Seminare
2 Nifae 5:1–9: O Lapataiga a le Atua

“2 Nifae 5:1–9: O Lapataiga a le Atua,”’ Tusi Lesona a Tagata o le Vasega o le Tusi a Mamona (2024)

“2 Nifae 5:1–9: O Lapataiga a le Atua,”’ Tusi Lesona a Tagata o le Vasega o le Tusi a Mamona

2 Nifae 5:1-9

O Lapataiga a le Atua

Ua sosola le aiga o Nifae i le vao

Atonu o se faamomoi loto ia Nifae. Ona sa fuafua Lamana ma Lemuelu e fasioti o ia, o lea na lapataia ai Nifae e ave “i latou sa talitonu i lapataiga ma faaaliga a le Atua” (2 Nifae 5:6) ma sosola atu i le vao. E i ai taimi, e ono lapataʻia foi i tatou e le Alii i lamatiaga faaletino ma faaleagaga o loo siomia ai i tatou. O lenei lesona e mafai ona fesoasoani ia te oe e mulimuli ai i lapataiga e tuuina mai ma le alofa e le Alii e puipui ai oe.

Gaoioiga e Ono Mafai Ona Aoao Ai

Lapataiga

faailoga lapatai

  • Aisea e taua ai faailoga lapatai e pei o nei?

  • Aisea e ono tilotilo ai nisi tagata i faailoga lapatai ma le lotofaafetai? ma le le fiafia?

  • O anafea na e faafetai ai ona sa lapataia oe?

A o e suesue i le aso, mafaufau pe aisea ua auina mai ai e le Atua ia i tatou lapataiga. Taumafai foi e manatua ni auala eseese atonu na e tali atu ai i lapataiga na Ia tuuina mai.

Lapataiga a le Atua mo Nifae

Faitau le 2 Nifae 5:1–9, ma vaavaai mo se lapataiga na tuuina atu e le Alii ia Nifae ina ua uma ona avea o ia ma taitai faaleagaga o le aiga ina ua mavae le maliu o Liae. Pe atonu foi e te manao e matamata le vitio “Ua Sosola Sa Nifaē i le Vao” mai le faailotaimi 0:00–3:21.

5:33

Ua Sosola Ese Atu sa Nifae i le Vao | 2 Nifae 4:17-30; 5:2-6

2 Nifae 4:17-30; 5:2-6 | Ua feita uso matutua o Nifae ia te ia ma ua mananao e fasioti ia te ia. Ua lapatai le Alii ia Nifae ma lona aiga e o ese. Ua nonofo i latou i se eleele fou ma ua taua o “Nifae.”

Taumafai e tuu oe lava i le tulaga o se tasi o talavou sa Nifae lea na valaaulia o latou aiga e mulimuli ia Nifae.

  • Aisea atonu na faigata ai ona aluese?

  • O le a se mea e te manaomia e te fai ai le faaiuga e mulimuli ia Nifae i le vao?

  • E tusa ma le fuaiupu 6, o le a le mea na iloa ai po o ai na o ma ia?

O se upumoni e tasi e mafai ona tatou aoao mai lenei tala o le, e mafai e le Atua ona taitai ese i tatou mai mea matautia pe afai tatou te filifili e talitonu i Ana faaaliga ma faalogo i Ana perofeta.

Atonu e te manao e maimoa le vitio “Enemy Territory” (3:38), o loo maua i le ChurchofJesusChrist.org, ma vaavaai pe faapefea e lapataiga a le Atua ona faamanuiaina o tatou olaga.

2:3

Teritori a le Fili

Ua faasoa mai e Peresitene Boyd K. Packer se aafiaga lea na puipuia ai o ia i le taimi o le Taua Lona II o le Lalolagi e ala i le faalogo i se uunaiga mai le Agaga, ma folafola mai i le autalavou, o le a puipuia i latou pe afai latou te “usitai i uu

aikona, faamaumau

  1. Taumafai e vaai faalemafaufau pe faapefea ona ese le lalolagi (po o lou olaga patino) pe afai e le lapataia lava i tatou e le Atua. Ona tali lea ia le itiiti ifo ma le tolu o fesili nei:

    • Aisea e te manatu ai tatou te manaomia lapataiga a le Atua i o tatou aso?

