Ubutumwa Ngarukakwezi bwa Ku bw’Imbaraga z’Urubyiruko , Ukuboza 2024

Ivuka rya Yesu

Yanditswe na David A. Edwards

Amagazeti y’Itorero

Mwige ku bijyanye n’ibihe bya Noheli tuzi maze murebe uko bidufasha kwerekeza intumbero yacu kuri Yesu Kristo.

Ibishushanyo byashushanyijwe na Caroline Vibbert

Betelehemu

Betelehemu bisobanuye “inzu y’umugati” mu Giheburayo Rimwe na rimwe yitwa umujyi wa Dawidi, uwo byari byarahanuwe ko Mesiya azavukira mu gisekuru cye (reba Yeremiya 23:5; Yohana 7:42). Samweli yimikiye Umwami Dawidi i Betelehemu (reba 1Sanweli 16:1–13). Byahanuwe ko Mesiya azavukirayo (reba Mika 5:2).

Byari bikwiye ko Yesu Kristo, ‘umugati w’ubuzima,’ aturuka mu ‘nzu y’umugati.’

Umuyobozi Rusell M. Nelson, “In This Holy Land,” Liyahona, Gashyantare 1991, 13.

Icumbi

Ijambo ry’Ikigereki ry’ Icumbi rishobora gusobanura ahantu aho ari ho hose ho gucumbika by’akanaya gato, icyumba cy’icumbi. Mariya “aryamisha [Umwana Kristo] mu muvure w’inka kuko bari babuze umwanya mu icumbi.” (Luka 2:7) (Ubusemuzi bwa Joseph Smith buvuga “amacumbi.”) “Babuze umwanya” bishobora gusobanurwa ko banze kubakira cyangwa nta hantu bari gucumbika hari hari umwanya wo kubyariramo. Bityo, bagiye ahantu hamwe hari umuvure.

Umuvure

Umuvure ni agasanduku kashyizwe hejuru cyangwa ikibumbiro bashyiramo ibiryo by’amatungo. Muri Yudaya ya kera, ibi byubakwagwa mu mabuye. Amacumbi yari afite igice cy’umwanya gifite imivure, kandi n’amazu yo kubamo yari afite icyumba kigari gifite imivure ku buryo bashoboraga kurazamo amatungo mu ijoro.

Imyenda y’impinja

Mu myaka ibihumbi n’ibihumbi, ababyeyi bambikaga abana bavutse (babafubikaga ikiringiti cyangwa umwenda). Ibi byatumaga batuza kandi bikabahumuriza nyuma yo kwisanga bavuye munda y’ababyeyi babo. Umwenda Mariya yakoresheje wari ufite ikimenyetso kihariye mu muryango.

Mariya na Yozefu

Bari beza kandi bari abantu b’abakiranutsi, kandi bose bakomoka kuri Dawidi. Buri wese yari yarasuwe na marayika mu kubategura kuvuka k’Umukiza (reba Matayo 1:18–25; Luka1:26–38). Bagenze kirometero 100–140 bagana i Betelehemu. Mariya yari atwite mu gihe cy’urugendo

Abungeri

Abungeri bari baragiye imikumbi yabo hafi y’i Betelehemu. Bamwe mu bahanga bavuga ko intama zonyine zari zigenewe gutambwamo ibitambo mu ngoro ari zo zari zemerewe kororerwa hafi y’umujyi. Rero aba bungeri bashobora kuba bari baragiye intama zari zihagarariye igitambo cya Yesu Kristo kuri twe (reba Mose 5:6–7). Basize imikumbi yabo bajya kureba Mesiya, uwo igitambo cye cyari gukuraho igitambo cy’amatungo.

Umwana Kristo

Yesu Kristo ni we cyitegererezo cya Ivuka Rye, ndetse n’ubuzima bwacu.

Niringiye ko muzafata akanya muri ibi bihe bya Noheli ko kwicara ahantu hatuje maze mukareka Roho y’Umukiza ikabereka ubwuzu kandi ikabakomeza. Mukicara mutuje hamwe n’uwo mwana muto maze mukaza mukomeye mu buryo bwa Roho. Mureke ako kanya kabe ako kuruhuka no kugarurwamo imbaraga no guhumurizwa no guhinduka bashya.

Imana ibahe umugisha mu gihe cya Noheri uko mwe hamwe nanjye, mutanga ubuhamya bw’Umukiza Yesu Kristo: Urufatiro rw’ubuzima bwacu, ku buzima bw’ikiremwa muntu cyose, ndetse n’impamvu yose yo kubaho.

Umukuru D. Todd Christofferson w’Ihuriro ry’Intumwa Cumi n’Ebyiri, “Be at Peace,” Liyabona, Ukuboza. 2015, 37.

© 2024 by Intellectual Reserve, Inc. All rights reserved. Cyacapiwe muri Leta Zunze Ubumwe z’Amerika. Ukwemerwa kw’Icyongereza: 6/19. Ukwemerwa k’ubusemuzi: 6/19. Ubusemuzi bwa Monthly For the Strength of Youth Message, December 2024. Kinyarwanda. 19346 716

Aho byavuye

1. Joseph Smith Translation, Luke 2:7 (in Luke 2:7, footnote b).

2. See Andy Mickelson, “An Improbable Inn: Texts and Tradition Surrounding Luke 2:7,” Studia Antiqua vol. 14, no. 1 (May 2015).

3. See Andy Mickelson, “An Improbable Inn.”

4. See Russell M. Nelson, “The Peace and Joy of Knowing the Savior Lives,” Liahona, Dec. 2011, 19–20.

5. See Alfred Edersheim, The Life and Times of Jesus the Messiah, 8th ed. (1907), 1:186.