Krais i sanap wantaim yangpela meri

Balm of Gilead, Annie Henrie i mekim

Oktoba 30–Novemba 5

Hibru 1–6

Jisas Krais,“dispela Man bilong Kamapim Oltaim Oltaim Salvesen.

Hibru 1

Jisas Krais Em i Pikinini Man bilong Papa long Heven.

Dispela Pas i go long ol Hibru i testifai long Jisas Krais. Taim yu ridim sapta 1, mekim lis long ol samting yu lainim long Seivia. Putim moa i go long lis taim yu ridim ol narapela sapta bilong Hibru. Olsem eksampel, insait long Hibru 2:10, Jisas ol i kolim em olsem “dispela kepten bilong salvesen bilong [yumi].” Wanem samting kepten i save mekim? Olsem wanem na Jisas i olsem kepten bilong yumi?

Hibru 1:8–9

Jisas Krais i laikim strepela pasin.

Olsem wanem na Jisas i soim em i laikim strepela pasin na i no lakim sin? Sapos yumi gat ol pasin i no stret, olsem wanem na yumi ken senisim ol?

Hibru 2:1–4

Mi ken holim long ol trut.

Long tisim ol famili long ol dispela ves, yu ken givim sampela samting we i welwel o hat long holim. Bihain ridim Hibru 2:1–4. Em i min wanem long holim pas ol trut bilong gospel “we yumi save harim” na i no larim ol i “welwel”?

Hibru 2:9–18; 4:12–16; 5:7–8

Jisas Krais i karim ol bikpela hevi long halivim mi.

Hibru i tisim yumi olsem Jisas Krais i laik halivim yumi , maski yu sin o pilim olsem yumi no strong. Ridim Hibru 2:9–18; 4:12–16; na 5:7–8.. Wanem ol hap tok insait long ol dispela ves i soim yu olsem Jisas bai halivim yu? Raitim ol tingting na piling bilong yu long ol samting Seivia i mekim long yu.

Moses i odeinim Aron

“Nogat man i kisim dispela ona i go long em yet, tasol em yet God i kolim , olsem Aron” (Hibru 5:4). Moses i singautim Aron long kam long dispela Ministri, Harry Anderson i mekim

Hibru 5:1–5

Yumi mas kisim koling long God long mekim ol wok bilong Em.

Yu lainim wanem i kam long Hibru 5:4 long nid bilong God long kolim yu long holim prishud o koling insait long Sios?

Singsing: “I Need Thee Every Hour,” Hymns, no. 98.

Jisas Krais

Lait bilong Wol, Walter Rane i mekim