Kede Mla Mokedong el mo Meruul a Ungil

Mla er a Elder Ronald A. Rasband

Er a Chelechad er a Teruich me a terung el Apostol

siasing/Llecheklel

Elder Ronald A. Rasband

Kede meleketek er a rengedel a Dios sel dosiou er a rebebil, lochotii a llomes el dobang, e dechor el kirel a iilmokl el klechelid.

A Gideon a mle medengelii a blulak el osisechakl er a rengesii. Ng mla rongesii er a King Noah me a re prist er ngii—tir el prist el “mekedidai a rengrir” e “mesaik el sorir a rechad a losiou er tir, e mengull a bleob el chaus, me a mekngit el blekerdelir, el rechedla a Noah a mesiou er tir lokiu a tax el harau” (Mosiah 11:5–6).

E sel kmal mekngit er ngii, a KIng Noah a mla sosebii a profet Abinadi el mekodir e ulsiik lomekeuad er a Alma ma rechedal mla obult (mesa Mosiah 17; 18:33–34). Mesel mlo uchul a terbengel tial mekngit el teletael, e a Gideon a tilbir elmo torbengii a king, eng di mlo diak le re Lamanites a merema oumekemad (mesa Mosiah 19:4–8).

Uriul, e a Gideon a ultelechakl ra reprist ra Noah el kmong tir a ngiltiterir tirkel lluich me a teuang el redil ngelekir a re Lamanites. Ng mlo medengei el uase a ulaoch el dilii a Abinadi a mla tmaut leng dimlak el sorir el mo ouchel a rengrir. (Mesa Mosiah 20:17–22.) Ngulngeseu el sobecheklterir a rechedal a Limhi, el mlara ringel er a re Lamanites (mesa Mosiah 22:3–9).

E klunga el chad, e a Gideon a luueta el mesa kldidai el reng me a mekngit lomeruul er medal a Nehor, el mla olisechakl er a rechad a olai. A Nehor a “milemall er a ikelesia” e melasm el mengesuseu er a rechad. (Mesa Alma 1:3, 7, 12; dirrek el mesa 2 Nephi 26:29.)

Me ngulusbech a tekingel a Dios el dongu e rngii, e a Gideon a ulemeklatk er a Nehor a mekngit lomerellel. Ng mlo kesib a rengul, a Nehor e odelcheklii e mekodir a Gideon. (Mesa Alma 1:7–9.) Tiaikid a mlo ulebengelel a sils er a “melemalt el chad” el ngii a “mla meruul a betok lungil el mora rechad” (Alma 1:13).

Chelechal taem el dekiei er ngii a meskid a betok el techall el mo uaia Gideon “el mo dongu er a chimal a Dios” (Alma 1:8) el mo “mesiou” (Mosiah 22:4) ra rebebil, e mesebechakl ra llemalt, e oldngakl a ultok er a iilmokl el mengull e mesiou er a Dios. Sel doltirakl er a okesiu ra Gideon, eng betok el ungil a deruul.

siasing/Llecheklel

redil dechor bitar ra redil mechiuaiu loba blatong el kall

Dmak el ngara Omesiou

“Kid el oltirakl [ra Osobel], a osiik el mo oubeltikelreng ra Dios ma retonari er kid ra beluulechad el rokir,” te millekoi a First Presidency. “A Ikelesia er a Jesus Kristo er a Uriul-klebesei el Santo a semeriar elmo omekngeltengat e olngeseu er a remechebuul. Kede ngeltengat lolab a duch, klekedall, e oureor lobengterir a rebebil a cheldebechel el mengedmokl er tial chedaol ngerachel.”

AK mereng a saul ra omesiou ma odingel ra rechedal a Ikelesia ra chelsel a templo ma ward, branch, ma stake er kid. Ak dirrek elmereng a saul ra rechedal a Ikelesia el mesiou a betok el basio, skuul, ma chelechad lolngeseu el tir oureor el mesiou ra bek el rak el chemoit a betok el temir ra chelsel a kmeed el erul dart el beluu ma basio.

A tara rolel e a Ikelesia a omerk ra techall el mesiou ra bebil ra beluu a okiu a JustServe.org. Ngokiu a Ikelesia eng di mora ngii dil chad el soal lomekngeltengat er a rebebil, ea JustServe.org “a omak ra rechad ra beluu el mora rolngeseu” el tir “melisiich a teletael ra klengar ra beluu.”

A Ikelesia ma rechedal a dmak loureor lobengkel a bebil ra chelechad ra beluulechad el rokir. A Ikelesia, a mereng a sulir a rechedal, el ngii a “mle kot el klou lolngeseu ra Red Cross el kirel a ngesou ra usbechellel a rasech er sera 2022.” Osisiu, a Ikelesia a dirk uldersii a $8.7 milion ludoud el ngesou el mora Red Cross.

A Ikelesia dirrek el teloi ra bebil ra chelechad e oldars a ralm ma bebil ra klekedall el mora bebil ra basio er a beluulechad. Sera 2022, ea Ikelesia a rirull a 156 el project. Kede dirrek lolngeseu e oldars a ngesou el mora bebil ra chelechad el tir olngeseu ra rechebuul ngelekel a Dios.

