Kaetieti ibukin Tain te Anene ao Karaoan te Bootaki n Toa irouia Ataei

Nakoia Beretitentii n te Moanrinan ao Taan Kairiiri n te Anene,

Kuuna n te Moanrinan bon bwaai ni mwakuri aika korakora ni buokiia ataei n reiakin taekan ana babaire Tamara are i Karawa ao aan koaua ibukin ana euangkerio Iesu Kristo. Ngkai ataei a anenea taekan reirein te euangkerio, te Tamnei ae Raoiroi e na kaoti koauaia. Taekana ma te katangitang a na tiku n aia iango ao inanoia ataei inanon maiuia ae bwanin.

Ukera ana ibuobuoki te Tamnei ngkai kam katauraoi n reireia te euangkerio rinanon te katangitang. Tibwaua ami kakoaua ibukin koaua ake kam anenei taekaia. Buokiia ataei n taraia bwa e kanga te katangitang n irekereke ma baike a reiakin ao n rinanona ni mwengaia ao n taian kiraati n te Moanrinan. Ataei ma aia utu a na kakabwaiaki man ami konabwai are kam anga.

Ti tangiri ngkami ao ni karababa ara kakaitau ibukin ami mwakuri n ibuobuoki are kam anga ni kamanoia man kawakiniia natira aika a kakawaki.

Beretitentii ni Kabuta n te Moanrinan

Kaetieti ibukin Tain te Anene

5te miniti (beretitentii n te Moanrinan): Kaukuki n tataro, te boki ae tabu ke taekan te onimaki, ao teuana te taetae

20 te miniti (te tia kairiiri n te katangitang): tain te Anene

Te beretitentii n te Moanrina ao te tia kairiiri n te katangitang a na rinei anene ni katoa namwakaina ni kamatoai reirei ake a reiakin ataei inanon aia kiraati ao ni mwengaia. Rinanin anene ake a kamatoai reirei aikai a karinaki inanon te kairi aei. Anene aika a tia naba n rineaki inanon te kamataata inanon Nakomai, Iriirai—Ibukin te Moanrinan ao Nakomai, Iriirai—Ibukiia Aomata n Tatabemaniia ao Utu.

Ngkai kam reireiniia ataei te anene, kaoiia bwa a na tibwauai baike a tia n reiakin n taian karaki ao aan taian reirei ake a reiakinaki n te anene. Kam na bae n tangiria ni manga rinanoa Nakomai, Iriirai—Ibukin te Moanrinan te kabwarabwara are ataei a kamatebwai inanon aia kiraati. Aei e na buoki ngkami n atai taian karaki ao reirei ake a reiakin bwa kam aonga n iangoia bwa kam na kanga ni boutoka aia kamatebwai ma te katangitang.

N tain te anene, kam kona naba n rinanoi anene ake a tia n reiakin ataei mai imwaina ao anene ake a ana kukurei iai n anenei. Ngkai kam rinanona, kaoiia ataei bwa a na tibwauai aia iango ao aia namakin n taian koaua ake a kuneaki inanon te anene.

Aia Boki n Anene Ataei bon te moan buoka ibukin te katangitang n te Moanrinan. Anene n taromauri man te boki n anene ao anene man te Rao ke te Riaona a bon tau naba. N taai tabetai ataei a na kona n anenei kunan te aba ke boong ni motirawa ake a tau ibukin te Taabati ao ibukin aia ririki ataei. Kabonganan katangtang riki n te moanrina a riai ni kariaiakaki mairoun te Bitiobiriki (tara Aeniboki ni Kabuta: Te Beku n Ana Ekareta Iesu Kristo ibukiia Aika Itiaki ni Boong aika Kaitira, 12.3.4, ChurchofJesusChrist.org).

Taraan waakin te Moanrinan

Ni katoa wiiki, Moanrinan e na iai:

Tain te Anene:25te miniti

Mwaing man te tabo teuana nakon te tabo teuana:5 te miniti

Taian Kiraati:20 te miniti

Taan kairiiri ibukin Moanrinan aika a bubura a kona ni bwenauai nakon uoua kurubu ao ni karekea teuana te kurubu bwa a na rinanon moa tain te kiraati n te Moanrinan ao te kurubu are teuana a rinanon moa tain te anene. Ngkanne kurubu aika uoua a na kaibibiti n te bwai are a karaoia. N aron waaki aikai, taan kairiiri n te Moanrinan a na kainnanoia ni bitii taai aika oti ieta ni kaitarai aia kaangaanga.

Katangitang ae baireaki ibukin Tain te Anene

Tianuare

• “Ngai Natin te Atua,” Aia Boki n Anene Ataei, 2–3

• “I Know My Father Lives,” Aia Boki n Anene Ataei,5

• “When He Comes Again,” Aia Boki n Anene Ataei, 82–83

Beberuare

• “Follow the Prophet,” Aia Boki n Anene Ataei, 110–11 (te kibu3)

• “He Sent His Son,” Aia Boki n Anene Ataei, 34–35

• “Choose the Right,” Anene n Taromauri, nambwa. 239

Maati

• “Love One Another,” Aia Boki n Anene Ataei, 136–37

• “Help Me, