Kapitulo 53
Si Moroni ug ang Iyang mga Pagtulon-an
Human si Mormon namatay, si Moroni nag-inusara. Siya mitapos sa mga talaan nga gihatag sa iyang amahan kaniya.
Si Moroni nasayud nga ang bulawan nga mga palid usa ka adlaw pagakuhaon gikan sa yuta.
Ang mga pulong diha sa bulawan nga mga palid nag-asoy mahitungod kang Jesukristo. Sila nagpadayag sa pagpamatuod ug pagtudlo sa mga katawhan kon unsaon pagpuyo sa matarong nga paagi.
Ang dautan nga mga Lamanite mipatay sa matag Nephite kinsa dili molimod ni Jesukristo.
Si Moroni dili gayud molimod ni Jesukristo. Siya nagpalibotlibot, nagtago gikan sa mga Lamanite.
Si Moroni midugang og sulat diha sa bulawan nga mga palid, ilabi na ngadto sa mga Lamanite sa ulahing mga adlaw.
Siya misulat og daghang mga mahinungdanon nga mga butang, naglakip sa mga pulong sa sakramento nga mga pag-ampo.
Si Moroni misulat nga kadto mga tawo nga mahimong mabunyagan kadto lamang andam nga mohinulsol sa ilang mga sala ug moalagad kang Jesukristo.
Si Moroni buot nga ang matag usa motuo kang Jesukristo ug moduol aron makaila kaniya. Siya miingon nga ang tanang butang nga maayo nagagikan kang Kristo.
Si Moroni misulat nga kon ang mga katawhan naghigugma sa Dios ug nagsunod kaniya, sila mahimo nga hingpit.
Si Moroni nasayud nga human siya mamatay siya mabanhaw ug mopuyo uban sa Langitnong Amahan ug kang Jesukristo.