“Sel Dodai el kirel a Kltalreng loltirakl ra Jesus Kristo,” Liahona, Ongeteruich el buil. 2024.

Bek el Buil LiahonaKlumech, Ongeteruich el buil 2024

Sel Dodai el kirel a Kltalreng loltirakl ra Jesus Kristo

Mla er a President Russell M. Nelson

President er a Ikelesia er a Jesus Kristo er a Uriul-klebesei el Santo

Mesel ta rengud el ngara Jesus Kristo eldi uai tirkel chad el ngara 4 Nephi, ea seuad eldi mo tang a engelakl ra klekakerous er kid e mekrolid el mora deurreng.

Kede keie ra taem el sel lomkuuk a beriusel a klekakebosech ma uldikel a omerek el meliuekl er a beluulechad. Ngultaut el okiu ra tekoi ra melidiul e morimel lokiu ra rechad el rengrir a mla mechedeng, a ikal lomriid el kisiich a mengimkumk e lomekeek a rengud me domtelub e dongeuid a de chedecheduch loba ultok. Delongelir a re cheldebechel a mla briid. Mekemad a ultaut.

Ngokiu er tial siasing, ea re mera loltirakl e ra Jesus Kristo a ourreng e ra budech e ouedikel losiik lomekdubech ra ngodech el bedengel a chelechad—ngsel ngii a mlo kdubech lokiu ra osisecheklel a Jesus Kristo. Ngokiu er tiakid, ea Rubak a mla mekngerchelid elmo tang; me alsekum eng diak kom tang eng diak kom ta er ngak Ngii(mesa Doctrine and Covenants 38:27). Ng uaisei, a kltalreng a olengchelel sel meral Ikelesia ra Jesus Kristo.

Mekerang a doureor el omtok a ikel klisichel a uldikel ma ultok? Kede mekera bol lsebeched elmo tang?

Ngungil, le 4 Nephi ra Babier er a Mormon a meskid a okesiu. Tial bliongel a ochotii a telkib er sel teletael ra rechad ra le kiei er a uriul ra Osobel ra bol loldingel er tir, olsisechakl er tir, e kiltmeklii a Ikelesia er Ngii elmo er tir. Tial rekord a ochotii ra lokerang tirkal chad e ra le nguu sel lungil e budech el kltalreng, e ngii a meskid a dodai el sebeched loltireklii e kede nguu tiakid losisiu el kltalreng el mera delongeled.

Bult

Ngara 4 Nephi 1:1, e kede menguiu: “A roderchelel a Jesus a mla muchel a ikelesia er a chelsel a rokui el beluu el meliuekl. Me a [ildois ] el mle er tir, e merang el mlo mekngit a rengrir er a kenterir.”

Kid a dmak el meliuekl er a Rubak ma Osobel el Jesus Kristo. Mesel dertal chad a mesuub el kirel Jesus Kristo, ebangkelio er Ngii, ma Ikelesia er Ngii, ea Chedaol Reng a mochotii a klemerang elmo ra rengrir tirkal dertal chad. Kid el bek el chad a sebeched me kede kongei ra ongtil a Osobel elmo ou merang er Ngii e oltirakl er Ngii elmo ouuchul.

Seikid e ngomuchel a chad ra omerolel lobult—elmo cheroid ra kldidai el reng ma mekngit el ngibes el reng e merael bedul Osobel. Ngii a uchetemel a klaumerang er kid. Mesel de bek el chad lomes elmo re Ngii ra rokui el tekoi el domdasu (mesa Doctrine and Covenants 6:36), Ngii ea mo orkemel a klisiich ra chelsel a klengar er kid.

Telbiil

A rekord er a 4 Nephi a melmolm louchais el kmo tirkel chad el mlora Ikelesia e mlo ouchul a kengterir “e miltecholb er a ngklel a Jesus; e dirrek el mlonguu Edaol Reng” (4 Nephi 1:1). Te mlo soiiseb er a telbiil—el tokubets, lulak el deliongel—lobengkel a Dios.

