“Bwaai n Ibuobuoki Riki Tabeua ibukin Reireinakiia Ataei,” Nakomai, Iriirai—Ibukin te Moanrinan: Te O Tetemanti 2022 (2021)
“Bwaai n Ibuobuoki Riki Tabeua ibukin Reireinakiia Ataei,” Nakomai, Iriirai—Ibukin te Moanrinan: 2022
Bwaai n Ibuobuoki Riki Tabeua ibukin Reireinakiia Ataei
Bwaai n Ibuobuoki aikai a kona n reke n te Gospel Library app n te ChurchofIesuChrist.org.
Nakomai, Iriirai—Ibukiia Aomata n Tatabemaniia ao Utu
Ko kona ni kangaraoi mwakuri ake a na karaoaki man Nakomai, Iriirai—Ibukiia Aomata n Tatabemaniia ao Utu ibukin kabonganakina n am kiraati n te Moanrinan. Tai raraoma ngkana a tia ataei ni karaoi mwakuri akane ma aia utu ni mweengaia; kaokiokana e buokia ataei n reiakinna. Ataei a na tangiria n tuangko bwa a kanga ni karaoi mwakuri ni kauring akanne ma aia utu ao tera ae a reiakinna.
Anene n Taromauri ao Aia Boki n Anene Ataei
Katangitang aika tabu a kaoa te Tamnei ao a reirei te reirei n te anga ae kai uringaki. N reitan katooto aika a tia ni boretiaki ibukin Anene n Taromauri ao Aia Boki n Anene Ataei ko kona n noori katangitang ao witeo ibukin anene n taromauri ao aia anene ataei aika mwaiti iaon music.ChurchofIesuChrist.org ao n te Sacred Music ao Gospel Media apps.
Ibukin iango, tarai tiekition “Using Music to Teach Doctrine” ao “Helping Children Learn and Remember Primary Songs and Hymns” inanon “Kaetieti ibukin te Tai n Anene ao aia Kamataku Ataei n Anenen te Toa” n te bwai n reirei aei.
Nooria Ami Ataei
E mwaiti atuun reirei ake a rinanoaki n te boki inanon Nooria Ami Ataei: Aia Bokinreirei Kaain te Netiari aika titebo ma ake ko na reireiniia iai kaain te Moanrinan. Riki ngkana ko reireiniia ataei aika a uarereke, iangoia bwa ko na taraa te boki ibukia kaain te netiari ibukin riki taian anene, karaki, mwakuri ni kauring, ao takakaro.
Te Rao Maekatiin
Te Rao maekatiin e katauraoi karaki ao waaki ni kakukurei aika a kona ni kanakoraoi reirei aika ko angareirei iaona man Nakomai, Iriirai—Ibukin te Moanrinan.
Karaki man Te O Tetemanti
Karaki man Te O Tetemanti a kona ni buokiia ataei n reiakin reirei ao karaki aika kuneaki n te O Tetemanti. Ko kona naba ni kunei tamnein karaki aikai inanon te MediaLibrary.ChurchofJesusChrist.org.
Scripture Stories Coloring Book (Te Boki ni Kara ibukin Karaki man Booki Aika Tabu)—Te O Tetemanti
Te boki n reirei aei iai inanona iteraniba ibukin waaki ni kakukurei iaon te kara ae karaoaki bwa e na kanakoraoa aia reirei ataei man te O Tetemanti.
Witeo ao Korobanna
Korobanna, witeo, ao bwaai ni kaongora riki tabeua a kona ni buokiia te koraki ake ko reireiniia n atai reirei ao ni katamnei karaki ake a irekereke ma koroboki aika tabu. Kawara Gospel Media n te MediaLibrary.ChurchofIesuChrist.org ni kakaai ana bwai te Ekaretia ni kareke rongorongo. E tauraoi naba te Gospel Media n te mobile app. A mwaiti tamnei aika ko kona ni kabonganai n te kiraati a kuneaki inanon te Gospel Art Book.
Reirei n ana Kawai te Tia Kamaiu
Reirei n ana Kawai te Tia Kamaiu e kona ni buokiko n reiakinii ao ni karaoa nanon ana reirei te Tia Kamaiu. Reirei aikai a maroroakinaki ao ni karaoaki n aia bootaki ni kauntira taan reirei.