Molonai 1–6

Vakai Fakalūkufuá

Koeʻuhí ko e ʻikai loto ʻa Molonai ke fakaʻikaiʻi ʻa Sīsū Kalaisí, naʻe pau ai ke ne ʻalu fano pē ʻi he feituʻu maomaonganoá pea toitoi mei he kau Leimaná. ʻI ha konga ʻo ʻene ngaahi lea fakaʻosi ki he ngaahi toʻu tangata ʻi he kahaʻú, naʻá ne akonaki fekauʻaki mo e mafai ke fakahoko ʻa e ngaahi ouau ʻo e lakanga fakataulaʻeikí. ʻI heʻene fai iá, naʻá ne fakatolonga ai ha ngaahi moʻoni mahuʻinga fekauʻaki mo e founga hono fakaʻaongaʻi ʻo e lakanga fakataulaʻeikí, peá ne ʻoange foki mo ha ngaahi fakahinohino ke tokoni ki hono fakamālohia mo langa hake ʻo e Siasí.

Teuteu ke Akoʻí

ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fiemaʻu ke teuteuʻi kimuʻa ʻi he lēsoni takitaha.

Molonai 1

Taumuʻa ʻo e lēsoní: ʻE lava ke tokoni ʻa e lēsoni ko ʻení ke fakaʻaiʻai ʻa e kau akó ke muimui maʻu pē kia Sīsū Kalaisi pea ʻoua ʻe fakaʻikaiʻi Ia.

• Teuteu ʻa e tokotaha akó: Fakaafeʻi ʻa e kau akó ke fakakaukau ki ha aʻusia ʻi haʻanau muimui pe ko ha taha ʻoku nau ʻilo, kia Sīsū Kalaisi neongo naʻa nau ongoʻi tuenoa pe naʻe fakafepakiʻi kinautolu.

• Meʻa ke fakaʻaliʻalí: Ko ha fakatātā ʻo ha ngaahi lanu, pe pepa maʻá e fānau akó ʻi he lanu mata, engeenga, moli, mo e kulokula; ngaahi sīpinga ʻo ha ngaahi pousitā pe ngaahi tohi ʻi he mītia fakasōsialé te ne lava ʻo fakalotolahiʻi ʻa e kau akó ke nau tauhi moʻoni kia Sīsū Kalaisi

• Vitioó: “Ke ke Mālohi Peá ke Lototoʻa” (16:18; mamata mei he taimi 5:41 ki he 6:22); “ʻOku Fakaafeʻi ʻe Molonai ʻa e Tokotaha Kotoa ke Haʻu kia Kalaisi” (8:37; mamata mei he taimi 0:00 ki he 3:59)

• Fokotuʻu ki hono akoʻi ʻi he konifelenisi vitioó: ʻI hono aleaʻi ʻo e fakatanga ʻe ala fehangahangai mo e kau ākonga ʻa Kalaisí, fakakaukau ke fakakau kotoa ʻa e kau akó ʻi ha faʻahinga founga pē. Te ke lava ʻo kole ki he kau akó ke nau taipeʻi ʻi he polokalama fetohiʻakí ʻa e lanu ʻokú ne fakafofongaʻi lelei taha ʻa e tūkunga takitaha. Te ke lava foki ʻo fakaʻatā ʻa e kau akó ke tānaki ha ngaahi meʻa ʻo e lanu ʻe fā ʻi honau lokí, pe fakaʻaongaʻi ʻa e background feature ke fakaʻaliʻali ʻaki ʻa e lanu matá, engeengá, molí, pe kulokulá.

Molonai 2–3

Taumuʻa ʻo e lēsoní: ʻE lava ke tokoni ʻa e lēsoni ko ʻení ke mahino ki he kau akó ʻa e mafai ʻo e lakanga fakataulaʻeikí ʻi he Siasi ʻo e Fakamoʻuí.

• Teuteu ʻa e tokotaha akó: Fakakaukau ke fakaafeʻi ʻa e kau akó ke nau talanoa mo ha taha maʻu lakanga fakataulaʻeiki pe ko ha taha ʻoku ngāue ʻi ha uiuiʻi faka-Siasi. ʻE lava ke fehuʻi ʻe he kau akó ki he tokotaha fakafoʻituitui ko iá pe ko e hā ʻene ongo fekauʻaki mo ʻene maʻu ʻa e mafai ʻo e Fakamoʻuí ke fakahoko ʻaki hono ngaahi fatongiá.

• Lēsoni fakataumuʻá: Ko ha tatau ʻo ha fakahokohoko ʻo e laine maʻu mafai lakanga fakataulaʻeikí; ko ha sēini

• Fokotuʻu ki hono akoʻi ʻi he konifelenisi vitioó: Ke poupouʻi ʻa e kau maí, te ke lava ʻo fakaafeʻi ʻa e kau akó ke fakaʻaongaʻi ʻa e polokalama palakipoé ke lisi ha ngaahi founga kuo tāpuekina ai ʻe he Laumālie Māʻoniʻoní ʻenau moʻuí. Te ke lava leva ʻo fakaafeʻi ha kau ako ʻe niʻihi ke vahevahe ha ngaahi aʻusia fakataautaha.

Molonai 4–5

Taumuʻa ʻo e lēsoní: ʻE lava ke tokoni ʻa e lēsoni ko ʻení ki he kau akó ke tauhi ʻa e fuakava ʻoku nau fakahoko ʻi he taimi ʻoku nau maʻu ai ʻa e sākalamēnití koeʻuhí ke nau lava ʻo maʻu ʻa e Laumālie ʻo e ʻEikí.

• Teuteu ʻa e tokotaha akó: Fakakaukau ke fakaafeʻi ʻa e kau akó ke omi mateuteu ki he kalasí ke lau maʻuloto ki he lahi taha te nau lavá ʻa e ongo lotu tāpuaki ʻo e sākalamēnití.

• Meʻa ke fakaʻaliʻalí: Ko e saati “Ko e Fuakava ʻo e Sākalamēnití”

• Fokotuʻu ki hono akoʻi ʻi he konifelenisi vitioó: Fakakaukau ke vahevahe ʻa e kau akó ki ha loki fakataha ʻe tolu ke aleaʻi ha taha ʻo e ngaahi palōmesi ʻe tolu ʻoku tau fai ʻi he taimi ʻoku tau maʻu ai ʻa e sākalamēnití. Te ke lava leva ʻo vahevahe ʻa e kau akó ki ha fanga kiʻi kulupu fakataha foʻou ʻe tolu mo ha kau ako ne nau ako ha taha ʻo e ngaahi talaʻofa kehé. Fakaafeʻi ʻa e kau akó ke nau feakoʻiʻaki kinautolu fekauʻaki mo e talaʻofa ne nau aleaʻi mo ʻenau kulupu totonú.

Molonai 6

Taumuʻa ʻo e lēsoní: ʻE lava ke tokoni ʻa e lēsoni ko ʻení ki he kau akó ke nau feinga ke tokoni ki he niʻihi kehé pea muimui ki he Fakamoʻuí ʻi heʻenau hoko ko ha kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.

• Teuteu ʻa e tokotaha akó: ʻE lava ke omi mateuteu ʻa e kau akó ke vahevahe ha ngaahi founga ʻe lava ke fefakamālohiaʻaki ai ʻe he kāingalotu ʻo e Siasí kinautolu kotoa, naʻa mo ʻenau hala ʻi ha uiuiʻi ʻi ha uooti pe koló.

• Laʻiʻata: Ko ha haʻofanga lotu matakali kehekehe ʻo e Siasí

• Vitioó: “Ko e Ngaahi Fie Maʻu Hotau Tafaʻakí” (12:06; mamata mei he taimi 7:40 ki he 8:25); “Mata ke Mamata” (9:44; mamata mei he taimi 4:55 ki he 6:55)

• Fokotuʻu ki hono akoʻi ʻi he konifelenisi vitioó: Fakaafeʻi ʻa e kau akó ke fakaʻaongaʻi ʻa e polokalama fetalanoaʻakí ke vahevahe ha tefitoʻi moʻoni naʻa nau maʻu ʻi he Molonai 6:4–9.

Toe Vakaiʻi Hono 25 ʻo e Fakataukei Fakatokāteliné

Taumuʻa ʻo e lēsoní: ʻE maʻu ʻe he kau akó ʻi he lēsoni ko ʻení ha faingamālie ke nau akoako fakaʻaongaʻi ʻa e ngaahi potufolofola fakataukei fakatokāteliné ki heʻenau ngaahi taumuʻa ke hoko ʻo hangē ko e Fakamoʻuí.

• Teuteu ʻa e tokotaha akó: Fakakaukau ke fakaafeʻi ʻa e kau akó ke talanoa ki heʻenau mātuʻá pe ko ha taki ʻo e Siasí fekauʻaki mo e ngaahi taumuʻa kuo nau fokotuʻú. Te nau lava ʻo aleaʻi ʻa e ngaahi lavameʻa mo e ngaahi faingataʻa ʻoku nau aʻusiá.

• Meʻa ke fakaʻaliʻalí: Ko ha tatau ʻo e Fakalakalaka Fakatāutahá: Tohi Fakahinohino maʻá e Toʻu Tupú