Usa ka Sundanan sa Pagtudlo

Niini nga kapanguhaan, makita nimo ang mosunod nga tulo ka lakang nga sundanan nga gibalik-balik sa matag latid: dapita ang pagpaambit, itudlo ang doktrina, ug awhaga ang pagkat-on diha sa panimalay. Sa daghang mga sitwasyon, samtang magtudlo ka, ang mga elemento niining sundanan mahimong magsapaw o mahitabo sa laing han-ay. Sama pananglit, ikonsiderar nga ang pagpaambit usa ka oportunidad sa pagtudlo sa doktrina, ug ang pagtudlo sa doktrina kinahanglang maglakip og mga pagdapit nga mopaambit. Sa samang paagi, ang pag-awhag sa pagkat-on diha sa panimalay mahimong mahitabo sa tibuok panaghisgot sa klase. Tugoti ang mga pagpahiangay nga natural lang nga mahitabo niini nga sundanan, magsunod sa mga pag-aghat sa Espiritu aron matubag ang mga panginahanglan sa mga bata nga imong gitudloan.

Dapita ang Pagpaambit

Isip kabahin sa matag klase, dapita ang mga bata sa pagpaambit sa ilang mga pagbati, mga hunahuna, mga panabot, ug mga kasinatian kabahin sa mga baroganan nga imong gitudlo. Ang ilang mga komentaryo mahimong maglakip sa mga kasinatian nga ilang nasinati sa pagkat-on diha sa panimalay. Mahimo usab nimong rebyohon kon unsa ang ilang nakat-onan sa miaging semana ug pangutana kon sa unsang paagi kini nakaimpluwensiya sa ilang kinabuhi.

Itudlo ang Doktrina

Ang Dali, Sunod Kanako—Alang sa mga Indibidwal ug mga Pamilya makatabang kanimo nga mas makasabot sa doktrina nga imong itudlo ngadto sa mga bata. Ikonsiderar kon unsa nga mga bersikulo sa kasulatan, mga kinutlo, mga kasinatian, mga pangutana, ug uban pang mga kapanguhaan ang mahimo nimong ipaambit aron sa pagtabang sa mga bata nga makasabot ug molihok sumala sa mga baroganan sa ebanghelyo nga ilang makat-onan. Tabangi sila nga makaila sa impluwensiya sa Espiritu Santo samtang magpamatuod Siya sa kamatuoran. Pangita og mamugnaon ug dinasig nga mga paagi aron sa pagtabang nila nga mahimong mahinamon sa unsay ilang makat-onan.

Alang sa mga ideya mahitungod kon unsaon sa paggamit og musika sa pagtudlo sa doktrina, tan-awa ang mga seksiyon nga “Paggamit og Musika sa Pagtudlo og Doktrina” ug “Pagtabang sa mga Bata nga Makakat-on ug Mahinumdom sa mga Kanta sa Primary ug mga Himno” diha sa “Mga Panudlo alang sa Panahon sa Pagpanganta ug sa Pasundayag sa mga Bata sa Panagtigom alang sa Sakramento” sa luyo niini nga manwal.

Awhaga ang Pagkat-on diha sa Panimalay

Tungod kay ang panimalay mao ang sentro sa pagkat-on sa ebanghelyo, usa sa imong mga tumong isip usa ka magtutudlo sa Primary mao ang pag-awhag sa pagkat-on diha sa panimalay. Unsaon nimo pagtabang ang mga bata sa pagpaambit ngadto sa ilang mga pamilya sa unsay ilang nakat-onan sa klase? Unsaon nimo sa pag-awhag ang mga bata ug ang ilang mga ginikanan aron magpadayon sa pagkat-on gikan sa Daang Tugon diha sa panimalay?

Alang sa mga ideya mahitungod kon unsaon sa paggamit og musika sa pagtudlo sa doktrina, tan-awa ang mga seksiyon nga “Paggamit og Musika sa Pagtudlo og Doktrina” ug “Pagtabang sa mga Bata nga Makakat-on ug Mahinumdom sa mga Kanta sa Primary ug mga Himno” diha sa “Mga Panudlo alang sa Panahon sa Pagpanganta ug sa Pasundayag sa mga Bata sa Panagtigom alang sa Sakramento” sa luyo niini nga manwal.