” (Mateus 11:28).

Kede mer a Kristo sel dousbech a klaumerang er kid er Ngii e ouchel a rengud. Kede mer Ngii sel demetecholb loba ngklel e mo nguu a sengk er a Chedaol Reng. Kede mer Ngii sel doltirkal a llechul, ngmai a chedaol ruoll, mengull a telbiil, oreked a chelsel a rengud a ikel doruul er a chelsel a templo, e kiei el uai a roltirakl er a Kristo.

A le bebil er a taem, e ke mo chemau a sebekreng e mo moalech a rengum. A rengum a metemall el kirem a lechub a tara chad el betik a rengum er ngii. Ke mo kurusii ra berraod el kengterir a rebebil. A chelitechut el omriruul—el locha kmal mekngit—a locha mo rulau el mo medakt el kmo a budech me a deurreng a mla choitau el mo cherechar. Ma le uaisei, bo molbedebek el kmo a Osobel a dimlak el dil chol a berredel a klengit ngbai dirrek el mlo chuarm er a ringel, me a klengiterreng, me a omengesuseu er a rokui tekoi (mesa Alma 7:11), luldimukl er a ilel mo er kau! E le ikel Ngii a mlo chemau el kirem, e Ngii a medengei el kmo ng mekerang e ngosukau sel bom kongei er sel siotai er Ngii el mo ngodechii a klengar el: “Mer ngak.”

Mengemedaol er a Rokui

A Jesus Kristo a kmal milketeklii el kmo a rokui el ngelekel a Chedam er a Babeluades a di osisiu el ngmai a klengetengat er a ebangkelio er Ngii me a Tngakireng. Ngii omeklatk er kid el kmo a rokui a ngmai a techall el di uai a rebebil, e diak a tomer er tir (mesa 2 Nephi 26:28).

A Rubak a olengit ra rokui mel bo er ngii me bol ngai a klungiolel; e ngii a diak lorrob ra ngii di el chad el me er ngii, chedelekelek ma becheleleu, kelebus ma mimokl, sechal ma redil (mesa 2 Nephi 26:33).

“Ngii a ulengit er tir rokui”—el belkul a kmo kid el rokui! Ng diak dolai a diak el meral ngakl me a klekakerous el merkid a lechub a rebebil. Ng diak el kired el melenget er a beltkil a rengul a Osobel a lechub e kede omdasu el kmo kid a lechub a rebebil a diak el sebeched el mo er Ngii. Ngdi uai sel kulekoi er ngii ruchei, “Ng diak el sesbechel a {ngidil chad] el moriou ra bai sel diak a ulebengelel llemesel a Tngakireng er a Kristo.”⁵

Ng bai, sera Sister Holland me a ngak ulsisechakl er a uriul er a sesei el buil ruchei er a le mad, e kid a mla lolekoi er kid el mo ngarngii a bliochel el beltik el reng el ngii a beltik el reng (mesa 2 Nephi 26:30).⁶ Tiang sel beltik el reng el Osobel ulechotii el merkid, e le Ngii diak loruul a ngidil ngereng el ngii a bai di mo klungiolel a beluulechad; ng mle betik a rengul er a beluulechad, e ngii a mlo mad el kirel me bol sebehchel a rechad el mer ngii (mesa 2 Nephi 26:24).

Ak ouchais a klemerang el kmo a ebangkelio me a Tngakieng er a Jesus Kristo a mo er a rokui el chad. Ak meluluuch me kau bom mui er a deuureng lorreked a ikel klengaltengat er Ngii.