Seminare
Helamana 14: O Faailoga o le Faaola

“Helamana 14: O Faailoga o le Faaola,” Tusi Lesona a Tagata o le Vasega o le Tusi a Mamona (2024)

“Helamana 14,” Tusi Lesona a Tagata o le Vasega o le Tusi a Mamona

Helamana 14

O Faailoga o le Faaola

alii talavou o loo suesue i tusitusiga paia

Ua auina mai e le Tama Faalelagi ia perofeta e fesoasoani i Ana fanau ia talitonu i Lona Alo Pele, e pei o le taimi na Ia faatonuina ai Samuelu le sa Lamana e vavalo atu ia sa Nifae. I le avea ai o se vaega o ana valoaga, sa tau atu ai e Samuelu ia faailoga o le a faasilasila mai ai le soifua mai ma le maliu o Iesu Keriso. O lenei lesona e mafai ona fesoasoani ia te oe e faamalosia ai lou talitonuga ia Iesu Keriso a o e malamalama ai i faailoga ua tuuina mai e le Atua ia i tatou.

O faasilasilaga

Mafaufau i mea e tutupu i lou olaga ia e taua tele lea o le a e faasilasila atu ai i latou i uo ma aiga a o lei taitai oo i le taimi. I le tele o aganuu, o faasilasilaga aloaia o faauuga, faaipoipoga, aso fanau iloga, ma isi mea e tutupu e saunia ma auina atu i vaiaso po o masina a o lei oo i le taimi.

  • O a nisi o mafuaaga o le a auina atu ai e tagata nei faasilasilaga a o lei oo i le aso e faia ai?

  • O a nisi o mea na tutupu ia ua filifilia e le Tama Faalelagi e muai faasilasila mai e ala mai i Ana perofeta? Aisea e te manatu ai e taua tele na mea ona faailoa mai?

E ala atu i valoaga a Samuelu le sa Lamana, na faasilasila atu ai e le Atua ia sa Nifae ni mea taua e tutupu i le lumanai ma faailoga o le a o aumai faatasi ma i latou.

Faitau le Helamana 14:12, ma vaavaai mo mafuaaga na poloaiina ai e le Atua ia Samuelu e vavalo atu e uiga i nei faailoga.

O se upumoni e tasi e mafai ona tatou aoao ai e faapea, o le iloaina o faailoga ua tuuina mai e le Atua e mafai ona faamautu ai lo tatou talitonuga ia Iesu Keriso.

O le a sou manatu e faapefea ona aafia oe i le molimauina o faailoga na tuuina mai e Samuelu e faasilasila mai ai le soifua mai ma le maliu o Iesu Keriso? Mafaufau loloto po o a faailoga po o aafiaga ua tuuina mai e le Atua ia te oe e faamautu ai lou talitonuga i le Faaola. Atonu e aofia ai faailoga e muamua mai i le Afio Mai Faalua o le Faaola.

O faailoga o le soifua mai ma le maliu o le Faaola

aikona, faamaumau

  1. Faamaea mea nei:

    I le faaaogaina o valoaga nei, fatufatu ni faasilasilaga mo sa Nifae i ona po o Samuelu e uiga i le soifua mai ma le maliu o le Faaola. Taumafai ia pu’emaua le fiafiaga o le soifua mai o le Faaola ma le mamafatu o Lona maliu. Ia aofia ai foi le mafuaaga e tatau ai i tagata ona saunia mo nei mea o le a oo mai.

Mafaufau loloto i fesili nei:

  • Aisea e te manatu ai o faailoga e aofia ai le malamalama ma le pogisa na faailoa mai ai le soifua mai ma le maliu o le Faaola?

  • E mafai faapefea e le vaaia o nei faailoga ona faamautuina le talitonuga o sa Nifae i le Faaola?

O Faailoga o le Afio Mai Faalua

o le Afio Mai Faalua

E pei lava ona faaaoga e le Tama Faalelagi ia faailoga e saunia ai sa Nifae anamua mo le afio mai o Lona Alo, ua Ia faaaogaina foi faailoga i o tatou aso e fesoasoani ai ia i tatou e saunia mo le Afio Mai Faalua o Lona Alo.

Ina ia fesoasoani ia te oe e faamasani pe manatua nisi o faailoga a o lumanai le Afio Mai Faalua, faitau fuaitau o mau nei ma faafetaui ma le faamatalaga o le faailoga. Afai e te manao e suesue nisi faailoga, tagai “Faailoga o Taimi” i le Taiala i Tusitusiga Paia (scriptures.ChurchofJesusChrist.org).

O tali sao o loo maua i le faaiuga o le lesona.

  1. 1 Nifae 14:14

  1. O tagata mai atunuu uma o le a tosina atu i le malumalu o le Atua

  1. 2 Nifae 3:6, 11, 15

  1. O se e tupuga mai ia Iosefa o Aikupito (Iosefa Samita) o le a aumaia le afioga a le Atua (le Tusi a Mamona)

  1. Isaia 2:2–3

  1. O le a talai atu le talalelei i le lalolagi uma

  1. Mataio 24:14

  1. O le a maua le nuu o le Alii i le lalolagi atoa ma o le a faamanuiaina i le mana o le Atua

  1. 2 Timoteo 3:1–7

  1. O le a manatu faapito tagata ma agasala ma o le a liliuese mai le Atua

  1. Tali le lua pe sili atu o fesili nei:

    • Na faapefea ona e vaaia le faataunuuina o nisi o faailoga o le Afio Mai Faalua o le Faaola?

    A o lei taliina le fesili lenei, mafaufau loloto pe na faapefea ona aafia lou talitonuga i le Faaola ona o le Ekalesia toefuataiina a Iesu Keriso, le Perofeta o Iosefa Samita, le Tusi a Mamona, galuega faafaifeautalai, ma malumalu.

    • Na faapefea e le faataunuuina o nei faailoga ona faamautu ai lou faatuatua i le Faaola?

    • E tusa ai ma le Helamana 14:13, 28–29, aisea e taua tele ai mo i tatou le talitonu ia Keriso?

    • O a ni auala ua avea ai lou talitonuga ia Iesu Keriso o se faamanuiaga ia te oe?

A o e suesueina le 3 Nifae 1–10 i lesona a sau, o le a e faitau ai e uiga i le faataunuuina o faailoga na tuuina mai e Samuelu e uiga i le soifua mai ma le maliu o le Faaola. O tagata i ona po o Samuelu o e na talitonu i valoaga ma saunia mo le afio mai o Keriso sa matua eseese lava o latou aafiaga mai ia i latou o e sa lei talitonu.

I lau api faamaumau mo suesuega, tusi e uiga i lou talitonuga i le Faaola ma aafiaga na taitai atu ai oe i ai. E mafai foi ona e faaaofia ai le auala e mafai ona e faamalosia ai lena talitonuga (mo se faataitaiga, e ala i le faaauau pea ona suesue i le Tusi a Mamona pe e ala i le auai i le malumalu).

Ki o tali o le gaoioiga faafetaui: 1-o, 2-e, 3-a, 4-i, 5-u