Apendiks D

Alang sa mga Korum sa Aaronic nga Pagkapari ug mga Klase sa Young Women—Mga Butang nga Tukionon sa Miting

Petsa sa miting:

Nagdumala (sakop sa kapangulohan sa klase o korum):

Pagbukas

Himno (opsiyonal):

Pag-ampo:

Balika pagsulti ang Tema sa Young Women o ang Tema sa Korum sa Aaronic nga Pagkapari.

Magtinambagay sa usag usa

Gipangulohan sa tawo nga nagdumala sa miting, ang klase o korum mogahin og 5 hangtod sa 10 ka minuto sa pagtinambagay mahitungod sa ilang mga responsibilidad sa buhat sa kaluwasan ug kahimayaan. Kini usa ka oportunidad alang sa kapangulohan sa klase o korum sa pag-follow up sa mga butang nga nahisgotan diha sa miting sa kapangulohan o miting sa konseho sa kabatan-onan sa ward.

Ang tawo nga nagdumala mahimong mogamit sa usa o mas daghan pa niini nga mga pangutana:

Pagsunod sa ebanghelyo

• Unsa nga bag-ohay lang nga mga kasinatian ang nakapalig-on sa atong mga pagpamatuod ni Jesukristo ug sa Iyang ebanghelyo?

• Unsa ang atong gibuhat aron mahimong mas duol sa Manluluwas? Sa unsang paagi kita naningkamot nga mahimong mas mahisama Kaniya?

• Sa unsang paagi nato nabati ang giya sa Ginoo sa atong kinabuhi?

Pag-atiman niadtong nanginahanglan

• Kinsa ang gibati nato nga gigiyahan aron atong tabangan o serbisyohan? Unsa nga mga buluhaton ang atong nadawat gikan sa bishopric aron tabangan ang usa ka tawo nga nanginahanglan?

• Unsaon nato sa pagsuporta ang matag usa diha sa mga butang nga atong gisagubang?

• Aduna bay tawo nga bag-o lamang mibalhin sa atong ward o mipasakop sa Simbahan? Sa unsang paagi kita makatabang kanila aron mobati nga giabi-abi?

Pagdapit sa tanan nga modawat sa ebanghelyo

• Unsay atong mabuhat aron sa pagtabang sa uban nga mobati sa gugma sa Dios?

• Unsa nga mga kalihokan ang umaabot diin kita mahimong makadapit sa atong mga higala sa pagtambong?

• Unsa nga mga plano sa pagpakigbahin sa ebanghelyo ang nahisgotan na diha sa mga miting sa konseho sa kabatan-onan sa ward? Sa unsang paagi makaapil ang atong klase o korum?

Paghiusa sa mga pamilya alang sa kahangtoran

• Unsa ang pipila ka paagi nga kita mas makakonektar sa mga sakop sa pamilya, lakip sa mga apohan ug mga ig-agaw?

• Unsa ang atong gihimo sa pagpangita og mga ngalan sa atong mga katigulangan kinsa nagkinahanglan og mga ordinansa sa templo? Unsa ang atong mahimo sa pagtabang sa uban sa pagpangita sa mga ngalan sa ilang mga katigulangan?

• Unsaon nato nga mas makaapil sa buhat sa templo—sa indibidwal nga paagi ug isip usa ka klase o korum?

Pagkat-on og dungan

Usa ka hamtong nga lider o usa ka sakop sa korum o klase mangulo sa instruksiyon mahitungod sa basahonon sa Dali, Sunod Kanako niining semanaha. Siya mogamit sa mga ideya sa pagtuon diha sa Dali, Sunod Kanako—Alang sa Panimalay ug sa Simbahan. Ang ideya sa pagtuon nga aduna niini nga icon nahiangay sa seminary ug espesyal nga may kalabotan sa kabatan-onan. Apan, bisan hain sa mga ideya ang mahimong gamiton. Kini nga bahin sa miting kasagaran molungtad og mga 35 hangtod 40 minutos.

Panapos

Ang tawo nga nagdumala sa miting:

• Magpamatuod sa mga baroganan nga gitudlo.

• Maghisgot kon unsaon sa paglihok sa klase o korun sa unsay ilang nakat-onan—isip usa ka grupo o sa indibidwal.

Pag-ampo: