ajri ro im rikaki ro rej al

Appendix C

N̄an Būraimere—Naan in kōmeļeļe ko n̄an Singing Time eo im Būrookraam̧ eo an Ajri ro ilo Kweiļo̧k in Kwojkwoj eo

Al ko an Būraimere rej juon kein jerbal ekajoor n̄an jipan̄ ajri ro ekkatak kōn karōk in m̧ōņōņō eo an Jemedwōj Ilan̄ im m̧ool ko raorōk an gospel eo an Jisōs Kraist. Ilo an ajri ro al kōn pedped in katak ko an gospel eo, Jetōb Kwojarjar eo enaaj kam̧ool kōn m̧ool ko aer. Naan ko im al ko renaaj pād wōt ilo kōļmenļo̧kjeņ ko im bōro ko an ajri ro ilo aolepān mour ko aer.

pukōt jipan̄ eo an Jetōb ilo am̧ kōppopo n̄an katakin gospel eo kōn al. Kwaļo̧k naan in kam̧ool eo am̧ kōn m̧ool ko kom̧ij al kaki. Jipan̄ ajri ro loe elmen an al ko iookļo̧k ta eo rej ekkatak kake im en̄jake ilo m̧weo im ilo kūlaaj ko an Būraimere.

Unin tōl ko n̄an Būrookraam̧ eo an Ajri ro ilo Kweiļo̧k in Kwojkwoj eo

Ium̧win tōl eo an bisop eo, būrookraam̧ eo an ajri ro n̄an kweiļo̧k in kwojkwoj eo ekkā an kōm̧m̧an ilo kuwōta eo kein kemen ilo kajjojo iiō. Āinwōt Būraimere būreejtōnji im ritōl al eo, jerbal ippān rikakpilōklōk eo ilo bisoprik eo ej lale Būraimere n̄an karōke būrookraam̧ eo.

Būrookram̧ eo eaikuj in kōm̧m̧an bwe ajri ro ren kwaļo̧k ta eo er im baam̧le ko aer raar ekkatak jān Bok in Mormon ilo kapijuknen im ilo Būraimere, ekoba al ko an Būraimere raar al kake ilo iiō eo. Ilo am̧ karōk būrookram̧ eo, ļōmņake wāween ko emaron̄ in jipan̄ jarlepju eo mije wōt Rilo̧mo̧o̧r im katak ko An.

Iunit ko me edik uwaan ajri ro ie remaron̄ in ļōmņake wāween ko me baam̧le ko remaron̄ bōk koņaer ippān ajri ro nejier. Juon uwaan bisoprik eo emaron̄ kōjem̧ļo̧k kweilo̧k eo kōn jet naan ko rōkaddu.

Ilo am̧ kōpooj būrookram̧ eo, keememej laajrak in karōk kein:

• Iien kaminene ko ejjab aikuj in bōk eļap iien jān kūlaaj ko an Būraimere ak baam̧le ko.

• Būrookraam̧ ko me rej kōjerbal pija ko, costume ko, ak pijaan alooj ko rejjab ekkar n̄an kweilo̧k in kwojkwoj eo.

Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan ko Āliktata,12.2.1.2.

Kōmeļeļe ko n̄an Iien Al

5 minit (Būraimere būreejtōnji eo): Jar in kōpeļļo̧k, eoon ak laajrak in tōmak, im juon ekōnono

20 minit (ritōl al eo): Iien al

Būraimere būreejtōnji eo im ritōl al eo rej kāāleti al ko n̄an kajjojo allōn̄ n̄an kapen pedped in katak ko ajri ro rej ekkatak ilo kūlaaj ko aer im ilo m̧weo. Juon laajrak in al ko me rej kapen pedped in katak kein kar kobaik ilo unin tōl in.

Ilo am̧ katakin al ko n̄an ajri ro, karuwaineneik er n̄an kwaļo̧k ta eo em̧ōj kadede aer kar ekkatak kōn bwebwenato ko im pedped in katak ko al ko rej katakin. Karuwaineneik ajri ro n̄an kwaļo̧k ļōmņak im en̄jake ko aer kōn m̧ool ko repād ilo al ko.

