Likambo moko na moko uta na Klisto Azali Koteya na Mokili ya Milimo, na Robert T. Barrett

Sanza ya zomi na mibale 1–7 “Limoni ya Bosikoli ya Bakufi”

Malongi mpe Mayokani 137–138

Bimoniseli ekomama na Malongi mpe Mayokani 137 mpe 138 ezali ya kokabwana na mibu koleka 80 mpe bakilometele (2.400). Eteni 137 ezwamaki na Profeta Joseph Smith na 1836 na Tempelo ya Kirtland oyo ezalaki ya kosila te, mpe eteni 138 ezwamaki na Joseph F. Smith, Mokambi ya motoba ya Eklezia, na 1918 na Salt Lake City. Kasi na lolenge ya malongi, mamoni mibale oyo ezali ya ngambo na ngambo. Yango nyonso mibale eyanoli mituna oyo bato ebele—kobakisa na baprofeta ya Nzambe—bazalaka na yango oyo etali bomoi nsima ya liwa. Joseph Smith amitungisaki oyo etali likama ya ndeko na ye ya mobali Alvin, oyo akufaka na bozangi kozwa libatisi. Joseph F. Smith, oyo abungisaki baboti na ye mibale mpe bana na ye 13 na liwa ya mbalakaka, akanisaki mbala mingi oyo etali mokili ya molimo mpe amitungisaki na oyo etali koteya nsango malamu kuna.

Eteni 137 epesi pole na lobi ekoya ya bana ya Nzambe na bomoi oyo ezali koya, mpe eteni 138 efungoli balido misusu. Elongo, bimoniseli mibale etatoli oyo etali “bolingo monene mpe ya kokamwa oyo emonisamaki na Tata mpe Mwana” (Malongi mpe Mayokani 138:3).

Makanisi mpo na koyekola na Ndako mpe Eklezia

Malongi mpe Mayokani 137; 138:30–37, 57–60

Bana nyonso ya Tata na Lola bakozala na libaku ya kopona bomoi ya seko.

Alvin Smith, ndeko molingami ya Profeta Joseph, akufaki mibu motoba liboso Nzambe azongisa likoki mpo na kobatisa. Bososoli moko kati na Bakilisto na 1836 ezalaki ete soki moto moko akufaki na kozangaka kozwa libatisi, moto wana akokaki te kokota na lola. Joseph amitungisaki oyo etali lobiko ya seko ya Alvin mpo na mibu ebele—kino azwaki emoniseli kati na Malongi mpe Mayokani 137.

Bato ebele lelo bazalaka na mituna ya lolenge moko. Mpo na nini Nzambe asengaka makuli mpe mayokani ntango bato mingi bazalaka na libaku te ya kozwa yango? Nini okoki koloba na moto oyo azali komitungisa na yango? Lolenge nini okoki kotonga bondimi na bango na Nzambe mpe babosenga na Ye mpo na lobiko? Luka bosolo oyo okoki kokabola kati na eteni 137 mpe na eteni 138:30–37, 57–60. Okoki lisusu koluka bosolo oyo elobelami na loyembo “The Glorious Gospel Light Has Shone” (Hymns, no. 283) mpe na nsango ya Mokambi Henry B. Eyring “Gathering the Family of God” (Liahona, Sanza ya mitano 2017, 19–22).

Ntango ozali koyekola mpe komanyola, okoki kokoma makanisi na yo na kokokisaka maloba lokola oyo:

• Na ntina ya bimoneseli oyo, nayebi Tata na Lola wana .

• Na ntina ya bimoneseli oyo, nayebi mwango ya lobiko ya Tata na Lola wana .

• Na ntina ya bimoneseli oyo, nalingi .

Tala lisusu Basantu,, 1:232–35.

Malongi mpe Mayokani 138:1–11, 25–30

Kotanga mpe komanyola makomi elengelaka ngai nazwa emoniseli.

Mbala mosusu emoniseli eyaka kutu atako toluki yango te. Kasi mbala mingi eyaka mpo tozali koluka na molende mpe tolengelami mpo na yango. Ntango otangi Malongi mpe Mayokani 138:1–11, 25–30, koma maye Mokambi Joseph F. Smith azalaki komanyola ntango “misu ya bososoli na [ye] efungwamaki.” Okoki lisusu kokokanisa boyebi na ye na 1 Nefi 11:1–6; Joseph Smith—History 1:12–19. Nsima kanisa lolenge nini okoki kolanda ndakisa ya Mokambi Smith. Ndakisa, mbongwana nini oyoki efuli yo kosala boyekoli ya makomi na yo mpo na kozwa emoniseli na yo moko koleka?

Na nsango oyo “Limoni ya Bosikoli ya Bakufi” (Liahona, Sanza ya zomi na moko 2018, 71–74), Mokambi M. Russell Ballard atalisi banzela mosusu wapi Mokambi Smith alengelamaki mpo na kozwa emoniseli oyo. Oyekoli nini uta na mayebi na ye? Kanisa lolenge nini Nkolo alengelaki yo mpo na makambo oyo ozali kokutana na yango—mpe lolenge nini Akoki kolengela yo mpo na baboyebi ya lobi ekoya.

Tala lisusu Saints, 3:202–5; “Ministry of Joseph F. Smith: A Vision of the Redemption of the Dead” (video), Gospel Library.