    • O a ni auala eseese e faailoa mai ai e le Atua Ana lapataiga i tagata lautele ma i tagata taitoatasi e uiga i o latou tulaga patino?

    • O a mafuaaga e ono filifili ai se tasi e le mulimuli i lapataiga a le Atua, ma e faapefea ona e tali atu i se tasi e tuuina mai se tasi o nei mafuaaga?

    • Na faapefea ona puipuia oe po o e pele ia te oe e ala i le mulimuli i lapataiga mai le Atua? Faasoa atu se faataitaiga patino pe a mafai ona e mafaufau i se tasi.

E lapataia i tatou e le Atua e ala i Ana perofeta.

O se tasi o auala e lapataia ai i tatou ma le alofa e le Atua i mea matautia e auala mai lea i Ana perofeta soifua. Mo se faataitaiga, i le 2 Nifae 5:5–6, o le toatele o le aiga o Nifae na faalogo i le lapataiga na tuuina atu ia te ia e le Alii e o ese atu i le vao. (Tagai foi i le Amosa 3:7.) Tatou te maua foi le tele o lapataiga faaperofeta mai le Atua mo i tatou i Ana tusitusiga paia.

Faaaoga sina taimi e suesue ai tusitusiga paia mo lapataiga na tuuina mai e le Atua ia i tatou e ala mai i Ana perofeta i aso ua mavae. (O nisi faataitaiga e aofia ai le Alema 41:10; Moronae 10:30, 32; Mataupu Faavae ma Feagaiga 63:57–58; 89:1–4.)

aikona, faamaumau

  1. Tali ia le itiiti ifo ma le tolu o fesili nei:

    • O a ni lapataiga na e maua e te manatu e sili ona manaomia e le lalolagi i aso nei?

    • O le a sou manatu o a taunuuga mo le usitaia po o le le amanaiaina o nei lapataiga?

    • O faapefea ona avea nei lapataiga ma faailoga o le alofa o le Atua?

    • E faapefea e le usiusitai i lapataiga na e maua ona fesoasoani ia te oe e avea atili ai e faapei o Iesu Keriso?

    • E mafai faapefea e le le amanaiaina o Ana lapataiga ona taumamao ai i tatou mai ia te Ia?

Lapataiga a le Atua mo oe

Sa aoao mai Peresitene Boyd K.Packer (1924–2015) o le Korama a Aposetolo e Toasefululua:

Peresitene Boyd K. Packer

E le o faamoemoeina e te ola i lenei olaga e aunoa ma le faia o ni mea sese, ae o le a e le faia lava se mea sese matuia e aunoa ma le lapataia muamua o oe e ala i uunaiga a le Agaga Paia. O lenei folafolaga e faatatau i tagata uma o le Ekalesia. (Boyd K. Packer, “Fautuaga i le Autalavou,” Liahona, Nov. 2011, 18)

Mafaufau loloto pe faapefea ona faatatau le saunoaga a Peresitene Packer ma mea na e aoaoina mai le 2 Nifae 5 i lou olaga. Ona faamaumau lea o ou manatu ma lagona i lau api faamaumau mo suesuega. O nisi nei o mea e mafaufau i ai:

  • Pe na lapataia a’u e le Tama Faalelagi i se mea patino i lo’u olaga e ala i manatu po o lagona mai le Agaga?

  • O i ai ni lapataiga patino mai le Atua ua ou mauaina e ala mai i taitai o le Ekalesia, matua, faamanuiaga faaperisitua, po o isi auala? O faapefea mai lo’u mulimuli ai i nei mea?

  • O le a se mea e tasi ou te manatu e finagalo le Tama Faalelagi ou te faia i mea sa ou aoaoina pe lagonaina i le asō?