Atamai i Aoaoga Faavae Iloiloga 13

Sue ma Faailoga le Alema 7:11–13 e oo i le Moronae 10:4–5

O se tasi o faamoemoega o le atamai i aoaoga faavae o le fesoasoani lea ia te oe ia sau ia Keriso e ala i le faateleina o lou malamalama i upumoni o le talalelei o loo maua i tusitusiga paia. O lenei lesona ua faamoemoe e fesoasoani ia te oe e sue ia fuaitau o mau e 12 o le atamai i aoaoga faavae i le afa lona lua o le Tusi a Mamona.

Mau faasino ma fasifuaitau autu o mau

Vaai faalemafaufau e faapea, ua maitauina e se tei laitiiti o loo e faailogaina au tusitusiga paia a o e suesue. A uma ona vaai i le itulau ua faailogaina ma faailoga uma o iai e fesili atu lou tei laitiiti pe aisea e te faailogaina ai au tusitusiga paia.

• E faapefea ona e tali atu i ai?

Faaaoga le siata lenei e fesoasoani ia te oe e sue ai fuaitau e 12 o le atamai i aoaoga faavae o loo maua i le afa lona lua o le Tusi a Mamona. Mafaufau e faailoga i se auala iloga ina ia mafai ai ona faigofie ona e mauaina i le lumanai. E mafai foi ona e mafaufau e faailoga upu o loo i fasifuaitau autu o mau ina ia tulaga ese ai.

Atamai i Aoaoga Faavae o le Tusi a Mamona: Alema–Moronae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o le Mau
Mau Faasino Alema 7:11–13	Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.”
Mau Faasino Alema 34:9–10	Fasifuaitau Autu o le Mau “E tatau ona faia o se togiola, … o se taulaga e ao ina le gata ma faavavau.”
Mau Faasino Alema 39:9	Fasifuaitau Autu o le Mau “Aua e te toe alu e tusa ma tuinanau o ou mata.”
Mau Faasino Alema 41:10	Fasifuaitau Autu o le Mau “E lei avea lava le amioleaga ma fiafia.”
Mau Faasino Helamana 5:12	Fasifuaitau Autu o le Mau “O luga lava o le papa o lo tatou Togiola … e ao ina oulua atiae ai lo oulua faavae.”
Mau Faasino 3 Nifae 11:10–11	Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.”
Mau Faasino 3 Nifae 12:48	Fasifuaitau Autu o le Mau “Ia outou atoatoa e pei lava o aʼu, po o lo outou Tamā o le o i le lagi e atoatoa.”
Mau Faasino 3 Nifae 27:20	Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.”
Mau Faasino Eteru 12:6	Fasifuaitau Autu o le Mau “Aua tou te le maua se molimau, seia uma ona tofotofoina o lo outou faatuatua.”
Mau Faasino Eteru 12:27	Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.”
Mau Faasino Moronae 7:45-48	Fasifuaitau Autu o le Mau “O le alofa mama o le alofa le pona lea o Keriso.”
Mau Faasino Moronae 10:4-5	Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.”

© 2023 by Intellectual Reserve, Inc. Ua taofia aiā tatau uma.

1. Filifili ni fuaitau se tolu o le atamai i aoaoga faavae e te manao e aoao atili ai i lenei semesa. Faitau fuaitau, ma tusi i lalo mea nei:

   • Aisea e te manatu ai e finagalo le Faaola i tagata i aso nei ia malamalama i upumoni i nei fuaitau

   • So o sau fesili o i ai e uiga i upu ma fasifuaitau i fuaitau

I nai aso e sosoo ai, amata ona tauloto nisi o mau faasino ma fasifuaitau autu o mau, ma vaavaai mo tali i soo se fesili atonu o ia te oe e uiga i mea o loo aoao mai e na mau. Atonu e te manao e faaaoga le polokalama feaveai o le Atamai i Aoaoga Faavae e fesoasoani ai ia te oe (pe afai o maua).