Sel deruul e dongeluolu a telbiil, e kede nguu a ngklel a Rubak el me rekid el derta el chad. Kid a dirrek el nguu a Ngklel el merkid el betok el chad. Rokui el chad el kutmokl a telbiil e melasem el mengeluoleu a mo chedal a Rubak, el tokubets el ngara Rengul(mesa Exodus 19:5). Nguaisei, e kede merael er a rael er a telbiil el dertal chad e bek el chad. A delongeled ra telbiil lobengkel a Dios a meskid a dital moktek e mo dital lolangch. Mesel domak er kid el mora Rubak, Ngii a ngosukid el “me a reng er tir a mo dmak el di mo tang er a beltik el reng el mo er a tang me a tang” (Mosiah 18:21).

Ta besul, Melmalt, e Olngeseu ra re Chebuul

Tial rekord el ngara 4 Nephi a melmolm: “Ng dimlak a klautok me a klautitekangel er a delongelir, me a rechad a mirruul a llemalt el mo er a tang me a tang.

“E di mle ta besul a rokui el rekoi er a delongelir; me a uchul eng dimlak a chebuul me a merau, a sibai me a remimok el chad, tir a rokui el di mlo mimokl, mellai er a sengk er a babeluades” (4 Nephi 1:2–3).

Ma ikal doruul er tial klechad, ea Rubak a soal a bol ta besul osenged el melmalt omerelled el mora bek el chad e lak bo dorechorech malechub e bode kacheblad (mesa 1 Thessalonians 4:6). Sel dorael elmo kmeed e ra Rubak, e kid a “mo diak er a uldesuiu a melmall er a tara chad, e mo kiei el ngara budech, e mo mesa ngii dile chad a melmalt lomeruul leng mlo kirel” (Mosiah 4:13).

A Rubak a mla kmu er kid elmo kerekikl el kirir a re mechebuul ma re siungel. Ng kired “merous a ngarngii er [kid]” elmo olngeseu er tir, lultuil ra klisiched el meruul, el diak ke bo dometibek a mekngit el kirir (mesa Mosiah 4:21–27).

Ng kired el mesa ta er kid eldi uai kid (mesaDoctrine and Covenants 38:24). Alsekum e kede mo chedal a Rubak e di mo tang, eng diak dil kired el kaukereu eldi tang a deruchelled, e bai mo meral di tang a osenged el kmo kede meral di osisiu e melchesuar ra rengud el kmo kede di osisiu—di osisiu ra medal a Dios, losisiu a klungioled e losisiu a klisiched.

Blekongesenges

A tara suobel ra 4 Nephi a okiu er tial beot lomsodel: “Te merael loltirakl a llach el lengilai er a Rubak er tir e Dios er tir” (4 Nephi 1:12).

A Rubak a mla osisechekelterir tirkal chedal ra llechul, mesterir a llach, e omekedong ra re mesiungel elmo omekrael er tir. A tara moktek er Ngii el meruul er tiang me bol moterkokl el diak a mo klautok er a delongelir (mesa 3 Nephi 11:28–29; 18:34).

Sel doltirakl a osisecheklel a Rubak ma re mesiungel a klou a belkul el kirel sel bode tang. Tiang a uldimukl el de tibir elmo oltirakl a llach elmo ouchul ra ngidil taem el bode mechitechut e molengeseu ra tara chad er a taem el dolasem elmo ungil e di ungil ra bekl el sils.

Dmak er a Ongdibel

Ea tang, e kede mo medengei el kmo tirkel chad el ngara 4 Nephi “el [melemolm] lolsengerengel e meluluuch, e blechoel el mera ongdibel el dmak el meluluuch e orenges a tekingel a Rubak” (4 Nephi 1:12).

Ng kired elmo kaseues. A ongdibel er kid elmo menguul ra bek el sandei a klou a ututelel techall el bode kaseues elmo kasisiich, el dertal chad me a re bek el chad. Kede mo melai ra chedaol belsoil, mesuub, meluluuch, dmak el mengitakl, e kasisiich el bek el chad. A bebil ra ongdibel a dirrek el lolngeseu el lomekdubech ersel reng ra kmo kede dmak, kaukledem, e di imong a moktek.

Beltikelreng

A rekord el ngara 4 Nephi a uaisei el meskid sel ngii a ngarbab el kisel a rokui el tekoi—sel ngii a lak eng diak el sebechel a kltalreng el meketmokl: “Ng diak a klautok er a beluu, le beltikelreng er a Dios a mle kiei er a rengrir a rechad” (4 Nephi 1:15).

Sel budech el dolchesuar a denguu sel kid, a obang a kle ngariou el reng, el meral betik a rengud ra Dios. Tiakid sel kot e ngarbab el llach. Oubeltik el reng el mora Dios el nga ruchei er a ngidil chad me a ngii dil tekoi a teletael el meskau a meral budech, ongelaod, kelou el reng, me a deurreng. Mesel de bekdebechii a beltikelreng ra Dios me a Jesus Kristo, beltikelreng er a telungalk me a rengar bita er kid a di ngii el me chemolt.

Sel kot el ngarbab el deurreng el bo molchesuar er ngii sel kau a mui ra beltik el reng el mora Dios me a dirrek el kirir a rokui el ngelekel.

Bliochel el beltikelreng, sel klikiid el betikelreng ra Kristo, a kerul a klautok. Tia sel llach el lotil ngkel chad el meral loltirakl er a Jesus Kristo. Sel bo doba ngariou el reng er medal a Dios e doluluuch lolab a rokui el klisichel a rengud, e a Dios a mo meskid a bliochel beltikelreng (mesa Moroni 7:48).

Mesel de bek el chad losiik el mobang sel beltikelreng ra Dios mel kiei ra chelsel a rengud, ea mengasireng el kltalreng a kora di ngii el mechemolt er medad.

Chedaol Olangch

Me tiakid, tirkel chad el ngara 4 Nephi a ulecholt ra teletelir ra kltalreng el kired elmo medengei: “Ng dimlak a re merechorech, me a romekeuad, me a lechub el blarngii a re chedal a Laman, ma ka di lengodech el cheldebechel; te bai di mlo tang, el ngelekel a Kristo, e telechull er a mo er a rengedel a Dios” (4 Nephi 1:17).

A ikel mileakl ra rechad mete mle blibii el betok e ra dart el rrak a milrael elmo mekesai ruchei ra lmuut el mesisiich e chetengakl el lolangch. Te ulemes er tir—me a rokui el chad—loltirakl ersel delongelir lobengkel a Demad ra Babeluades me a Jesus Kristo.

Ngedengodech el chad el kakerous a sebechel lungil e ngarngii a belkul el me rekid. Ngdi sel kot el klou a ututelel el lolangch a ikel luldelid el mei el chedaol lucheled ma moktek.

Kot e klou a belkul, kede bek el chad el ngelekel a Dios. Ongerung, me kede chedal a Ikelesia, e kede bek el chad el ngalk e ra telbiil. Ea ongedei, kede bek el chad loltirakl er a Jesus Kristo. A kurrimel er kid el rokui mel lak kede becherei a nogdech el chelechad mel “ngedechii, chitii, malechub e bol klou a belkul e ra ikal keldei ra lolemolm el luleklatk.”

Bom Tang

A Dios a mla oleker er a rokui el chad elmo re Ngii. Ngarngii a basio er a rebek el chad. Kede locha me kakerous ra siukang, tekoi el buai, rechad, kall, ma betok el bebil ra tekoi. Ngdi sel dedak el ngara Jesus Kristo, a ikal kle kakerous er kid a remiid a belkul e ngii a mo tmaut sel lurunguled eldi mo tang—me bol sebeched elmo ta er Ngii.

Mnguu el mora rengmiu a ikel losisechakl el lolsisechakl er ngii el ngara 4 Nephi. Mesel de bek el chad el melasem lousbech a ikal meklou a belkul el lechul a kltalreng el mera klengar er kid, eng mo tekoi el me rekid, eldi uai sera le bo er tir, “Meng meral diak a lmuut el lungil a rengrir el chad ra rokui el chad el lulbeob er a chimal a Dios” (4 Nephi 1:16).