Bobakisi A

Mpo na Baboti—Kolengela Bana na Bino mpo na Bomoi Mobimba na Nzela ya Boyokani na Nzambe

Mpo ete Ye alingaka bino, andimelaka bino, mpe ayebi bokasi na bino, Tata na Lola apesaki bino libaku ya kosalisa bana na bino bakota mpe bakoba na nzela na Ye ya boyokani, nzela ya bomoi ya seko (tala Malongi mpe Mayokani 68:25–28). Yango esangisi kosalisaka bango komilengela mpo na kosala mpe kobatela mayokani ya bule, lokola boyokani ya libatisi mpe mayokani basalaki na tempelo. Na nzela ya mayokani wana, bana na bino na esengo bakomikangisa bango moko epayi ya Mobikisi, Yesu Klisto.

Ezali na banzela mingi ya kolengela bana na bino mpo na mobembo yango na nzela ya boyokani, mpe Tata na Lola akosalisa bino komona lolenge nini ya malamu koleka mpo na kosalisa bango. Ntango bozali koluka bofuli, botia na makanisi ete boyekoli nyonso te esalamaka na ntango ya mateya malengelema. Solo mpenza, eteni ya oyo epesaka koyekola na ndako nguya mingi koleka ezali libaku ya koyekola na nzela ya ndakisa mpe na nzela ya bantango mike, ya pete—na lolenge ya oyo esalemaka na ndenge na yango moko na bokobi ya bomoi ya mokolo na mokolo. Kaka lokola kolanda nzela ya liyokani ezali mosala ya ntango nyonso, ya bomoi mobimba, ezali boye mpe mpo na nzela ya liyokani. (Tala “Home and Family,” Koteya na Lolenge ya Klisto [2022], 30–31.)

Oyo elandi ezali mua makanisi ekoki kokumba na bofulami koleka. Bokoki kozwa makanisi mosusu mpo na koteya na Eteyelo ya bana na “Appendix B: For Primary—Preparing Children for a Lifetime on God’s Covenant Path [Mabakisi B: Mpo na Eteyelo ya Bana—Kolengela Bana na Bino mpo na Bomoi Mobimba na Nzela ya Boyokani na Nzambe].”

Libatisi mpe Nkotisa

Nefi ateyaki ete “ekuke oyo [biso] tosengeli kokota” na nzela ya boyokani “ezali boyamboli mpe libatisi ya mayi” (2 Nefi 31:17). Makasi na bino ya kosalisa bana na bino komilengela mpo na libatisi mpe nkotisa ekoki kobomba makolo na bango ngwi na nzela yango. Makasi yango ebandaka na koteyaka oyo etali bondimi na Yesu Klisto mpe boyamboli. Yango esangisi lisusu mateya oyo etali lolenge nini kozongisa sika mayokani na biso ya libatisi na koliaka elambo poso nyonso.

Nefi ateyaki ete “ekuke oyo [biso] tosengeli kokota” na nzela ya boyokani “ezali boyamboli mpe libatisi ya mayi” (2 Nefi 31:17).

Botala mwa mikanda misusu oyo ekoki kosalisa bino: 2 Nefi 31; mwango ya motuya ya Friend magazini etali libatisi; Topics and Questions, “Baptism,” Gospel Library.

• Ntango nyonso bokutani na likambo moko oyo elendisi bondimi na bino na Tata na Lola mpe Yesu Klisto, bokabola yango elongo na bana na bino. Bosalisa bango basosola bondimi wana ezali eloko moko oyo ekoki kokola makasi mingi koleka na bomoi na bango mobimba. Makambo nini misusu mwana na bino akoki kosala mpo na kokolisa makasi bondimi na Klisto yambo ete abatisama?

• Ntango mwana na bino asali boponi mabe, bosolola na ye na esengo oyo etali likabo ya boyamboli. Mpe ntango bino bosali boponi ya mabe, bokabola esengo wana oyo eyaka ntango boyamboli. Botatola ete na ntina Yesu Klisto anyokwamaki mpe akufaki mpo na masumu, tokoki koyambola mokolo na mokolo, kolimbisama, mpe kozwa nguya ya kobongwana. Ntango mwana na bino asengi bolimbisi, bolimbisa na bonsomi mpe esengo.

• Boyebisa mwana na bino oyo etali libatisi na bino. Bolakisa bafoto mpe kabola makanisi ya kala. Bosolola oyo etali lolenge bomiyokaki, lolenge nini mayokani ya libatisi na bino esungaki bino boya koyeba Yesu Klisto malamu mingi koleka, mpe lolenge nini mayokani na bino ezali kokoba kopambola bomoi na bino. Bopesa bango makasi ya kotuna mituna.

• Ntango libatisi ezali kosalema na libota na bino to palwasi na bino, bomema mwana na bino amona yango. Bosolola elongo oyo etali oyo bino mpe mwana na bino bomonaki mpe boyokaki. Soki ekoki kosalema, bosolola na moto abatisamaki mpe botuna mituna lokola oyo elandi: “Lolenge nini bozwaki mokano oyo? Lolenge nini bomilengelaki?”

• Ntango nyonso bomoni mwana na bino azali kosala likambo oyo alakaki kosala, bopesa longonia ya solo. Boyebisa ye ete kobatelaka mitindo esalisaka biso tomilengela mpo na kobomba mayokani oyo tosalaka ntango tobatisami. Nini tolakaka epayi na Nzambe ntango tobatisamaka? Nini Ye alakaki biso? (Tala Mosiya 18:8–10, 13.)

• Bosolola oyo etali lolenge nini kozwa nkotisa mpe kokoma mondimi ya Eklezia ya Yesu Klisto ya Basantu ba Mikolo mya Nsuka epambolaki bino. Ndakisa, lolenge nini bokomaki kozala pene ya Tata na Lola mpe Yesu Klisto ntango bozali kosalela basusu mpe lokola basusu baselelaki bino? Bosalisa mwana na bino akanisa banzela nini kosalisa mpe kokembisa basusu lokola mondimi moko ya Eklezia. Lisusu bosalisa bango bayeba mpe basosola esengo oyo eyaka uta na mosala.

• Ntango bino mpe mwana na bino bozali na mayele moko ya bule elongo (lokola na eklezia, ntango kotangaka makomi, to kosalelaka moto moko), yebisa bango oyo etali mayoki ya molimo to mayoki ozali na yango. Bobengisa mwana na bino akabola lolenge nini azali koyoka. Botalisa ndeenge ya ndenge na ndenge Molimo akoki kolobela bato, mpe lisusu ndeenge Ye alobelaka yo moko. Bosalisa mwana na bino asosola bantango nini ye akoki koyoka nguya ya Molimo Mosantu.

• Botala elongo bavideo kati na buku na Gospel Library na nkombo “Hear Him!” Bosolola elongo oyo etali banzela ekeseni oyo basali ya Nkolo bayokaka mongongo na Ye. Bobengisa mwana na bino asala elilingi moko to kotia video ya lolenge nini ye ayokaka mongongo ya Mobikisi.

• Bokomisa elambo lokola molulu moko ya bule mpe ya esengo mpenza kati na libota na bino Bokabola na mwana na bino lolenge nini kotia makanisi na Yesu Klisto na ntango ya elambo. Bosalisa mwana na bino asala mwango mpo na kolakisa ete elambo ezali bule epayi na bango? Ndakisa, koyokaka maloba ya nsambo ya elambo ekoki kokundolisa biso mayokani na biso ya libatisi.

• Mikanda mingi ya magazini ya Friend esangisaka makambo, masolo, mpe milulu ya kosalisa bana bamilengela mpo na libatisi mpe nkotisa. Botika mwana na bino apona mosusu ya kotanga mpe ya kosepela elongo na bino. (Tala lisusu na buku “Preparing for Baptism” kati na eteni ya bana ya Gospel Library.)

