Atamai i Aoaoga Faavae: 3 Nifae 27:20

“O Mai ia te A’u ma Ia Papatiso … , Ina ia Faapaiaina Outou i le Taliaina o le Agaga Paia,”

faamauga o se tamaitiiti

I lau suesuega o le 3 Nifae 27, ua e aoao ai e uiga i le faapaiaga e mafai ona e maua mai le Agaga Paia a o e ola i le talalelei a le Faaola. O lenei lesona e mafai ona fesoasoani ia te oe e tauloto le mau faasino ma le fasifuaitau autu o le mau mo le 3 Nifae 27:20, faamatala le aoaoga faavae o loo aoao mai i lenei fuaitau, ma faaaoga mataupu faavae o le mauaina o le malamalama faaleagaga i tulaga moni o le soifuaga.

Faamatala ma tauloto

Mai lau suesuega o le 3 Nifae 27:20, ua e aoaoina ai le upumoni lenei: Afai tatou te salamo, o mai ia Iesu Keriso, ma papatisoina, ona mafai lea ona faapaiaina i tatou e ala i le mauaina o le Agaga Paia ma tutu ma le le pona i luma o le Faaola i le aso gataaga.

Vaai faalemafaufau e faapea, sa e maua se avanoa e aoao atu ai lenei upumoni i se tamaitiiti laitiiti.

aikona, faamaumau

1. Tali le fesili lenei:

   • E faapefea ona e faamatalaina lenei upumoni i se tamaitiiti laitiiti i se auala e mafai ona ia malamalama ai?

Faataitai ona tauloto le fuaitau autu o le mau mo le 3 Nifae 27:20: “O mai ia te a’u ma ia papatiso … , ina ia faapaiaina outou i le taliaina o le Agaga Paia.”

Vaevae le mau faasino ma le fasifuaitau autu i vaega nei. Faataitai le taulotoina o vaega taitasi mo ni nai taimi. Ona tuufaatasi lea o vaega ma tauloto atoa le mau ma le fasifuaitau autu.

• 3 Nifae 27:20

• O mai ia te a’u

• ma ia papatiso

• ina ia faapaiaina outou

• i le taliaina o le Agaga Paia

Faataitai le faaaogaina

Ina ia fesoasoani ia te oe e toe faamanatu, lisi i totonu o le 30 sekone mea uma e mafai ona e manatua e uiga i se tasi o mataupu faavae o le mauaina o le malamalama faaleagaga. Ona fai lea o lena mea e tasi i isi mataupu faavae e lua. A e manaomia se fesoasoani e manatua ia mataupu faavae, e mafai ona e vaai i le parakalafa 5–12 i le vaega “Mauaina o le Malamalama Faaleagaga” o le Pepa Autu o le Atamai i Aoaoga Faavae (2023).

Mafaufau i le ata faataitai lenei:

O oe ma lau uo o Meagan o loo faia se talanoaga o le talalelei ao o atu i le fale mai le aoga. Na fesili Meagan, “Pe e te popole ea e uiga i le toe feiloai ma le Atua? Ou te taumafai e ola sa’o ma salamo pe a ou faia ni mea sese, ae o le mafaufau i le tu i luma o le Atua ina ia faamasinoina ua ou fefe ai.

Mafaufau pe mafai faapefea e mataupu faavae o le mauaina o le malamalama faaleagaga ma le aoaoga faavae o loo aoaoina i le 3 Nifae 27:20 ona fesoasoani pe afai e i ai se tasi e te iloa e i ai se popolega e pei o Meagan.

aikona, faamaumau

2. Tali ia le itiiti ifo ma le tasi le fesili i lalo o ulutala taitasi nei.

Iloilo Manatu ma Fesili ma se Vaaiga e Faavavau

• Mata o a ni manatu sese o loo i ai ia Meagan e uiga i le Tama Faalelagi po o Lana fuafuaga?

• O a nisi o upumoni e te manao ia malamalama i ai Meagan e uiga i le Tama Faalelagi ma Lana fuafuaga?

Saili le Malamalama Atili e ala i Punavai Paia ua Atofaina

• O a nisi o aoaoga mai le 3 Nifae 27:20 e mafai ona fesoasoani i lenei tulaga?

• O a ni isi o mau po o saunoaga mai taitai o le Ekalesia atonu e fesoasoani?

Faatino i le Faatuatua

• O a faatinoga e mafai ona faia e Meagan e mafai ona fesoasoani ia te ia e lagona atili ai le filemu i lona popolega? Aisea e te manatu e mafai ona fesoasoani ai nei faatinoga?