Fakataukei Fakatokāteliné: Mōsaia 2:41 — “Ko e Tuʻunga Faitāpuekina mo Fakafiefia ʻo Kinautolu ʻOku Nau Tauhi e Ngaahi Fekau ʻa e ʻOtuá,” Tohi ʻa Molomoná - Tohi Lēsoni ʻa e Tokotaha Akó (2024)
“Mōsaia 2:19–41,” Tohi ʻa Molomoná - Tohi Lēsoni ʻa e Tokotaha Akó
Fakataukei Fakatokāteliné: Mōsaia 2:41
“Ko e Tuʻunga Faitāpuekina mo Fakafiefia ʻo Kinautolu ʻOku Nau Tauhi e Ngaahi Fekau ʻa e ʻOtuá,”
Naʻá ke ako ʻi ha lēsoni kimuʻa kapau te tau tauhi e ngaahi fekau ʻa e ʻOtuá, te Ne tāpuekina fakatuʻasino mo fakalaumālie fakatouʻosi kitautolu. ʻE lava ke tokoni e lēsoni ko ʻení ke ke ako maʻuloto ai e potufolofola fakataukei fakatokāteline mo e kupuʻi lea fakafolofola mahuʻinga ki he Mōsaia 2:41, fakamatalaʻi ʻa e tokāteline ʻoku akoʻi mai ʻi he potufolofolá ni, pea fakaʻaongaʻi e ngaahi tefitoʻi moʻoni ki hono maʻu ʻo e ʻilo fakalaumālié ʻi ha tūkunga moʻoni ʻo e moʻuí.
Ako maʻuloto pea fakamatalaʻi
Tā pe faʻu ha fakatātā ʻokú ne fakafofongaʻi ʻa e tokāteline ʻoku akoʻi ʻi he Mōsaia 2:41.
ʻI he ʻosi hoʻo fakatātaá, fakaʻaongaʻi ia ke tokoni kiate koe ke ke ako maʻuloto ʻa e kupuʻi lea fakafolofola mahuʻinga ko ʻení: “[Ko] kinautolu ʻoku nau tauhi ʻa e ngaahi fekau ʻa e ʻOtuá … ʻoku nau monūʻia ʻi he meʻa kotoa pē.”
-
Tali ‘a e fehuʻi ko ‘ení:
-
Te ke fakaʻaongaʻi fēfē hoʻo fakatātaá ke fakamatalaʻi ʻa e tokāteline naʻe akoʻi ʻi he Mōsaia 2:41?
-
Akoako hono fakaʻaongaʻí
Fakakaukauloto ki he tūkunga ko ʻení:
Naʻe maʻu ʻe Sena ha lēsoni fakataukei fakatokāteline ʻi he seminelí naʻá ne fakamamafaʻi ʻoku ʻomi ʻe he talangofua ki he ngaahi fekau ʻa e ʻOtuá ha fiefia mo ha ngaahi tāpuaki lahi ange ki heʻetau moʻuí. Hili iá, naʻe ongoʻi puputuʻu ʻa Sena ʻi hono tūkungá. ʻOkú ne feinga ke tauhi e ngaahi fekaú ka ʻoku ʻikai ke ne ongoʻi ʻoku faingofua ange ai ʻene moʻuí, fiefia ange, pe lelei ange. ʻOkú ne kei faingataʻaʻia pē ʻi he akó pea ʻoku ʻi ai ʻene ngaahi palopalema mo hono fāmilí mo e ngaahi kaungāmeʻá. Kapau ʻoku totonu ke ʻomi ʻe heʻene talangofua ki he ngaahi fekaú ʻa e fiefiá, ko e hā ʻokú ne ongoʻi pehē aí?
Ngāue ʻi he tuí
Lau ʻa e palakalafi 5–6 ʻi he konga “Ko Hono Maʻu ʻo e ʻIlo Fakalaumālié” ʻo e Fakamatala ki he ʻElito ʻo e Fakataukei Fakatokāteliné (2022). Kumi ha ngaahi kupuʻi lea ʻe lava ʻo tokoni kia Sena.
-
Ko e hā te ke lava ʻo vahevahe mei he palakalafi ko ʻení ke tokoni kia Sena ke ne ngāue ʻi he tuí?
-
Kumi ha ngaahi kupuʻi lea ʻe lava ʻo tokoni kia Sená.
Sivisiviʻi e ngaahi fakakaukaú mo e ngaahi fehuʻí, ʻaki ha fakakaukau ʻoku taʻengatá
Lau ʻa e palakalafi 8 ʻi he konga “Ko Hono Maʻu ʻo e ʻIlo Fakalaumālié” ʻo e Fakamatala ki he ʻElito ʻo e Fakataukei Fakatokāteliné (2022). Kumi ha ngaahi kupuʻi lea ʻe lava ʻo tokoni kia Sena.
-
Ko e hā ha meʻa te ke vahevahe mo Sena?
-
Ko e hā e ʻuhinga te ke vahevahe ai ʻeni mo iá?
Fekumi ke maʻu ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí
Lau ʻa e palakalafi 11 ʻi he konga “Ko Hono Maʻu ʻo e ʻIlo Fakalaumālié” ʻo e Fakamatala ki he ʻElito ʻo e Fakataukei Fakatokāteliné (2022). Kumi ha ngaahi kupuʻi lea ʻe lava ʻo tokoni kia Sena.
-
Ko e hā ha ngaahi maʻuʻanga tokoni fakalangi kehe te ke lava ʻo fokotuʻu ange ke tafoki ki ai ʻa Sena?
-
ʻOkú ke pehē ʻe tokoni fēfē ʻa e meʻá ni kiate iá?
-
Tali e fehuʻi ko ʻení ʻi ha palakalafi ʻoku sētesi ʻe 5 pe lahi ange.
-
ʻE fakaʻaongaʻi fēfē ʻe Sena e ngaahi tefitoʻi moʻoni ki hono maʻu ʻo e ʻilo fakalaumālié mo e Mōsaia 2:41 ke fakanonga ʻaki ʻene hohaʻá?
-