Momekeek er a Rengum Lokiu a Nglunguuch

Mla er a Elder Ulisses Soares

Er a Chelechad er a Teruich me a Terung el Apostol

Kede ousbech chedaol olisiich er a cheldecheduch lobengkel a Demad er a Babeluades, el ngii a klengeltengat el kired er a ngii di el ker el diak el ngemed.

Kede rokui el mla melchesuar a klengerenger. A klengerenger a olchotel a kmo a bedenged ousbech a cheiio. E sel desengerenger, e kede medengei el kmo ng kired el mekerang—mo omengur.

A rengud a dirrek el ngarngii a rolel e ngouchais er kid el kmo ng ousbech a chedaol olisiich. Ng di ng uaia le beot er kid lochib osenged er a chedaol klengerenger er a klengerenger er a bedenged.

Ng uaisei el betok el bedengel a kall a sebeched el mengang sel desengerenger, e dirrek el ngarngii a betok el teletael el sebeched el meruul kirel a klengerenger er a reng. Okesiul tiang, ng sebeched el mesuub a tekingel a Kristo (2 Nephi 32:3) el ngara chedaol llechukl me a tekingir a reprofet. Ng sebeched el blechoel ngara ikelesia e melai er a sakrament (mesa Doctrine and Covenants 59:9). Ng sebeched el mesiou er a Dios me a Rengelekel (mesa Mosiah 2:17).

E dirrek el ngarngii a tara uchul chedaol olisiich el kired er a ngii di el taem, bek el sils er a klengar kid, el diak el iior er a teletael er a klengar el deseluk er a chelsel. Ng sebeched el blechoel mengedecheduch lobengkel a Chedam er a Babeluades lokiu a nglunguuch.

“A Renguk a Songerenger”

A profet Enos er a lomalech a charm er a chereomel, eng millebedebek a tekoi el blechoel lorrenges er a demal melekoi el kirel a diak a ulebengelel klengar, me a deureng er a resanto. Aika el tekoi a kmal milsechedekl er a chelsel a rengul (Enos 1:3).

A Enos el mla er tiaikid el chedaol teletael er a uldasou, a ulemelchesiu er a mesisiich el reng: “A renguk a ulsengerenger,” ng millekoi a (Enos 1:4; smisichii a belkul).

Me a Enos ng milkerang er a lomelchesiu er a klengerenger er a chedaol tekoi, tial usbechellel a chedaol cheiio? Ak mlo outubaruach er medal a Ulemeob er ngak, e lilangel el mo er ngii loba mesisiich el nglunguuch el kirel a renguk (Enos 1:4).

Ng kmal mle mesisiich a klengerngerel a Enos er a chedaol tekoi me ng milluluuch el tal sils … me a bocha lekebesengei eng dirk meluluuch el bedul babeluades (Enos 1:4). A Dios, a ulenger a nglunguchel e ulsubes a kngtil. A Enos a ulemelchesiu a kngtil el mlo diak. Eng di a chedaol olisiich el ngii a ulusbech a dimlak di le blo er sei e lemerekong.

Ng silubii a klisichel a klaumera er a Jesus Kristo, e uldersii a rengul rokir el kirir a rechedal—luldimukl er a recherreuel. Ng siliseb er a telbiil lobengkel a Rubak e ngilai a yaksok er Ngii. Uriul er a mesisiich el nglunguchel a Enos, eng mlo merael lomlaoch e sioning el kirel a tekoi el bla renges e mes. (Mesa Enos 1:5–19.)

Ng diak el bek el nglunguuch a monger tiaikid el teletael, eng di a nglunguched a sebechel meklou a belkul e ngmodech a klengar. Ng sebeched el suub a meklou a belkul suobel er a teletael er a nglunguuch el mla er a Enos. Okesiul tiang:

Sel dolasm el mo mui loltirakl er a ebangkelio a sebechel ngosukid el kirel a klengerngered er a chedaol tekoi.
A klengerngered er a chedaol tekoi a sebechel e kirel rullid el mo ngara nglunguuch losiik a ngesou er a Chedam er a Babeluades.
A nglunguuch e mo er a Chedam er a Babeluades a sebechel ngosukid er a klengerngered er a chedaol tekoi—me a lmuut el bebil.
Ng sebeched el meluluuch er a ngii di el ker, er a ngii di el taem.
A nglunguuch a sebechel ngosukid el mo ouchel a rengud.
A nglunguuch a sebechel smisichii a klaumera er kid er a Jesus Kristo.
Ng sebeched el nguu a sioning el kmo a Demad er a Babeluades a rongesid e medengelkid.
A klaumerang me a olisiich el dengai lokiu a nglunguuch a sebechel ngosukid el mo mesiou e melisiich er a rebebil.

