Atamai i Aoaoga Faavae: 2 Nifae 2:25

“Na Pa’ū Atamu Ina ia i ai Tagata; ma Ua I ai Tagata, Ina ia Latou Maua le Olioli”

Aiga o Atamu ma Eva

I le lesona “2 Nifae 2:17–26,” na e aoao ai e uiga i le Pa’ū o Atamu ma Eva. O le iloa e uiga i le Pa’ū e mafai ai ona fesoasoani ia te oe e faalagolago i le Faaola a o e feagai ma luitau o le olaga faaletino. O lenei lesona e mafai ona fesoasoani ia te oe e tauloto ai le tusi faasino o le atamai i aoaoga faavae ma le fasifuaitau autu o le mau mo le 2 Nifae 2:25, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga moni o le olaga.

Gaoioiga e Ono Mafai Ona Aoao Ai

Faamatala ma tauloto

E te manatu e mafai ona e faamatalaina po o le a le elefane po o se kolila e aunoa ma le faaaogaina o lona igoa? Ina ia faataitai ona faamalamalama atu mea i isi, mafaufau pe faapefea ona e faamatalaina nei manu.

Elefane Aferika

O nisi vaega o le fuafuaga a le Tama Faalelagi e mafai ona faigata ona faamalamalama, e aofia ai le Pa’ū o Atamu ma Eva. I se lesona talu ai, sa e suesue ai e uiga i le Pa’ū. Faitau le 2 Nifae 2:25, mafaufau e uiga i mea na e aoaoina. Ia manatua o le Pa’ū o se vaega taua o le fuafuaga o le fiafia a le Tama Faalelagi.

Tusi i lalo pe faapefea ona e faamatalaina le Pa’ū o Atamu ma Eva i se tamaitiiti valu tausaga le matua ma pe aisea e taua ai ona malamalama i le Pa’ū.

Faataitai le taulotoina o le fuaitau o le atamai i aoaoga faavae. O se tasi o auala e faataitai ai le taulotoina o le vaevae lea o le tusi faasino ma le fasifuaitau autu o le mau i vaega nei e lima:

• 2 Nifae 2:25

• “Na pa’ū Atamu

• ina ia i ai tagata;

• ma ua i ai tagata,

• ina ia latou maua le olioli.”

Tusi vaega nei i luga o se fasipepa, ma toe fai vaega taitasi a o e tusi atu i ai. Ona tape lea pe ufiufi upu po o fasifuaitau a o toe faia le mau. Faaauau pea seia uma ona tapeese mea uma ma ua mafai ona e toe taulotoina le tusi faasino ma le fasifuaitau autu o le mau mai lou mafaufau.

Faataitai le faaaogaina

aikona, faamaumau

1. I luga o se pepa avanoa, e aunoa ma le tilotilo i soo se faamatalaga, taumafai e tusi mataupu faavae uma e tolu o le mauaina o le malamalama faaleagaga.

   • O le a le lelei na e manatua ai mataupu faavae o le mauaina o le malamalama faaleagaga?

   Afai e te manaomia le fesoasoani i le manatuaina o nei mataupu faavae, tagai i le Pepa Autu o le Atamai i Aoaoga Faavae (2022).

   • E faapefea ona e faaaogaina mataupu faavae o le mauaina o le malamalama faaleagaga ma le aoaoga faavae o le Pa’ū e fesoasoani e taulima ai le atugaluga o Kitiona?

Afai e te manaomia le fesoasoani i le manatuaina o nei mataupu faavae, tagai i le Pepa Autu o le Atamai i Aoaoga Faavae (2022).

Faaaoga mataupu faavae nei i le tulaga faataitai lenei:

A o aoao ai e uiga i le Pa’ū o Atamu ma Eva i lana vasega o le Aoga Sa, sa faateia Kitiona i le faalogo atu i lona faiaoga o faapea mai o le Pa’ū o se vaega taua o le ata o le faaolataga a le Tama Faalelagi. Ua amata ona ia mafaufau i mea le lelei uma e mafai ona tutupu ona o le Pa’ū—agasala, oti, ma’i, le atoatoa o le malosi, gasegase faalemafaufau, tofotofoga, ma le tele o isi mea. Ua ia iloa o mea e sili ona ia faitio i ai e masani lava o taunuuga ia o le Pa’ū. Ua ia taumanatunatu pe faapefea ona avea le Pa’ū ma se mea na finagalo le Tama Faalelagi e tupu.

Saili le malamalama atili e ala i punaoa paia ua filifilia

Toe faamanatu parakalafa 11–12 i le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae.

• E faapefea ona e faaaogaina lenei mataupu faavae e foia ai le popolega o Kitiona?

O isi auala e faaaoga ai lenei mataupu faavae

• O a punavai paia filifilia o le a e fautuaina Kitiona e vaavaai i ai mo se fesoasoani faaopoopo?

• Aisea o le a e fautuaina atu ai na punavai?

Faamaumau au tali i lau api faamaumau mo suesuega.

Iloilo manatu faavae ma fesili faatasi ma se vaaiga e faavavau.

Toe faamanatu parakalafa 8–10 i le vaega o le “Mauaina o le Malamalama Faaleagaga” i le vaega o le Pepa Autu o le Atamai i Aoaoga Faavae.

• E faapefea ona e faaaogaina lenei mataupu faavae e foia ai le atugaluga o Kitiona?

O isi auala e faaaoga ai lenei mataupu faavae

Faamaumau au tali i lau api faamaumau mo suesuega.

O isi auala e faaaoga ai lenei mataupu faavae

• E faapefea e lou malamalama i le Pa’ū ma lona tulaga i le fuafuaga o le faaolataga ona fesoasoani i lenei tulaga?

• O le a se mea ua e iloa e uiga i le Faaola ma Lana Togiola e mafai ona fesoasoani?

• O le a se isi auala e mafai ona tatou vaai i ai i lenei tulaga faatasi ma se vaaiga e faavavau?

Faatino i le faatuatua

Toe iloilo parakalafa 5-7 i le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae.

• E faapefea ona e faaaogaina lenei mataupu faavae e foia ai le popolega o Kitiona?

O isi auala e faaaoga ai lenei mataupu faavae

Mafaufau i ou lava aafiaga i le feagai ai ma luitau e fesootai ma le Pa’ū. Mafaufau loloto i mea ua e faia e faatino ai i le faatuatua ma faalagolago i le Faaola pe a feagai ma luitau e fesootai ma le olaga faaletino.

• E faapefea ona fesoasoani ou aafiaga i le tulaga o Kitiona?

• O le a se isi auala e mafai ai e Kitiona ona faaali le faatuatua ia Iesu Keriso?

Tusifaamaumau au tali i lau api faamaumau mo suesuega.