Xkomon chik li k’anjeleb’aal re xtzolb’aleb’ li kok’al

Lix k’ihaleb’ li k’anjeleb’aal a’in neke’tawman sa’ li aplicación Biblioteca del Evangelio, ut sa’ ChurchofJesusChrist.org.

Kim, Taaqehin—Choq’ reheb’ li komon ut li junkab’al

Naru nakawoksiheb’ li kok’ k’anjel wankeb’ sa’ Kim, Taaqehin—Choq’ reheb’ li komon ut li junkab’al sa’ li tzolok re li Tzoleb’aal reheb’ li Kok’al. Maak’a’ naxye wi eb’ li kok’al ak xe’xb’aanuheb’ li kok’ k’anjel a’an rik’ineb’ lix junkab’al sa’ kab’l; li xka’sutinkil naxtenq’aheb’ li kok’al chi tzolok. Eb’ li kok’al maare te’raj xseraq’inkil aawe chan ru xe’xb’aanu li kok’ k’anjel a’an rik’ineb’ lix junkab’al ut k’a’ru xe’xtzol.

Eb’ li B’ich ut B’ichleb’aal choq’ reheb’ li Kok’al

Eb’ li loq’laj b’ich neke’xb’oq li Musiq’ej ut neke’xk’ut li na’leb’ re naq ink’a’ taasachq chiqu. Wankeb’ li hu Eb’ li B’ich ut li B’ichleb’aal choq’ reheb’ li Kok’al, ut naru ajwi’ taatawmanq lix yaab’eb’ li b’ich ut li video reheb’ li b’ich ut reheb’ lix b’icheb’ li kok’al sa’ music.ChurchofJesusChrist.org ut sa’ li aplicación Música SUD ut Biblioteca Multimedia SUD.

Mirad a vuestros pequeñitos

Naab’aleb’ re li na’leb’ neke’k’utman sa’ li manual re li guarderia Mirad a vuestros pequeñitos: Manual re li guardería wan xjuntaq’eetileb’ rik’in li te’k’utmanq sa’ li Tzoleb’aal reheb’ li Kok’al. Mas wi’chik wi nakatzoleb’ li kok’al toj ka’ch’ineb’ xyu’am, sik’eb’ li b’ich, seraq’, kok’ k’anjel, ut xkomoneb’ chik k’anjel sa’ li manual re li guarderia.

Li Liahona

Sa’ li hu Liahona wankeb’ seraq’ ut kok’ k’anjel li naru nakatz’aqob’resi wi’ ruheb’ li na’leb’ yookat chixk’utb’al sa’ Kim, Taaqehin—Choq’ re li Tzoleb’aal reheb’ li Kok’al.

Eb’ li Esilal sa’ lix Hu laj Mormon

Eb’ li Esilal sa’ lix Hu laj Mormon naru naxtenq’aheb’ li kok’al chixtzolb’al li tzol’leb’ ut eb’ li seraq’ neke’tawman sa’ lix Hu laj Mormon. Taataweb’ ajwi’ video chirixeb’ li seraq’ a’an sa’ medialibrary.ChurchofJesusChrist.org.

Biblioteca multimedia

Eb’ li jalam-uuch, eb’ li video, ut xkomoneb’ chik li k’anjeleb’aal naru nakate’xtenq’a chixk’utb’al li tzol’leb’ ut eb’ li seraq’ li neke’tawman sa’ lix Hu laj Mormon. Sik’ sa’ medialibrary.ChurchofJesusChrist.org re rilb’aleb’ li jalam-uuch re li Iglees. Aran wankeb’ ajwi’ li video re lix Hu laj Mormon, chirix li k’a’ru yeeb’il resil sa’ lix Hu laj Mormon. Wankeb’ ajwi’ li k’anjeleb’aal naru neke’oksiman sa’ li aplicación Biblioteca Multimedia SUD.

Obras de arte del Evangelio

Eb’ li jalam-uuch naru naxtenq’aheb’ li kok’al chirilb’al li tzol’leb’ ut eb’ li seraq’ neke’tawman sa’ lix Hu laj Mormon. Naab’aleb’ reheb’ li jalam-uuch naru neke’oksiman sa’ li tzoleb’aal neke’tawman sa’ li Obras de arte del Evangelio, sa’ medialibrary.ChurchofJesusChrist.org, ut sa’eb’ li aplicación Música SUD ut Biblioteca Multimedia SUD.

Leales a la Fe

Wi nakawaj xkomon aatenq’ankil re xtawb’aleb’ ru li na’leb’ taak’ut chiruheb’ li kok’al, chijultiko’q aawe sik’ok sa’ Leales a la Fe. Sa’ li hu a’in wan xch’olob’ankil li junjunq chi na’leb’ chirix li evangelio, chi tusub’anb’il.

kok’al neke’b’ichan

Li k’utuk jo’ li Kolonel

Li k’utuk jo’ li Kolonel naru nakatxtenq’a chixtzolb’al ut chiroksinkileb’ li na’leb’ re k’utuk jo’ li Kristo. Neke’aatinak chirixeb’ li na’leb’ a’in sa’eb’ li ch’utam reheb’ laj k’utunel.