Disemba 4–10. Revelesen 1–5: ‘Glori, na Pawa, Bai stap antap long … dispela Sipsip Olgeta Taim na Nogat Pinis Bilong en,’” Kam, Bihainim Mi—Bilong ol Wanwan Manmeri na ol Famili (Isipela ): Niupela Testamen 2023 (2022)

Disemba 4–10. Revelesen 1–5,” Kam, Bihainim Mi—Bilong ol Wanwan Manmeri na ol Famili (Isipela): 2023

Piksa

pikinini sipsip i sindaun long gras

Disemba 4–10

Revelesen 1–5

“Glori, na Pawa, Bai stap antap long … dispela Sipsip Olgeta Taim na Nogat Pinis Bilong en”

Visen bilong Jon i tisim yumi long Plen bilong Papa long Heven.

Dispela buk bilong Revelesen i hat long klia gut tumas, tasol noken les long traim. Em i ken isi long klia gut na save long em sapos yu painim ol samting we Revelesen i tisim yu long plen bilong Papa long Heven—olsem eksampel:

Sapta 5 na 12 i toktok moa long laip pastaim long yumi kam daun long ples graun.
Sapta 6–11, 13–14, 16–19 i toktok moa long laip bilong yumi long ples graun na histori bilong ples graun.
Sapta 2–3, 15, 20–22 i toktok moa long laspela jasmen na glori we ol lain i stap feitpul bai kisim.

Taim yu ridim dispela buk Revelesen, askim, “Wanem samting em i tisim mi long plen bilong God? God i mekim wanem long halivim mi long go bek long Em? Wanem ol promis Em i givim long mi?

Revelsen 1

Jisas Krais Em i Pikinini Man i stap laip bilong God i stap laip.

Jon i lukim Jisas Krais insait long wanpela visen, na em i raitim dispela insait long namba wan sapta bilong Revelesen. Ridim dispela sapta, na mekim wanpela lis long ol samting yu lainim long Jisas Krais.

Olsem eksampel, dispela Seivia i kolim Em yet “dispela stat na pinis” na “dispela namba wan na las.” Ol dispela nem i tisim yu wanem long Sevia?

Revelesen 3:20

Mi ken invaitim Jisas Krais i kam insait long laip bilong mi.

Ridim Revelesen 3:20, na lukluk long wanpela piksa long pinis bilong dispela autlain. Bilong wanem na Seivia i save nok long dua na i no kam insait? Olsem wanem bai yu “opim dua”long Seivia?

Revelesen 5

Jisas Krais tasol bai mekim plen bilong Papa long Heven i kamap tru.

Insait long Revelesen 5:1–10, Jon i lukim wanpela pikinini sipsip , husat wanpela tasol i kem opim dispela buk. Dispela Pikinini Sipsip em Jisas Krais, na dispela buk em plen bilong God. Bilong wanem na Jisas wanpela tasol i ken mekim kamap dispela plen bilong God?

Suggested hymn: “Jesus, Once of Humble Birth,” Hymns, no. 196.