“Pasiuna sa Manwal sa Estudyante sa Seminary alang sa Basahon ni Mormon,” Manwal sa Estudyante sa Basahon ni Mormon (2024)
“Pasiuna,” , Manwal sa Estudyante sa Basahon ni Mormon
Pasiuna sa Manwal sa Estudyante sa Seminary alang sa Basahon ni Mormon
Ang katuyoan sa Seminaries and Institutes of Religion mao ang pagtabang sa kabatan-onan ug mga young adult nga mapalawman ang ilang pagkakabig ngadto ni Jesukristo ug sa Iyang gipahiuli nga ebanghelyo, mahimong sarang alang sa mga panalangin sa templo, ug makaandam sa ilang mga kaugalingon, sa ilang mga pamilya, ug sa uban alang sa kinabuhing dayon uban sa ilang Amahan sa Langit.
Ang mga leksiyon niini nga manwal gidesinyo aron sa pagtabang kanimo nga makab-ot kini nga katuyoan samtang ikaw magtuon sa Basahon ni Mormon. Kini nga manwal naglangkob og 255 ka leksiyon. Dili nimo kinahanglan nga kompletohon kining tanang leksiyon. Kadaghanan niini nagsubay sa Dali, Sunod Kanako nga hut-ong sa kasulatan nga pagatun-an sa mga indibidwal ug mga pamilya. Ang ubang mga leksiyon may kalabotan sa doktrinal nga kahanas. Ang imong magtutudlo motabang kanimo nga makahibalo kon unsa nga mga leksiyon ang kompletohon sa panimalay ug unsa ang himoon pagdungan diha sa klase.
Ang buluhaton sa matag leksiyon naglakip og mga tahas nga imong isumiter ngadto sa imong magtutudlo. Kini nga mga tahas mailhan niini nga icon: . Ikonsiderar kon unsaon nimo sa pagkompleto niini nga mga tahas. Kini makatabang kanimo nga makabaton og mas makahuloganon nga mga kasinatian samtang ikaw magkat-on ug mogamit sa mga kamatuoran gikan sa mga kasulatan. Pag-ampo sa dili pa ikaw magsugod sa imong mga leksiyon ug tinguhaa ang giya ug direksiyon gikan sa Espiritu Santo aron sa pagtabang sa imong pagtuon. Pangita og mga kahigayonan nga mapakigbahin sa imong pamilya ug sa uban ang unsay imong nakat-onan. Samtang buhaton nimo, imong mapalawman ang imong pagkakabig ngadto sa Manluluwas ug sa Iyang gipahiuli nga ebanghelyo.