« ឧបសម្ព័ន្ធ ឃ ៖ សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី—របៀបវារៈប្រជុំ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ព្រះគម្ពីរគោលលទ្ធិ និងសេចក្តីសញ្ញា ឆ្នាំ ២០២៥ ( ឆ្នាំ ២០២៥ )

« ឧបសម្ព័ន្ធ ឃ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៥

ឧបសម្ព័ន្ធ ឃ

សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី—របៀបវារៈប្រជុំ

កាលបរិច្ឆេទប្រជុំ ៖

ការដឹកនាំ ( សមាជិកថ្នាក់ ឬគណៈប្រធានកូរ៉ុម ) ៖

បើក

ទំនុកតម្កើង ( ជម្រើស ) ៖

ការអធិស្ឋាន ៖

សូត្របាវចនារបស់ក្រុមយុវនារី ឬបាវចនាកូរ៉ុមបព្វជិតភាពអើរ៉ុន ។

ប្រឹក្សាជាមួយគ្នា

ការប្រជុំត្រូវបានដឹកនាំដោយបុគ្គលម្នាក់ សមាជិកក្នុងថ្នាក់ ឬកូរ៉ុមចំណាយពេលពី ៥ ទៅ ១០ នាទីប្រឹក្សាជាមួយគ្នាអំពីទំនួលខុសត្រូវរបស់ពួកគេក្នុងកិច្ចការនៃសេចក្តីសង្គ្រោះ និងភាពតម្កើងឡើងរបស់ព្រះ ។ នេះគឺជាឱកាសមួយសម្រាប់សមាជិកក្នុងថ្នាក់ ឬគណៈប្រធានកូរ៉ុមដើម្បីតាមដានទៅលើរឿងដែលបានពិភាក្សានៅក្នុងការប្រជុំគណៈប្រធាន ឬការប្រជុំក្រុមប្រឹក្សាយុវវ័យវួដ ។

បុគ្គលដែលកំពុងដឹកនាំក៏អាចប្រើសំណួរទាំងនេះមួយ ឬច្រើនបានផងដែរ ៖

ការរស់នៅតាមដំណឹងល្អ

តើមានបទពិសោធន៍ថ្មីៗអ្វីខ្លះ ដែលបានពង្រឹងទីបន្ទាល់របស់យើងអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ?
តើយើងកំពុងធ្វើអ្វីខ្លះដើម្បីខិតកាន់តែជិតទៅនឹងព្រះអង្គសង្គ្រោះ ? តើយើងព្យាយាមប្រែក្លាយកាន់តែដូចជាទ្រង់បានដោយរបៀបណា ?
តើយើងមានអារម្មណ៍ពីការដឹកនាំមកពីព្រះអម្ចាស់នៅក្នុងជីវិតរបស់យើងតាមរបៀបណា ?

ការមើលថែដល់អ្នកខ្វះខាត

តើយើងមានអារម្មណ៍ថាបានណែនាំឲ្យជួយ ឬបម្រើដល់នរណា ? តើយើងបានទទួលការចាត់តាំងអ្វីខ្លះមកពីគណៈប៊ីស្សពដើម្បីជួយដល់នរណាម្នាក់ដែលខ្វះខាត ?
តើផលវិបាកអ្វីខ្លះដែលសមាជិកនៃថ្នាក់ ឬកូរ៉ុមរបស់យើងកំពុងប្រឈមមុខ ? តើយើងអាចគាំទ្រគ្នាទៅវិញទៅមកនៅក្នុងរឿងដែលយើងកំពុងជួបប្រទះដោយរបៀបណា ?
តើថ្មីៗនេះមាននរណាម្នាក់ដែលទើបប្ដូរចូលមកក្នុងវួដរបស់យើង ឬទើបចូលក្នុងសាសនាចក្រដែរឬទេ ? តើយើងអាចជួយពួកគេឲ្យមានអារម្មណ៍ស្វាគមន៍បានដោយរបៀបណា ?

