Bokuse ya likambo uta Na Bandimi Nyonso ya Mibali Balongobana, na Emma Allebes

Sanza ya zomi na mibale 8–14 “Tondimelaka”

Biteni ya Bondimi mpe Bisakola ya Bakambi 1 mpe 2

Uta Limoni ya Yambo ya Joseph Smith, Nzambe akobaki kokamba Eklezia na Ye na emoniseli. Na makambo mosusu, emoniseli wana ezalaki na mbongwana na mibeko mpe mabongisi ya Eklezia. Bisakola ya Bakambi 1 mpe 2 etalisi lolenge ya emoniseli—moko oyo ekambaki na nsuka ya momesano ya libala na basi mingi, mpe mosusu esalaki ete mapamboli ya bonganganzambe, epesameli na bato ya loposo nyonso. Mbongwana lokola oyo ezali eteni ya nini elingi koloba kozala “eklezia moko ya solo mpe ya bomoi” (Malongi mpe Mayokani 1:30), na profeta moko ya solo mpe ya bomoi, ekambami na Nzambe ya solo mpe ya bomoi.

Kasi bosolo ya seko ebongwani te, atako bososoli na biso mpo na yango ebongwani. Mpe ntango mosusu emoniseli ememaka pole mosusu na bosolo. Biteni ya Bondimi esungaka ntina ya ndimbola oyo. Eklezia etongami makasi na bosolo ya seko kasi ekoki kokola mpe kobongwana “engebene na bolingi ya Nzambe, lokola ekoki na mawa na ye engebene na bizalela ya bana ya bato” (Malongi mpe Mayokani 46:15). Na maloba mosusu, “Tondimi maye manso Nzambe asila kobimisa, manso maye Azali kobimisa sikawa, mpe tondimi ete Akobimisa lisusu makambo manene mpe ma motuya mingi matali Bokonzi ya Nzambe” (Biteni ya Bondimi 1:9

Makanisi mpo na koteya na Ndako mpe na Eklezia

Biteni ya Bondimi

Biteni ya Bondimi ezali na bosolo ya ebandeli ya nsango malamu oyo ezongisami.

Banza mwango oyo mpo na koyekola Biteni ya Bondimi: Mpo na eteni moko na moko ya bondimi, bongisa “mwa liteya moke” mpo na kolimbola maye ondimelaka. Mwa liteya na yo ekoki kosangisa makomi oyo ekokani na yango, elilingi, loyembo ya mikolo to loyembo ya bana, to boyebi na yo moko etali bosolo ya bomoi oyo eteni ya bondimi ezali koteya.

Bokeseni nini bosolo oyo esalaka kati ya bozalani na yo na Tata na Lola mpe Yesu Klisto? Lolenge nini Biteni ya Bondimi ebongisaki boyekoli na yo ya nsango malamu to esalisaki yo okabola nsango malamu na basusu?

Tala lisusu Mokambi na Makomi, “Biteni ya Bondimi,” Gospel Library; L. Tom Perry, “Malongi mpe Mabongi oyo ezali kati na Biteni ya Bondimi,” Liahona, Sanza ya zomi na moko 2013, 46–48; “Mokapo 38: The Wentworth Letter,” Teachings of Presidents of the Church: Joseph Smith, (2011), 435–47.

Biteni ya Bondimi 1:9; Mayebisi ya Bakonzi 1 mpe 2

Eklezia ya Yesu Klisto ekambami na nzela ya emoniseli.

“Tondimelaka ete [Nzambe] akobimisa lisusu makambo minene mpe ya motuya mingi matali Bokonzi ya Nzambe” (Biteni ya Bondimi 1:9). Na mobeko to mabongi oyo na makanisi, tala Masakoli ya Bakonzi 1 mpe 2, mpe luka maloba oyo ezali kolendisa bondimi na bino na emoniseli oyo ezali kokoba. Lolenge nini bomoi na yo esimbami na bimoniseli oyo? Lolenge nini yango esalisaki mosala ya bokonzi ya Tata na Lola ekoba?

Bosolo nini omonani na miso ete Eklezia ekambami “na bofulami ya Nzambe Aleki makasi” lelo? (Masakoli ya Bakonzi 1). Ntango mosusu okoki kotala moko to mingi bansango ya likita linene ya kala te, luka lolenge Nkoko azali kokamba Eklezia na Ye—mpe bomoi na ye. Nsango ya kala mingi te uta na Mokambi ya Eklezia ekoki kozala malamu mpo na kobanda.

Nini okoki kosala soki yo to moko na bino azali komitungisa mpo na kososola to kondima maye Nkolo azali koteya na nzela ya baprofeta na Ye? Mpo na nini ozali na botondi mpo na profeta?

Tala lisusu Amosi 3:7; 2 Nefi 28:30; Allen D. Haynie, “A Living Prophet for the Latter Days,” Liahona, Sanza ya mitano 2023, 25–28; Topics and Questions, “Prophets,” Gospel Library; “We Thank Thee, O God, for a Prophet,” Hymns, no. 19.

Esakola ya Bakonzi 1

Mosala ya Nzambe esengeli kokende liboso.

Na kati ya “Excerpts from Three Addresses by President Wilford Woodruff regarding the Manifesto” (na nsuka ya Bisakola ya Bakambi 1). Bantina nini profeta apesaki mpo ete Nkolo asukisa momesano ya libala na balongani mingi? Oyo eteyi yo nini oyo etali mosala ya Nkolo?

Mpo na nsango mingi etali mambi ya kala ya Masakoli ya Bakambi 1, tala Saints, 2:602–15; “The Messenger and the Manifesto,” in Revelations in Context, 323–31; Topics and Questions, “Plural Marriage and Families in Early Utah,” Gospel Library.

