“Nuku non Kraist me mwen Epwe Niwin Sefan,” Ren ewe Pochokunen Serafo, Apr. 2024.
Iteiten maram Ren ewe Pochokunen SarafoPorous, April 2024
Nuku non Kraist me mwen Epwe Niwin Sefan
Ekkewe Chon Nifai ra nuku me mwen an ewe Chon Amanau feito, me sia tongeni nuku me mwen Epwe niwin sefan.
En mi mwo kan ekieki ika epwe ifa usun om kopwe nuku non ewe Chon Amanau me mwen Epwe feito ngeni fonufan? Ekkewe chon Nifai me nom rafen fori ena—“neneno mwer ngeni ewe Mesaia, me nuku non i an epwe feito usun afen me akomwan” (Jarom 1:11).
Ikenai, mi wor nouch pukefel me puken uruo mine a pwarata pwe Jises Kraist mi manau, mano, me manau sefan. Sia nuku non ewe Chon Amanau mine afen feito. Nge sia pwan nuku non ewe Chon Amanau epwe feito sefan.
Me mwen an Jises Krasit niwinsefan, ekkewe chon Nifai rafen nuku:
Ren omusomusen ar tipis.
“Ion mi nuku pwe Kraist epwe feito, ir repwe pwan tongeni angei omusomusen ar tipis, me repwe tongeni pwapwa ren ewe pwapwa mi fokkun napanap, usun ita afen feito neir” (Mosaia 3:13; pacheta auchean).
Omusereno.
“Me eu mongungu ngeniei, a apasa: Enos, om kewe tipis a musono sonuk, iwe kopwe feioch. Iwe nengeni, ai kewe chourek ra suseniei. Iwe ua apasa: Samon, ifa usun a fis? Iwe a apasa ngeniei: Pokiten om nuku non Kraist, ewe kesamo rongorong usun akkom are kuna. Iwe mwirin fitu ier me mwan i epwe pwarano inisin non pekin futuk; … om nuku epwe enimenimochukono” (Enos 1:5–8; apachata auchean).
Fori manaman.
“Sia sinei usun Kraist, me sia epinukunuk pwe ning non ekkewe ier me mwen epwe feito. … Naponon sia tongeni fori annuku non iten Jises me meinisin ira repwe ausening ngeni kich, ika ekkewe chuk, ika ekkewe no won sat” (Jacob 4:4, 6; apachata auchean).
Angei pwarata.
“Iwe mi fen wor chommong ekkewe ar nuku mi fokkun pochokun, pwan mwo mwen an Kraist feito, ekkewe rese tongeni epet seni non ewe pwonupwon, nge ra ennetin kuna ren meser” (Ether 12:19; apachata auchea).
Mwen Jises Kraist Epwe Feitosefan, Sipwe Pwan Nuku:
Sipwe musono, omusakicheno, fori manaman, me angei pwarata (usun ekkewe Chon Nifai).
Amonakicheta ngeni An feito.
Nupwen sipwe achocho nikitu ne aponueta ach kewe pwon, sia amoneta ach sipwe nom non ewe muun celestial. “Pun nengeni, ei manau iei ewe fansoun an aramas repwe amoneta ar repwe churi Kot; ewer, nengeni ei manau ina ewe ran an aramas repwe fori ar kewe angang.” (Alma 34:32).
Amonata ewe fonufan mwen An feito.
sia fen ketiw seni ewe Preseten Russell M. Nelson ach sipwe fiti “ei waten angang won fonufan”—ewe ochufengenin Israel. “Semach won Nang afen angang ngeni chomong me nein Noun kewe ngun—ren ena, upwe pwan apasa, An ewe kumi mi pochokun—ren ei saingon kinikin. Ekena ngun mi tipetekison—ekena chon urumwot mi sinenap, ekena—iween!”1
Ra epinukunuk non fansoun weires.
Nupwen ewe Chon Amanau epwe feitosefan, ekkewe mi nukuchar repwe aani kinamwe. Ewe Chon Amanau epwe ning, me kokotongaw epwe punguno. “Pwe ewe Samon epwe non nukanapan, me an ning epwe pwano ngenir, me epwe nour king me nour chon kapung” (Doctrine and Covenants 45:59).
Nuku non ewe Manau Sefan
Meinisin aramas repwe manausefan. Sipwe fokkun unusoch, sisap chiwen mano. Sia pwan tongeni kuna sefan ach famini mine rafen mano. “Ewe ngun me ewe aion repwe chufengensefan non unusochun napanapan; paw me peche me nekafon chuu repwe niwin ngeni wesewesen napanapen inis, usuch otun ei fansoun” (Alma 11:43).
Ekkewe chon Nifai me nom ra nuku non ewe Chon Amanu mwen An feito. Sia tongeni nuku pwe ewe Chon Amanau epwe feito sefan—nupwen “[sipwe] kuna [I] non ewe kuchu fan nang, a ureno ren manaman me ning napanap” (Doctrine and Covenants 45:44; nengeni pwan Acts 1:11). Ifa usun om sinei pwe Epwe feito sefan a siwini met ita kopwe fori ikenai?
© 2024 seni Intellectual Reserve, Inc.Meinisin pung mi kawor. A för non USA. Kapungunon non fosun Merika: 6/19. Kapungunon chiakun: 6/19. Chiaku ren Porousen Iteiten Maram Ren ewe Pochokunen Serafo, April 2024.Language.19353 901