“Julai 24–30. Aposel 16–21: ‘Bikpela i Singautim Yumi … long Tokaut long Gospel,’” Kam, Bihainim Mi—Bilong ol Wanwan Manmeri na ol Famili (Isipela): Niupela Testamen 2023 (2022)

Julai 24–30. Aposel 16–21,” Kam, Bihainim Mi—Bilong ol Wanwan Manmeri na ol Famili (Isipela): 2023

Piksa

Pol i tis antap long liklik maunten

Julai 24–30

Aposel 16–21

“Bikpela Em i Singautim Yumi … long Tokaut long Gospel”

Aposel 16:16–34

Mi ken serim gospel olgeta taim.

Pol na Sailas ol i salim tupela i go long kalabus bikos ol i tokaut long gospel. Tasol ol i no stop long tokaut. Samting tru, tupela i serim gospel wantaim man i lukautim tupela long kalabus. Ritim stori bilong tupela insait long Aposel 16:16–34. Bilong wanem na yu ting Pol na Sailas i no pret long wanpela samting? Wanem samting yu lainim long eksampel bilong tupela?

Aposel 17:16–34

“Yumi ol pikinini bilong God.”

Ol Pipol long Atens i lotu long planti kainkain god, wantaim wanpela ol i kolim “dispela God yumi no save long em” (Aposel 17:23). Tasol ol i no bilip olsem ol dispela god em Papa long Heven bilong yumi. Ritim Aposel 17:16–34 long lainim wanem samting Pol i lainim ol long God. Em minim wanem long yu long kamap olsem“dispela pikinini bilong God”? (Aposel 17:29).

Lukim tu “Yumi ol Pikinini bilong God” (video), ChurchofJesusChrist.org.

Aposel 17:10–12; 18:24–28

Stadim ol skripsa olgeta de.

Aposel 17:10–12 na Aposel 18:24–28 i tokim yumi long sampela ol lain i bihainim Jisas. Wanem ol sampela gutpela pasin bilong ol? Yu ting em i min wanem long “[kisim ] ol tok wantaim olgeta redi bilong tingting”? (Aposel 17:11). Wanem samting bai yu mekim long kamap “strongpela insait long dispela skripsa”? (Aposel 18:24).

Aposel 19:18–20

Sampela taim yu mas sakripais long kisim blesing.

Insait long Aposel:19:18–20, ridim ol samting ol pipol i lusim long kisim gospel. I gat sampela samting yu nid long lusim long kisim blesing bilong God?

Aposel 20:32–35

Em i moa blesing long givim moa long kisim.”

Jisas i tok “Em i moa blesing long givim moa long kisim” (Aposel 20:35). Olsem wanem na God i blesim yu long givim? Tingting long wanpela yu ken blesim taim yu givim sevis o serim ol talen bilong yu.

Singsing: “I Am a Child of God,” Children’s Songbook, 2–3.