Fakamatala Fakalahi H

Maʻá e Ngaahi Kōlomu ʻo e Lakanga Taulaʻeiki Faka-ʻĒloné mo e Ngaahi Kalasi ʻa e Kau Finemuí—ʻAsenita ʻo e Fakatahá

ʻAho ʻo e fakatahá:

Tatakí (mēmipa ʻo e kau palesitenisī ʻo e kalasí pe kōlomú)

Kamatá

Himí (fili pē):

Lotu:

Toe lau ʻa e Kaveinga ʻo e Kau Finemuí pe ko e Kaveinga ʻo e Kōlomu ʻo e Lakanga Taulaʻeiki Faka-ʻĒloné.

Fealēleaʻaki fakataha

ʻE taki ʻe he tokotaha ʻokú ne tataki ʻa e fakatahá, pea ʻe fakaʻaongaʻi ʻe he kalasí pe kōlomú ha miniti ʻe 5 ki he 10 ke aleaʻi fakataha honau ngaahi fatongia ʻi he ngāue ʻo e fakamoʻuí mo e hākeakiʻí. Ko ha faingamālie ʻeni ki he kau palesitenisī fakakalasí pe fakakōlomú ke vakaiʻi ʻa e ngaahi meʻa naʻe aleaʻi ʻi he fakataha faka-palesitenisií pe ʻi he fakataha alēlea fakauooti ʻa e toʻu tupú.

ʻE lava foki ke fakaʻaongaʻi ʻe he taha tatakí ha taha pe lahi ange ʻo e ngaahi fehuʻi ko ʻení:

Ko e moʻui ʻaki ʻo e ongoongoleleí

• Ko e hā ha ngaahi aʻusia kimuí ni kuó ne fakamālohia ʻetau fakamoʻoni kia Sīsū Kalaisí mo ʻEne ongoongoleleí?

• Ko e hā ʻoku tau fakahokó ke tau ʻunuʻunu ai ʻo ofi ange ki he Fakamoʻuí? ʻOku tau feinga fēfē nai ke hangē ange ko Iá?

• Kuo tau ongoʻi fēfē nai ʻa e tataki ʻa e ʻEikí ʻi heʻetau moʻuí?

Ko hono tokangaʻi ʻo kinautolu ʻoku faingataʻaʻiá

• Ko hai kuo tau ongoʻi naʻe tataki kitautolu ki ai ke tau tokoniʻi mo tauhí? Ko e hā ha ngaahi ngāue kuo tau maʻu mei he kau pīsopelikí ke tokoniʻi ha taha ʻoku faingataʻaʻiá?

• Te tau lava fēfē nai ʻo fepoupouʻaki ʻi he ngaahi meʻa ʻoku tau fouá?

• ʻOku ʻi ai nai ha taha naʻe toki hiki foʻou mai ki hotau uōtí pe toki kau mai ki he Siasí? Te tau lava fēfē nai ʻo tokoni ke nau ongoʻi ʻoku talitali lelei kinautolú?

Ko hono fakaafeʻi ʻo e taha kotoa ke tali ʻa e ongoongoleleí

• Ko e hā te tau lava ʻo fai ke tokoniʻi ʻa e niʻihi kehé ke nau ongoʻi e ʻofa ʻa e ʻOtuá?

• Ko e hā ha ngaahi ʻekitivitī ʻoku ʻamanaki ke fai te tau lava ke fakaafeʻi hotau ngaahi kaungāmeá ke nau ōmai?

• Ko e hā ha ngaahi palani ke vahevahe ʻa e ongoongoleleí kuo aleaʻi ʻi he ngaahi fakataha alēlea fakauooti ʻa e toʻu tupú? ʻE lava fēfē nai ke kau ki ai ʻetau kalasí pe kōlomú?

Ko hono fakatahaʻi ʻo e ngaahi fāmilí ke taʻengatá

• Ko e hā ha ngaahi founga ʻe lava ke tau fehokotaki lelei ange ai mo e kau mēmipa ʻo e fāmilí, kau ai ʻa e ngaahi kuí mo e niʻihi ʻoku tau tokoua pe tuofefine ʻakí?

• Ko e hā ʻoku tau fai ke kumi ʻa e hingoa ʻo ʻetau ngaahi kui ʻoku nau fiemaʻu e ngaahi ouau fakatemipalé? Ko e hā te tau lava ʻo fai ke tokoniʻi ʻa e niʻihi kehé ʻi hono kumi ʻa e ngaahi hingoa ʻo ʻenau ngaahi kuí?

• Te tau lava fēfē nai ʻo kau lahi atu ki he ngāue fakatemipalé—fakafoʻituitui mo fakakalasi pe fakakōlomú?

Ako fakataha

ʻOku tataki ʻe ha taki kakai lalahi pe ʻe ha mēmipa ʻo e kōlomú pe kalasí ʻa e fakahinohino fekauʻaki mo e laukonga ki he Haʻu, ʻo Muimui ʻIate Au ʻo e uike ní. Te ne fakaʻaongaʻi ʻa e ngaahi fakakaukau ki he akó ʻi he Haʻu, ʻo Muimui ʻIate Au—Maʻá e ʻApí mo e Lotú. Ko e fakakaukau ki he akó mo e fakaʻilonga ko ʻení ʻoku fenāpasi ia mo e seminelí pea ʻoku tautautefito ʻene mahuʻingá ki he toʻu tupú. Neongo ia, ka ʻe lava ke fakaʻaongaʻi ha niʻihi ʻo e ngaahi fakakaukau ki he akó. ʻOku meimei miniti ʻe 35 ki he 40 ʻa e konga ko ʻeni ʻo e fakatahaʻangá.

Fakaʻosi

Ko e tokotaha ʻokú ne tataki ʻa e fakatahá:

• Fakamoʻoni ki he ngaahi tefitoʻi moʻoni kuo akoʻí.

• Fakamatalaʻi ʻa e founga ʻe ngāue ai ʻa e kalasí pe kōlomú ʻi he meʻa kuo nau ako—fakakulupu pe fakafoʻituituí.

Lotu: