Aphentikise B

Ya Poraemari—Go baakanyetsa Bana Botshelo jotlhe mo Tseleng ya Kgolagano ya Modimo

Mo dikgweding tse di nang le bo Sontaga tse tlhano, Barutuntshi ba Poraemari ba rotloediwa go emisetsa thulaganyo ya Tlayang, Ntshalang Morago ka Sontaga wa botlhano ka e le nngwe kgotsa go feta ya ditiragatso tsa go ithuta tsena.

Melawana le Ditao tsa Efangele ya ga Jeso Keresete

Thuto ya ga Keresete e re ruta ka fa re ka boelang ka teng kwa Modimong.

Fa Jeso Keresete a bonala kwa bathong ba Amerika, O ba rutile thuto ya Gagwe. O boletse gore re ka tsena mo bogosing jwa Modimo fa re na le tumelo, re ikwatlhaya, mme re kolobediwa, re bo re amogela Mowa o o Boitshepo, le go itshoka go ya bokhutlong (bona 3 Nefi 11:31–40; bona le gone Dithuto le Dikgolagano 20:29). Tiragatso e e fa tlase e ka go thusa go ruta bana gore melawana ena le ditao di tlaa re thusa go atamela kwa Mmoloking go ya ka matshelo a rona.

Go ithuta thata ka thuto ya ga Keresete, bona 2 Nefi 31.

Ditiragatso tse di Kgonagalang

• Neela bana ditshwantsho tse di kayang tumelo mo go Jeso Keresete, boikotlhao, kolobetso, le tlhomamiso (bona Gospel Art Book, nos. 1, 111, 103, le 105). Bala kgotsa o boeletse le bana molawana wa tumelo wa bone, mme o ba kope gore ba tshware ditshwantsho tsa bone fa molawana oo kgotsa tao e umakiwa. Thusa bana go tlhaloganya gore tumelo le ditao di re thusa go nna thata jaaka Rara wa Legodimo le Jeso Keresete jang.

  

• O ka thusa bana jang go tlhaloganya gore tumelo, boikotlhao, kolobetso le tlhomamiso ga se dilo tsa tiragalo ya nako e le nngwefela mme e tlhotlheletsa kgolo ya rona ya semowa go ya ka matshelo a rona? Sekai, o ka ba supegetsa setshwantsho sa peo le setlhare se se tona (kgotsa o tshwantshe dilo tsena mo botong). Ba thuse go akanya ka dilo tse dithusang peo go gola go nna setlhare se se tona, jaaka metsi, mmu, le lesedi la letsatsi. Ba thuse go bona gore dilo tsena di tshwana le dilo tse re di dirang go atamela Modimo go ya ka matshelo a rona otlhe—re aga tumelo ya rona mo go Jeso Keresete, re ikwatlhaya letsatsi le letsatsi, re tshela dikgolagano tsa rona tsa kolobetso, re ja sakaramente, le go reetsa Mowa o o Boitshepo.

• Abelana le bana polelo mabapi le pontsho ya molelo e e tswang mo molaetseng wa ga Mogolwane Dale G. Renlund “How Can Repenting Help Me Feel Happy?” (Friend, Dec. 2017, 12–13, kgotsa Liahona, Dec. 2017, 70–71; bona le gone setshwantsho sa motshikinyego “Repentance: A Joyful Choice” [Motlobo wa Efangele]). Mo dintlheng tse di farologaneng tsa polelo, laletsa bana go akanya ka fa Mogolwane Renlund a ka bong a ne a ikutlwa ka teng. Ke eng fa re utlwa boitumelo fa re ikwatlhaya? Abelana le bana boitumelo le lorato le o le utlwileng fa o kopa Rara wa Legodimo go go itshwarela.

Repentance: A Joyful Choice

Elder Dale G. Renlund tells a childhood story of lighting a firecracker in the chapel right before church began. He relates his story to the joy of repentance.

Kolobetso

Jeso Keresete o ne a mpeela sekao fa a ne a kolobediwa.

Le fa Jeso a ne a sena sebe, O ne a kolobediwa go baa sekao se se itekanetseng sa kobamelo ya ga Rara wa Legodimo (bona 2 Nefi 31:6–10).

Go ithuta thata ka kolobetso, bona Dithuto le Dikgolagano 20:37; Topics and Questions, “Baptism,” Motlobo wa Efangele.

