Kihte Nguhnum ke Kalweni in Pruhe

Sel Elder Ulisses Soares

Sin U luhn Mwet Sap Singucul Luo

Kuht enenuh kahsruh luhn nguhn in wi kuht ke kuht sramsram nuh sin Pahpah tuhmwacsr Inkuhsrao, mwe insewowo se ahkolah nuh sesr acn nuhkwewa ac pacl nuhkwewa.

Kuht nohfohnna puhla masrinsracl met. Masrinsracllah pa ohiac se mahno uh fahk nuh sesr lah el enenuh mwe kahsruh. Ac ke kuht masrinsracl uh, kuht etuh lah meac kuht enenuh in oruh—mongo.

Oasr inkacnek sahyac ma nguhn lasr uh ahkkahlwemye nuh sesr pacl kuht ac enenuh mwe kahsruh ke nguhn. Tuhsruhk oacna in fihsracsr sesr in sa pihlwesruh masrinsracl in nguhn liki na masrinsracl in mahno.

Oacna ke puhslac kain in mongo ma kuht kuh in kang ke kuht masrinsracl uh, oasr kain in ma kuht kuh in oruh in nwacklah masrinsracl in nguhn lasr uh. Ohinge, kuht kuh in “mongo ke kahs luhn Kraist” (2 Nephi 32:3) ke ma suhmuhslah ac ke kahs luhn mwet pahluh. Kuh kuh in wi alu pacl nuhkwewa ac epeis ke sackramacn (liye Olweacng ac Wuhlweacng 59:9). Kuht kuh in kuhlwacnsuhpuh God ac tuhlihk nahtuhl (liye Mosiah 2:17).

Tuhsruhk oasr pac sie akwuck luhn ahkkweye nguhn ahkoeyucklac nuh sesr pacl nuhkwewa, in moul lasr nohfohn, finne fuhkah muhtwacngwacsr. Kuht kuh in sramsram nuh sin Pahpah Inkuhsrao pacl nuhkwewa ke pruhe.

“Nguhnihk Masrinsrwacl”

Ke mwet pahluh Enos el sruh kosro insack ah, el nuhnkuh ke kahs ma [el] kwacna lohng pahpah tuhmwacl [ah] fahk ke moul ma pahtpaht, ac engan luhn mwet luhlahlfongi.” Kahs inge “tili loal nuh insiuck” (Enos 1:3).

Ke srihpen nguhn tuhkuh nuh in nuhnak lal Enos, el puhla sie enenuh na yohk: “Nguhnihk masrinswacl,” el fahk (Enos 1:4; ahkuhtweyac wowo ituckyang).

Mac Enos el oruh ke el puhla masrinsrwacl in nguhn se inge, mwe enenuh nuhke ahkweye nguhn? “Ac nga sikuck muhtuhnte ye muhtuhn Mwet Oraclah luhk,” el fahk, “ac nga wowoyak nuh sel ke pruhe ac siyuck na yohk ke nguhnihk sifacna” (Enos 1:4).

Arulacna upac masrinsrwacl in nguhn lal Enos suc el pruhe “len fohn se … ac ke fong tuhkuh [el] srackna kolwack [puhsrwacl] nuh lucng suc sun inkuhsrao” (Enos 1:4). Tukun puhlan pacl, God el topuk pruhe lal ah ac nuhnak muhnahs ke ma koluk lal. Enos el puhla ma suhfal lal ah wacngihnlac. Tuhsruhk mwe ahkweye luhn nguhn tiacna sahflah in sac.

El lotwelah ke kuh luhn luhlahlfongi ke Jisus Kraist, ac el okwaclah nguhnal nohfohn ahollah mwet lal nuhkwewa—finne mwet lokwoalok lal. El orek wuhlweacng nuh sin Leum ac liyacacng olwelah tuhkuh Sel. Tukun pruhe fokoko se lal Enos ah, el som nuh inmahsrlon mwet lal luti ac fahkwack ke ma el lohng ac liye. (Liye Enos 1:5.)

