Kan Piningdad ningad Rin’ed e Tin nib Mangil

Keb rok Elder Ronald A. Rasband

Ko fare Ulung ko fare Ragag nge L’agruwi Apostle

Gadra toey tofean Somoel ni fan gadra ayuweg e gubin, migadad be dag gelngin e tomilang rodad, migadad sak’iy ko fal’ngin e taliw rodad.

Gideon e minang e tin nib da’ani riyul’ e machib napan ni rung’ag mornga’agen. Ii rung’ag rok so’omon ko fare pilung ni fithgan Noah nge fapi priests rok—priests “ni piʼin ni kar nʼufed yaed ngalang ko ufʼuf u gumʼirchaʼraed.” nge bochiyad ni “ma aray rogon ni kan yuʼ nag e gabin ngoraed nga fithikʼ e malmal roraed, nge liyoer roraed ko liyos, nge pi ngongol roraed nib galong, u dakean e tax ni ke dugliy fare pilung i Noah nga dakean e gidiiʼ rokʼ,” (Mosiah 11:5–6).

Mari tagan ni, Noah ni pilung e yoeg ko gidi’en ningan lii’ fare profet Abinadi nge yim’ me ii gagiyog rogon ninge rin’ ta’aborgon ngak Alma nge pii ma’ag ni michegnag (muguy u Mosiah 17; 18:33–34). Napan ningan gathay e tiney e ngonglan e kireb, ma Gideon e ii micheg ninge tilag e pilung, machane ii pag nge yan da’ani lii’ ni bochan e Lamanites ni yib ko cham (muguy u Mosiah 19:4–8).

Ta’abochriy, e Gideon e nang ninge blame nag fapi priests ku Noah niyad e ra i riliiq nge aningeg fa’ ulung ii pin nipifak e Lamanite. Nang ni fapi machib ni tay Abinadi e ke yib nib riyul’ napan ni girdi’ e tal ko kalngan’uy. (Muguy Mosiah 20:17–22.) Ayuweg gidi’en Limhi, napan ni yad bay u kalbus miyad mil rok fapi Lamanites (muguy Mosiah 22:3–9).

Chiney nike labthir, ma Gideon e ii sak’iy biyay nga po’owchan Nehor nge welthin ngak napan nibe weliy mornga’agen e toelngan’ nge tin tagan, ma be dag ngonglan e gam’ing ni fal’ngak ko girdii’. Nehor e be “tel nga buut’ gelngin e galasia” ma be pow’iy e gidii’ nga bang. (Muguy u Alma 1:3, 7, 12; Ma keg be guy u 2 Nephi 26:29.)

Napan ni i use nag e thin ku Got ni fan ko mal rok, ma Gideon nib gel bugngin rok e yog ni tilaeg Nehor nge tagan rok nibe tay. Me alan’ nib gel, me Nehor e cham nge lii’ Gideon ko sayden rok. (Muguy u Alma 1:7–9.) Me ma’ay e rran ko “beeʼ nib moʼon nib matʼaw, ” nike “yoʼor banʼen nib mangil ni ke rinʼ u fithikʼ e pi gidiiʼ ney” (Alma 1:13).

Rran nigad ba’riy e chiney e moem ngonglan ngodad e fanow ku Gideon “ma ir fachaʼ ni immoy nib talin e muruwel u lani paʼ Got” (Alma 1:8) napan nibe “pigpig ngak” (Mosiah 22:4) boch e girdii’, miyad be sak’iy ko tin nib mat’aw, ni demturug e kireb nibe yib ko yofas rodad napan nigad be pigpig ko mamngin e murwel rok Got. Gadra laek kanowa’an e mich rok Gideon, ma rayog ni gadra rin’ e tinnib mangil nib yo’or.

Dabaed nga ta’abang ko Pigpig

“Gadad ni gadbe laek [fare Somoel], e gad ba athapeg rogon ningad adaged e cha’an ma par u to’obdad,” pinen’ ni’i weliy fabin so’omon e Presidency. “Fare Galasia ku Yesus Kristus ni fan ko Gidii’en Got ko Tin Tomur e Rran e ribadag ninge ayuweg gubin e girdii’ nib t’uf e ayuw rorad. Kan pii’ tow’athindad ningad feked e bugney e thin nge tow’ath, nikan tay chilan ngodad nib manechubog ngad pi’ed ko gubin urngin e girdii’”¹