Teletael Dilubech el Mei er Ngak lokiu a Klisichel a Nglunguuch

Ak uaia Enos, el siluub a bebil er a ikal suobel er a teletael dilubech el mei er ngak. A rechad er a blik a mlo chedal a Ikelesia er a Jeusus Kristo er a Uriul-klebeseei el Santo er a dirk kekerei el buik, me ak miltecholb er a leai a rekik. Ak dimla omelchesiu er a ungil, e mekekeald el reng er a renguk el kirel a Demak er a Babeluades me a Jesus Kristo, me a mla moluut el ebangkelio er Ngii, me a Ikelesia er Ngii. Eng di sera bocha le teruich me a elolem a rekik e ngak a milluluuch el kirel a klemerang er a ikal tekoi.

A bisop er ngak a ulelengit me bo kulisechakl er a Sandei Skuul er a rengeasek. Ng mle kirek el mo olisechakl er a suobel el kirel a kmo ng mekera bol ngarngii a klaumera er kid lokiu a nglunguuch. Tial ngerachel el mla er a bisop a rirelak el mo dmolech omeletkek el kirel a klaumera er ngak. Ak mla menguiu er a Babier er a Mormon e mle medengei el kmo a Ikelesia a klemerang. Ak dimla oumerang er a Osobel Jesus Kristo, eng di dirkak kumtab er a renguk a yaksok er a Moroni el ngara Moroni 10:4–5. Ng dirkak a ta me kululuuch el kirel a klemerang er a ebangkelio.

Ak lotkii er a kumelchesiu er a renguk a mo olisechakl er tirkal ngeasek el kirel a kmo ng mekera denguu a klemrang er a nglunguuch, eng kirek el meluluuch el kirel a klaumera er ngak. A renguk a ulsengereng—locha kuk ngodech er sel le bla er ngii a Enos, eng di ak mlo omelchesiu a usbechellel chedaol tekoi.

Sera kungedmokl er a suobel, e ak mlo outubaruach e uldersii a renguk el mo er a Chedam er a Babeluades lolterekokl er a klemerang el kulmelchesiu er ngii. Ng dimlak kulatk el kirel a klou el mengasireng el tekoi el duubech. Eng di sera kuker er a Rubak el kmo a ebangkelio ng klemrang, eak mlo omelchesiu er a ungil reng er a renguks—el chelellakl, e kekerei el ngor loterkeklii er ngak el kmo ng klemerang e kirek el melemolem el meruul aikel kuruul.

Ng mle mesisiich a kulmelchesiu er ngii meng diak el sebechek el kmo ng diak kudengei. Ng tal sils lungil a renguk er tiaikid el sils. AK millatk el bedul babeluades lomdasou er tial klebokel tekoi kumelchesiu er ngii er a renguk.

A bocha le Sandei, eak mlo dechor mederir tirkal tedei a lechub e te teua el ki mdak el ngara klas, el mle mekekerei er ngak. A kuluchais er tir el kmo a Chedam er a Babeluades a mo onger a nglunguchir a lsekum a ngarngii a klaumera er tir.

A nger er a nglunguuch le ngiluu a Elder Soares er a lengeasek a rirelii el—ouchais er a ebangkelio el misionari (ngarbab), chedam e bechiil chad, e Apostol—el kmo a Chedam er a Babeluades onger a nglunguuch el ngara klaumerang.

