Mas 13–9. Matyu 11–12; Luk 11: ‘Mi Bai Givim Yu Malolo,’” Kam, Bihainim Mi—Bilong Ol Wanwan manmeri na ol Famili (Isipela): Niupela Testamen 2023 (2022)

“Mas 13–19. Matyu 11–12; Luk 11,” Kam, Bihainim Mi—Bilong ol Wanwan manmeri na ol Famili (Isipela): 2023

Piksa

Jisas i sanap insait long kilaut

Noken Poret, Michael Malmi mekim

Mas 13–19

Matyu 11–12; Luk 11

“Mi Bai Givim Yu Malolo”

Matyu 11:28–30

Jisas i bai givim mi bel isi taim mi larim Em.

Ritim Matyu 11:28–30. Jisas i askim yumi long kam long Em na Em i ken halivim long karim ol hevi bilong yumi (lukim tu Mosiah 24:10–15). Wanem kain ol hevi yu gat? Olsem wanem na yu ken kam long Krais na kisim halivim bilong Em? Em i minim wanem long kisim yok bilong Em antap long yu yet?

Piksa long arere long dispela autlain i soim wanpela yok.

Matyu 12:1–13

“Mekim gutpela wok long Sabat Dei.”

Ol Farisi na Seivia i no wanbel long wei bilong honarim Sabat Dei. Painim samting Seivia i bin tisim long dispela Sabat de insait long Matyu 12:1-13. Olsem wanem bai yu i ken mekim Sabat em wanpela dei bilong hiling? Wanem ol gutpela samting yu ken mekim long Sabat dei? Olsem wanem yu ken mekim Jisas Krais olsem namel bilong Sabat dei bilong yu?

.Seivia i bin tisim trupela mining bilong Sabat. Ol Disaipol i Kaikai Wit long Sabat, James Tissot i mekim

Matyu 12:34–37; Luk 11:33–44

Ol toktok na ol pasin bilong mi i soim lav bilong God.

Ol Farisi i traim long soim rait pasin, tasol Jisas i save long trupela tingting bilong ol. Taim yu rit Matyu 12:34–37 na Luk 11:33–44, tingting long olsem wanem na feit bilong yumi i save mekim long ol samting yumi save mekim na tokim. Olsem wanem na ol toktok yumi save tokim i soim trutru yumi bilipim wanem? (see Matyu 12:37).

Em minim wanem taim “ai bilong yu i singel”? (Luk 11:34). Tingting long olsem wanem yu ken kamap olsem “pulap long lait” (Luk 11:36) taim yu bihainim Jisas Krais.

Yu ken toktok long Luk 11:37–44 wantaim ol famili taim yu wok long wasim ol plet samting. Bilong wanem yu nid long wasim insait na ausait long ol dis na kap? Bilong wanem na yumi nid long kamap piua na klin insait na ausait?

Singsing: “How Gentle God’s Commands,” Hymns, no. 125.