Ɔfiɔŋ-ke-ɔfiɔŋ Etop Kabaŋa Nsɔŋɔnda eke Iwaad , Ɔyɔhɔ Ɔfiɔŋ Itiokiet 2024

Nso ŋkpɔ ke nnyin ikinehede iŋwɔŋɔ ke ini enimde nnyin uduɔk-mmɔŋ?

Uduɔk-mmɔŋ, otode Annie Henrie Nader

Ŋwed Abasi ekpep nnyin ete ke ini ekenimde nnyin uduɔk-mmɔŋ, nnyin inam ediomo (mme iŋwɔŋɔ) ndinyime ndida enyiŋ Jesus Christ ndori ke idem nnyin, ndinam ŋkpɔ nnɔ Abasi, nyuŋ nim ibet Esie (se Mosiah 18:10; Doctrine ye Covenants 20:37, 77).

Nnyin nko ikpep ke ŋwed Abasi ke uduɔk-mmɔŋ aŋwam nnyin ndinam ɔyɔhɔ-ɔyɔhɔ udɔŋ nnyin nkure “man ididuk ke mboho Abasi, enyuŋ ekot nnyin ikɔt esie” (Mosiah 18:8). Ke ikɔ efen, ntak kiet emi enimde nnyin uduɔk-mmɔŋ edi ke nnyin imiyom ediduk Ufɔk Abasi Jesus Christ nyuŋ ndara ima ye edidu emi edide oto ke edidiana-kiet ke Christ.

Ubiere ke edinam ŋkpɔ nnɔ Abasi nyuŋ nim ibet Esie ekeme edisine ediwak ŋkpɔ ke ofuri eyo uwem nnyin. Nte uwut-ŋkpɔ, oro esine ndi “nyime edibiom mbiomo kiet eken, … editua ye mbon emi etuaŋade; iŋ, ye edidɔŋ mmɔ emi efuhɔde esit, ye ndidi mme ntiense Abasi ke kpukpru ini ye ke kpukpru ŋkpɔ, ye ke kpukpru ebiet” (Mosiah 18:8--9).

© 2024 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Kabaŋa Nsɔŋɔnda eke Iwaad, Ɔyɔhɔ Ɔfiɔŋ Itiokiet 2024. Efik. 19299 553