Seikid el mei, e tial klaumerang a melemolem el ngar ngak. Ng mla sobecheklak er a ikel kulilt el tekoi, oumesingd aikel taem el kchelbangel a ringel. Tial nglunguuch er sel sils, me a lmuut el bebil er a sioning el blak ngai er a ikal mereko el rak, a mla rullak el mo ouchais er a rechad, loba mesisiich el klaumerang, el kmo ng sebechir el ngmai a nger er a Cheadam er a Babeluades alsekum e te meluluuch lultuil er a klaumerang. Tia kmal klemerang sel kumerk el misionary, mengeteklel a Ikelesia, e chedam e buch, me a chelechal sils el Apostol.

Oingerang e Ngerang er a Nglunguuch

Ng uaisei, el diak di doluluuch sel domelchesiu er a mesisiich el usbechellel chedaol tekoi. Meng, oingera e kede meluluuch? E ngera kede meluluuch el kirel? A kedeb el nger a kmo ngii di el taem me a ngii di el ngerang.

A Dios a Demad er a Babeluades. Sel dodengelii tiang e ngodechii a teletelel a nglunguched. A Profet Joseph Smith a ulisechakl: Sel ngarngii a klemedengei er kid er a Dios, eng sebeched lomuchel mo medengei el kmo ng mekera dongedecheduch er Ngii, e mekera doker mel sebeched el ngmai a nger. … Sel bo de kldmokl el mo er Ngii, e Ngii a kldmokl el mei er kid.¹

A Demad er a Babeluades a di blechoel kldmokl lorrenges er kid e soal a deblechoel meluluuch el mo er Ngii. Ng kired el blechoel lolterekokl er kid er a Rubak er a ikel rokui el doruul (Alma 37:37) e meluluuch a letutau, suelb, me a lekebesengei. Ng kired el meluluuch er a rekeblid, ureor, me a skuul—ngii di el ker el dengarngii me a rokui el tekoi el doruul (mesa Alma 34:17–26).

Ng kired el meluluuch el telungalek (mesa 3 Nephi 18:21). Ng kired el meluluuch el klou a ngered e dirrek el meluluuch er a rengud, me a buai me a deberrotel (Doctrine and Covenants 81:3). Ea kuk lak el sebechel klou a ngered el meluluuch el mo er a Rubak, eng di a rengud bol modars lokiu a nglunguuch el mo er ngii el kirel a klengar kid, me a klengar tirkel ngara bita er kid (Alma 34:27). Ng kired el meluluuch el mo er a Chedam el ngara ngklel a Jesus Kristo (mesa 3 Nephi 18:19–20).

Siasing er a Joseph Smith el mla er a Walter Rane, diak molai er a lecheklel.

Omengedecheduch el mo er a Demad er a Babeluades

A Demad er a Babeluades a soal lomekngeltengat er kid. E mo omekngeltengat er kid—alsekum kede olengit er ngii. A Profet Joseph Smith a ulisechakl: Molatk el kmo a lak molengit eng diak a ngera el mngai; a leuaisei, e molengit loba klaumerang, me bom ngai a klengeltengat el Dios olab el kirem. ²

A blechoel e mekdekudem el nglunguuch a klou a ultutelel kirel a tabesul chedaol olisiich er a reng. A cheldecheduch lobengkel a Chedam er a Babeluades lokiu a nglunguuch a di blechoel ngarngii er a ngii di el ker.

A tara kmal soak el bades er a chedaol llechukl olisechakl el kmo ng mekera dongedecheduch er a Chedam er a Babeluades sel bo doutubaruach e doluluuch: Moba ngariou el reng; e a Rubak el Dios er kau a mo oekrael er kau, e onger a nglunguchem (Doctrine and Covenants 112:10). Sel doba ngariou el reng e doltirakl, e a Chedam er a Babeluades a mo obengked. Ngii a mo omekrael er kid. Ngii a mo omekellomes er kid er sel kired el mo er ngii me a kired el meruul. Ngii a mo onger a nglunguched loltirakl er a Soal, temel, loba mui el klemedengei el kmo ngera ungil kired.

Ng kired el melbedebek er tiang e mengeluolou a techall er a nglunguuch el mo er a Dios me a klengeltengat el dengai er Ngii.

© 2024 mal er a Intellectual Reserve, Inc.Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel a {Monthly Liahona Message, April 2024. Language. 19283 881