“Toe Vakaiʻi 1 ʻo e Fakataukei Fakatokāteline ki he Tohi ʻa Molomoná: Fakaʻilongaʻi mo Ako Maʻuloto,” Tohi ʻa Molomoná – Tohi Lēsoni ʻa e Faiakó (2024)
“Toe Vakaiʻi 1 ʻo e Fakataukei Fakatokāteline ki he Tohi ʻa Molomoná: Fakaʻilongaʻi mo Ako Maʻuloto,” Tohi ʻa Molomoná – Tohi Lēsoni ʻa e Faiakó
Toe Vakaiʻi 1 ʻo e Fakataukei Fakatokāteline ki he Tohi ʻa Molomoná
Fakaʻilongaʻi mo Ako Maʻuloto
Ko e taha ʻo e ngaahi taumuʻa ʻo e fakataukei fakatokāteliné ke tokoniʻi koe ke ke ako maʻuloto e ngaahi fakamoʻoni fakafolofola mo e ngaahi kupuʻi lea fakafolofola mahuʻinga ʻo e fakataukei fakatokāteliné. ʻOku fakataumuʻa e lēsoni ko ʻení ke tokoni ki he kau akó ke nau kumi, fakailongaʻi, mo ako maʻuloto e ngaahi fakamoʻoni fakafolofola mo e ngaahi kupuʻi lea fakafolofola mahuʻinga ki he ʻuluaki potufolofola fakataukei fakatokāteline ʻe 12 ʻo e Tohi ʻa Molomoná.
Ko hono fakaʻilongaʻi e ngaahi potufolofola fakataukei fakatokāteliné. ʻE tokoni ki he kau akó hono fakaʻilongaʻi e ngaahi potufolofola fakataukei fakatokāteliné ko ʻení ke nau manatuʻi mo maʻungofua ia. Fakaafeʻi e kau akó ke nau fakakaukau ke fakaʻilongaʻi e ngaahi potufolofola fakataukei fakatokāteliné ʻi ha founga ʻoku makehe mei heʻenau ngaahi fakaʻilonga kehé.
Teuteu ʻa e tokotaha akó: Fakaafeʻi e kau akó ke nau toe fakamanatu e ngaahi potufolofolá mo e ngaahi kupuʻi lea fakafolofola mahuʻinga ki he ʻuluaki potufolofola fakataukei fakatokāteline ʻe 12 ʻi he Tohi ʻa Molomoná. ʻE lava ke maʻu ʻe he kau akó e ngaahi potufolofola ko ʻení ʻi he Fakamatala ki he ʻElito ʻo e Fakataukei Fakatokāteliné (2023) pe ʻi he polokalama fakataukei fakatokāteliné.
Ngaahi ʻEkitivitī Ako ʻOku Ala Fakahokó
ʻE ala fiemaʻu ke akoʻi ha lēsoni ki he potufolofola fakataukei fakatokāteliné ʻo fetongi ʻaki ʻa e lēsoni ko ʻení. Vakai ki he taimi-tēpile ʻo e lēsoní ʻa ia ʻoku ʻomi ʻe he talēkita fakaʻēliá pe fakavahefonuá pe kouʻotineitá ke fakapapauʻi ʻe akoʻi e lēsoni ʻo e potufolofola fakataukei fakatokāteline takitaha lolotonga e lele ʻa e seminelí.
Ngaahi fakamoʻoni fakafolofolá mo e ngaahi kupuʻi lea fakafolofola mahuʻingá
-
Ko e hā ʻe ʻaonga ai ke ʻiloʻi e ngaahi fakamoʻoni fakafolofola mo e ngaahi kupuʻi lea fakafolofola mahuʻinga ki he ngaahi potufolofola fakataukei fakatokāteliné?
Ke tokoni atu ke ke ako e ngaahi fakamoʻoni fakafolofola mo e ngaahi kupuʻi lea fakafolofola mahuʻinga ki he ʻuluaki potufolofola fakataukei fakatokāteline ʻe 12, fakakaukau ke hiki ha tatau ʻo e saati ko ʻení ki hoʻo tohinoa akó pe download ʻa e polokalama Fakataukei Fakatokāteliné ʻi ha telefoni toʻotoʻo pea fakaʻaongaʻi e ngaahi ʻekitivitī ʻi he polokalamá ke tokoni atu ʻi hoʻo ako maʻulotó.
Fakaʻaliʻali e saati ko ʻení pe tufa ha tatau ʻo e laʻipepa tufá.