Tiac pruhe nuhkwewa fah topukyuck ke ohiac kuht luhngse, tuhsruhk ma kuht puhla ke pruhe kuh pac in oasr kalmac ac ekuhlah moul. Kuht kuh in lotwelah kuhtuh mwe luti yohk srihpac ke ma Enos el puhla ke pruhe. Ke Ma Inge:

Insacnweacng in moulkihn na pwacye wosasuc kuh in kahsrwe kuht in puhla masrinsrwacl in nguhn.
Masrinsrwacl in nguhn lasr kuh ac fah iskuhti in sikuck muhtuhnte yak in suk Pahpah Inkuhsrao ke kahsruh.
Pruhe nuh sin Pahpah Inkuhsrao kuh in kahsruh ahkfalye masrinsrwacl in nguhn lasr uh—ac na kuhtuh pac.
Kuht kuh in pruhe acn nuhkwewa, pacl nuhkwewa.
Pruhe kuh in kahsrwe kuht auliyak.
Pruhe kuh in ahkfokokoye luhlahlfongi lasr ke Jisus Kraist.
Kuht kuh in eis testimoni se lasr sifacna lah Pahpah tuhmacsr Inkuhsrao el lohng kuht ac etwe kuht.
Testimoni ac kuh se ma kuht eis ke pruhe kuh in kahsrwe kuht in kuhlwacnsap ac ahkkweye kuhtuh sahyah.

Puhla luh ke Kuh luhn Pruhe

Oacna Enos, nga lotwoelah kuhtuh sin lesin pacna inge ke puhla luhk sifacna. Ninac Pahpah tuhmuhk ah weacng Alu luhn Jisus Kraist luhn Mwet Luhlahlfongi ke Lwen- Sahflah ke nga tuhlik mukul srihsrihk se,ac nga tuh bacptaislac ke nga yac alkosr matwac. Nga kwacna puhla wo, fucsrfucsr insiuck ke Pahpah tuhmuhk Inkuhsrao ac kacl Jisus Kraist, fohlohkohnwack wosasuc Lal, ac Alu Lal. Tuhsruhk tiac nuhke nga apkuhran in yac singucul ohnkohsr suc nga tuhkuh in pruhe ke pwacye luhn ma inge.

Pisap luhk ah moklweyuck in siyuck ngan luti kuhlahs luhn mwet fuhsr ke Sacnri Skul. Nga tuh oruh ngan luti lesin se ke ohiac fuhkah kuht kuh in ahkyohkye sie testimoni ke wosasuc ke pruhe. Kunohkohn se sin pisap luhk ah oruh ngan lihksrweni nuhnkuh loal ke testimoni luhk sifacna uh. Nga tuh sislah pacl in lutlut ke Puk luhn Mormon ac kwacna puhla muh Alu uh pwacye. Nga luhlahlfongi pacl nuhkwewa ke Mwet Lahngo Jisus Kraist, tuhsruhk nga sonna eis nuh insiuck olwelah lal Moroni konweyuckyak in }Moroni 10:4–5. Nga sonna wi pruhe ke ma pwacye ke wosasuc uh.

Nga esamwack ma nga puhla insiuck lah nga fin ac luti mwet fuhsr inge fuhkah eltahl in ahkkapye testimoni lalos ke pruhe, nga enenuh in pruhe ke sie testimoni ac luhk. Nguhnihk masrinsrwacl—sahp siena ohiac luhkwel Enos, tuhsruhk finne ohinge nga puhla sie enenuh ke nguhn.

Ke nga akolah lesin sac, nga sikuck muhtuhntei ac sang kena luhn insiuck nuh sin Pahpah Inkuhsrao in ahkkweye ma pwacye nga puhla insiuck. Nga tena motko kuhtwena mwe ahkkahlwemye yohk. Tuhsruhk ke nga siuck sin Leum lah pwacye wosasuc uh, oasr puhla na wowo se tuhkuh nuh insiuck—pa puhsra srihsrihk, mihs sac ahkkahlwemye nuh sihk lah el pwacye ac nga enenuh in tahfwelah ma nga oruh ah.

Puhla sac arulacna fokoko suc nga koflah lusrong kihsen siuck sac ac fahk muh nga nihkihn. Nga puhla engan lwen fohn se. Nuhnak luhk ah oasr inkuhsrao nuhnkuh ke ma wolacna nga puhla insiuck.

Sacnri se tok ah, Nga tu met liki tolu kuh ahkosr sin klahsmet luhk, suc nohfohnna fucsr likiyuc. Nga fahkwack luhlahlfongi nuh seltahl lah Pahpah Inkuhsrao Elac fah topuk pruhe lalos fin oasr luhlahlfongi laltahl.

Topuk ke Pruhe lal Elder Soares el eis oacna sie mukul fuhsr lwelah nuh sel in fahkwack luhlahlfongi—oacna sie misineri (lucng), pahpah ac mukul tuhma, ac Mwet Sap—lah Pahpah Inkuhsrao El topuk pruhe sang ke luhlahlfongi.

Ne ingena, testimoni se inge muhta na yuruk. El kahsrweyuc in orek sulaclah, yohkna ke pacl ma upac tuhkuh nuh sihk uh. Pruhe se ke lwen sac, weacng kuhtuh pac witnis nga tuh eis ke yac puhs, use nuh sihk in fahkwack luhlahlfongi nuh sin mwet, ma ahlohloh, lah elos kuh in eis top ke pruhe lalos elos fin pruhe ke luhlahlfongi. Ma pwacye pa inge ke nga fahkwack luhlahlfongi oacna sie misineri, oacna sie mwet kol luhn Alu uh, oacna sie pahpah ac mukul tuhmwac, ac finne mihsenge oacna sie Mwet Sap.

Piyac ac Meac ke ma luhn Pruhe

Ahok, kuht tiac pruhe muhkwena ke kuht puhla sie enenuh yohk ke nguhn. Na, kuht ac pruhe ngac? Ac meac kuht ac pruhe kac uh? Top fototo pa pacl nuhkwewa ac nuhke ma nuhkwewa.

God el Pahpah tuhmwacsr Inkuhsrao. Etuh ma inge ekuhllah ohien pruhe lasr uh. Mwet Pahluh Joseph Smith el luti: “In oasr etuh lasr ke God, kuht muhtwacwacack in etuh lah kuht ac tuhkuh nuh yorol fuhkah, ac in siuck fuhkah oacna ke eis sie top. … Ke kuht ahkolah in tuhkuh nuh Yohrohl, El ahkolah in tuhkuh nuh yohrohsr.”¹

Pahpah Tuhmwacsr Inkuhsrao el ahkolah pacl nuhkwewa in lohng sesr ac kena kuht in pruhe nuh Sel lwen nuhkwewa ac kalweni. Kuht enenuh “in eis kahsruh sin Leum ke orekma [lasr] nuhkwewa” (Alma 37:37) ac pruhe ke lututwacng, infulwen lwen, ac fong. Kuht enenuih in pruhe in lohm sesr, ke orekma ah, ke lutlut ac—acn nuhkwewa kuht oasr we ac fin ma nuhkwewa kuht srihke kuht nuhkac (liye Alma 34:17–26).

Kuht enenuh in pruhe in sucu lasr uh (liye 3 Nephi 18:21). Kuht enenuh in pruhe “ke puhsra ac lun [insiacsr], ke puhplihk ac praifet” (Doctrine and Covenants 81:3). Aok, “ac ke kowos tiacna pruhe nuh sin Leum, lwelah insiowos in nwacnwaclah, in sikalweni na in pruhe nuh Sel pacl nuhkwewa nuh ke ohiyac wo [lowos], ac oacyacpac nuh ke ohiyac wo lalos suc [aunikowoslac]” (Alma 34:27). Ac kuht in pruhe pacl nuhkwewa nuh sin Pahpah ke inen Jisus Kraist (liye 3 Nephi 18:19–20).

lustration of Joseph Smith by Walter Rane, may not be copied

Tuhkuh Nuh Yurin Pahpah Tuhmwacsr Inkuhsrao

Pahpah Tuhmwacsr Inkuhsrao el ke ahkinsewowo ye kuht. Ac El fah—kuht fin siyuck. Mwet Pahluh Joseph Smith el luti, “Esam lah fin tiac siyuck wacngihn ma kuht ac eis; ohinge, siyuck wi luhlahlfongi, na kom fah eis mwe insewowo suc God El liye muh fal in sot nuh sum.”²

Pruhe lasr pacl nuhkwewa ac kalweni in pruhe pa sie ma yohk srihpac ke mongo wowo luhn nguhn nuhke masrinsrwacl lasr uh. Sramsram nuh sin Pahpah Inkuhsrao ke pruhe oasr ac sukohsohk acn nuhkwewa ac pacl nuhkwewa.

Sie ma suhmuhslah sacohk luhk luti ke kuht tuhkuh nuh sin Pahpah Inkuhsrao ke kuht sikuck muhtuhntei in pruhe: “Kom in puhsisacl; ac Leum God lom fah pwen kom ke pahol, ac usot top nuhke pruhe lom” (liye Doctrine and Covenants 112:10). Ke kuht puhsisacl ac ahkosten, Pahpah Inkuhsrao elac fah wi kuht. Elac fah sruokyac pahosr ac pwen kuht. Elac fah moklwe kuht lah kuht ac som nuh yac ac mac kuht ac oruh. Elac fah topuk pruhe lasr uh fal nuhke luhngse Lal, inkacnek, pacl, ac etuh na pwacye lah meac wo nuh sesr.

Kuht enenuh in esam ma inge ac kaksakihn pacl wowo in tuhkuh nuhke tron luhn God ac eis mwe insewowo ke Pahol.

© 2024 sin Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac nuh ke English: 6/19. Ahkkweyeyucklac ke lweng: 6/19. Lwenglah luhn Monthly Liahona Message, April 2024. Language. 19283 868