Xkomon chik li k’anjeleb’aal re xtzolb’aleb’ li kok’al

Lix k’ihaleb’ li k’anjeleb’aal a’in neke’tawman sa’ li aplicación Biblioteca del Evangelio, ut sa’ ChurchofJesusChrist.org.

Kim, Taaqehin—Choq’ reheb’ li komon ut li junkab’al

Naru nakawoksiheb’ li kok’ k’anjel wankeb’ sa’ Kim, Taaqehin—Choq’ reheb’ li komon ut li junkab’al sa’ li tzolok re li Tzoleb’aal reheb’ li Kok’al. Maak’a’ naxye wi eb’ li kok’al ak xe’xb’aanuheb’ li kok’ k’anjel a’an rik’ineb’ lix junkab’al sa’ kab’l; li xka’sutinkil naxtenq’aheb’ li kok’al chi tzolok. Sa’ li Tzoleb’aal reheb’ li Kok’al, eb’ li kok’al maare te’raj xwotzb’al k’a’ru yookeb’ chixtzolb’al sa’ rochocheb’ chirix li Kolonel ut lix evangelio.

Eb’ li B’ich ut B’ichleb’aal choq’ reheb’ li Kok’al

Eb’ li loq’laj b’ich neke’xb’oq chaq li Musiq’ej ut neke’xk’ut li na’leb’ re naq ink’a’ taasachq chiqu. Wankeb’ li hu Eb’ li B’ich ut li B’ichleb’aal choq’ reheb’ li Kok’al, ut naru ajwi’ taatawmanq lix yaab’eb’ li b’ich ut li video reheb’ li b’ich ut reheb’ lix b’icheb’ li kok’al sa’ music.ChurchofJesusChrist.org ut sa’ li aplicación Música SUD ut Biblioteca Multimedia SUD.

Mirad a vuestros pequeñitos

Naab’aleb’ re li na’leb’ neke’k’utman sa’ li manual re li guarderia Mirad a vuestros pequeñitos: Manual re li guardería wan xjuntaq’eetileb’ rik’in li te’k’utmanq sa’ li Tzoleb’aal reheb’ li Kok’al. Mas wi’chik wi nakatzoleb’ li kok’al toj ka’ch’ineb’ xyu’am, sik’eb’ li b’ich, seraq’, kok’ k’anjel, ut xkomoneb’ chik k’anjel sa’ li manual re li guarderia.

Li Liahona

Sa’ li hu Liahona wankeb’ seraq’ ut kok’ k’anjel li naru nakatz’aqob’resi wi’ ruheb’ li na’leb’ yookat chixk’utb’al sa’ Kim, Taaqehin—Choq’ re li Tzoleb’aal reheb’ li Kok’al.

Eb’ li Esilal sa’ li Tzol’leb’ ut Sumwank

Eb’ li Esilal sa’ li Tzol’leb’ ut Sumwank naroksiheb’ li jalam-uuch ut li aatin moko ch’a’aj ta re xtenq’ankileb’ li kok’al chi tzolok sa’ li Tzol’leb’ ut Sumwank. Naru ajwi’ xtawb’aleb’ li video chirixeb’ li seraq’ a’in sa’ li aplicación Biblioteca del Evangelio ut sa’ li Biblioteca Multimedia sa’ ChurchofJesusChrist.org.

Libro para colorear de relatos de las Escrituras: Doctrinas y Convenios

Sa’ li hu a’in, wankeb’ jalam-uuch naru neke’rileb’ li kok’al re xtzolb’al li Tzol’leb’ ut Sumwank.

Eb’ li video ut li jalam-uuch

Eb’ li jalam-uuch, eb’ li video, ut xkomon chik li k’a’ru nak’utman neke’ru chixtenq’ankil laa junkab’al chirilb’al xyaalalileb’ li tzol’leb’ ut li seraq’ chirixeb’ li loq’laj hu. Naru rilb’aleb’ li video ut li jalam-uuch re li Iglees sa’ li Biblioteca Multimedia sa’ ChurchofJesusChrist.org. Naru ajwi’ xtawb’aleb’ sa’ li aplicación Biblioteca del Evangelio, ut wankeb’ ajwi’ naab’al li jalam-uuch sa’ li Hu reheb’ li Jalam-uuch re li Evangelio.

woman and child reading Church material

Li k’utuk jo’ li Kolonel

Li k’utuk jo’ li Kolonel naru nakatxtenq’a chixtzolb’al ut chiroksinkileb’ li na’leb’ re k’utuk jo’ li Kristo. Neke’aatinak chirixeb’ li na’leb’ a’in sa’eb’ li ch’utam reheb’ laj k’utunel.

Santos

Santos a’an jun hu wan wi’ resilal li Iglees. Tomo 1, El estandarte de la verdad, ut tomo 2, Ninguna mano impía, neke’aatinak chirix li resilal li Iglees sa’ xq’ehil li Tzol’leb’ ut Sumwank. Eb’ li esilal a’in naru tate’xtenq’a chixtawb’al ru li k’a’ru yoo chi k’ulmank naq ke’k’utb’esiman li na’leb’ li nakatzol sa’ li Tzol’leb’ ut Sumwank.