“Sel bodedak e dosiou ra remechebuul chad,” ng millekoi a President Henry B. Eyring, Ongeru el Counselor er a First Presidency, “ea Rubak a mo oldak a rengud.”

siasing/Llecheklel

chim lobengkel a dichel a sils

Modersii a Llomes el Mobang

Me kid loltirakl ra Osobel, a dirrek lomekngeltengat er a rodam er kid sel doltirakl a telbiil ma okesiu ra Kristo. A Babier ra Mormon olisechakl el kmo “a rechedal a ikelesia” a diak di lolilt ra llemalt te dirrek el melekoi a llemalt alsekum eng sorir a Ruabk a bo lomecheliu e losebechakl er tir (mesa Alma 2:3–7; dirrek el mesa Mosiah 29:27). A Rubak a mengerchir kid el mo omerk ra klaumerang ma klemerang e odersii a llomes el dobang. “Le ngak a llomes el kiriru lochotii” (3 Nephi 18:24).

“Ng diak dungil mesiou ra Osobel alskeum e kede medakt ra chad e diak demedakt ra Dios,” ng millekoi a President Dallin H. Oaks, Kot el Counselor er a First Presidency. Ng millemolem el kmo, “Kid a mla mokedong el mo chotii a teletelel a Rubak, e diak doltirakl ra teletael ra beluulechad.”

A dengara skuul, oureor, a lechub omilil, vacation, date, a lechub a online, e a rechedal a Rubak a diak el “merur el nguu a ngklel a Kristo” (Alma 46:21). Ngokiu omelkinged ma omerelled, e kede sioning el uase a Dios a ngar e kid oltirakl er a Ngelekel.

“Ng diak el telaod a klaumera er kid, e diak el kirel uaisei. A klaumerang a diak di el bora ikelesia, a lechub el di el bora blai, diak el di el bora [skuul],” ng millekoi a Paul Lambert, el semmong er a klechelid ra Uriul-klebesei el Santo. “Ng rokui el tekoi el moruul.”

Ng diak dodengelii sel klugiolel a klaumera er kid, ungil blekerdeled, ma ungil omerelled elmora rebebil. Eng di sel dedechor el kirel a ungil e dodersii a llomes ra Osobel, e a rechad a mo medengelkid e kid a delalm ra babeluades.

siasing/Llecheklel

redil dechor ra iikrel a templo

Dechor el Kirel a Ilmokl ra Klechelid

A klechelid er elchal sils, el kmal klungang a subelel a klechad el oltuub er a rechad ma klaumerang er tir, a diak el sal kakerous er sel taem ra Book of Mormon. A ngerir tirkel oltuub a tekoi er a klechelid er a buai ma balatiks a di merael mo klou. A subelel a klechad ma kabelment, uldimukl er a skuul ma daingak, a melemolm a teletael er a deleboes, diak loumerang ra Dios, ma tekoi er a bleuulechad.

A uldikel ra ilmokl klechelid a sebchel mo kats alsekum ng diak bode dechor kirel a llemelted er a klechelid. Ak dirk ulisechakl kmo “sel dechedal a Ikelesia,” e “kede mo obengterir a bebil er a klechelid el mengesebechakl er a rechad er a rokui el klechelid e omult a reng me a llemeltir el mo melekoi a ikel loumerang.”

A mekemad er a babeluades a mle kirel a—llemelted el melilt. Ng kired el melemolm el mesebechakl er a llemelted meng di ngarngii a ilmokl el klechelid.

A ungil klaumerang er a klechelid a melisiich e mesebechakl a telungalek, rechad er a buai, me a beluu. Ng okiu a oltirakl a llach, omengull a klengar ma klalou, e olisechakl a tekoi er a beltik el reng, klemerang, me a llemalt—aikang a teletael el uchul meng ngarngii a ilmokl, tabesul ma melemalt el beluu. Ng diak el kired el olngit a klausubes el kirel a klaumerang er kid.

A re misionari, ma templo, me a okedecherul a rengedel er a Dios, ma deurreng a ultuil er kid el mo mesebechakl a ilmokl klechelid. Ng sebchel mo diak a bebil er a ilmokl el teletael sel bolak a ilmokl klechelid.

A Profet Joseph Smith ulisechakl, ”Ng beltik el reng el kirel a iilmokl a meklemesii a renguk—er a tekoi er a buai me a iilmokl el klechelid el mo er a rokui el chad.” A ilmokl el klechelid a meklemesid ma rengud el mo oltirakl a tekingir ar merredel er a Ikelesia:

“Bom blechoel medengei a chais er a buai e bo mongedecheduch loba klisiich ma ungil teletael.”
“Bo modengei el kmo sel dikeang a ilmokl el klechelid eng tomall a techeled el mo melisiich a klaumedngei el kirel a ebangkelio, ma klengeltengat er a chedaol ruoll, me a otireklel a Rubak el kirel a Ikelesia er Ngii.”
“Bom dechor em du a Dios a chad e ngarngii a klemerang raikal Llechul.”
“Bom molasem a llach el sebched torbengii tial llemelted el kirel a klaumerang er kid.”
“Bora beluulechad e moruul a ungil, le borngii a klaumerang er kau er a Dios, e olngeseu lomekrael er a rechad el mora ungil beluu.”
Mosuub a bebil er a religiousfreedom.ChurchofJesusChrist.org and at religiousfreedomlibrary.org/documents.

Kede olngeseu er a rengedel a Dios sel dosiou, obang a llemesed, e dechor el kirel a ilmokl el klechelid. A kulengit ma Rubak lomekngeltengat er kid ma urered el meruul a “ungil” ra telungalk er kid, rechad ra buai, ma beluu.

© 2024 mal er a Intellectual Reserve, Inc.Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, June 2024. Palauan. 19347 881