Ditiragatso tse di Kgonagalang

• Supa setshwantsho sa kolobetso ya Mmoloki le kolobetso ya motho yo mongwe (kgotsa bona Gospel Art Book, no. 35 le no. 103 kgotsa no. 104). Kopa bana go abelana gore ke eng se se farologanang le gore ke eng se se tshwanang fa gare ga ditshwantsho tse pedi. Balang mmogo Mathaio 3:13–17 kgotsa “Chapter 10: Jesus Is Baptized” mo New Testament Stories, 26–29, (kgotsa setshwantsho sa motshikinyego se se tsamaelanang mo Motlobong wa Efangele). Letla bana go supa dilo mo ditshwantshong tse di umakilweng mo pading kgotsa setshwantsho sa motshikinyego. Bolelela bana ka lorato la gago go Mmoloki le keletso ya gago ya go mo sala morago.

  Chapter 10: Jesus Is Baptized

  

• Reetsang kgotsa opelang pina ka kolobetso, jaaka “When Jesus Christ Was Baptized” (Children’s Songbook, 102). Re ka ithuta eng ka kolobetso mo pineng ena? Bala 2 Nefi 31:9–10, mme o laletse bana go reetsa gore ke eng Jeso Keresete a ne a kolobediwa. Ba laletse go tshwantsha setshwantsho sa bone ka letsatsi la bone la kolobetso.

Ke ka tlhopa go dira kgolagano le Modimo mme ka kolobediwa.

Go ipaakanyetsa kolobetso go raya go feta thata go baakanyetsa tiragalo. Go raya go ipaakanyetsa go dira kgolagano mme ke gone go tshegetsa kgolagano eo botshelo jotlhe. Tlhatlhanya ka fa o ka thusang bana go tlhaloganya kgolagano e ba tlaa e dirang le Rara wa Legodimo fa ba kolobediwa, e e akaretsang ditsholofetso tse A di dirang mo go bone le ditsholofetso tse ba di Mo direlang.

Ditiragatso tse di Kgonagalang

• Tlhalosa gore kgolagano ke tsholofetso fa gare ga motho le Rara wa Legodimo. Jaaka re leka go tshegetsa ditsholofetso tsa rona mo Modimong, Modimo o solofetsa go re segofatsa. Kwala mo botong Ditsholofetso Tsa me mo go Modimo le Ditsholofetso tsa Modimo mo go Nna. Balang mmogo Mosia 18:10, 13 le Dithuto le Dikgolagano 20:37, mme o thuse bana go dira nankolo ya ditsholofetso tse ba di bonang ka fa tlase ga ditlhogo tse di tshwanetseng (bona le gone Dallin H. Oaks, “Your Baptism Covenant,” Friend, Feb. 2021, 2–3). Abelana ka fa Rara wa Legodimo a go segofaditseng ka teng fa o ntse o leka go tshegetsa dikgolagano tsa gago tsa kolobetso?

• Supegetsa bana setshwantsho sa dilo tse Jeso Keresete a di dirileng ka nako ya tirelo ya Gagwe (ka ga dikai dingwe, bona Gospel Art Book, nos. 33–49). Letla bana gore ba bue ka se Jeso a se dirang mo setshwantshong sengwe le sengwe. Bala Mosia 18:8–10, 13, mme o laletse bana go reetsa dilo tse ba solofetsang go di dira fa ba kolobediwa (bona le gone “The Baptism Covenant,” Friend, Feb. 2019, 7, kgotsa Liahona, Feb. 2019, F3). Ditsholofetso tsena di ka tlhotlheletsa jang ditiro tsa rona letsatsi le letsatsi? Laletsa bana go itshwantsha ba thusa mongwe ka tsela e Jeso neng a ka dira ka yone.

  

Fa re kolobediwa, re direla Modimo ditsholofetso mme O re direla ditsholofetso.

Tlhomamiso

Fa ke tlhomamisiwa, ke nna leloko la Kereke ya ga Jeso Keresete ya Baitshepi ba Malatsi a Bofelo.

Go nna leloko la Kereke ya ga Jeso Keresete ya Baitshepi ba Malatsi a Bofelo go tlisa masego a mantsi, go akaretsa le ditshono tsa gore bana ba nne ba tsaya karolo ka matlhagatlhaga mo tirong ya Modimo.

Go ithuta thata ka tlhomamiso le neo ya Mowa o o Boitshepo, bona Gary E. Stevenson, “How Does the Holy Ghost Help You?,” Liahona, Motsheganong 2017, 117–20; Topics and Questions, “Holy Ghost,” Motlobo wa Efangele.