ʻUluaki Potufolofola Fakataukei Fakatokāteline ʻe 12 mo e Ngaahi Kupuʻi Lea Mahuʻingá
Tohi ʻa Molomoná – Tohi Lēsoni ʻa e Faiakó (2024)
|
Fakamoʻoni Fakafolofolá |
Kupuʻi Lea Fakafolofola Mahuʻingá |
|---|---|
Fakamoʻoni Fakafolofolá | Kupuʻi Lea Fakafolofola Mahuʻingá “Te u ʻalu ʻo fai ʻa e ngaahi meʻa kuo fekau ʻe he ʻEikí.” |
Fakamoʻoni Fakafolofolá | Kupuʻi Lea Fakafolofola Mahuʻingá “Naʻe hinga ʻa ʻĀtamá koeʻuhi ke ʻi ai ʻa e faʻahinga ʻo e tangatá; pea ʻoku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá.” |
Fakamoʻoni Fakafolofolá | Kupuʻi Lea Fakafolofola Mahuʻingá “ʻOku nau tauʻatāina ke fili ʻa e tauʻatāiná mo e moʻui taʻengatá … pe … pōpulá mo e maté.” |
Fakamoʻoni Fakafolofolá | Kupuʻi Lea Fakafolofola Mahuʻingá “ʻOku tatau ʻa e kakai fulipē ʻi he ʻao ʻo e ʻOtuá.” |
Fakamoʻoni Fakafolofolá | Kupuʻi Lea Fakafolofola Mahuʻingá ʻE foaki ʻe he ʻOtuá “ki he fānau ʻa e tangatá ʻa e ʻotu lea ki he ʻotu lea, ʻa e akonaki ki he akonaki.” |
Fakamoʻoni Fakafolofolá | Kupuʻi Lea Fakafolofola Mahuʻingá “Keinanga ʻi he ngaahi folofola ʻa Kalaisí; he vakai, ʻe fakahā kiate kimoutolu ʻe he ngaahi folofola ʻa Kalaisí ʻa e ngaahi meʻa kotoa pē ʻoku totonu ke mou faí.” |
Fakamoʻoni Fakafolofolá | Kupuʻi Lea Fakafolofola Mahuʻingá “Kuo pau ke mou lotu maʻu ai pē.” |
Fakamoʻoni Fakafolofolá | Kupuʻi Lea Fakafolofola Mahuʻingá “ʻO ka mou ka ʻi he tauhi ʻo homou kāingá, ʻoku mou ʻi he tauhi pē ʻo homou ʻOtuá.” |
Fakamoʻoni Fakafolofolá | Kupuʻi Lea Fakafolofola Mahuʻingá “[Ko] kinautolu ʻoku tauhi ʻa e ngaahi fekau ʻa e ʻOtuá … ʻoku nau monūʻia ʻi he meʻa kotoa pē.” |
Fakamoʻoni Fakafolofolá | Kupuʻi Lea Fakafolofola Mahuʻingá “Liʻaki ʻa e tangata fakakakanó kae hoko ko ha tangata māʻoniʻoni ʻi he fakalelei ʻa Kalaisi ko e ʻEikí.” |
Fakamoʻoni Fakafolofolá | Kupuʻi Lea Fakafolofola Mahuʻingá Tui pē ki he ʻOtuá; … tui ʻokú ne maʻu ʻa e poto kotoa.” |
Fakamoʻoni Fakafolofolá | Kupuʻi Lea Fakafolofola Mahuʻingá Ke “papitaiso ʻa kimoutolu ʻi he huafa ʻo e ʻEikí, ko e fakamoʻoni … kuo mou fai ha fuakava mo ia.” |
Fakatatau ki he tokolahi ‘o ho kalasí, fakakaukau ke vahe ki he tokotaha ako takitaha ha taha pe lahi ange ʻi he ngaahi potufolofola fakataukei fakatokāteline ‘e 12. Kapau ‘e fiemaʻu, ‘e lava ke ʻoange ʻa e veesi tatau ki ha kau ako tokolahi.
ʻE lava ke ʻalu takai ʻa e kau akó ʻi he loki akó ʻo ngāue mo ha kaungāako ʻe taha ʻoku kehe ʻene potufolofola fakataukei fakatokāteliné ʻaki hono fakahoko ʻení (fakakaukau ke hiki ʻeni ʻi he palakipoé):
-
Fakahoko ha fehu‘i ke nau feʻilongaki lelei ange ai. (Hangē ko ʻení: “Ko e hā ha taha ʻo e ngaahi meʻa ʻokú ke manako aí?” “Ko e hā ha taha ʻo e ngaahi feituʻu ʻokú ke saiʻia taha ke ʻaʻahi ki aí?”)
-
Fetokoniʻaki ke kumi pea faka‘ilongaʻi ‘a e potufolofola fakataukei fakatokāteline mo e kupuʻi lea fakafolofola mahuʻinga kuo vahe atú.
-
Vahevahe ʻa e founga ʻe lava ke hoko ai hono ʻiloʻi e moʻoni ʻi he kupuʻi lea fakafolofola mahuʻingá ko ha tāpuaki ʻi hoʻo moʻuí.
-
Feinga ke ke ako maʻuloto e fakamoʻoni fakafolofolá mo e kupuʻi lea fakafolofola mahuʻingá.
Poupouʻi e kau akó ke nau fetongi hoa ʻi he miniti ʻe ua kotoa pē. ʻAi ke nau hoko atu kae ʻoua kuo ʻiloʻi pe fakaʻilongaʻi ʻe he kau akó kotoa e ngaahi potufolofola fakataukei fakatokāteline kotoa ʻe 12.