Nguya ya Bonganganzambe, Likoki, mpe Bafungola

Bonganganzambe ezali likoki mpe nguya ya Nzambe na nzela na yango Ye apambolaka bana na Ye. Bonganganzambe ya Nzambe ezali na mabele lelo oyo kati na Eklezia ya Yesu Klisto ya Basantu ba Mikolo mya Nsuka. “Bandimi nyonso ya Eklezia oyo babatelaka mayokani na bango—basi, mibali mpe bana—bapambolami na nguya ya bonganganzambe ya Nzambe na mabota na bango mpo na kolendisa bango moko mpe mabota na bango” (Buku Monene: Kosala kati na Eklezia ya Yesu Klisto ya Basantu ba Mikolo mya Nsuka,, 3.6, Gospel Library). Nguya yango ekosalisa bandimi na kosalaka mosala ya Nzambe ya kobikisa mpe bonetoli na bomoi na bango mpe mabota na bango (tala Buku Monene, 2.2).

Ntango mobali mpe mwasi bazali kosala na mabiangi ya Eklezia, basalaka yango, elongo na likoki ya bonganganzambe, na nse ya botambuisi ya baye oyo basimbi bafungola ya bonganganzambe. Bana nyonso ya Tata na Lola—bana na Ye ya mibali mpe bana na Ye ya basi—bakopambolama ntango bango bakososola bonganganzambe malamu mpenza.

Tozwaka makuli na nzela ya likoki ya bonganganzambe. “Bandimi ya mibali balongobana ya Eklezia bazwaka likoki ya bonganganzambe na nzela ya bopesi mpe bobulisi ya bonganganzambe na nzela ya misala ya bonganganzambe” (Buku Monene, 3.4). Baoyo bazali na misala ya bonganganzambe bakoki kopesama ndingisa na moto moko oyo azali na bafungola mpo na kosala makuli ya bonganganzambe.

Mpo na koyekola mingi kolekaleoyo etali bonganganzambe, tala Russell M. Nelson, “Spiritual Treasures,” Liahona, Sanza ya zomi na Moko 2019, 76–79; Russell M. Nelson, “The Price of Priesthood Power,” Liahona, Sanza ya mitano 2016, 66–69; “Priesthood Principles,” mokapo 3 na Buku Monene.

• Bokomisa makuli ya bonganganzambe eteni monene ya bomoi ya libota na bino. Ndakisa, bosalisa mwana na bino komilengela na molimo mpo na elambo poso nyonso. Bolendisa mwana na bino aluka mapamboli ya bonganganzambe ntango azali kobela to asengeli na libondisi to botambwisi. Bokomisa yango ezalela ya kolakisa banzela Nkolo azali kopambola libota na bino na nzela ya nguya ya bonganganzambe.

• Ntango bozali kotanga makomi elongo, botala mabaku ya kosolola na lolenge nini Nzambe azali kopambola batu na ye na nzela ya nguya na Ye. Bokabola mayoki na bino na lolenge nini Nkolo apambolaki bino na nzela ya mosala ya tempelo. Mpo na ndakisa ya mapamboli tozwaka uta na Nzambe na nzela ya bonganganzambe, tala General Handbook, 3.2, 3.5.

• Boteya mwana na bino ete nsima ya libatisi, bakoki kozwa nguya ya bonganganzambe na kobatelaka boyokani ya libatisi. Bozongela elongo etinda ya Mokambi Russell M. Nelson “Spiritual Treasures” (Liahona, Sanza ya zomi na moko 2019, 76–79). Boyebisa mwana na bino lolenge nini makuli ya bonganganzambe ememaki nguya ya Nzambe na bomoi na bino. Mpo na molongo ya mwa banzela topambolami na nguya ya bonganganzambe, tala General Handbook, 3.5.

• Bosolola ntina ya “Mowumbu ya Nkolo akokani na nini? Botanga elongo Malongi mpe Mayokani 121:36–42, mpe boluka biyano. Ntango nyonso bomoni ete mwana na bino (to moto mosusu) azali kosalela moko ya mabongisi oyo to bandakisa malamu kati na milongo oyo, bosalela yango.

