rikaki ro im ajri ro reddik ilo kūlaajruum̧ ilo m̧ōnjar eo

Kein Katakin ko Jet n̄an Katakin Ajri ro

Kein jipan̄ kein remaron̄ loi ilo Gospel Library app eo im ilo ChurchofJesusChrist.org.

Itok, Ļoor Eō—N̄an Kajjojo Armej im Baam̧le ko

Kwomaron̄ kōkkari m̧akūtkūt ko jān Itok, Ļoor Eō—N̄an Kajjojo Armej im Baam̧le Ko n̄an kōjerbali ilo kūlaaj in Būraimere eo am̧. Jab inepata n̄e em̧ōj an ajri ro kar kōm̧m̧ani m̧akūtkūt kein ippān baam̧le ko aer ilo m̧weo, āliji ejipan̄ ajri ro ekkatak. Ajri ro remaron̄ kōņaan kwaļo̧k n̄an kwe wāween aer kar kōm̧m̧ani m̧akūtkūt ko ilo baam̧le ko aer im ta eo raar ekkatak.

Al ko im Al in Ajri

Al ko rekwojarjar rej karuwaineneki tok Jetōb eo im katakin katak ko ilo juon wāween kakeememej. N̄an kakkobaba n̄an kōjerbal kape in bok in al eo em̧ōj būriini Al ko im Al in Ajri, kwomaron̄ lo rekoot in ainikien ko im rekoot in pija in alooj ko in elōn̄ al ko im al in ajri ilo music.ChurchofJesusChrist.org im ilo Sacred Music im Gospel Media app ko.

N̄an ļōmņak ko, lale jekjen ko “Using Music to Teach Doctrine” im “Helping Children Learn and Remember Primary Songs and Hymns” ilo “Instructions for Singing Time and the Children’s Sacrament Music Presentation” ilo tulikin bok in.

Behold Your Little Ones [Lo Ro Nejūm̧ Reddik]

Elōn̄ iaan katak ko kar kwaļo̧k ilo Behold Your Little Ones: Nursery Manual rej einļo̧k wōt ko kwoj katakin ilo Būraimere. Eļaptata n̄e kwoj katakin ajri ro reddikļo̧k, lale bok in katak eo an nursery n̄an lale al ko jet, bwebwenato ko, m̧akūtkūt ko, im pija ko.

Jera Māākjiin

Māākjiin eo Jera ej letok bwebwenato ko im m̧akūtkūt ko me remaron̄ jipan̄ pedped in katak ko kwoj katakin jān Itok, Ļoor Eō—N̄an Būraimere.

Bwebwenato ko jān Kallim̧ur M̧okta

Bwebwenato ko an Kallim̧ur M̧okta remaron̄ jipan̄ ajri ro ekkatak katak eo im bwebwenato ko loi ilo Kallim̧ur M̧okta. Komaron̄ barāinwōt loi pija in alooj ko kōn bwebwenato kein ilo Gospel Library app eo ilo MediaLibrary.ChurchofJesusChrist.org.

Bok in Kōļar in Bwebwenato ko—Kallim̧ur M̧okta

Kein jipan̄ in epād ie peij in m̧akūtkūt ko me rekar ļōmi n̄an kōļapļo̧k ekkatak ko an ajri jān Kalim̧m̧ur M̧okta.

Pija in Alooj im Pija

Jin̄a, pija in alooj ko, im men ko jet remaron̄ jipan̄ ro kwoj katakin pijaikļo̧k katak ko im bwebwenato ko reiookļo̧k jeje ko rekwojarjar. Lale Gospel Media library ilo MediaLibrary.ChurchofJesusChrist.org n̄an waate kein jipan̄ ko an mediaKabun̄ in ekar aini. Gospel Library eo ej barāinwōt pād āinwōt juon mobile app. Elōn̄ pija ko me kwomaron̄ kōjerbali ilo kūlaaj rej pād ilo Gospel Art Book.

Teaching in the Savior’s Way

Teaching in the Savior’s Way emaron̄ jipan̄ eok ekkatak kōn im mour kake pedped in katak ko āinwōt an Kraist katakin. Pedped in katak kein em̧ōj kar kōnono kaki im kar kaminene kaki ilo koonjeļ in kweilo̧k ko an rūkaki.