Kug fal’falaen’ ko rogon e pigpig ni dariy e si’in riy ko gubin e memba ko Galasia, nge temple rodad, ward, branch nge stakes. Ma kug fal’falaen’ ngay ni memba ko Galasia rodad e be pii’ e ayuw ko binaw, skuul, salpiy ko charity, nge project nibe ayuweg e girdii’ ni yo’or yang u fayleng, ma yibe volunteer ko murwel nifan 200 e nam fa boch nib yo’or.²

Reb gin nima ga’anag yang e Galasia ko tin yima pigpig ngay e ke ga’ayang ko urngin yang e nam nima yan ko gin niba’aray ni kanoeg e JustServe.org. Kan sponsored nag ko Galasia niba’ ngrayog ninge tow’ath nag e girdii’, JustServe.org “link ko binaw nib tu’uf” ni cha’an “nima ga’anag rogon e binaw.”³

Galasia nge chongin riy e yidma un boch ko organization ko urngin yang u dakean e nam nima pii’ e ayuw ko gubin yang. Ke magar e chongin, ko gidi’en e galasia, ma yad e “rthi’ibiga’yang e ta’areb e Red Cross Blood Drive ni yad be contribute ngay u lane duw ko 2022.” Nge, Galasia e yog e $8.7 million ko donation ni ripi’ed ko fare Red Cross .⁴

Galasia nge boch e organization ni yidma pii’ ayuw e yidma mukun nga ta’abang ngan pii’ e ran nge sanitation projects ko gubin yang u dakean e fayleng. 2022, Galasia e ra uned ko fare 156 ngonglan e projects.⁵ Ma kagdad ma un boch ko donate ko boch e agencies nima pii’ e ayuw ngak pifak Got niyadbe gafgow.⁶

“Napan ni gadra mukun nga ta’abang ngad pi’ed e ayuw ko picha’an nib t’uf e ayuw rorad,” nibe yog President Henry B. Eyring, Second Counselor u lane bin so’omon e Presidency, “an Ga’ e ra kunuy gumircha’andad nga ta’abang.”⁷

Tininged E Magael Romed Ngalang

Gadad pigchalpan Somoel, e kagdad ma tow’ath nag e neighbors rodad napan nigadra tay fan fare ma’ag magdad par ni woed rogon e yofas rok Kristus. Fare Babiyor ku Mormon e ii fil ni “gidi’en e galasia” e thingarda mel’eged e kanowa’en e mat’aw mar fil’agined lungunrad ngan rung’ag nifa’anra ba t’uf ngorad ninge pii’ en Ga’ e ayuw nge mo’onog ngorad (see Alma 2:3–7; see also Mosiah 29:27). Somoel e be athapegnag ningad share niged e mich nge tin nib riyul’ u wan’dad magdad tininged e magael romed ngalang. “Mu tininged e magael romed ngalang ni nge yog ni gaelʼ e fayleng.” (3 Nephi 18:24).

“Thirdabda pigpig ngak Somoel nifa’anra gadbe tamdag ngak e girdii’,” nibe yoeg ii President Dallin H. Oaks, First Counselor ko First Presidency. Maki ga’ar, “Kan piningdad ningad toeyed man duugliyed wo’en Someol, gathi ngad lakead wo’en e fayleng.”⁸

Demturug nifa’anra gadbay u sikuul, fa murwel, fafal, vacation, fa date, fa online, pigachalpan Somoel e yad manang ningar lakead wo’en kanowa’en “ma dabra tamara’gad ningar feked fithngan Kristus nga dakaenrad” (Alma 46:21). Bay ko rogon e thin nge murwel rodad, magdad be dag ni Got e kab fas magdad ma laek fare Pagal Ni Fak.

“Mich rodad e dabni mithag, rib tu’uf nidabin rin’. Mich e gathi kemus ni fan e Galasia, fa tabinaw, fa [skuul],” nike guy i Paul Lambert, reb e Latter-day Saint nib manang mornga’agen e taliw ni pluralism. “Fan gubin binean’ nigama rin’.”⁹

Dabda ninged ko mani’ e gadra thiliyeg e yofas rok ko testimony rodad, nge example nigadbe pii’, nge rogon e thil e ayuw rodad ngak boch e girdii’. Machane napan nigadra sak’iy ngalang ko tin nib tomilang nifan ngak Somoel, ma girdii’ e ran guuydad ma tharmiy ra’i pii’ gelngindad.