Ditiragatso tse di Kgonagalang

• Laletsa mongwe yo sa tswang go kolobediwa le go tlhomamisiwa go tla tlelaseng le go abelana gore go ne go ntse jang go tlhomamisiwa. Kopa motho yoo go bua ka gore go raya eng mo go ene go nna leloko la Kereke ya ga Jeso Keresete ya Baitshepi ba Malatsi a Bofelo. Thusa bana go akanya ka ditsela tseo ba ka tshegetsang dikgolagano tsa bone tsa kolobetso e le maloko a Kereke (jaaka go direla ba bangwe, go laletsa ba bangwe go ithuta thata ka Jeso, go rapela mo dikopanong, le jalo-jalo). Abelana ka fa go dira dilo tsena go go thusitseng ka teng go utlwa boitumelo jwa go nna leloko la Kereke ya ga Keresete.

• Supa setshwantsho sa Metsi a Momone (bona Gospel Art Book, no. 76), mme o kope bana go tlhalosa se ba se bonang mo setshwantshong. Bolela polelo ya ga Alema le batho ba gagwe ba kolobediwa koo (bona Mosia 18:1–17; “Chapter 15: Alma Teaches and Baptizes,” mo Book of Mormon Stories, 43–44, kgotsa setshwantsho sa motshikinyego se se tsamaelanang mo Motlobo wa Efangele). Sekaseka Mosia 18:8–9 mme o laletse bana go dira ditiro go ba thusa go gakologelwa dilo tse batho ba neng ba rata go di dira e le maloko a Kereke ya ga Keresete. Sekai, re ka thusa ba bangwe jang go “tsaya kgato ya go dira dikgolagano le Modimo”? (Russell M. Nelson, “Hope of Israel” [worldwide youth devotional, June 3, 2018], Motlobo wa Efangele). Abelana maitemogelo fa o bone maloko a Kereke a direla ka ditsela tsena.

  

  Chapter 15: Alma Teaches and Baptizes

Fa ke tlhomamisiwa, ke amogela neo ya Mowa o o Boitshepo.

Fa re kolobetswa le go tlhomamisiwa, ​​Rara wa Legodimo o re solofetsa gore re “ka metlha re ka nna le Mowa wa gagwe go nna le [rona]” (Dithuto le Dikgolagano 20:77). Mpho ena e e gakgamatsang e e tswang kwa Modimong e bidiwa neo ya Mowa o o Boitshepo.

Ditiragatso tse di Kgonagalang

• Bala Dithuto le Dikgolagano 33:15, mme o kope bana go reetsa mpho e e kgethegileng eo Rara wa Legodimo a re e neelang fa re kolobediwa re bo re tlhomamisiwa. Go ba thusa go ithuta thata mabapi le ka fa neo ya Mowa o o Boitshepo e tlaa ba thusang ka teng, sekasekang mmogo Johane 14:26; Bagalatia 5:22–23; 2 Nefi 32:5; 3 Nefi 27:20. O ka sekaseka gape mokwalo “The Holy Ghost Is …” (Friend, June 2019, 24–25, kgotsa Liahona, June 2019, F12–F13)

• Pele ga tlelase, kopa batsadi ba ngwana a le mongwe kgotsa go feta go abelana ka fa ba segofaditsweng ka teng gonne ba na le neo ya Mowa o o Boitshepo. O ba thusa jang? Ba utlwa jang lentswe la Gagwe?

• Opelang mmogo pina ka Mowa o o Boitshepo, jaaka “The Holy Ghost” (Children’s Songbook,105). Thusa bana go tlhaloganya se pina e se re rutang mabapi le ka fa Mowa o o Boitshepo o ka re thusang ka teng?

Mowa o o Boitshepo o ka bua le nna ka ditsela tse dintsi.

Bana ba ba kgonang go lemoga lentswe la Mowa ba tlaa baakanyediwa go amogela tshenolo ya motho ka boene go ba kaela mo botshelong jotlhe jwa bone. Ba thuse go tlhaloganya gore go na le ditsela tse dintsi tseo Mowa o o Boitshepo o ka buang le rona.