Wilford Woodruff,, na H. E. Peterson

Masakoli ya Bakonzi 2

Nakoki kotia motema na Nkolo, kutu ntango nazali na bososoli ebongi nie te.

Toyebi te mpo na nini bokuli ya bonganganzambe mpe makuli ya tempelo ezalaki kozwama te na bandimi ya Eklezia na bakitani ya Afrika na ntango moko boye. Atako ntango bazalaki kokutana na kpokoso na mituna ezanga biyano etali mobeko wana, Bayindo mingi ya Basantu ba Mikolo mya Nsuka batiaki elikya na Nkolo (tala Masese 3:5) mpe batikalaki na bondimi epayi na Ye na bomoi na bango mobimba. Koyekola oyo etali bondimi na bango mpe mayebi ekoki kofula bino. Tala mwa masolo na bango, ezwami na history.ChurchofJesusChrist.org

• “Jane Elizabeth Manning James”

• “In My Father’s House Are Many Mansions” (lisolo ya Green Flake)

• “You Have Come at Last” (lisolo ya Anthony Obinna)

• “Break the Soil of Bitterness” (lisolo ya Julia Mavimbela)

• “I Will Take It in Faith” (lisolo ya George Rickford)

• “Long-Promised Day” (lisolo ya Joseph W. B. Johnson)

Ntango ozali kotanga Bisakola ya Bakambi 2, nini oyekoli etali mosala ya Nkolo mpo na kokambi mibeko ya Eklezia na Ye. Manyola lolenge nini oyekolaki mpo na kondimela Nkolo atako ntango ozali na bososoli ebonga nie te.

Tala lisusu 2 Nefi 26:33; “Witnessing the Faithfulness,” in Revelations in Context, 332–41; Topics and Questions, “Race and the Priesthood,” Gospel Library; Ahmad Corbitt, “A Personal Essay on Race and the Priesthood,” parts 1–4, history.ChurchofJesusChrist.org; BeOne.ChurchofJesusChrist.org.

Ezali MALAMU koloba “nayebi te.” Na ntango osengeli kosala nyonso ekoki mpo na kosalisa bato oteyaka bayanola mituna na bango etali nsango malamu, Nkolo azelaka yo te oyeba makambo nyonso. Ntango oyebi te lolenge nini koyanola eloko moko, ndima yango. Nsima lakisa bayekoli epayi ya malongi emonisama, mpe pesa litatoli ya sembo ya maye oyebi.

Mpo na makanisi mingi koleka, tala nsango ya sanza oyo na bamagazini ya Liahona mpe Mpo na Bokasi ya Bilenge .

Makanisi mpo na Koteya Bana

Biteni ya Bondimi

Nandimelaka nsango malamu ya Yesu Klisto.

• Bobanza kozwa mpe koyemba nzembo to nzembo ya bana oyo ekoki kosalisa bana na bino basosola moko to mingi ya Biteni ya Bondimi. Ntango mosusu bakoki kosalisa bino bopona lnzembo ya mikolo mpe nzembo ya bana. Bosalisa bana bino bamona lolenge nini nzembo ekokani na Biteni ya Bondimi.

• Bino mpe bana na bino bokoki kosala elongo mpo na kokoma mituna bato bakoki kozala na yango etali nsango malamu ya Yesu Klisto to ya Eklezia na Ye. Bokoki nsima kosala elongo mpo na koyanola mituna oyo kosalelaka Biteni ya Bondimi. Epayi nini mosusu tokoki kokende ntango tozali na mituna etali nsango malamu?

Biteni ya Bondimi 1:9; Bisakola ya Bakonzi 1 mpe 2

Nkolo akambaka Eklezia na Ye na nzela ya profeta na Ye.

• Mpo na kosalisa bana na bino basosola eteni ya bondimi ya mbala ya libwa, ntango mosusu bokoki kopesa bango liboke ya makomi mpe elilingi ya profeta ya bomoi (to nsango ya likita ya kala te ya Liahona). Bosenga bango basimba makomi ntango bozali kotanga maloba “manso maye Nzambe amonisaki” mpe elilingi to magazini ntango bozali kotanga “manso maye sikawa Ye amonisi” (Biteni ya Bondimi 1:9). Mpo na nini tosengeli na baprofeta ya kala mpe ya lelo?

• Bana na bino bakoki koyekola lolenge nini maloba ya baprofeta ekambaka biso na koyebaka mateya ya kosala eloko moko songolo, lokola bilei to ekaneli. Bokoki kokokanisa yango na mateya oyo Yesu Klisto apesi biso na nzela ya profeta. Biloko nini Nkolo ateyaki biso na nzela ya profeta na Ye ya bomoi lelo?

Nzambe abengaka baprofeta mpo na kokamba Eklezia na Ye.

Bisakola ya Bakambi 1 mpe 2

Baprofeta basalisaka biso toyeba bolingi ya Tata na Lola.

• Ntango mosusu kolobaka lolenge nini makomi ya kala ekokani na emoniseli ya lelo ekoki kosalisa bana na bino basosola Bisakola ya Bakambi. Bokoki kosenga bango batanga Misala 10:34–35 mpe Yakobo 2:27–30 mpe bobengisa bango balakisa makomi nini ekokani na Esakola ya Bakambi 1 (oyo ekambaki na nsuka mpe ya libala ya basi ebele) mpe oyo ekokani na Bisakola ya Bakambi 2 (oyo esakolaki ete bokuli ya bonganganzambe mpe makuli ya tempelo ebongisami mpo ya bato ya langi nyonso ya mposo). bopesa litatoli na bino ete Nkolo amonisaka bolingi na Ye na baprofeta ya kala na ya lelo.

Mpo na makanisi koleka, tala nsango ya sanza oyo na magazini Moninga .