1 Nifae 8:1–18

O Le Alofa o le Atua ua Silisili Ona Manaomia i Mea Uma

E faapefea ona e faamatalaina le alofa o le Atua? Sa maua e Liae se faaaliga vaaia lea na ia vaai ai i se laau matagofie. Sa ai o ia i le fua o lena laau, ma sa “sili ona suamalie, nai lo o mea uma” sa ia tofo muamua i ai (1 Nifae 8:11). O lenei laau ma ona fua e faatusa i le alofa o le Atua, ua faaalia i le soifua mai, soifuaga, auaunaga, ma le taulaga togiola a Iesu Keriso. O lenei alofa na “faatumulia le agaga [o Liae] i le olioli tele” (1 Nifae 8:12). O lenei lesona ua faamoemoe e fesoasoani ia te oe e faateleina ai lou manao ia iloa le alofa o le Atua ma le Togiola a Iesu Keriso.

Pouliuli ma le malamalama

Ua faasoa mai e nisi o failauga i konafesi aoao ni tala i aafiaga na oo i ai i le pogisa faaletino sosoo ai ma se malamalama faateleina ma le lotofaafetai mo le malamalama. Taumafai e vaai faalemafaufau i tulaga nei. Faitau pe maimoa se tasi o nei tala.

Tietie i se uila vilivae e ui atu i se ana e 15 maila le umi (tagai Vern P. Stanfill, “Filifili le Malamalama,” Liahona, Nov. 2015, 55–57).

Choose the Light

A reckless biker finds himself in a battle against time and the elements when he enters a situation he can’t get out of. He discovers his only option is to choose the light.

O moli o le Malumalu o Sate Leki e le o ola i le po (tagai Sharon Eubank, “O Keriso: O Le Malamalama e Susulu i le Pogisa,” Liahona, Me 2019, 73–76).

O Keriso: O Le Malamalama e Susulu i le Pogisa

Ua aoao mai Sister Eubank e faapea afai tatou te avea Keriso ma totonugalemu o o tatou olaga, o le a Ia lagolagoina i tatou i o tatou tofotofoga ma avea ma o tatou malamalama i le pogisa.

O Keriso: O Le Malamalama e Susulu i le Pogisa

Ua aoao mai Sister Eubank e faapea afai tatou te avea Keriso ma totonugalemu o o tatou olaga, o le a Ia lagolagoina i tatou i o tatou tofotofoga ma avea ma o tatou malamalama i le pogisa.

Faasee i le maea i se ana maualalo (tagai Timothy J. Dyches, “O Le Malamalama e Pipii i le Malamalama,” Liahona, Me 2021, 112–15).

O Le Malamalama e Pipii i le Malamalama

Ua aoao mai Elder Dyches e faapea o Iesu Keriso o le Malamalama o le Lalolagi ma o le punavai o le fiafia ma le filemu moni.

Ua tatalo Liae mo le alofa mutimutivale o le Alii

A o nofo ai i le vao, sa faasoa atu ai e Liae ia auiliiliga o se faaaliga vaaia sa ia maua i lona aiga. I lenei faaaliga, sa i ai o ia i “se vao pouliuli ma le pagatia” (1 Nifae 8:4).

Faitau le 1 Nifae 8:5–8, ma vaavaai mo le mea na tupu ia Liae ma ona lagona. E mafai ona fesoasoani le vaai faalemafaufau i mea sa e faitauina. Vaavaai mo faamatalaga auiliili e mafai ona fesoasoani ia te oe e fatu ai se ata faalemafaufau pe vaai faalemafaufau ai i mea na tutupu e pei o se ata tifaga.

• O a ituaiga o mafaufauga po o lagona e te manatu na mafua ai ona tatalo Liae mo le alofa mutimutivale?

Faaaoga sina taimi e mafaufau loloto ai i auala eseese tatou te ono lagonaina ai le pogisa i o tatou olaga ma mafuaaga atonu tatou te tagi atu ai i le Alii mo le alofa mutimutivale.

Faitau le 1 Nifae 8:9–12, ma vaavaai pe na faapefea ona fesoasoani le Alii ia Liae.

I lau api talaaga mo suesuega, fai se ata faigofie e faatusa i le laau na vaai i ai Liae. Tusi le fua i luga o le laau, ma faaigoa le fua e faavae i faamatalaga a Liae i le 1 Nifae 8:10–12. (Mo nisi faamatalaga e faaigoa ai le fua o le laau, faitau le 1 Nifae 15:36 ma le Alema 32:42.) A o e tusia se ata, mafaufau po o le a le mea e ono faatusa i ai lenei laau ma lona fua.

Mulimuli ane, sa manao Nifae ia iloa patino ma malamalama i le faaaliga, e aofia ai le uiga o le laau na vaai i ai Liae. A o mafaufau loloto i mea na aoaoina ai o ia, sa faaali atu ia Nifae, e ala i le Agaga, se faaaliga o le Taupou o Maria o sapasapaia le pepe o Iesu i ona lima (tagai 1 Nifae 11:13, 20).

Vaai i le ata lenei ma mafaufau pe aisea atonu na faaalia ai lenei mea ia Nifae ina ua Ia manao ia iloa le uiga o le laau.

Faitau le 1 Nifae 11:21–23, ma vaavaai po o le a le isi mea na faaali atu ia Nifae ma pe na faapefea ona fesoasoani ia te ia e aoao ai i le uiga o le laau. E mafai ona e faaigoaina le laau e fua i mea e te aoaoina.

• O le a sou manatu e faapefea ona fesoasoani le Faaola ia i tatou ia lagonaina le alofa o le Atua?