ការអញ្ជើញមនុស្សទាំងអស់ឲ្យទទួលយកដំណឹងល្អ

តើយើងអាចធ្វើអ្វីខ្លះដើម្បីជួយមនុស្សដទៃឲ្យទទួលអារម្មណ៍នៃសេចក្ដីស្រឡាញ់របស់ព្រះ ?
តើមានសកម្មភាពអ្វីខ្លះដែលនឹងកើតមាន ដែលយើងអាចអញ្ជើញមិត្តភក្តិរបស់យើងឲ្យចូលរួមបាន ?
តើមានផែនការចែកចាយដំណឹងល្អអ្វីខ្លះ ដែលត្រូវបានលើកយកមកពិភាក្សានៅក្នុងការប្រជុំក្រុមប្រឹក្សាយុវវ័យវួដ ? តើថ្នាក់ ឬកូរ៉ុមរបស់យើងអាចចូលរួមបានដោយរបៀបណា ?

ការបង្រួបបង្រួមក្រុមគ្រួសារសម្រាប់ភាពអស់កល្បជានិច្ច

តើមានវិធីណាខ្លះដែលយើងអាចភ្ជាប់ទំនាក់ទំនងបានកាន់តែប្រសើរឡើងជាមួយសាច់ញាតិដូចជាជីដូនជីតា និងបងប្អូនជីដូនមួយជាដើម ?
តើយើងកំពុងធ្វើអ្វីខ្លះ ដើម្បីស្វែងរកឈ្មោះបុព្វការីជនរបស់យើងដែលត្រូវការពិធីបរិសុទ្ធនៅក្នុងព្រះវិហារបរិសុទ្ធ ? តើយើងអាចធ្វើអ្វីបានខ្លះដើម្បីជួយអ្នកដទៃឲ្យរកឃើញឈ្មោះបុព្វការីជនរបស់ពួកគេ ?
តើយើងអាចចូលរួមកាន់តែសកម្មឡើងនៅក្នុងកិច្ចការព្រះវិហារបរិសុទ្ធ—ជាលក្ខណៈបុគ្គល និងជាថ្នាក់ ឬកូរ៉ុមដោយរបៀបណា ?

រៀនជាមួយគ្នា

អ្នកដឹកនាំជាមជ្ឈិមវ័យម្នាក់ ឬសមាជិកមួយរូបនៃកូរ៉ុម ឬថ្នាក់ ដឹកនាំការណែនាំអំពីការអាននៅក្នុងសប្តាហ៍នេះនៅក្នុងសៀវភៅ ចូរមកតាមខ្ញុំ ។ ពួកគេប្រើគំនិតសិក្សានៅក្នុង ចូរមកតាមខ្ញុំ—សម្រាប់គេហដ្ឋាន និងសាសនាចក្រ ។ គំនិតសិក្សាដែលមានរូបតំណាងនេះ ត្រូវបានសម្របសម្រួលឲ្យត្រូវទៅនឹងថ្នាក់សិក្ខាសាលា និងទាក់ទងជាពិសេសទៅនឹងយុវវ័យ ។ ទោះជាយ៉ាងណាក៏ដោយ គំនិតសិក្សាណាក៏អាចប្រើបានដែរ ។ នៅក្នុងការប្រជុំធម្មតាផ្នែកនេះចំណាយពេលប្រហែលជា ៣៥ ទៅ ៤០ នាទី ។

បិទ

បុគ្គលដែលដឹកនាំការប្រជុំ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
ពិភាក្សាអំពីរបៀបដែលថ្នាក់ ឬកូរ៉ុមនឹងធ្វើសកម្មភាពទៅតាមអ្វីដែលពួកគេបានរៀន—ជាក្រុម ឬជាលក្ខណៈបុគ្គល ។

ការអធិស្ឋាន ៖