• Ntango bino to mwana na bino bosaleli bafungola mpo na kofungola ekuke to kopelisa motuka, bozwa mwa ntango ya kokokanisa bafungola wana na bafungola oyo bakambi ya bonganganzambe basimbi. (Mpo na ndimbola ya bafungola ya bonganzambe, tala Buku Monene, 3.4.1). Eloko nini bafungola ya bonganganzambe “efungolaka” to “epelisaka” mpo na biso? Tala lisusu Gary E. Stevenson, “Where Are the Keys and Authority of the Priesthood?,” Liahona, Sanza ya mitano 2016, 29–32; “Where Are the Keys?” (video), Gospel Library.

  Where Are the Keys?

• Ntango botiami pembeni mpo na libiangi, bobenga mwana na bino azala wana, soki ekoki kosalema. Botika mwana na bino bamona bino kokisaka libiangi na bino mobimba. Bokoki kutu kotala banzela esengeli ya malamu oyo ekoki kosalisa bino. Limbola lolenge nini oyokaki nguya ya Nkolo kotandama na libiangi na bino?

Kobatisama mpe Kokotisama mpo na Bankoko

Batempelo ezali eteni moko ya mwango ya Tata na Lola mpo na bana ba Ye. Kati na ndako ya Nkolo, tosalaka mayokani ya bule elongo na Tata na Lola ntango tosalaka makuli ya bule, oyo nyonso ezali kolakisa nzela epayi ya Yesu Klisto. Tata na Lola apesaki nzela moko mpo na bana na Ye nyonso mpo na kosala mayokani mpe kosangana na makuli, kosangisaka baye oyo bayambi yango te na bomoi oyo. Na ebandeli ya mobu ntango akokisi mibu 12, mwana na bino akoli ekoka mpo na kozwa libatisi mpe nkotisa kati na tempelo mpo na bankoko bakufa (tala llisusu 1 Bakolinti 15:29).

• Bokendeke na ndako ya Nkolo mbala mingi ntango bozali na ngonga elongobana ya kokende. Bosolola na mwana na bino mpo na oyo etali ntina nini bokendaka mpe lolenge nini tempelo esalisi bino bomiyoka pene koleka ya Tata na Lola mpe Yesu Klisto.

• Bandela mpe solola mituna ya mokanda ya tempelo elongo. Bokoki komona mituna ya lisolo ya mokanda mpo na tempelo na nkasa 36–37 ya Mpo na Bokasi ya Bilenge: Mokambi mpo na Kosala Maponi (2022). Bosolola na mwana na bino mpo na oyo etali nini eyaka na lisolo mpo na kozwa mokanda ya tempelo. Bokabola mpo na nini kozwaka mokanda ya tempelo ezali ntina mpo na bino.

• Botanga elongo Malaki 4:6. Bosolola mpo na oyo etali lolenge nini mitema na bino ekoki kozonga na bakoko na bino. Boyekola mingo na oyo etali bakoko na kotalaka mambi ya kala ya libota na bino elongo na FamilySearch.org. Luka bakoko oyo basengeli kobatisama mpe kozwa nkotisa. Mosungi ya palwasi ya tempelo mpe mambi ya kala ya libota akoki kosalisa yo.

• Bobandela elongo moko ya ba lisanga ya babuku na nkombo ya “Temple” kati na eteni ya bana ya the Gospel Library. (Tala lisusu “Preparing Your Child for Temple Baptisms and Confirmations” na ChurchofJesusChrist.org.)

Kozwaka lipamboli ya batata

Lipamboli ya batata ekoki kozala nzela moko ya botambwisi, ya bolendisi mpe bofuli. Ezali na toli ya moto ye moko uta na Tata na Lola epayi na biso mpe esungaka biso tososola nkombo mpe ntina na biso ya seko. Bosalisa mwana na bino komilengela mpo na koyamba lipamboli ya batata na koteyaka ye ndimbola mpe ntina ya bule ya mapamboli ya bonkoko.

Mpo na koyekola mingi koleka, tala Topics and Questions, “Patriarchal Blessings,” Gospel Library; Julie B. Beck, “You Have a Noble Birthright,” Liahona, Sanza ya mitano 2006, 106–8.

• Kabola na mwana na yo liyoki na bino ya koyambaka lipamboli ya batata. Bokoki kokabola makambu lokola lolenge nini bomilengelaki mpo na koyamba yango, lolenge nini yango esalisaki bino bokoma pene koleka na Nzambe, mpe lolenge nini Ye akobaka kokamba bino na nzela ya mapamboli oyo. Bokoki lisusu kobengisa mwana na bino asolola na bandeko mosusu ya libota oyo basila kozwa mapamboli na bango ya batata.

• Botala elongo nsango ya Mpaka Randall K. Bennett “Your Patriarchal Blessing—Inspired Direction from Heavenly Father” mpe nsango ya Mpaka Kazuhiko Yamashita “When to Receive Your Patriarchal Blessing” (Liahona, Sanza ya Mitano 2023, 42–43, 88–90). Bokabola bino na bino oyo boyekoli uta na bansango oyo etali mpo na nini Tata na Lola alingaka biso tozwa lipamboli ya batata. Mpo na koyekola na oyo etali nzela ya koyambanga lipamboli ya batata, tala Buku Monene, 18.17.

• Soki bozali bakoko oyo bayamba mapamboli ya batata, yango ekoki kofula mpo na kotanga bamoko ya bango elongo na mwana na bino. Mpo na kosenga mapamboli ya bankoko oyo bakufa, luka na ChurchofJesusChrist.org, fina Bisaleli na likolo na loboko ya mobali ya etando, mpe pona Patriarchal Blessing.

• Nsima ya mwana na yo kozwaka lipamboli ya batata, benga moko ya bayi libota oyo bazalaki wana mpo na koloba mayoki na bango mpe kokabola yango elongo na mwana na bino.

Kozwaka Dotasio

Nzambe alingaka kodote, to kopambola, bana na Ye nyonso na “nguya kouta na likolo” (Malongi mpe Mayokani 95:8). Tokendaka na tempelo mpo na kozwa dotasio na biso moko kaka mbala moko, kasi mayokani tosalaka elongo na Nzambe mpe nguya ya molimo Ye apesaka biso lokola eteni ya dotasio ekoki kopambola biso mokolo nyonso ya bomoi na biso.

• Botia foto ya tempelo moko na ndako na bino. Boyebisa mwana na bino maye etali mayoki boyokaka na ndako ya Nkolo. Bosolola mingi mingi oyo etali bolingo na bino mpo na Nkolo mpe ndako na Ye mpe mayokani bosalaki kuna. Boluka mabaku mpo na kokende na tempelo elongo na mwana na bino mpo na kosala mabatisi mpe bankotisa mpo ya bankoko.

• Toluka elongo temples.ChurchofJesusChrist.org. Totanga elongo biteni lokola “About the Temple Endowment” mpe “Prepare for the House of the Lord.” Botuna mwana na bino mituna azali na yango oyo etali tempelo. Mpo na bokami oyo etali maye bokoki kosololela libanda ya tempelo, tala etinda ya Mpaka David A. Bednar “Prepared to Obtain Every Needful Thing” (Liahona, Sanza ya mitano 2019, 101–4; tala mingimingi penza molongo ebengami “Home-Centered and Church-Supported Learning and Temple Preparation”).

• Ntango bino mpe mwana na bino bosala elongo to bozala nzeneneke ya makuli mosusu (lokola elambo to lipamboli ya libiki), bozwa ntango ya kosolola bilembo oyo ezali kati ya likuli. Bilembo ezali kolakisa nini? Lolenge nini yango etatolaka Yesu Klisto? Yango ekoki kosalisa mwana na bino amilengela mpo na komanyola ndimbola ya elembo ya makuli ya tempelo, oyo etatolaka lisusu na ntina ya Yesu Klisto.

• Boalisa mwana na bino ayeba lolenge nini azali kobombaka boyokani ya libatisi elobami na Mosiya 18:8–10, 13 Lisusu salisa mwana na yo ayeba lolenge nini Nkolo azali kopambola ye. Botonga elikya kati na mwana na bino na makoki na ye ya kobatela mayokani.