Sak’iy Ko Taliw Nib Puuf Mot’owan

Dawri thil e chiney ko so’omon niwoed nibay u lane fare Babiyor Ku Mormon nibe yoeg mornga’gen ngonglan e pigpig ko kan nib kireb, nibe mo’owaer nag e girdii’ nibay e mich rorad nib gel. Lungun e picha’an nibe weliy mornga’agen e kireb ko taliw u fathik e girdii’ e ki ga’lamanrad e chiney. Cha’an da’anma un ko taliw nge government, nibe un e sikuul nge universities ngay, e yidbe mukun nga ta’abang ngar weliyed mornga’agen e ya’an e tin da’anifal’’’, nge picha’an ni da’ani mich u wan’rad e taliw nge picha’an nida’ani fal’ ngonglanrad.

Cham e ra’i yib nib almarin ko taliw nifa’anra dabda sak’iy gad ko tinnib mat’aw nge tinnib riyul’. “Gadad gidii’en e Galasia,” kug fil ni, “ngad uned ngak boch e tiliw ngad ayuwegned e gidii’ ko gubin ni bay e mich rok’ min ayuwegrad ni bay mat’won rad ni ngar rogned e tin nib michuwun’urad ngay.”¹⁰

Mal ni un tay u tharmiy e fan e puuf mot’owandad ningad —mel’eged e tin mangil fa tin kireb. Fa’anra nge par mot’owandad mab tu’uf ningad cha’ariyed e taliw rodad nib puuf rogon.

Taliw nib gel gelngin e ra’i koelfalan’ e tabinaw, nge binaw ko yo’or, nge nam. Ma ba t’uf e liyoer ko motochiyal, nge tayfan ko yofas nge buut, ma kuma fil e ayuw, nge dag e riyul’, nge mangil—virtue e rib t’uf ningan tayfan nib puuf rogon, ko lane yiror rodad. Da’ani tu’uf ningad siroe’gad ko mich rodad.

Rogon e athamgil ko machib rodad, nge murwel rodad u temple, nge athamgil ko toey gil’ilungun Got, ma fal’falaen’ rodad e rib tu’uf ningad sak’iy gad ko mich rodad nib pufrogon. Dabin ni’ag e pufrogoy nifa’anra bad ni’eged boch e pufrogoy.

Fare profet i Joseph Smith e i fil ni, ”Ireray e adag rog nra bee’ ma bay mat’won ni’ir e be sug nag gum’ircha’eg—bang nra bee’ ma ir rok’ ni bay mat’won ni nge mel’eg e tiliw ni nge un ngay.”¹¹ Mat’owan e taliw e kura pii’ e athamgil our ko gubin e ya’al nifa’anra gadra laek wo’en fapi tiyugang’ ko Galasia:

“Par nigbe matal ko pinen’ nibe yoeg e girdii’ u fathik e yo’or, mag non nib gel bugngim nge rogon nib fel’ rogom.”¹²
“Ngamnang ni kireb nibe yib ko taliw e ra’i mo’omaw nag e tinnib fal’ ninge yib ninge pii’ gelngin e na’ab ko gospel, min tow’ath nag e pii gam’ing nge ma’ag, min taga’ ngak Somoel ninge pow’iy e Galasia Rok.”¹³
“Sak’iy ngalang mag weliy nib gel lungum ni Got e bay nib fas maba’ mornga’agen ko pii motochiyral rok ni fal’agin nib riyul’.”¹⁴
“Mu welthin ko boch e motochiyal nibe mo’omaw nag ninge puuf rogondad ko mich rodad.”¹⁵
“Man ko gubin e nam ngam rin’ e tinnib mangil, mag tuguliy e mich roem ngak e En Ga’ nib gel bugngin, mag ayuweg boch a girdii’ ngarbad ko gin nibay e fal’falaen’ riy.”¹⁶
Fil ko resources u religiousfreedom.ChurchofJesusChrist.org nge religiousfreedomlibrary.org/documents.

Gadra toeyed gil’ilungun Got nifa’an gadra pigpig ngak, migdad tininged e magael romed ngalang, man sak’iy ko taliw nib pufrogoy riy. Magadbe ning e ayuw ngak e en Ga’ ninga tow’athiydad “ko tinnib mangil” u dakaen e tabinaw rodad, binaw nge nam.

© 2024 by Intellectual Reserve, Inc. All rights reserved. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Pilyegthin ko Fare Mulwon nifan e Liahona ko biney e puul ko, June 2024. Yapese. 19347 905