Bok eo Children’s Songbook ej juon kein jipan̄ eo m̧oktata n̄an al ko ilo Būraimere. Al ko jān bok in al eo im al ko jān Eo Jera māākjiin rej barāinwōt ekkar. Jabdewōt al ko jet kōjerbali ilo Būraimere eaikuj in m̧ōj kōmālimi jān bisoprik eo (lale Bok in Bōk Meļeļe Eļap,12.3.4).

ajri ro rej al

Al n̄an Iien Al eo

Jānwōde

• “Bwebwenato ko an Bok in Mormon,” Children’s Songbook, 118–19

• “Keep the Commandments,” Children’s Songbook, 146–47

• “The Iron Rod,” Hymns, no. 274

Pāpode

• “Nephi’s Courage,” Children’s Songbook, 120–21

• “I Feel My Savior’s Love,” Children’s Songbook, 74–75

• “Choose the Right,” Hymns, no. 239

M̧aaj

• “I Love to See the Temple,” Children’s Songbook, 95

• “When I Am Baptized,” Children’s Songbook, 103

• “Easter Hosanna,” Children’s Songbook, 68–69

Eprōļ

• “A Child’s Prayer,” Children’s Songbook, 12–13

• “Have I Done Any Good?,” Hymns, no. 223

Māe

• “Love One Another,” Children’s Songbook, 136–37

• “I Will Be Valiant,” Children’s Songbook, 162

• “Help Me, Dear Father,” Children’s Songbook, 99

Juun

• “Testimony,” Hymns, no. 137

• “We’ll Bring the World His Truth,” Children’s Songbook, 172–73

• “Follow the Prophet,” Children’s Songbook, 110–11

Juļae

• “I Want to Be a Missionary Now,” Children’s Songbook, 168

• “My Heavenly Father Loves Me,” Children’s Songbook, 228–29

• “Faith,” Children’s Songbook, 96–97

O̧kwōj

• “As I Search the Holy Scriptures,” Hymns, no. 277

• “Home Can Be a Heaven on Earth,” Hymns, no. 298

Jeptōm̧ba

• “The Still Small Voice,” Children’s Songbook, 106–7

• “Samuel Tells of the Baby Jesus,” Children’s Songbook, 36

• I’m Trying to Be like Jesus,” Children’s Songbook,, 78–79

Oktoba

• Families Can Be Together Forever,” Children’s Songbook, 188

• The Church of Jesus Christ,” Children’s Songbook, 77

Nobōm̧ba

• “Dare to Do Right,” Children’s Songbook, 158

• “I Believe in Christ,” Hymns, no. 134

Tijem̧ba

• “Search, Ponder, and Pray,” Children’s Songbook, 109

• “Away in a Manger,” Children’s Songbook, 42–43

• “He Sent His Son,” Children’s Songbook, 34–35

Kōjerbal Al ko n̄an Kwaļo̧k Katak eo

Iien al eo ej n̄an jipan̄ ajri ro ekkatak kōn m̧ool ko an gospel eo. Ļōmņak kein ilaļ remaron̄ im̧we eok ilo am̧ karōk wāween ko n̄an katakin pedped in katak ko an gospel eo loi ilo al in jar ko im al ko an Būraimere.

Riiti jeje ko rekwojarjar. Bwe elōn̄ al ko ilo Children’s Songbook im ilo bok in al in jar eo, eoon in jipan̄ ko reiookļo̧k eoon ko rej ellaajrak. Jipan̄ ajri ro riiti jet iaan bwebwenato kein, im kōnono kaki elmen an jeje ko rekwojarjar iokļo̧k wōt al eo. Kwomaron̄ barāinwōt kōllaajrake jet eoon in jipan̄ ko ioon boot eo im kūr ajri ro n̄an kajjejete kajjojo eoon in jipan̄ ko n̄an juon al ak juon eoon jān juon al.

Kanne ļain eo ejjeļo̧k kobban. Je juon eoon jān al eo ioon boot eo kōn jet naan ko raorōk rejako. Innām kajjitōk ippān ajri ro n̄an al al eo, ron̄jake naan ko me rekkar n̄an ļain ko ejjeļo̧k kobbaer. Ilo aer kanne kajjojo ļain ejjelo̧k kobban, kōnono kōn ta pedped in katak ko kwoj ekkatak jān naan ko rejako.

ritōl in iien al

Kam̧ool. Kwaļo̧k naan in kam̧ool eo am̧ ilo tukadu in n̄an ajri ro kōn m̧ool ko an gospel eo loe ilo al eo an Būraimere. Jipan̄ ajri ro meļeļe bwe al ej juon wāween eo remaron̄ in kwaļo̧k naan in kam̧ool n̄an en̄jake Jetōb eo.

