Fakataukei Fakatokāteliné: ʻAlamā 41:10

“Kuo Teʻeki ai Hoko ʻa e Faiangahalá Ko e Fiefia”

Naʻá ke ako ʻi he ʻAlamā 41:10, “kuo teʻeki ai hoko ʻa e faiangahalá ko e fiefia.” ʻE lava ke tokoni e lēsoni ko ʻení ke ke ako maʻuloto e potufolofola fakataukei fakatokāteliné mo e kupuʻi lea fakafolofola mahuʻingá ki he ʻAlamā 41:10, fakamatalaʻi ʻa e tokāteliné, pea fakaʻaongaʻi e ngaahi tefitoʻi moʻoni ki hono maʻu ʻo e ʻilo fakalaumālié ʻi ha tūkunga moʻoni ʻo e moʻuí.

Ako maʻuloto pea fakamatalaʻi

Ke tokoni atu ke ke ako maʻuloto iá, toutou lau ʻa e kupuʻi lea mahuʻinga ʻo e fakataukei fakatokāteliné mo e potufolofola fakamoʻoní, “ʻAlamā 41:10 ʻKuo teʻeki ai hoko ʻa e faiangahalá ko e fiefia.’” Feinga ke fakasiʻisiʻi hoʻo sio ki aí ʻi he taimi kotoa pē ʻokú ke toutou lau ai iá. Kapau ʻokú ke fiemaʻu ha toe tukupā, feinga ke ako maʻuloto ʻa e potufolofolá kotoa. ʻE ala tokoni ke fakaʻaongaʻi ʻa e polokalama Fakataukei Fakatokāteliné.

1. Fakakakato ʻa e ʻekitivitī ko ʻení:

   Fakakaukau ki ha tūkunga ʻe ʻaonga ai ki ha taha ke ne ʻiloʻi e tokāteline ʻoku akoʻi ʻi he ʻAlamā 41:10. Hili iá pea fakamatalaʻi ʻa e founga ʻe lava ke tokoni ai ʻa e tokāteliné ʻi he tūkunga ko iá.

Akoako hono fakaʻaongaʻí

2. Fakakakato ʻa e ʻekitivitī fakatauhoa ko ʻení:

   Fakamanatu takitaha ʻa e tefitoʻi moʻoni ʻe tolu ko ʻeni ʻo hono maʻu ʻo e ʻilo fakalaumālié ʻi he Fakamatala ki he ʻElito ʻo e Fakataukei Fakatokāteliné (2022). Hili iá pea fakatauhoa ʻa e fakamatala A–K ki he tefitoʻi moʻoni totonú. ʻOku ʻi ai ha fakamatala ʻe ua ʻo e tefitoʻi moʻoni takitaha ʻoku fekauʻaki mo iá.

   1. “Ngāue ʻi he Tui”

   2. “Vakaiʻi ʻa e Ngaahi Fakakaukaú mo e Ngaahi Fehuʻí ʻaki ha Fakakaukau ʻoku Taʻengatá”

   3. “Fekumi ki ha Mahino Lahi Ange ʻo Fakafou ʻi he Ngaahi Maʻuʻanga Tokoni Kuo Fokotuʻu Fakalangí”

   1. “ʻOku hoko ʻa e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá—ʻa e kau palōfita ʻa e ʻEikí ʻi he māmaní he ʻaho ní—ko ha maʻuʻanga tokoni mahuʻinga ia ʻo e moʻoní.”

   2. “ʻI heʻetau feinga ke fakatupulaki ʻetau mahinó mo fakaleleiʻi e ngaahi meʻa ʻoku tau hohaʻa ki aí, ʻoku mahuʻinga ke tau falala ki he fakamoʻoni kuo tau ʻosi maʻu kau kia Sīsū Kalaisí.”

   3. “Fakakaukau ki he ngaahi [fehu‘i] ʻi he puipuitu‘a ʻo e palani ‘o e fakamoʻuí pea mo e ngaahi akonaki ‘a e Fakamoʻuí.”

   4. “ʻE lava ke maluʻi kitautolu mei he fakamatala halá pea mo kinautolu ʻoku nau feinga ke fakaʻauha ʻetau tuí ʻaki hono ako ke ʻiloʻi pea fakaʻehiʻehi mei he ngaahi maʻuʻanga tokoni ʻoku taʻe-falalaʻangá.”

   5. “ʻOku tau fekumi ki he tokoni ʻa e Laumālie Māʻoniʻoní kae lava ke tau vakai ki ha ngaahi meʻa ʻo hangē ko e ʻafio ki ai ʻa e ʻEikí.”

   6. “ʻI he hokohoko atu ʻetau feinga ke maʻu ha talí, kuo pau ke tau moʻui ʻaki e tuí—ʻo falala ʻe faifai pē pea te tau maʻu ʻa e ngaahi tali ʻoku tau fekumi ki aí.”

ʻE lava ke maʻu e ngaahi talí ʻi he fakaʻosinga ʻo e lēsoni ko ʻení.

Lau ʻa e tūkunga ko ʻení:

ʻOku fāifeinga ʻa Kālosi, ko ha mēmipa ʻo e Siasí, ke vakai ki he mahuʻinga ʻo hono tauhi e ngaahi fekau ʻa e ʻOtuá. Naʻá ne toki talaatu kiate koe kimuí ni, “ʻOku ou ʻilo ha kakai tokolahi ʻoku nau maumauʻi e ngaahi fekaú pea hangē ʻoku lelei pē ʻenau moʻuí. ʻOku fēfē nai hoʻo pehē kuo pau ke te tauhi e ngaahi fekaú ka te toki fiefiá?” ʻOku lava ke ke sio ki he fakamātoato ʻo e fehuʻi ʻa Kālosí ka ʻokú ke ongoʻi ʻokú ke fiemaʻu ha taimi ke fakatahaʻi kotoa ai hoʻo ngaahi fakakaukaú ke fakahoko ha talí. ʻOkú mo loto-fiemālie ke mo talanoa lahi ange ki heʻene fehuʻí ʻi he ʻaho hono hokó.

Fakaʻaongaʻi e meʻa kuó ke ako mo ongoʻi lolotonga hoʻo ako ʻa e ʻAlamā 41:10 mo e ngaahi tefitoʻi moʻoni ki hono maʻu ʻo e ʻilo fakalaumālié ke teuteu ke aleaʻi e fehuʻi ʻa Kālosí.

Fekumi ke maʻu ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí

1. Ko e folofolá ko ha ngaahi maʻuʻanga tokoni ia kuo fokotuʻu fakalangi ʻa ia ʻe lava ʻo tokoni kiate kitautolu ke tali ʻetau ngaahi fehuʻí. Lau ʻa e ʻAlamā 41:10 pea kumi ha potufolofola fakataukei fakatokāteline ʻe taha pe lahi ange ʻe lava ʻo tokoni atu ke ke fakahoko ha tali.

2. Fakakaukau ki ha ngaahi maʻuʻanga tokoni ʻe niʻihi te ke fakaafeʻi ʻa Kālosi ke ne toe vakaiʻi ki ha fakamatala lahi ange. Te ke lava foki ʻo fakamatalaʻi ʻa e meʻa ʻokú ne ʻai ha maʻuʻanga tokoni ke falalaʻanga fekauʻaki mo e ngaahi meʻa fakalaumālié.

Sivisiviʻi ʻa e ngaahi fakakaukaú pe ngaahi fehuʻí ʻaki ha fakakaukau ʻoku taʻengatá

ʻE lava ke tokoni atu ʻa e ngaahi fehuʻi ko ʻení ke ke ʻiloʻi ʻa e ngaahi mahalo ʻa Kālosí:

• Ko e hā ha ngaahi mahalo te ne ala maʻu fekauʻaki mo e ngaahi fekaú pe fiefiá?

• Ko e hā ha ngaahi akonaki ʻo e ongoongoleleí ʻoku fekauʻaki pe ʻomi ha tali ki heʻene fehuʻí?

• ʻOkú ke pehē ko e hā ʻoku fiemaʻu ke ʻilo ʻe Kālosi fekauʻaki mo e Tamai Hēvaní, ʻEne Palaní, mo e founga ʻokú Ne fengāueʻaki ai mo ʻEne fānaú?

Ngāue ʻi he tuí

ʻE lava ke ngāue ʻa Kālosi ʻi he tuí ʻaki ʻene feinga ke mahino lelei ange kiate ia ʻa e ngaahi fekau ʻa e Tamai Hēvaní. Ko e fili ko ia ke tauhi ʻa e ngaahi fekaú ʻi heʻene feinga ke maʻu ha mahino lahi ange fekauʻaki mo honau mahuʻingá, ko ha ngāue foki ia ʻi he tui. Fili ha fekau ʻe ua pe lahi ange pea feinga ke ʻiloʻi e founga ʻe lava ke tokoni ai hono tauhi kinautolú ke aʻusia ʻe Kālosi ʻa e fiefiá pe ko e founga ʻe iku ai hono maumauʻi kinautolú ki he mamahí. Te ke lava foki ʻo vahevahe ʻa e founga kuo ʻomi ai ʻe he tauhi ʻo e ngaahi fekaú ni ʻa e fiefiá kiate koé.

2. Hiki ha tali kia Kālosi. Fakamatalaʻi ange ʻa e founga ʻe lava ke ne muimui ai ki he ngaahi tefitoʻi moʻoni takitaha ʻo hono maʻu ʻo e ʻilo fakalaumālié mo e tokāteline naʻe akoʻi ʻi he ʻAlamā 41:10 ke maʻu ha ngaahi tali ki heʻene fehuʻí.

Ko e tali ki he ʻekitivitī fakatauhoá ko e (1) E, K; (2) F, I; mo e (3) A, H.