Na aoao mai Elder David A. Bednar o le Korama o Aposetolo e Toasefululua:

O le faailoaga aupito silisili lava o le alofa o le Atua mo Lana fanau, o le galuega i la le tino, taulaga togiola, ma le Toetu o le Alii o Iesu Keriso. O le fua o le laau e mafai ona manatu i ai o se faatusa mo faamanuiaga o le Togiola a le Faaola. (David A. Bednar, “O Mai Ia Ina Matamata,” Liahona, Nov. 2014, 109)

• Mai le faaaliga a Liae ma le saunoaga a Elder Bednar, o a upumoni e mafai ona e faailoa mai e uiga i le alofa o le Atua?

Lagonaina o le alofa o le Atua ma le olioli sili e ala ia Iesu Keriso

O se tasi upumoni e mafai ona tatou aoaoina o le alofa o le Atua, e faaalia e ala ia Iesu Keriso, e sili atu ona manaomia i mea uma ma aumaia ai le olioli sili.

O gaoioiga nei e mafai ona fesoasoani ia te oe e iloa ai pe faapefea ona e lagonaina le alofa o le Atua mo oe ona o Iesu Keriso. A o e faia nei gaoioiga, taumafai e faailoa ni faamanuiaga se tele e oo mai e ala ia Iesu Keriso ma Lana Togiola ma tusi i luga po o autafa o le fua na e tusia.

Gaoioiga 1

Faitau le mea na molimau atu ai Liae ina ua uma ona vaai i lenei faaaliga i le 1 Nifae 10:5–6. Faitau foi nisi o mau nei pe sue isi e faapupula mai ai faamanuiaga e mafai ona tatou maua e ala i le Togiola a Iesu Keriso: Isaia 53:4–5; Ioane 1:17; Mosaea 4:2–3; Alema 7:11–12; Helamana 5:12.

Gaoioiga 2

Maimoa i se tasi o vitio nei, o loo maua i le ChurchofJesusChrist.org, ma vaavaai mo faamanuiaga e oo mai e ala mai ia Iesu Keriso:

“Atonement—Not a One-Time Thing” (3:00)

Togiola - E Le o se Mea mo se Taimi e Tasi

Ua faasoa mai e se alii talavou le ala faatasi ai ma le fesoasoani a lona epikopo, ua ia maua ai faamanuiaga o le Togiola a Iesu Keriso.

“Ona o Ia” (2:36)

Because of Him—Easter Video

Jesus Christ is our Savior. Because of Him, we can change for the better and live again with God. This Easter season we celebrate His life and Resurrection and invite all to share His miraculous story.

“Filemu ia Keriso” (4:09)

Filemu ia Keriso

A leai se filemu i le lalolagi, o loo i ai le filemu ia Keriso.

Gaoioiga 3

Mafaufau loloto i auala na e mauaina ai faamanuiaga ua ofoina mai e Iesu Keriso pe na faapefea ona e vaaia lenei mea i olaga o isi tagata. E mafai ona aofia ai auala na faamanuiaina ai oe e le Alii i taimi o le pogisa.

O le a se mea na e aoaoina?

Faaaoga sina taimi e iloilo ai faamanuiaga e mafai ona tatou maua e ala i le Togiola a Iesu Keriso lea na e tusia i lau atatusi o le fua. Mafaufau loloto pe aisea e mafai ai e nei faamanuiaga ona “faafiafia ai le tagata” (1 Nifae 8:10), ia “sili ona suamalie, nai lo mea uma” (1 Nifae 8:11), ma faatumuina oe “i le olioli tele” (1 Nifae 8:12).

1. Tali mai ia le itiiti ma le lua o fesili nei:

• O le a se mea na e aoaoina e uiga i le alofa o le Atua mo oe?

• O a faamanuiaga o loo avanoa e ala mai ia Iesu Keriso e sili ona e manao i ai i lou olaga? Aisea?

• Ua faapefea ona faamanuiaina oe ona o le alofa ua faaalia e le Atua i le auina mai o Lona Alo o Iesu Keriso e togiola mo oe?

Tuu i le faitalia: O e Manao e Aoao Atili?

O a faamanuiaga e mafai ona tatou maua e ala i le Togiola a Iesu Keriso?

Ua molimau mai tusitusiga paia i le tele o faamanuiaga ua ofoina mai e le Faaola ia i tatou e ala i Lana Togiola. E mafai ona faamagaloina i tatou i a tatou agasala, ma e mafai ona faamamaina o tatou loto (tagai Mosaea 4:2–3). E mafai ona tatou faalelei ma le Atua (tagai Iakopo 4:11). Tatou te maua le “alofa tunoa ma le mea moni” (Ioane 1:17). E mafai ona tatou manumalo i le lalolagi ma lagona le filemu (tagai Ioane 16:33). E mafai ona tatou maua le fesoasoani faalelagi ma le faamalologa i o tatou puapuaga, tiga, faanoanoaga, ma ma’i (tagai Isaia 53:4–5; Alema 7:11). Na te silafia o tatou vaivaiga ma o le a fesoasoani ia i tatou i ia vaega (tagai Alema 7:12). E mafai ona Ia faamalosia i tatou e tetee atu i faaosoosoga (tagai Mataupu Faavae ma Feagaiga 62:1). O Ia o se faavae mautinoa, ma afai tatou te fausia o tatou olaga ia te Ia, o le a tatou le pauu lava (tagai Helamana 5:12). O le a toetutu tagata uma mai le oti (tagai Mosaea 16:7–8; Alema 7:12; 1 Korinito 15:22). E mafai ona avea i tatou e faapei o le Faaola ma maua le ola e faavavau (tagai Moronae 7:48; 2 Nifae 2:27).