Ditiragatso tse di Kgonagalang

• Thusa bana go akanya ka ditsela tse di farologaneng tse re ka buang le tsala e e nnang kgakala, jaaka go kwala lekwalo, go romela emaile, kgotsa go bua mo mogaleng. Ba rute gore Rara wa Legodimo o ka bua le rona ka ditsela tse di farologaneng ka Mowa o o Boitshepo. Dirisa molaetsa wa ga Poresidente Dallin H. Oaks “How Does Heavenly Father Speak to Us?” go thusa bana go tlhaloganya ditsela tse di farologaneng tse Mowa o o Boitshepo o ka buang mo ditlhaloganyong le dipelo tsa rona (Friend, Mar. 2020, 2–3, kgotsa Liahona, Mar. 2020, F2–F3).

• Abelana maitemogelo fa Mowa o o Boitshepo o ne o bua le wena, e ka tswa e le ka dikakanyo mo tlhaloganyong ya gago kgotsa maikutlo mo pelong ya gago (bona Dithuto le Dikgolagano 6:22–23; 8:2–3; bona le gone Henry B. Eyring, “Open Your Heart to the Holy Ghost,” Friend, Aug. 2019, 2–3, kgotsa Liahona, Aug. 2019, F2–F3) Pakela bana gore Mowa o o Boitshepo o ka ba thusa ka ditsela tse di tshwanang.

• Thusa bana go lemoga dinako tseo ba utlwang Mowa—sekai, fa ba opela pina ka Mmoloki kgotsa fa ba direla ba bangwe sengwe sa bopelontle. Ba thuse go lemoga maikutlo a semowa a a tlisiwang ke Mowa o o Boitshepo, segolo bogolo ditlhotlheletso tsa Gagwe tsa go tsaya kgato. Ke eng o akanya gore Mowa o o Boitshepo o re neela maikutlo a? Thusa bana go akanya ka dilo tseo re tlhokang go di dira go utlwa Mowa o o Boitshepo o bua le rona. Bua ka gore o dira eng go utlwa Mowa sentle thata?

Sakaramente

Fa ke ja sakaramente, ke ka gakologelwa setlhabelo sa Mmoloki le go ntshafatsa dikgolagano tsa me.

Mmoloki o re neetse sakaramente go re thusa go gakologelwa setlhabelo sa Gagwe sa rona le go ntshafatsa dikgolagano tsa rona.

Go ithuta thata, bona Mathaio 26:26–30; 3 Nefi 18:1–12; Dithuto le Dikgolagano 20:77, 79.)

Ditiragatso tse di Kgonagalang

• Laletsa bana go taka “Jesus Introduced the Sacrament to the Nephites” mo Scripture Stories Coloring Book: Book of Mormon (2019), 26. Ba kope go supa se batho ba se akanyang mo setshwantshong. Balela bana dikarolo tsa 3 Nefi 18:1–12 kgotsa “Chapter 45: Jesus Christ Teaches about the Sacrament and Prayer,” mo Book of Mormon Stories, 126–27 (kgotsa lebelelang setshwantsho sa motshikinyego se se tsamaelanang mo Motlobo wa Efangele). Re ka dira eng go gakologelwa Jeso Keresete ka nako ya sakaramente?

  Chapter 45: Jesus Christ Teaches About The Sacrament And Prayer

• Kopa bana go go bolelela dilo dingwe tse ba tshwanetseng go di gakologelwa ka metlha go di dira, jaaka go bofa ditlhako tsa bone kgotsa go tlhapa diatla pele ga ba a ja. Ke eng go le botlhokwa go gakologelwa dilo tsena? Balela bana Moroni 4:3 mme, o ba laletse go reetsa se re solofetsang go se gakologelwa ka metlha fa re e ja sakaramente. Ke eng go le botlhokwa go gakologelwa Jeso Keresete? Thusa bana go tlhologanya ka fa borotho le metsi tsa sakaramente di re thusang go gakologelwa se Jeso a se re diretseng (bona Moroni 4:3; 5:2).

• Kwala mo borotong “ke solofetsa go …” Balela bana thapelo ya sakaramente (bona Dithuto le Dikgolagano 20:77, 79). Fa ba utlwa tsholofetso e re e direlang Modimo, ema go se kae mme o ba thuse go feleletsa seele se se mo botong ka tsholofetso e ba e utlwileng. Ba thuse go tlhaloganya gore fa re e ja sakaramente , re dira ditsholofetso tse di tshwanang le tse re di dirileng ka kolobetso.