Jutak āinwōt juon rikam̧ool. Kajjitōk ippān ajri ro n̄an kajjojo jutak im kwaļo̧k ta eo raar ekkatak jān al eo raar al kake im elmen aer en̄jake kōn m̧ool ko kar katakin ilo al eo. Kajjitōk ippāer elmen aer en̄jake ilo aer al al eo, im jipan̄ er n̄an kwaļo̧k im̧we eo an Jetōb Kwojarjar.

Kōjerbal pija ko. Kajjitōk ippān ajri n̄an jipan̄ eok pukote ak ejaaki pija ko me rekkar n̄an naan ko raorōk ilo al eo. Karuwaineneik ajri ro n̄an kwaļo̧k pija ko reiookļo̧k al eo im ta eo al eo ej katakin. N̄an waanjon̄ok, eļan̄n̄e kwoj katakin al eo “The Iron Rod” (Hymns, no. 274), kwomaron̄ likūt pija ko ilo aolepen ruum̧ eo n̄an kwaļo̧k naan ko raorōk jān al eo (āinwōt aen in dāpdep, naan in Anij, tōl, kapo, im lan̄). Kajjitōk ippān ajri ro n̄an aiin pija ko im kotaki ilo aer kōllaajraki ilo jim̧we ilo ami al al eo ippān doon.

Kwaļo̧k juon kein katak: Kwomaron̄ kōjerbal juon men n̄an kōketak ekōnono eo kōn al eo. N̄an waanjon̄ok, al eo “Faith” (Children’s Songbook, 96–97) ej kōņono kōn juon ine edik. Kwomaron̄ kwaļo̧k n̄an ajri ro juon ine im kōnono elmen ad kwaļo̧k tōmak n̄e jej katōk juon ine; menin emaron̄ tōlļo̧k n̄an juon kōnono kōn wāween ko jemaron̄ kwaļo̧k tōmak ilo Jisōs Kraist, āinwōt kōmeļeļeik ilo al eo.

Kajjitōk n̄an kwaļo̧k en̄jake an juon make. Jipan̄ ajri ro dāpij pedped in katak ko kar katakin ilo al eo ippān en̄jake ko rekar en̄jaki kōn pedped in katak ko. N̄an waanjon̄ok, m̧okta jān al “I Love to See the Temple” (Children’s Songbook, 95), komaron̄ kajjitōk ippān ajri ro n̄an kotak peir eļan̄n̄e em̧ōj aer lo juon tampeļ. Karuwaineneik er, n̄an al, n̄an ļōmņake elmen aer en̄jake n̄e rej lo juon tampeļ.

Kajjitōk kajjitōk ko. Ekanooj lōn̄ kajjitōk ko komaron̄ kajjitōk ilo ami al. N̄an waanjon̄ok, komaron̄ kajjitōk ippān ajri ro ta eo raar ekkatak jān kajjojo eoon ko ilo al eo. Kwomaron̄ bar kajjitōk ippāer n̄an ļōmņak kōn kajjitōk ko me al eo ej uwaaki. Menin emaron̄ tōlļo̧k n̄an juon kōnono kōn m̧ool ko kar ekkatak ilo al eo.

Kōm̧m̧ani m̧akūtkūt in pā ko reļam waan. Kajjitōk ippān ajri ro n̄an ļōmņake m̧akūtkūt in pā ko repidodo n̄an jipan̄ er keememej naan ko im ennaan ko ilo al eo. N̄an waanjon̄ok, n̄e kwoj al eoon ruo in “My Heavenly Father Loves Me” (Children’s Songbook, 228–29), kwomaron̄ karuwaineneik ajri ro n̄an jitōn̄ mejeer, m̧akūtkūt āinwōt babbub ko, im kōm̧m̧ane peier āinwōt kab kaņ ilo lojilin̄ier. Kajjitōk ippāer n̄an likūt peier ilo ūbweer ilo aer al, “Yes, I know Heavenly Father loves me.”