Sam Moa Risos we Yu Save Yusum blong Stap Tijim Ol Pikinini

Ol risos ia, yufala i save faenem long Gospel Laebri ap long ChurchofJesusChrist.org/study?lang=bis

Kam Folem Mi—Blong Wanwan Man, Woman mo Famli

Yu save yusum mo stretem ol aktiviti we oli stap long Kam Folem Mi—Blong Wanwan Man, Woman mo Famli blong yusum long Praemeri klas blong yu. No wari sapos ol pikinini oli bin mekem ol aktiviti ia finis wetem ol famli long hom blong olgeta; blong ripitim samting i helpem ol pikinini blong stap lanem samting. Maet bae ol pikinini oli wantem tokbaot olsem wanem oli bin mekem ol aktiviti ia wetem famli blong olgeta mo wanem oli bin lanem.

Hymns mo Children’s Songbook

Tabu miusik i save invaetem Spirit mo i helpem yumi blong lavem God mo tijim doktrin long wan gudfala wei. Yu save printim sam singsing insaed long Hymns mo Children’s Songbookmo Tabu Singsing mo Singsing blong Ol Pikinini, mo yu save faenem plante hym mo singsing blong ol pikinini we oli rekodem long music.ChurchofJesusChrist.org mo insaed long Sacred Music mo Gospel Media ap.

Blong kasem ol aedia luk long “Yusum Miusik blong Tijim Doktrin” mo “Helpem Ol Pikinini Oli Lanem mo Oli Tingbaot Ol Singsing blong Praemeri mo Ol Hym” long apendiks blong lesen buk ia.

Luk Ol Smol Wan blong Yufala

Plante long ol topik we oli stap long neseri lesenbuk, Behold Your Little Ones: Nursery Manual oli kolosap semmak long olgeta we bae yu stap tijim long Praemeri. Speseli sapos yu stap tijim ol smol pikinini, tingting blong lukluk long neseri lesenbuk blong luk sam moa singsing, stori, aktiviti mo samting blong mekem wetem han.

Fren

Ol Fren magasin oli givim sam stori mo aktiviti we i save kam sapotem ol prinsipol we yu stap tijim aot long Kam Folem Mi—Blong Praemeri.

Ol Niu Testeman Stori

Ol Niu Testeman Stori oli save helpem ol pikinini blong oli lanem doktrin mo ol stori we oli stap insaed long OlTesteman. Yu save faenem ol vidio blong olgeta stori ia insaed long Gospel Laebri ap mo long MediaLibrary.ChurchofJesusChrist.org

Skripja Stori Kala Buk—Niu Testeman

Insaed long buk ia, i gat ol kala aktiviti pej we oli helpem ol pikinini blong lanem samting aot long Niu Testeman.

Ol Vidio mo Ol Art

Ol artwok, ol vidio, mo ol nara media oli save helpem olgeta we yu stap tijim blong andastanem doktrin mo luk ol stori we oli stap go wetem ol skripja. Visitim Gospel Media long GospelMedia.ChurchofJesusChrist.org blong luk tru long ol grup blong media risos blong Jos. Gospel Media i stap tu olsem wan ap blong yusum long mobaelfon o long tablet. Plante long ol pikja we yu save yusum insaed long klasrum i stap long Gospel Art Buk.

Tij Folem Wei blong Sevya

Tij Folem Wei blong Sevya i save helpem yu blong lan abaot mo stap praktisim ol prinsipol blong stap tij olsem Kraes i bin tij. Olgeta prinsipol ia, oli stap toktok raon long olgeta mo oli stap praktisim olgeta insaed long ol kaonsel miting blong ol tija.