• Go raya eng go tsaya mo go rona leina la ga Jeso Keresete? Go thusa bana go araba potso ena, abelana sekai sa sengwe seo re kwalang maina a rona mo go sone. Ke ka goreng re kwala maina a rona mo dilong tsena? Ke ka goreng ga Jeso Keresete a ne a ka batla go baya leina la Gagwe mo go rona? Akanya ka go abelana tlhaloso ena go tswa mo go Poresidente Russell M. Nelson: “Go tsaya leina la Mmoloki mo go rona go akaretsa go bolela le go pakela ba bangwe—ka ditiro tsa rona le mafoko a rona—gore Jeso ke Keresete” (“The Correct Name of the Church,” Liahona, Nov. 2018, 88).

Thata ya Boperesiti, Taolo, le Dilotlele

Modimo o segofatsa bana ba Gagwe ka thata ya boperesiti.

Bana botlhe ba Modimo—basadi le banna, ba banyennyane le bagolo—ba amogela thata ya Modimo fa ba tshegetsa dikgolagano tseo ba di dirileng le Ene. Re dira dikgolagano tsena fa re amogela ditao tsa boperesiti jaaka kolobetso (bona General Handbook: Serving in The Church of Jesus Christ of Latter-day Saints, 3.5, 3,6, Motlobo wa Efangele). Go itse thata, bona Russell M. Nelson, “Spiritual Treasures,” Liahona, Nov. 2019, 76–79; “Priesthood Principles,” chapter 3 mo General Handbook.

Ditiragatso tse di Kgonagalang

• Thusa bana go lemoga ditshegofatso tse ba di amogelang ka ntlha ya boperesiti. Go ba neela megopolo mengwe, o ka supa setshwantsho sa motshikinyego “Blessings of the Priesthood” (Motlobo wa Efangele). Akanya go nankola ditshegofatso tsena mo borotong. Ke eng ditshegofatso tsena di le botlhokwa mo go rona? Paka gore ditshegofatso tsena di tla mo go rona ka ntlha ya ga Jeso Keresete le thata ya Gagwe ya boperesiti?

  Blessings of the Priesthood

  The priesthood is the power of God, which is given to man to act in His name.

• Thusa bana go bona ditshwantsho tse di supang ka fa Modimo a dirisang thata ya Gagwe go re segofatsa. Sekai, ba ka bona setshwantsho sa lefatshe le a re le bopetseng, dikai tsa go fodisa balwetsi, le ditao tse di boitshepo tse A re di neetseng (bona Gospel Art Book, nos. 3, 46, 104, 105, 107, 120). Abelana gore ke ka goreng o lebogela boperesiti le ditshegofatso tse bo di tlisang. Thusa bana go akanya ka maitemogelo fa ba ne ba segofadiwa ka thata ya boperesiti jwa Modimo.

  

• E nngwe ya ditsela tse dikgolo tseo re amogelang ditshegofatso tsa thata ya Modimo mo matshelong a rona ke ka ditao tsa boperesiti (bona Dithuto le Dikgolagano 84:20). Go thusa bana go ithuta boammaaruri jo, o ka nankola dikwalo tse di boitshepo tse di latelang: 3 Nefi 11:21–26, 33 (kolobetso); Moroni 2 (tlhomamiso); Moroni 4–5 (sakaramente). Ngwana mongwe le mongwe o ka tlhopha e le nngwe ya ditemana tsena mme a supe tao eo e e tlhalosang. Laletsa bana go abelana ka fa ba segofaditsweng ka teng ka go amogela ditao tsa boperesiti.

• Thusa bana go tlhaloganya gore ba tlaa amogela thata go tswa kwa Modimong fa ba kolobediwa le go tshegetsa dikgolagano tsa kolobetso. Botsa bana gore thata ena e ka ba thusa jang.

Tiro ya Modimo e kaelwa ka dilotlele tsa boperoseti mme e diragatswa ka taolo ya boperoseti.

Nako le nako fa motho a lomolelwa pitso kgotsa a abelwa go thusa mo tirong ya Modimo, o ka dirisa taolo e e laotsweng ya boperesiti. Mo godimo ga moo, maloko a Kereke a a tshwanetseng a banna a ka tlhongwa mo ofising mo boperesiting. Tiriso ya taolo yotlhe ya boperesiti mo Kerekeng e kaelwa ke batho ba ba nang le boperesiti, jaaka poresidente ya lomapo, bishopo, le diporesidente tsa khoramo. Dilotlele tsa boperesiti ke taolo go kaela tiriso ya boperesiti go dira tiro ya Morena.

Ditiragatso tse di Kgonagalang

• Bala le bana Mareko 3:14–15, mme o ba supegetse setshwantsho sa tiragalo e e tlhalositsweng moo (jaaka Gospel Art Book, no. 38). Botsa bana gore a ba kile ba bona mongwe a lomololelwa pitso kgotsa a tlhomiwa mo ofising ya boperesiti (kgotsa ba bolelele ka maitemogelo a o nnileng le one). Seo se tshwana jang le se Mmoloki a se dirileng le Baaposetolo ba Gagwe? Thusa bana go nankola mo borotong dipitso kgotsa diofisi tsa bopereseti tse di ka neelwang maloko a Kereke, jaaka moruti kgotsa moeteledipele mo lephateng. Go bapa le pitso kgotsa ofisi, o ka kwala se mongwe yo o nang le pitso eo kgotsa ofisi a nang le taolo go dira. Bolelela bana gore go lomololwa ke mongwe yo o kaelwang ke dilotlele tsa boperesiti go go thusitseng jang go direla.

  

• Laletsa bana go akanya ka sengwe se o se tlhokelang selotle, jaaka koloi kgotsa lobati. Go diragala eng fa o sena dilotlele? Balang mmogo Dithuto le Dikgolagano 65:2, mme le abelane bopaki ka botlhokwa jwa go nna le dilotlele tsa boperoseti. Le gone le ka lebelela setshwantsho sa motshikinyego “Where Are the Keys?” (Motlobo wa Efangele) mme o batle se Mogolwane Gary E. Stevenson a se rutang ka dilotlele tsa boperesiti.

  Where Are the Keys?

  Priesthood authority and keys start the engine, open the gates of heaven, facilitate heavenly power, and pave the covenant pathway back to our Heavenly Father.

Tempele le Togamaano ya Boitumelo

Tempele ke ntlo ya Morena.

Ditempele ke karolo ya togamaano ya ga Rara wa Legodimo ya bana ba Gagwe, Mo ditempeleng, re dira dikgolagano tse di boitsheepo le Ene, re apesiwa ka thata ya boperesiti, re amogela tshenolo, re direla bagologolo ba rona ba ba tlhokafetseng ditao, mme re kaniwa le malwapa a rona ka bosakhutleng. Tshotlhe tsena di a kgonega ka ntlha ya ga Jeso Keresete le setlhabelo sa Gagwe sa tetlanyo.

O ka thusa bana ba o ba rutang go lemoga jang boitshepo jwa ntlo ya Morena le go ipaakanyetsa go tshwanela go tsaya karolo mo ditaong tsa tempele? Elatlhoko go sekaseka di dirisiwa tsena: Dithuto le Dikgolagano 97:15–17; Russell M. Nelson, “Closing Remarks,” Liahona, Nov. 2019, 120–22; “Why Latter-day Saints Build Temples,” temples.ChurchofJesusChrist.org.

Ditempele ke karolo ya togamaano ya ga Rara wa Legodimo ya bana ba Gagwe,

Ditiragatso tse di Kgonagalang

• Bontsha setshwantso se le sengwe kgotsa go feta sa ditempele. Botsa bana gore ke eng se se dirang gore tempele e nne lefelo le le kgethegileng. Supa gore mo tempeleng nngwe le nngwe go na le mokwalo ona: “Boitshepo go Morena—Ntlo ya Morena.” Botsa bana gore ba akanya gore “Boitshepo go Morena” go ka raya eng. Ke eng tempele e bidiwa ke ntlo ya Morena? Sena se re ruta eng ka tempele? Fa bangwe ba bana ba kile ba ya tempeleng, le bone ba ka abelana ka fa ba ikutlwileng ka teng fa ba ne ba le koo. Fa o kile wa ya tempeleng, abelana ka fa o utlwileng bo leng teng jwa Morena koo, mme o bue ka gore ke eng tempele e le lefelo le le boitshepo mo go wena.

• Balang mmogo Dithuto le Dikgolagano 97:15–17. Kopa bana go batla seo Morena a se solofetseng mo bathong ba ba tsenang mo ntlong ya Gagwe e e boitshepo. Ke eng re tlhoka go tshwanela go tsena mo Ntlong ya Gagwe? E le karolo ya puisano, bua le bana ka ditsetlana tsa tempele, go akaretsa le ka fa re ka e amogelang. O ka laletsa leloko la bobishopo go abelana le bone gore potsolotso ya tsetlana ya tempele e ntse jang le dipotso tse di bodiwang mo go e yone.

Mo tempeleng re dira dikgolagano le Modimo.

Poresidente Russell M. Nelson o rutile gore, “Jeso Keresete o re laletsa go tsaya tsela ya kgolagano go boela gae kwa Batsading ba rona ba Legodimo le go nna le bao ba re ba ratang” (“Come, Follow Me,” Liahona, May 2019, 91). Thusa bana go tlhaloganya gore tsela ya kgolagano e akaretsa kolobetso, tlhomamiso, le endoaomente le kano ya tempele.

Ditiragatso tse di Kgonagalang

• Kopa bana go go thusa go sekaseka kgolagano eo re e dirang le Modimo fa re kolobediwa le eo re e ntshafatsang fa re e ja selalelo (bona Mosia 18:10; Dithuto le Dikgolagano 20:77, 79). Supa setshwantsho sa tempele, mme o tlhalose gore Rara wa Legodimo o na le ditshegofatso tse dintsi tse a batlang go re di neela mo tempeleng.

• Tshwantsha kgoro e e isang kwa tseleng. Botsa bana gore ke eng ba akanya gore go a thusa go nna le tsela e ba ka tsamaya mo go yone. Balang mmogo 2 Nefi 31:17–20, kwa Nefi a tshwantshitseng kgolagano ya kolobetso le kgoro mme a re laletsa go tswelela mo tseleng morago ga kolobetso. Go na le dikgolagano tse dintsi tse o tshwanetseng go di dira fa o sena go kolobediwa, go akaretsa dikgolagano tse di dirwang mo tempeleng, Tlhalosa gore Poresidente Nelson o biditse tsela ena “ tsela ya kgolagano.”

Mo tempeleng re ka kolobelediwa le go tlhomamisediwa bagologolo ba rona ba ba suleng.

Efangele ya ga Jeso Keresete e dira gore go kgonege gore bana botlhe ba Modimo ba boele go nna le Ene, le fa ba ka swa kwantle ga go itse efangele. Mo tempeleng, re ka kolobediwa le go tlhomamisiwa maloko a Kereke ya ga Jeso Keresete mo boemong jwa bone.

Ditiragatso tse di Kgonagalang

• Bua ka nako eo mongwe a neng a go direla sengwe se o neng o sa kake wa kgona go se iterela. Laletsa bana go abelana maitemogelo a a tshwanang. Tlhalosa gore fa re ya tempeleng, re ka amogela ditao tse di boitshepo jaaka kolobetso ya ba bangwe ba ba suleng. Re tshwana jang le Jeso fa re dira tiro ya baswi? Ke eng se a se re diretseng seo re ka sekeng ra se iterela?

• Laletsa monana a le mongwe kgotsa go feta yo o kolobeleditsweng bagologolo ba gagwe go abelana maitemogelo a bone. Ba botse gore go ne go ntse jang mo tempeleng. Ba kgothaletse go abelana ka fa ba neng ba ikutlwa ka teng fa ba direla bagologolo ba bone tiro ena.

• Tshwantsha setlhare mo botong, go akaretsa medi le dikala. Kopa bana go akanya ka fa lelwapa le ka tshwanang le setlhare ka teng. Tshwaya medi Bagologolo, tshwaya dikala Dikokomane, mme tshwaya thito ya setlhare Wena. Balang mmogo seele se mo Dithuto le Dikgolagano 128:18: “Gonne rona kwantle ga [bagologolo ba rona] ga re kake ra dirwa go itekanela; le fa e le bone kwantle ga rona ga ba kake ba dirwa go itekanela.” Botsa dipotso tse di tshwanang le tse di latelang: “Ke eng re tlhoka bagologolo ba rona? Ke eng bagologolo ba rona ba re tlhoka? Batsadi ba gago, bo ntatemogolo, le bagologolo ba bangwe ba re thusa jang?” Laletsa bana go batla mo karolong e e setseng ya Dithuto le Dikgolagano 128:18 seele se se tlhalosang ka fa re ka thusang bagologolo ba rona.

• Akanya ka go dira le batsadi ba ngwana mongwe le mongwe go bona maina a bagologolo ba ba tlhokang ditao mo tempeleng (bona FamilySearch.org).