“Fare Maad ko fare Priesthood nib Thothup,” Liahona, Sept. 2024.
Milwol ni Ngan Thapeg ko biney e Pul, nifan e Liahona ko, September 2024
Fare Maad ko fare Priesthood nib Thothup
Ni bochan e kad uned ko temple endowment, kan ta pagowran ngodad e m’ag—nge tin nibe yip’fan Tathapeg.
Mornga’agen Adam nge Eve, by Douglas M. Fryer
Demturug ko gelngin e prepare nikar tew nge tin nikar athamgil gow kan lemnag, Adam nge Eve e kigin owchen row ngay ningar chuw gow ko milay’ ni fal’rogon ngar bow nga fayleng ko gafgow.
Ni yib ngan’row, ko tin binen’ ningar pi’ew nifan e yofas rorow, yofas ndariy e gafgow riy ko qathuk, rachngal nge gafgow—nge binen’ nikanoeg e yam’ ngay. D’anra ningew e pin’ey ko s’omon nge tinibe yip’fan, machane yini t’abochriy miyow n’ab ko tin ningan fil ko gubin e ran nge amith n’ur thamiyew. Ni, bin nri kiriban’ row ngay e n’ab nyibngan’row ningar chuwgow rok e Chitamanginrow u Tharmiy—“nin chuwegrow u p’owchan,” ni’i yoloey Moses.
Demturug ni arogon nikar chuwgow make yib e kiriban’ nge ulum, u lane fayleng, ma ii yib ngan’ Adam nge Eve binen’: nibay e m’ag nikan tay—binen nib tabiyul nikanoeg e m’ag ngay. Re m’ag nem e ngar tewfan e Chitamanginrow u lane yofas rorow, make m’ag ngorow nira pii’ fare Somoel, ninge chuweg e amith nge kiriban’, me n’agfan e dinen, min sulweg row nga P’owchan.
Ma urogon nrayib nga laniyen’rad e tin nikan ta’chilan? Urogon nyidra lemnag e tinyadbe yan u fathik—nyow n’ab ko gubin ngiyal’, ran nge nep’?!
Pagowran e M’ag Rorad
Ii pii’ e “mad nib dub’ag ko dowef.” Rib fel’ tow’athngin nge rogon ngiyal’ riy nike pii’. Napan ni fek, Adam nge Eve wam’ngin fare gak’iy mayib ngan’row ndariy e mad u dakaen row. S’omon riy, e ragayew rogon ningar m’agew yuwan e gak’iy. Myow lemnag ndabi fal’yan ngay, myow mid rok Somoel. (Kamnang ni yofas uroy e rib m’om’aw ningar pay riy!) Kochi ngiyal’nem nge mada’ ko chiney, Chitamangindad e be pining gubin fak, ngan taleg e mith, nganib Ngak. Ni woed fare mad nib dub’ag nifan e dowef, bay ba murnguy rok nib gel nike chuwegdad ko “mad nib yul’yul’,” nibe pag owran ngodad e pii m’ag nikad ted. Pii “garments nifan e thapeg” e be yip’fan e tow’ath ko y’or, fare Biyul rok Yesus Kristus.
Fare Garment e be Yip’fan fare Tathapeg
Ere, tini yibe lemnag ni mornga’agen Adam nge Eve nge m’ag nge mad, e woed ni, bo’or boch sikeng ko ganop. Dani m’om’aw rogon ningan lemnag ko uwrogon ni Adam nge Eve e ur damiyew, nibochane fayleng nike mul. Ku arogon gadad nigadra palog rok Got, nif’anra gadra dinen. Woed Adam nge Eve, t’areb e Somoel nikan pi’ ngodad, Yesus Kristus u Nazareth, Ilal nge Ga’lingun, Fak fare Got ni kubay nib fas. Woed Adam ange Eve, kad fil’aged e m’ag ngak Got. Nge, reb biyang ko temple endowment, e kan pi’ bugibinen’ nibe pagowran ngodad e pii m’ag nem—nibe yip’fan Somoel ni yigo’ Ir. Iraray e mfen nikan noeg e garment ko fare priesthood nib thothup.
Fare bin L’agruw e Wub, be yoloey ii Harry Anderson
Gadma chuw ko re garment ney u tane mad rodad. Demturug e murwel nikan pi’ ngog, demturug e tin nib t’uf ningug rin’, ko gubin e ran, ma tin nikug m’ag e nga par ni amargon ni manemus. Tamun gubin bugi binen’ e m’ag rog ni thingar gu chich’iy p’ag riy. Garment e dabuni dag ko fayleng, t’aborgon ko m’ag rog. Machane riguma ch’ariy l’agrow nifan ngog—ni rib chuchgur. Binen’ ndariy be’ ninge nang mab thothup.
Napan ningan lemnag e pii m’ag ney, ni l’agrow, bt’uf ningad chuwgad ko garment u lane yofas rodad. Pii ngonglan ney e be dag rogon wo’en Tathapeg nibe par u lane yofas rodad. Woed rogon y’an e adag rok ngodad. Ni tawfe nagdad ni t’abiyay u lane yofas rodad. Gadma fek e sacrament ni t’abiyay u lane week. Ma f’anra yog migad yan ko temple ni y’or yay. Machane garment ko fare priesthood nib thothup e bthil: ya be yip’fan e tayfan ko ran nge nep’.
