Appendix D

Para sa mga Korum sang Aaronic Priesthood kag mga Klase sang Young Women—Agenda sang Miting

Petsa sang miting:

Nagapamuno (miyembro sang presidency sang klase ukon korum):

Pangbukas

Himno (opsyunal):

Pangamuyo:

Paghambal sang Tema sang Young Women ukon Tema sang Korum sang Aaronic Priesthood.

Makigsugilanon sing magkaupod.

Nga ginapangunahan sang tawo nga nagapamuno sang miting, ang klase ukon korum nagagamit sang 5 ukon 10 minutos para hambalan ang ila mga responsibilidad sa buluhaton sang kaluwasan kag pangkahitaasan. Isa ini ka oportunidad para sa presidency sang klase ukon korum nga magpamangkot parte sa mga butang nga ginhambalan sa miting sang presidency ukon miting sang ward youth council.

Pwede nga gamiton sang tawo nga nagapamuno ang isa ukon madamo pa sining mga pamangkot:

Pagpangabuhi sang ebanghelyo

• Ano nga mga eksperiyensya sining nagligad lang ang nagpabakod sang aton mga testimonya kay Jesucristo kag sa Iya ebanghelyo?

• Ano ang ginahimo naton para mangin mas malapit sa Manluluwas? Paano naton ginatinguhaan nga mangin mas pareho sa Iya?

• Paano naton nabatyagan ang giya sang Ginuo sa aton mga kabuhi?

Pag-atipan sinang mga nagakinahanglan

• Sin-o ang ginapabatyag sa aton nga dapat naton buligan ukon serbisyohan? Ano nga mga asaynment ang nabaton naton halin sa bishopric sa pagbulig sa tawo nga nagakinahanglan?

• Paano naton suportahan ang kada isa sa mga butang nga ginaagyan naton?

• May bag-o bala nga nagsaylo sa aton ward ukon nagpabunyag sa Simbahan? Paano naton sila mabuligan nga makabatyag nga gina-welcome sila?

Pag-agda sa tanan nga batonon ang ebanghelyo

• Ano ang pwede naton himuon para buligan ang iban nga mabatyagan ang pagpalangga sang Dios?

• Ano ang palaabuton naton nga mga aktibidades nga pwede naton dalhan sang aton mga abyan?

• Ano nga mga plano sa pagpaambit sang ebanghelyo ang nahambalan sa mga miting sang ward youth council? Paano makabulig ang aton klase ukon korum?

Pag-isa sang mga pamilya para sa wala katapusan

• Ano ang pila sa mga paagi nga mas malab-ot naton ang mga miyembro sang pamilya, dala na ang mga lolo kag lola kag mga pakaisahan?

• Ano ang ginahimo naton para magpangita sang mga ngalan sang aton mga katigulangan nga nagakinahanglan sang mga ordinansa sang templo? Ano ang pwede naton himuon para buligan ang iban nga magpangita sang mga ngalan sang ila mga katigulangan?

• Paano kita mas magpartisipar sa buluhaton sang templo—bilang indibidwal kag bilang klase ukon korum?

Magtuon sing ululupod

Isa ka hamtong nga lider ukon miyembro sang korum ukon klase ang magapanguna sa pagtudlo sang balasahon sa Dali, Magsunod sa Akon sini nga semana. Gamiton niya ang mga ideya sa pagtuon sa Dali, Magsunod sa Akon—Para sa Puluy-an kag Simbahan. Ang ideya sa pagtuon nga may amo sini nga icon ginbagay sa seminary kag mas para gid sa mga lamharon. Pero, pwede man gamiton ang bisan diin nga mga ideya sa pagtuon. Ini nga parte sang miting kasami nagalawig sang mga 35 tubtob 40 ka minutos.

Panghingapos

Ang tawo nga nagapamuno sang miting:

• Nagahatag sang testimonya parte sa mga prinsipyo nga gintudlo.

• Ginahambalan kon paano aktohan sang klase ukon korum ang ila natun-an—bilang grupo ukon indibidwal.

Pangamuyo: