Na ikuri ni ivakamacala C

Baleti ira na Lalai—iDusidusi ni Gauna ni Lagasere kei na Nodra Vakaitavi na Gone ena Soqoni ni Sakaramede

Na sere/ivakatagi i Lotu sa iyaya ni cakacaka kaukauwa sara ena nodra vukei na gone ena nodra vulica na yavu ni bula marau ni Tamada Vakalomalagi kei na veika dina ka yavu ni kosipeli i Jisu Karisito. Nira lagata tu na gone nai vakavuvuli ni kosipeli, na Yalo Tabu ena vakadinadinataka na kena dina taucoko. Na tiko ga na qaqana kei na vakatagi ena nodra vakasama kei na lomadra na gone ena nodra bula taucoko.

Vakasaqara na veivuke ni Yalotabu nio vakarau tu ni vakavulica na kosipeli ena sereivakatagi. Wasea na nomu ivakadinadina me baleta na veika dina o lagata tu. Vukei ira na gone ni raica na sala e semati kina na sereivakatagi ki na ka era sa vulica ka sotava tiko e vale kei na kalasi ni Lalai.

iDusidusi me Baleta na Tautau ena Soqoni ni Sakaramede

Ena veidusimaki ni bisopi, na nodra vakaitavi na gone ena soqoni ni sakaramede e sa dau vakayacori tu enai kava ni vulatolu ni yabaki. O iratou na mataveiliutaki ni Lalai kei na iliuliu ni sere, mera cakacaka vata kei daunivakasala ena matabisopi e raica raraba na Lalai me tuvalaka na soqoni ni sakaramede.

Na nodra itavi ena soqoni ni sakaramede e dodonu me rawa kina vei ira na gone me ra vakaraitaka na veika era sa vulica mai na Vunau kei na Veiyalayalati mai vale kei na Lalai, oka kina na sere ni Lalai era sa lagata ena loma ni yabaki. Nio tuvanaka na tautau, vakasamataka na sala eso e rawa ni vukea na ivavakoso me vakanamata vua na iVakabula kei na Nona ivakavuvuli.

Sa rawa ni navuca na tabanilotu era lewe lailai kina na gone na sala eso era na rawa ni vakaitavi kina na lewe ni matavuvale kei na luvedra. Sa rawa ni vakacavara na soqoni e dua na lewe ni matabisopi ena so nai tukutuku lekaleka.

Nio vakarautaka na vakaitavi, nanuma na dusidusi eso oqo:

• Na vakatovotovo e sega ni dodonu me vakayagataki gauna tawaganiti tani tu mai na kalasi ni Lalai se matavuvale.

• Era sa sega ni veiganiti kaya na soqoni ni sakaramede na vakaitavi tu ena yaloyalo, sulusulu, kei na vakauitukutuku.

Raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 12.2.1.2, Gospel Library.

iDusidusi ni Gauna ni Lagasere

5 na miniti (mataveiliutaki ni Lalai): iDolamasu, ivolanikalou se yavu ni vakabauta, kei na dua na vosa

20 na miniti (liuliu ni sereivakatagi): Gauna ni Lagasere

Na digitaka na sere ni vula yadua na mataveiliutaki ni Lalai kei na iliuliu ni sereivakatagi me vaqaqacotaka na ivakavuvuli eso era sa vulica tiko na gone ena nodra kalasi vakakina e vale. E dua na lisi ni sere e vaqaqacotaka na veivakavuvuli oqo e sa okati ena idusidusi oqo.

Nio vakavulica na sere eso vei ira na gone, sureti ira mera wasea na veika era sa vulica me baleta na italanoa kei na ivakavuvuli vakaivunau e vakavulica na sere. Nio railesuva, sureti ira na gone ni wasea na nodra vakasama kei na nanuma me baleta na dina era tiko ena sere.

Na iVolanisere ni Gonelalai sa yavu ni ivurevure me baleta na sereivakatagi ena Lalai. Na sere ni lotu kei na sere era tiko ena iTokani era yaga talega. Na vakayagataki ni dua tale na mataqali sere/ivakatagi ena Lalai e dodonu me ratou vakadonuya na matabisopi (raica na iVoladusidusi ena Lotu, 11.2.4

Sereivakatagi ena Gauna ni Lagalagasere

Janueri

• “Vakamuria na Parofita,” iVolanisere ni Gonelalai,110–11

• “Vaqaqara ka Masu,” iVolanisere ni Gonelalai, 109

Feperueri

• “Mo Bolea Mo Dina Tu,” iVolanisere ni Gonelalai,, 158

• “Tamaqu Mai Lagi,” iVolanisere ni Gonelalai, 12–13

Maji

• “Every Star Is Different,” Nodra Sere na Lalai Vakavalagi, 142

• “Vaqara Drodrolagi Ni Bula Vesu No,” iVolanisere ni Gonelalai, 103,

Epereli

• “Ena Lesu Tale Beka Mai,” iVolanisere ni Gonelalai46

• “Ko Jisu Ni Sa Bula Tu?,” iVolanisere ni Gonelalai, 64

Me

• “‘Give,’ Said the Little Stream,” Children’s Songbook, 236.

• “Cila Cila,” iVolanisere ni Gonelalai, 144.

June

• “The Holy Ghost,” iVolanisere ni Gonelalai, 105

• “Au Bole Meu sa Kaulotu Edai,” iVolanisere ni Gonelalai,, 90

Julai

• “Me da dina,” iVolanisere ni Gonelalai, 159

• “Tala Mai Na Luvena,” iVolanisere ni Gonelalai20

Okosita

• “Meu Na Muri Jisu Tu,” iVolanisere ni Gonelalai40

• “Au Vakilai Koya,” iVolanisere ni Gonelalai42

Sepiteba

• “Raica na Valetabu,” iVolanisere ni Gonelalai, 95

• “To Think about Jesus,” Nodra Sere na Lalai Vakavalagi, 71

Okotova

• “iTuvatuva ni Noqu Kawa,” iVolanisere ni Gonelalai,, 100

• “Au Lewe ni Lotu i Jisu Karisito,” iVolanisere ni Gonelalai, 48

Noveba

• “Keep the Commandments,” Children’s Songbook, 146

• To Be a Pioneer,” Nodra Sere na Lalai Vakavalagi, 218–19

Tiseba

• “Au Luve ni Kalou,” iVolanisere ni Gonelalai, 2–3

• “Koro Ko Peceliema,” Sere ni Lotu,, naba 123.

Vakayagataki ni Sereivakatagi me Vakavulici kina na iVunau

Na gauna ni lagalagasere e kena inaki me vukei ira na gone mera vulica na dina ni kosipeli. Na veivakasama oqo sa rawa ni vakauqeti iko nio tuvana tu na sala eso me vakavulici kina na ivakavuvuli ni kosipeli era tiko ena serenilotu kei na nodra sere na Lalai.

Wilika na ivolanikalou veisemati. E vuqa na sere mai na iVolanisere ni Gonelalai kei na serenilotu, era cavuti kina na tiki ni ivolanikalou veisemati. Vukei ira na gone mera wilika eso na tikina oqo, ka veitalanoataka e semati vakacava na ivolanikalou kina sere. Sa rawa talega mo vola e vica na tiki ni ivolanikalou ena papa ni volavola ka sureta na gone me ra vakasotara vata na tikina yadua kina dua na sere se tikina mai na dua na sere.

Vakalewena na vanua lala Vola e dua na qaqa ni sere ena papa ni volavola ka yali tiko kina e vica na vosa bibi. Qai kerei ira na gone mera lagata na sere, ka vakarorogo kina vosa mena vakatawana na vanua lala. Ni ra vakalewena tiko na vanua e lala yadua, veitalanoataka na ivakavuvuli cava ni kosipeli o sa vulica mai na vosa me vakaleweni.

Vakadinadinataka. Vakadinadinataka vakalekaleka vei ira na gone na dina ni kosipeli era kune ena sere ni Lalai. Vukea mera kila vakamatata na gone ni lagasere e sa dua na sala era rawa ni wasea kina na nodra ivakadinadina ka vakila na Yalotabu.

Tucake vaka e dua na ivakadinadina Sureti ira na gone me ra veivukevuke ni tucake ka wasea na veika era sa vulica mai na sere era lagata se na veika era vakila me baleta na dina e vakavulici tiko ena sere. Tarogi ira ena veika era vakila ni ra lagata na sere, ka vukei ira mera raica rawa na veiyavalati ni Yalo Tabu.

Vakayagataka na iyaloyalo. Kerei ira na gone mera vukei iko ni raica se cakava nai yaloyalo era sala vata na vosa se malanivosa bibi eso ena sere. Sureti ira me ra wasea na sala era semati kina kina sere nai yaloyalo kei na ka e vakavulica tu na sere. Me kena ivakaraitaki, kevaka o vakavulica tiko na sere “Ena Lesu Tale Beka Mai” (iVolanisere ni Gonelalai,, 82–83), o rawa ni biuta na iyaloyalo ena loma ni rumu me ra vakatakarakarataka na vosa bibi mai na sere (me vakataka na agilosi,, uca cevata, kei na kalokalo) Kerea mera kumuna na yaloyalo na gone ka tauri ira cake ena kena ituvatuva dodonu ni lagati vata tu na sere.

Wasea e dua na lesoni vakatakarakara. Sa rawa mo vakayagataka e dua na vakatakarakara me vakauqeta na veivosakitaki ni dua na sere. Me kena ivakaraitaki, ni lagati na sere “Give,’ Said the Little Stream” (Children’s Songbook, 236), e rawa nio vakaraitaka vei ira na gone e dua na iyaloyalo ni veika me vaka na uciwai, co, uca, kei na senikau. Oqo e rawa ni vakvurea na veitalanoa me baleta na sala e rawa ni vakalougatataki ira kina na tani na cakacaka lalai ni veiqaravi ena veisala bibi eso.

Sureti na veiwasei ni veika eda sotava. Vukei ira gone ni semata na ivakavuvuli era vakavulici ena sere kina veika era sa sotava kei na veivakavuvuli oya. Me ivakaraitaki, ni bera ni lagati na “Raica na Valetabu” (iVolanisere ni Gonelalai, 99), o rawa ni kerea na gone me ra lave liga kevaka era sa raica oti e dua na valetabu. Sureta me ra vakasama nira lagata tu na ka era vakila nira raica na valetabu.

Vakatataro. E vuqa tu na taro o rawa ni taroga ni o lagasere voli. Me ivakaraitaki, o rawa ni tarogi ira na gone ena ka era sa vulica mai na qaqa ni sere yadua. Sa rawa talega nio kerea mera vakasamataka na taro eso ka sauma tu na sere. Oqo e rawa ni muataki kina veivosakitaki ni dina eso e vakavulici tu ena sere.

Vakayagataka nai moimoi ni liga. Sureti ira na gone mera vakasamataka eso nai moimoi ni liga rawarawa me vukei ira ni nanuma na vosa kei na itukutuku eso ni dua na sere. Me kena ivakaraitaki, nio lagata na “Search, Ponder, and Pray” (iVolanisere ni Gonelalai, 109), sa rawa mo sureti ira na gone mera dusia na matadra nira lagata na ivolanikalou, dusia na uludra nira lagata na veika me baleta na vakasamataka vakatitobu, ka lobika na ligadra nira lagata tiko na masu.