• Bosolola na motema polele mpe mingi mingi mpo na oyo etali lolenge nini mayokani na bino ya tempelo etambwisaka maponi na bino mpe esalia bino bokoma pene mingi koleka ya Yesu Klisto.s Bokoki kosalela General Handbook, 27.2, mpo na kobandela mayoki tosalaki na tempelo. Soki bosila kozwa dotasio, yebisa bana na bino oyo etali lolenge nini garma ya tempelo esalisaka yo bomikundola mayokani na bino na Yesu Klisto (tala “Sacred Temple Clothing” [video], Gospel Library).

Sacred Temple Clothing

Kosalaka na Misio moko

Mpaka David A. Bednar ateyaki: “Eleko moko ya motuya koleka okoki kosala mpo na komilengela mpo na libiangi ya kosala ezali kokoma misionele yambo mpenza yo okendena misio. … Likambo ezali te ya kokende misio; nzokande, likambo ezali kokoma misionele mpe kosalisa kati na bomoi na biso mobimba na motema na biso mobimba, mayele, makanisi, mpe makasi. … Bozali komilengela mpo na bomoi mobimba ya mosala ya misionele” (“Becoming a Missionary,” Liahona, Sanza ya zomi na moko 2005, 45–46). Boyebi mwana na bino azwi na kokomaka misionele ekopambola ye libela na libela, kaka mwa eleko ya ntango akokaki kosala lokola misionele.

Mpo na koyekola mingi koleka, tala Russell M. Nelson, “Preaching the Gospel of Peace,” Liahona, Sanza ya mitano 2022, 6–7; M. Russell Ballard, “Missionary Service Blessed My Life Forever,” Liahona, Sanza ya mitano 2022, 8–10; “Missionary Preparation: Adjusting to Missionary Life,” Gospel Library.

• Lolenge nini kokabola nsango malamu na ndenge ya pete. Ntango nyonso bosala keba na mabaku ya kokabola na basusu mayoki na bino oyo etali Tata na Lola mpe Mobikisi mpe mapamboli bozwi uta na nsango malamu ezongisama ya Mobikisi lokola mondimi ya Eklezia na Ye. Bobenga basusu kosangana na libota na bino na milulu etali eklezia mpe libota.

• Boluka mabaku mpo na libota na bino kokutana elongo na bamisionele. Bobenga bango koteya baninga na bino, to bopesa bango nzela ya koteya batu na ndako na bino. Botuna bamisionele mpo na oyo etali mayele bazali kozwa mpe lolenge nini mosala ya misio ezali kosalisa bango kopusana pene ya Yesu Klisto. Lisusu botuna bango nini basalaki (to bolingiki bango basala) mpo na komilengela mpo na kozala bamisionele.

• Soki bosalaki misio, bosolola motema ya kofunguama mpe mingi mingi mpo na oyo etali makambo oyo bokutanaki na yango na bomoi na bino. To bobenga baninga mpe bayi libota oyo basalaki misio kosolola na oyo etali ya bango. Bokoki lisusu kosolola mpo na oyo etali balolenge bokabolaki nsango malamu na basusu katikati ya bomoi na bino ? Bosunga mwana na biino akanisa ndenge ye akoki kokabola nsango malamu.

• PBopesa mwana na bino mabaku malamu ya koteya libota na yo mabongisi ya nsango malamu. Mwana na bino akoki lisusu kosalela bokaboli ya babondimi na ye elongo na basusu. Ndakisa, bokoki kosolola na ntina ya mituna lokola “Lolenge nini tokoki kolakisa Buku ya Mormon epayi ya moto songolo oyo naino ayoka yango te?” to “Lolenge nini tokolakisa bosenga mpo na Mobikisi epayi ya moto oyo azali Moklisto te?”

• Bosunga mwana na bino amiyoka ya kobongama mpo na kosolola na bato. Banzela misusu nini ya malamu ezali mpo na kobanda lisolo? Bolendisa mwana na bino koyekola lolenge nini koyoka oyo basusu bazali koloba, sosola nini ezali kati na motema na bango, mpe bokabola bosolo ya nsango malamu oyo ekoki kopambola bomoi na bango.

