Mesej Blong Ol Yut Oli Kam Strong blong Evri Manis, Disemba 2024

Taem We Kraes I Bon I Kam long Wol Ia

I Kam long David A. Edwards

Ol Magasin blong Jos

Lanem abaot Krismes ples ia we yu save mo luk olsem wanem i helpem yu blong lukluk nomo long Sevya.

Ol pikja droing oli kam long Caroline Vibbert

Betlehem

Betlehem i minim “haos blong bred” long lanwis blong Hibru. Samtaem oli singaotem siti blong Deved, from laen ia nao oli bin profesae se blong Mesaea bae i kamaot long hem (luk long Jeremaea 23:5; Jon 7:42). Samuel i anoentem David i king long Betlehem (luk long 1 Samuel 16:1–13). Oli bin profesae se Mesaea bae i bon long ples ia (luk long Maeka 5:2).

“Hamas nao yumi luk se i stret nomo, se [Jisas Kraes], we i ‘bred ia blong laef,’ bae i kamaot long ‘haos blong bred.’”

Presiden Russell M. Nelson, “In This Holy Land,” Liahona, Feb. 1991, 13.

inn

Toktok ia inn long lanwis blong Grik i save minim eni haos we i save blong smol taem nomo olsem hotel, we i gat tu wan kes rum. Meri “i mekem [Bebi Kraes] i slip insaed long wan bokis blong fidim animol; from we long hotel, i no gat rum blong tufala i stap long hem.” (Luk 2:7). (Josef Smit Translesen i talem “inns.”) “Nogat rum” i save minim oli no akseptem tufala o se i nogat ples blong tufala i save stap long wan rum blong bonem wan bebi. Long eni wei, tufala i go samples we long ples ia i gat wan bokis we oltaem ol man oli stap putum gras long hem, blong ol animol oli kakae.

Wan Bokis We Ol Man I Stap Putum Gras Long Hem, Blong Animol I Kakai

Wan bokis i wan bokis we i hae o long hem i gat kakai blong ol animol. Long taem bifo long Judia, olgeta bokis ia oli mekem long ston. Long ol hotel i gat wan stret ples wetem ol bokis blong putum gras long hem blong ol animol oli kakai, mo plante hom tu oli gat ol bokis ia insaed long mein bigfala rum mekem se oli save kipim ol animol long ples ia long naet.

Ol Klos blong Kavremap

Ol mama oli bin stap kavremap ol niu bon bebi (kavremap olgeta long wan blangket o klos) blong taosen yia. Hemia i mekem oli stap kwaet mo kamfotem olgeta afta we oli sek se oli kamaot long bel blong wan mama. Klos we Meri i yusum i save gat wan spesel mak blong famli.

Meri mo Josef

Tufala i bin ol gud mo stret pipol, mo tufala tugeta i ol laen blong Deved. Enjel i bin visitim wanwan long tufala blong mekem rere from taem we Sevya bae i bon (luk long Matiu 1:18–25; Luk 1:26–38). Tufala i travel 100–140 km (60–90 mael) i go long Betlehem. Truaot long rod, Meri i bin gat bel.

Ol man blong lukaot long sipsip

Ol man blong lukaotem sipsip oli stap lukaotem ol sipsip blong olgeta kolosap long Betlehem. Bes long sam skola, ol sipsip nomo we i blong sakrifaes long tempol oli bin letem blong lukaotem kolosap long wan siti. Ol man blong lukaotem sipsip ia, maet oli bin stap lukaotem sipsip we i save ripresentem sakrifaes blong Jisas Kraes from yumi (luk long Moses 5:6–7). Oli lego ol sipsip blong olgeta blong oli go luk Mesaea, we bae i mekem bigfala sakrifaes we bae i putum wan en long sakrifaes blong ol animol.

Bebi Kraes

Jisas Kraes i Stamba Man long ples blong Taem We Kraes I Bon I Kam Long Wol—mo long laef blong yumi.

“Mi hop se bae yufala i tekem taem long Krismes sisen ia blong sidaon kwaet blong sam taem mo letem Spirit blong Sevya i givim kamfot mo hop long yufala. … Sidaon kwaet wetem smol pikinini ia mo kam longwe blong kam strong long saed blong spirit. … Letem taem ia i kam wan taem blong spel mo kam niu mo gat niu hop.

“God bae i givim yu blesing ia long Krismes ia taem yu, serem witnes blong yu wetem mi abaot Sevya Jisas Kraes—Hem we i stamba blong laef blong yumi, i go long evri laef blong man, mo i go long stret stamba tingting blong laef ia.”

Elda D. Todd Christofferson blong Kworom blong Olgeta Twelef Aposol, “Be at Peace,” Liahona, Dec. 2015, 37.

© 2024 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Mesej blong Blong Ol Yut Oli Kam Strong blong Evri Manis, Disemba 2024. Bislama. 19346 852

Ol Not

1. Josef Smit Translesen, Luk 2:7 (long Luk 2:7, futnot b).

2. Luk long Andy Mickelson, “An Improbable Inn: Texts and Tradition Surrounding Luk 2:7,” Studia Antiqua vol. 14, no. 1 (May 2015).

3. Luk long Andy Mickelson, “An Improbable Inn.”

4. Luk long Russell M. Nelson, “The Peace and Joy of Knowing the Savior Lives,” Liahona, Dec. 2011, 19–20.

5. Luk long Alfred Edersheim, The Life and Times of Jesus the Messiah, 8th ed. (1907), 1:186.