Ministry of Joseph F. Smith: A Vision of the Redemption of the Dead

Joseph F. Smith,, na Albert E. Salzbrenner

Bengisa Molimo. “Nini omoni oyo esungi na esika ya molimo mpo na boyekoli nsango malamu? Nini epekisi yango?” (Koteya na Lolenge ya Mobikisi, 18). Ntango ozali koyekola boyebi ya Mokambi Joseph F. Smith na Malongi mpe Mayokani 138:1–11, banza lolenge nini okoki kolendisa bomanyoli mpe kobengisa makanisi ya molimo mpo na yo moko mpe, soki ozali moteyi, mpo na bato oyo ozali koteya.

Malongi mpe Mayokani 138:25–60

Mosala ya Mobikisi ezali kokoba na ngambo mosusu ya elamba.

Mokambi Russell M. Nelson ateyaki, “Nsango na biso na mokili ezali pete mpe sembo: tobengisaka bana nyonso ya Nzambe na ngambo mibale ya elamba baya epayi ya Mobikisi na bango, bazwa mapamboli ya tempelo esantu, bazwa na esengo ya libela, mpe balongobana mpo na bomoi ya seko” (“Banso Tokenda Liboso,” Ensign, to Liahona,Sanza ya mitano 2018, 118–19). Manyola esakola oyo ntango ozali kotanga Malongi mpe Mayokani 138:25–60. Okoki lisusu kotalela mituna oyo:

• Oyekoli nini uta na milongo oyo oyo etali lolenge nini mosala ya Mobikisi ezali kokokisama na mokili ya molimo? Mpo na nini ezali ntina mpo yo oyeba ete mosala oyo ezali kosalama?

• Nini etuti yo oyo etali batindami ya Nkolo na mokili ya molimo?

• Lolenge nini emoniseli oyo elendisi bondimi na yo na mwango ya Nzambe ya bosikoli?

Soki olingi koyekola mingi etali mokili ya molimo, okoki koyekola nsango ya Mokambi Dallin H. Oaks “Ndimela Nkolo” (Liahona, Sanza ya zomi na Moko. 2019, 26–29).

Tala lisusu “Susa Young Gates and the Vision of the Redemption of the Dead,” na Revelations in Context, 315–22; “A Visit from Father” (video), Gospel Library.

A Visit from Father

Mpo na makanisi koleka, tala nsango ya sanza oyo na Liahona mpe Mpo na Bokasi ya Bilenge bamagazini.

Makanisi mpo na Koteya Bana

Malongi mpe Mayokani 137:5–10; 138:18–35

Bana nyonso ya Tata na Lola bakozala na libaku ya malamu ya koyoka nsango malamu.

• Mpo na koyekola oyo etali nini yango elakisi mpo na Joseph Smith komona mingi ya bato ya libota na ye na bokonzi ya selesitiale, bana na bino bakoki kotala video “Mosala ya Joseph Smith: Batempelo” (Gospel Library), to bokoki kokabola Masolo ya Malongi mpe Mayokani, 152–53 (to video oyo ekokani kati na Gospel Library). Ntango mosusu bokoki kosolola oyo etali moto moko oyo boyebi akufa na kozangaka libaku ya kobatisama. Nini Malongi mpe Mayokani 137:5–10 eteyi biso oyo etali moto wana?

  Ministry of Joseph Smith: Temples

  Chapter 39: The Kirtland Temple Is Dedicated: January–March 1836

• Bobanza kosalela elilingi ya lilita ya Mobikisi (tala Gospel Art Book, no. 58, to Bible Photographs, no. 14) mpe elilingi na nsuka ya nsango oyo mpo na koteya bana na bino esika nini molimo ya Yesu ekendaki ntango nzoto na Ye ezalaki kati na lilita. Nsima bokoki kotanga elongo Malongi mpe Mayokani 138:18–19, 23–24, 27–30 mpo na koyekola oyo etali maye Yesu asalaki ntango azalaki kuna. Akendaki kotala banani? Nini Asengaki bango basala? Mpo na nini Asalaki yango?

  

• Bokoki lisusu kosalela lokasa ya molulu ya poso oyo mpo na kosalisa bana na bino bakokanisa maye bamisionele bateyaka na ngambo oyo ya elamba (tala, ndakisa, Biteni ya Bondimi 1:4) na oyo bamisionele bateyaka mokili ya molimo (tala Malongi mpe Mayokani 138:33). Nini ekokani na milongi oyo, mpe nini ekeseni? Nini yango eteyi biso oyo etali Tata na Lola mpe mwango na Ye?

Komanyola makomi ebengisaka Molimo Mosantu.

Malongi mpe Mayokani 138:1–11

Ntango nazali komanyola makomi, Molimo Mosantu akoki kosalisa ngai nasosola yango.

• Ntango bino mpe bana na bino bozali kotanga Malongi mpe Mayokani 138:1–11 elongo, bokoki kobengisa bango basala lokola bazali Mokambi Joseph F. Smith mpe basala makambo oyo ekokani na maloba kati na milongo 6 mpe 11. Bokoki lisusu kolakisa bango elilingi ya Mokambi Smith, (ezali na moko kati ya nsango oyo) mpe limbola ete azalaki Mokambi ya motoba ya Eklezia. Bokoki lisusu kosolola oyo etali ntango bomanyolaki eloko moko kati na makomi mpe Molimo Mosantu asalisaki yo bososola yango.

• Bokanisa koyemba elongo loyembo oyo etali boyekoli makomi, lokola “Koluka, Komanyola, mpe Kosambela” (Children’s Songbook,, 109). Nini loyembo oyo elobi tosengeli kosala mpo na kososola makomi?

Mpo na makanisi mingi koleka, tala nsango ya sanza oyo na magazini ya Moninga .

Motindami, na Harold I. Hopkinson