“Usuŋ Edidiana kiet ke Jesus Christ,” Liahona, Oct. 2024.
Ɔfiɔŋ-ke-ɔfiɔŋ Etop eke Liahona ,Ɔfiɔŋ Duop 2024
Usuŋ Edidiana kiet ke Jesus Christ
Nte nnyin idianade ke Jesus Christ ukem nte mbonowo ke 4 Nephi, udɔŋ nnyin ndidi kiet okpon akan nsio-nsio ndaha nnyin onyuŋ ada ekesim inemesit.
Nnyin idu ke ini emi akamba utɔk ye eneni atarade ɔyɔhɔ ererimbot. Otode uŋwam eke ŋkpɔ-ofim ye unyime eke mbonowo emi esit ama ekebit, mme odudu ubahare emi ke odomo ediyɔhɔ esit nnyin ye emiom nyuŋ mbiat nneme nnyin ye eŋwan. Ebuana eke isɔŋ obio ke abiabiara. Ekɔŋ ke aŋwaŋwana.
Ke ofuri ŋkpɔ emi, nti anditiene Jesus Christ ke eoym emem enyuŋ esine idem eyom edibɔp isio-isio oruk obio—emi esiakde edori ke ukpepŋkpɔ Jesus Christ. Ke ntak emi, Jehovah okowuk nnyin ete “idi kiet; ndien edieke mbufo midige kiet mbufo idige okim” (Doctrine ye Covenants 38:27). Ke akpanikɔ, edidiana kiet edi idiɔŋɔ eke akpanikɔ Ufɔk Abasi Jesus Christ.
Didie ke nnyin inam utom ibin odudu ubahare ye utɔk isio? Didie ke nnyin idinyene edidiana kiet?
Ke mfɔniso, 4 Nephi ke Nwed Mormon ɔnɔ nnyi uwutŋkpɔ kiet. Ibuot-ŋwed emi ewt esisit usuŋ eke mbonowo emi ekedude ke Andinyaŋa ama ekekese mmɔ okure, ekpep mmɔ, onyuŋ asiak Ufɔk Abai Esie kotu mmɔ. Mbuk emi owut nte mbonowo emi ekenyenede inem ye emem edidiana kiet, ndien oro ɔnɔ nnyin usuŋ emi nnyin ikemeke editiene man inyene ukem edidiana kiet emi mfin.
Edikabare-esit
Ke 4 Nephi 1:1, nnyin ikot: “Mme mbet Jesus Christ ema esiak ufɔk Abasi Christ ke ekanare ofuri mme obio. Ndien [mbonowo] ema edi etiene mmɔ, enyuŋ enehede ekabare-esit ke idiɔkŋkpɔ mmɔ.”
Nnyin idianan-kiet ye Ɔbɔŋ ye Andinyaŋa Jesus Christ. Nte owo kiet-kiet ekpepde abaŋa Jesus Christ, ikɔ-Abasi Esie, Ufɔk Abasi Esie, Edisana Spirit edi ntiense abaŋa akpanikɔ ke esit eke owo kiet-kiet. Nnyin kiet-kiet imikeme edinyime ikoot Andinyaŋa man inyene mbuɔtidem ke Enye inyuŋ itiene Enye oto ke ŋkabare-esit.
Ke ntre ɔtɔŋɔ usuŋ-isaŋ edikabare-esit eke owo kiet ɔkpɔŋde uma-idem ye idiɔk udɔŋ onyuŋ ebine Andinyaŋa. Enye edi ntak mbuɔtidem nnyin. Ndien nte nnyin kiet-kiet isede Enye ke ofuri ekikere (se Doctrine ye Covenants 6:36), Enye akabare edi odudu edidiana kiet ke uwem nnyin.
Ediomi
Se ewtede ke 4 Nephi aka iso etiŋ ke mbon emi ekedide Ufɔk Abasi ndien ekabare-esit ke idiɔkŋkpɔ mmɔ “ema ena uduɔkmmɔŋ ke enyiŋ Jesus Christ; ndien mmɔ ko ema ebɔ Edisana Spirit” (4 Nephi 1:1). Mmɔ ema eduk ke ediomi—akpan, ɔbɔbɔp ebuana—ye Abasi.
Ini emi nnyin inamde inyuŋ inimde ediomi, nnyin imida enyiŋ Ↄbɔŋ idori ke idem nnyin nte mme owo. Ndidian do, nnyin imida enyiŋ Esie idori ke idem nnyin nte mbonowo. Kpukpru mbon emi enamde ediomi enyuŋ eŋwanade edinim mmɔ ekabare edi ikɔt Abasi, nsionim mkpɔ-uto Esie (se Exodus 19:5). Ntem, nnyin imisaŋa ke usuŋ ediomi nte owo kiet-kiet ye ke eboho. Ebuana ediomi nnyin ye Abasi ɔnɔ nnyin ɔyɔhɔ ntak ye ɔyɔhɔ idiɔŋɔ. Nte nnyin idiande idem nnyin ye Ↄbɔŋ, Enye aŋwam nnyin “ndinam esit nnyin eyire ɔtɔkiet ke edidiana kiet ye ke ima nnɔ kiet eken” (Mosiah 18:21).
Edifɔn, Ukem-ukem, ye Ediŋwam Ubuene
Mbuk emi ke 4 Nephi aka iso etiŋ ke: vEneni ye utɔk ikoduhe kotu mmɔ, ndien ofuri owo ekenam ŋkpɔ nte enede ye kiet eken.
“Ndien mmɔ ekenyene kpukpru ŋkpɔ ukem-ukem kotu mmɔ; ntem enyene-ŋkpɔ ye ubuene ikoduhe, ofun ye eyen-isɔŋ, edi ema enam kpukpru mmɔ ewɔrɔ ufun, ye mme andibɔ enɔ eke heaven (4 Nephi 1:2–3).
Ke edinam uwem isɔŋ nnyin, Jehovah oyom nnyin ifɔn inyuŋ inam-ɔfɔn ye kiet eken ndien ikubiaŋa mme edituk kiet eken (se 1 Thessalonians 4:6). Nte nnyin ikperede Abasi, nnyin “idinyeneke esit ndinɔ kiet eken unan,edi ndiduŋ ke emem, inyuŋ inam inɔ owo kiet kietnte asaŋade ye se enye odotdev (Mosiah 4;13).
Abasi ŋko ama owuk nnyin ete ise mme ubuene ye mbon unana enyin. Nnyin inyene “edideme inyene [nnyin]” man eŋwam mmɔ, nte ekemde ye ukeme nnyin ndinam ntre, ke misehe ndaha itie mmɔ (se Mosiah 4:21–27).
Nnyin owo kiet kiet ana “ida eyen-eka esie nte idemesie” (Doctrine ye Covenants 38:24). Edieke nnyin iyomde edi-di ikɔt Abasi ndien idiiana kiet, idige kpɔt ke nnyin edi-nam ŋkpɔ ukem-ukem ye kiet eken, ed ana nnyin inehede ise kiet ekem nte ukem-ukem inyuŋ ikop ke esit nnyin ke nnyin idi ukem-ukem—ukem kiso Abasi, ke ukem mfɔn ye ukem ndaha.
Nkop-item
Udiana ukpep otode 4 Nephi edi ke ndimem usuŋ: “Mmɔ ekesaŋa etiene ibet emi mmɔ ekebɔde eto Jehovah ye Abasi mmɔ” (4 Nephi 1:12).
Abasi ama ekpep mbonowo emi ukpepŋkpɔ Esie, ɔnɔ mmɔ ibet, ndien okot mme isuŋutom ete enam ŋkp enɔ mmɔ. Kiet kotu ntak Esie ke ndinam emi ekedi edikut ete ke utɔk ndomokiet iduhe kotu mmɔ (se 3 Nephi 11:28–29; 18:34).
Nkopitem nnyin nnɔ ukpepŋkpɔ Abasi ye mme isuŋtom Esie edi akpan-ŋkpɔ ke nnyin edikabare ndiana kiet. Emi esine ubiere nnyin ke ndinim mbet man ikabare-esit kini ekededi emi nnyin iduede nyuŋ ŋwam kiet eken ke nte nnyin iŋwanade ndinam ɔfɔn nyuŋ ndi eti ke ofuri usen.
Edisobo-idem Ɔtɔkiet.
Efen, nnyin ikpep ke mbonowo ke 4 Nephi “[ekeka-iso] ke utre-udia ye akam, ndien ke edisobo-idem ɔtɔkiet ofuri ini mbiba ke edibɔŋ-akam nyuŋ ŋkop ikɔ Abasi” (4 Nephi 1:12).
Nnyin inyene edisobo-idem ɔtɔkiet. Mme esop nnyin ke udua kiet-kiet edi akpan ifet ɔnɔ nnyin ke edinyene ɔsɔŋɔ mbiba ke owo ke owo ye ke eboho. Nnyin imidia udia-ɔbɔŋ, ibɔ-ukpep, ibɔŋ-akam, ikwɔikwɔ ɔtɔkiet, inyuŋ iŋwam kiet eken. Mme eboho efen ŋko eŋwam ndinɔ ekikere edidu-kiet, nam-ufan, nyuŋ mbuana ekikere.
Ma
Se ewetde ke 4 Nephi ɔnɔ nnyin se ekpedide mkpn-nkan ukpɔhɔde ke kpukpru emi—eke emi miduhe ke owo inyneke ata edidiana kiet: “Eneni ikoduhe ke isɔŋ, oto ke ima Abasi emi ɔkɔyɔhɔde ke esit mbio obio.” (4 Nephi 1:15).
Edinyene eke idem owo kini nnyin, ke edisuhɔde-idem nyak idem, nehede ma Abasi. Emi edi akamba ye ebe-iso item. Ndima Abasi nkan owo efen mme ŋkpɔ efen edi ndaha emi adade ata emem, idɔŋesit, uko, ye idara edi. Nte nnyin inyenede ima inɔ Abasi ye Jesus Christ, ima eke ufɔkemana ye mbɔhiduŋ eyetiene.
Mkpon-nkan idara emi afo edinyenede edi kini nnyin iyɔhɔde ye ima inɔ Abasi ye eke kpukpru nditɔ Esie.
Ata-ima, edi edisana ima Christ, edi se ikɔkde eŋwan. Ima edi ata akpan edu eke ata anditiene Jesus Christ. Ke ini nnyin isuhɔre idem ke iso Abasi inyuŋ ibɔŋde akam ye ofuri odudu ke esit nnyin, Enye ɔyɔnɔ nnyin ata-ima. (se Moroni 7:48).
Nte nnyin iyomde ndinyene ima Abasi ndidu ke esit nnyin, utibe-ŋkpɔ eke edidiana kiet eyebiet edi ɔyɔhɔ uduot-ŋkpɔ ɔnɔ nnyin.
Edisana Idiɔŋɔ
Akpatre, mbonowo ke 4 Nephi ekowut idiɔŋɔ edidiana kiet emi nnyin ikpisede: “Mme inɔ ikoduhe, mme owot owo, baba mbio Lamanite kiet ikoduhe, ŋko oruk -ites ndomokiet ikoduhe; edi mmɔ ekedi kiet, nditɔ Christ, ye mme adia-akpa ke obio-ubɔŋ Abasi” (4 Nephi 1:17).
Mme idiɔŋɔ emi akabahade mme owo ke ediwak isua ama okure mbemiso edibighe ye nti idiɔŋɔ edi-di. Mmɔ ekekut idem mmɔ—ye ofuri mbon efen—nte asaŋade ke ebuana mmɔ ye Ete Heaven ye Jesus Christ.
Ubahade ye ukpuhɔde ekeme edidi eti ŋkpɔ ye akpan-ŋkpɔ ɔnɔ nnyin. Edi ata akpan idiɔŋɔ edi mbon eke enyenede ebuana ye edisana ntɔŋɔ ye ufɔn nnyin.
Akpa ye akpan-ŋkpɔ edi, nnyin owo kiet-kiet, idi eyen Abasi. Udiana, nte mbon Ufɔk Abasi, nnyin owo kiet-kiet idi eyen ediomi. Ndien ɔyɔhɔ ita, nnyin owo kiet-kiet idi mbet Jesus Christ. Ami mbeŋe kpukpru mbufo nte ekuyak ŋkpɔ-idiɔŋɔ ekededi efen “edisio, ada-itie, mme ada nte akpan-ŋkpɔ akan mme nti edibihe ndaha-idiɔŋɔ emi.”
Edi Kiet
Abasi okokot kpukpru owo ete edi etiene Enye. Ufaŋ odu ɔnɔ kpukpru owo. Nnyin imikeme edikpuhɔ ke mme ido, mbre-ukara, oruk, inem, ye ediwak usuŋ efen. Edi nte nnyin idianade-kiet ke Jesus Christ, oruk ukpuhɔde oro akpa ke idiɔŋɔ mmɔ onyuŋ osop oto ke akwa udɔŋ nnyin ndi-di kiet—man nnyin ikpikeme edi-di eke Esie.
Eda mme ukpepŋkpɔ emi ekpepde ke 4 Nephi esin ke esit. Nte nnyin owo kiet-kiet iŋwanade edida mme akpan nti ŋkpɔ eke edidaiana kiet emi nsin ke uwem nnyin, ekeme editiŋ ebaŋa nnyin, nte eketiŋde ebaŋa mmɔ ete, “Ke akpanikɔ iduhe mbio emi ekenemde esit ekan oro kotu mbio emi ubɔk Abasi akanamde” (4 Nephi 1:16).
© 2024 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Liahona, Ɔyɔhɔ Ɔfiɔŋ Duop 2024. Efik. 19359 553