• Boluka mabaku mpo na mwana na bino koyekola na oyo etali bizaleli mpe babondimi misusu. Bosunga bango bayeba mpe batosa mibeko ya malamu mpe ya mabongisi ya solo na babondimi ya basusu.

Kozwaka Bokuli ya Bokangisi

Na tempelo, mobali mpe mwasi bakoki kobalana mpo na libela. Yango esalemaka na bokuli ebengami “bokangisi.” Ata kutu bokuli yango ekoki kozala mibu ebele mosika mpo na mwana na bino ya mwasi to ya mobali, biloko ya mikie, ya pete, ya kokoka oyo bosali elongo katikati ya mibu oyo ekoki kosalisa bango komilengela mpo na lipamboli oyo ya kokamwa.

• Botanga elongo “Libota: Esakola na Mokili” (Gospel Library). Nini esakola yango eteyi oyo etali esengo kati na libota mpe oyo etali libala ya elonga? Elongo na mwana na bino, bopona moko ye mabongisi etiami molongo na esakola mpo na koyekola. Bokoki koluka makomi elobeli libongisi wana na Mokambi ya Makomi. Bokoki kozwa lisusu mikano ya kosalela libongisi wana mobimba mingi koleka kati na libota na bino. Ntango bozali kosala na bantina na bino, bosolola elongo ntina ete kobombaka libongisi yango ezali na bomoi ya libota.

• Elongo na mwana na bino, botanga etinda ya Mokambi Dieter F. Uchtdorf’s message “In Praise of Those Who Save” (Liahona, Sanza ya mitano 2016, 77–80). Ntango bokomi na eteni babengi “A Society of Disposables,” bokoki koluka biloko na libota na bino oyo ezali ya kobwaka mpe oyo ezali ya kobwaka te. Lobela lolenge nini bosalelaka biloko na bokeseni soki bolingi yango ewumela mingi. Yango elobi nini mpo na oyo etali lolenge nini tosengeli kosalela libala mpe mikangano ya libota? Nini lisusu toyekoli uta na etinda ya Mokambi Uchtdorf na oyo etali lolenge nini Mobikisi akoki kosalisa biso mpo na kotonga mabala mpe mabota makasi?

• Bozala polele epayi ya bana na bino na oyo etali makambo oyo yo mpe mwasi na yo bozali koyekola etali libala ya seko eyekami na Klisto mpe ndenge bozali komekaka kobongisa yango. Soki yo na molongani na yo bokangamaki na tempelo, bolakisa mwana na bino na ndakisa lolenge nini bozali kobunda mpo na kobatela mayokani na bino mpe elongo na Nkolo. Boyebisa mwana na bino lolenge nini bolukaka kotia Tata na Lola mpe Mobiksi na katikati ya mokangano na bino mpe lolenge Bazali kosalisa bino (tala lisusu Ulisses Soares, “In Partnership with the Lord,” Liahona, Sanza ya zomi na moko 2022, 42–45).

• Ntango mikano ya libota esengeli ezwama, bosala batoli mpe masolo ya kati ya libota. Bosala keba ete makanisi ya bayi libota nyonso eyokami mpe epesami ntina. Bosalela masolo oyo lokola libaku ya kolakisa lisolo elongobani mpe boboto kati ya mikangano ya libota, atako ntango moto nyonso te azali komonela makambo na lolenge moko. (Tala M. Russell Ballard, “Family Councils,” Liahona, Sanza ya mitano 2016, 63–65.)

• Ntango bozangi koyokana to makelele ezali na libota, bolakisa motema molayi mpe mawa. Bosunga mwana na bino lolenge nini kokata kowelana na ndenge ya Klisto ekoki kosalisa ye amilengela mpo na libala ya esengo. Botanga elongo Malongi mpe Mayokani 121:41–42, mpe bosolola oyo etali lolenge nini mabongisi kati ya milongo oyo ekoki kosalemela na libala.