Ngaahi Maʻuʻanga Tokoni Makehe ki hono Akoʻi ʻo e Fānaú

ʻE ala maʻu ʻa e ngaahi maʻuʻanga tokoni ko ʻení ʻi he Gospel Library mo e ChurchofJesusChrist.org.

Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí

Te ke lava ʻo liliu ʻa e ngaahi ʻekitivitī mei he Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí ke ngāue ʻaki ʻi hoʻo kalasi Palaimelí. ʻOua te ke hohaʻa kapau kuo ʻosi fai ʻe he fānaú ʻa e ngaahi ʻekitivitī ko ʻení mo honau ngaahi fāmilí ʻi ʻapi; ʻe tokoni hono toutou fakahokó ke ako ʻe he fānaú. ʻE ala fie maʻu ʻe he fānaú ke tala atu kiate koe fekauʻaki mo e founga ne nau fakahoko ʻaki e ngaahi ʻekitivitií mo honau ngaahi fāmilí pea mo e meʻa ne nau akó.

Ngaahi Himí mo e Tohi Hiva ʻa e Fānaú

ʻOku fakaafeʻi ʻe he hiva māʻoniʻoní ʻa e Laumālié mo akoʻi e tokāteliné ʻi ha founga fakangalongataʻa. Tānaki atu ki he ngaahi tatau kuo paaki ʻo e Ngaahi Himí mo e Tohi Hiva ʻa e Fānaú te ke lava ʻo maʻu e lēkooti ʻo e ngaahi fasi mo e ngaahi vitiō ʻo e ngaahi himi lahi mo e ngaahi hiva maʻá e fānaú ʻi he music.ChurchofJesusChrist.org mo e LDS Music pea mo e polokalama LDS Media Library.

Vakai Ki Hoʻomou Fānau Īkí

Ko e lahi taha ʻo e ngaahi tefito ʻoku ʻasi ʻi he tohi lēsoni nesilií Vakai ki Hoʻomou Fānau Īkí: Tohi Lēsoni Nesilií ʻoku tatau mo ia ʻokú ke akoʻi ʻi he Palaimelí. Tautautefito kapau ʻokú ke akoʻi e fānau iiki angé, fakakaukau ke fekumi ʻi he tohi lēsoni ʻa e nesilií ki ha ngaahi hiva, talanoa, ngaahi ʻekitivitī mo e ngāue fakameaʻa makehe.

ʻŪ Makasini Friend mo e Liahona

ʻOku ʻomi ʻi he ongo makasini Friend mo e Liahona ha ngaahi talanoa mo ha ngaahi ʻekitivitī ʻe lava ʻo tokoniʻi ʻa e ngaahi tefitoʻi moʻoni ʻokú ke akoʻi mei he Haʻu, ʻo Muimui ʻIate Au—Maʻá e Palaimelí.

Ngaahi Talanoa mei he Tohi ʻa Molomoná

ʻE lava ke tokoni ʻa e Ngaahi Talanoa ʻo e Tohi ʻa Molomoná ki he fānaú ke nau ako ʻa e tokāteline mo e ngaahi talanoa ʻoku maʻu ʻi he Tohi ʻa Molomoná. Te ke lava foki ʻo maʻu e ngaahi vitiō ʻo e ngaahi talanoa ko ʻení ʻi he medialibrary.ChurchofJesusChrist.org.

Laipeli Mītiá

ʻE lava ke tokoni ʻa e ngaahi tā valivalí, ngaahi vitioó mo e ngaahi mītia kehé ke sioloto ai ʻa e fānaú ki he tokāteline mo e ngaahi talanoa ʻoku maʻu ʻi he Tohi ʻa Molomoná. ʻAlu ki he medialibrary.ChurchofJesusChrist.org ke vakai ki he ngaahi maʻuʻanga tokoni fakamītia ʻa e Siasí, kau ai ʻa e Ngaahi Vitiō ʻo e Tohi ʻa Molomoná, ʻa ia ʻoku hā ai ʻa e ngaahi meʻa naʻe hoko ʻi he Tohi ʻa Molomoná. ʻOku maʻu atu foki ʻa e ngaahi maʻuʻanga tokoni mītiá ʻi he polokalama Laipeli Mītia ʻa e Siasí.

Fakatātā ʻo e Ongoongoleleí

ʻE lava tokoni e ngaahi tā valivalí ki he fānaú ke nau sioloto ki he tokāteline mo e ngaahi talanoa ʻoku maʻu ʻi he Tohi ʻa Molomoná. Ko e lahi taha ʻo e ngaahi fakatātā te ke lava ʻo fakaʻaongaʻí ʻoku maʻu ia ʻi he Tohi Fakatātā ʻo e Ongoongoleleí, ʻi he medialibrary.ChurchofJesusChrist.org, pea mo e LDS Music mo e polokalama Laipeli Mītia ʻa e Siasí.

Tuʻu Maʻu ʻi he Tuí

Kapau te ke fie maʻu ha tokoni makehe ke mahino e ngaahi tefitoʻi moʻoni te ke akoʻi ki he fānaú, fakakaukau ke vakai ʻi he Tuʻu Maʻu ʻi he Tuí. ʻOku ʻomi ʻe he maʻuʻanga tokoni ko ʻení ha ngaahi fakamatala faingofua ʻo e ngaahi kaveinga ʻo e ongoongoleleí, ʻa ia ʻoku hiki atu ʻi he fakahokohoko fakamotuʻaleá.

Ko e Faiako ‘i he Founga ‘a e Fakamoʻuí

ʻE lava ke tokoni atu ʻa e Ko e Faiako ‘i he Founga ‘a e Fakamo‘uí ke ke ako mo ngāue ʻaki ʻa e ngaahi tefitoʻi moʻoni ʻo e faiako faka-Kalaisí. ʻOku aleaʻi mo akoako fakahoko ʻa e ngaahi tefitoʻi moʻoni ko ʻení ʻi he ngaahi fakataha alēlea fakafaiakó.