Binulan a Mensahe iti Para iti Pigsa dagiti Agtutubo , Mayo 2024
Dagiti Katulagan ken Pagrebbengan
Dagiti Adaw
Pilipinas
Ti katulagan ket maysa a panagkumit iti pannakaipatungpal dagiti masinunuo a pagrebbengan. Dagiti personal a panagkumit ket kasapulan iti panangkontrol iti indibidual a biagtayo ken iti panagtrabaho ti kagimongan. …
Idi dimteng ti panawen ti Pannakaisubli ti pakabuklan ti ebanghelio ni Jesucristo, nangawag ti Dios iti maysa a propeta, ni Joseph Smith. … [Ti Libro ni Mormon] ti kangrunaan a pagtaudan ti Pannakaisubli para iti pakabuklan ti ebanghelio, agraman ti plano ti Dios para kadagiti annakna, ken napno ti Libro ni Mormon kadagiti reperensia kadagiti katulagan. …
Dagiti katulagan ti pundasion iti Pannakaisubli ti ebanghelio. Nabatad daytoy kadagiti kaunaan nga addang nga imbilin ti Apo iti Propeta nga aramidenna iti panangorganisa iti Simbaanna. …
Ti Simbaan ni Jesucristo dagiti Santo iti Ud-udina nga Aldaw ket agipatpatakder kadagiti templo iti amin nga intero ti lubong. Panggepda a bendisionan dagiti natulagan nga annak ti Dios babaen ti panagdayaw iti templo ken babaen kadagiti sagrado a pagrebbengan ken pannakabalin ken naidumduma a bendision ti pannakaibegkes ken Cristo nga awatenda babaen ti katulagan.
Maam-ammo ti Simbaan ni Jesucristo kas maysa a simbaan a mangyunay-unay iti panagaramid kadagiti katulagan iti Dios. Naisigud dagiti katulagan iti tunggal maysa kadagiti ordinansa ti pannakaisalakan ken pannakaitan-ok nga imatonan daytoy naisubli a Simbaan. Ti ordinansa ti panagbuniag ken dagiti nainaig a katulagan ket kasapulan iti iseserrek iti celestial a pagarian. Dagiti ordinansa ken nainaig a katulagan ti templo ket kasapulan para iti pannakaitan-ok iti celestial a pagarian, a daytoy ti agnanayon a biag, “ti kaindaklan ti amin kadagiti sagut ti Dios” [Doktrina ken Katulagan 14:7]. Dayta ti pokus ti Ti Simbaan ni Jesucristo dagiti Santo iti Ud-udina nga Aldaw.
© 2024 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, May 2024. Ilokano. 19298 864