Ni araram rogon e m’ag—ni gathi nge woed y’an wo’en and m’amngin rogon ngonglan e fayleng nge kanow’en boch nib thil. U lane yofas rok Yesus Kristus, e ii fil ni gathi nge, t’aborgon boch ngonglan dad ko ngongol ko fayleng.
Napan ni gadadra chuw ko garment, ma gadad, ni ke fil fapi First Presidency, e kad yip’faned Yesus Kristus. Ni f’anra amorgon, ma mangfan ni ngam sap ko excuse ningam luf e tinibe yip’fan? Mangfan ningad baliyang niged owchidad ko gelngin nikan michegnag, nibe protect, nge murnguy nibe yip’fan e garment? Ni f’anra arogon, ma gubin ngiyal’ nigadra luf a garment, ma shushun ni thingar da magan’fandad ngay, ni ngan chungay ni kachi ngiyal’ nem, ni bochane e be pag owran ngodad e kanawo’en e tinibe yip’fan e m’ag rodad. Ni gubin yang e p’iney, gadad be nga laniyan’dad fare malang rok Kristus.
Boch e ra’i g’ar, “bay boch rogon rog nrayog ninggu lamninag Yesus.” Ma rug ga’ar ngorad, mangil. Ra y’or ma rib mangil. Da lamniged ko rogon urungin yang ii kanawo’en nrayog ni “bay u laniyan’dad ni gubin ngiyal’.” Nif’anra gadra rin’ ni arogon ma rib t’uf ndabda patilined e tinibe pagowran Got npan ni pii’ fapi endowment, fare garment ko fare priesthood nib thothup.
Yesus Kristus nge gospel Rok e rib migilboch fan ngog. Gubin binen’ nigube athapeg, mab t’uf rog, e bay u Dakean. Ir e “malang ko tathapeg rog,” rogon nrayog ninggu sul ngak e Chitamangig nu Tharmiy, ni kari mush e kanawo’ rog ko tin s’omon bugi binen’, nge boch ni y’or. Tow’ath rok ngodad e reb nikug patngay ni rib mangil, ni kan pi’—ni woed nikan chuw’iy nibay e maligach riy, ni y’or urngin e namba, ko adag nibay riy. Fare rachingal, nge amith, fare kiriban’ nge denen’ ko fayleng “e ke fek Kristus nga dakean.”
Ere gube chuw ko fare garment ko fare priesthood nib thothup—ko ran nge nep ni ke gaman e 64 e duw, nug tabab ngay napan nib 19 e duw rog—ni bochane rigub Adag ma mich nga wun’ug e tow’ath nibay riy.
Duwer ko mornga’agen e Garment ningan Chuwngay?
Boch ii gimed e be athapeg nag ni ra bi’eg ere article ney me fulweg e thin ko duwer ni mornga’agen e garment. Ra gabe athapeg nag ni “Ga’ar Somoel”—fa “Ga’ar e ta pigpig Rok”—ko tin nib chuchgur nga gumircha’em. Duwer rom e ra’i rib ko tin nigabe yan u fathik ni woed e murwel, mithmith ni fel’ nga doeway, fa kalin doewdad, lane lang, modesty, kalin nag a na’un, fa rogon e m’ar.
Boch e answer ko pi duwer ney e ran pat ngay u lane temple.ChurchofJesusChrist.org nge section 38.5 ko General Handbook. Tabinaw nib pagan’um ngay e rayog ningam non ngorad ko tin binen nib t’uf rom. Machane, bay ba, kanawo’ nikan pi u lane initiatory ko ordinance, ni ba’ e Chitamangim u Tharmiy ni manemus, ni minangem ma bna’ab ko tin nigabe yan u fathik. Ra falfalaen’ ngay ni fa’andra fith e pii duwer ney ngak.
Sasing ko fare spire ko fare St. George Utah Temple
Wenig ngom dabni athukuy u loelgey riy. Napan gra ning e ayuw, ma fare Thothup e dabi athapegem ni dabmu leak kanawo’en e tin nikam fil u temple nge tin nike yoeg e profet ko fare First Presidency ni dawri n’uw napan. Fare Chitamangim ni y’or e adag roke dabi pi’ kanawo’en ngom e tin d’ani fal’ ni d’ani t’aborgon ko tini binean’ Rok nike tow’athiydad ngay ni manemus. Ma Be nangfan e duwer roem, nge Kura ayuwegnem ko tow’ath nibochane tayfan ko garment nge tay chilaen e m’ag rom? Arragon! Ma kagra non ko togta nif’anra bt’uf? Ma arogon! Gara balbalyang nag owchem ngam sap ngabang ni gathi ir? Gube meybil ni ridam rin’.
Dabiyog ninggu fulweg e thin ko gubin e duwer roem. Ma kudawriyog rog ninggu fulweg e thin ko biroeg e duwer. Machane, ii gag reb e Apostle rok Somoel Yesus Kristus, ni rugbe micheg nag ngom e ayuw rok Got ni ribb’adagem, nibe pi’ e tow’ath ngom, ni dawrum guy e chiney fa bingiyal’ ngaram, nif’andra tayfan fare m’ag nikam tay ngak.
© 2024 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Fapi Thiliyeg e thin ko Liahona u lane Pul, September 2024. Yapese. 19295 000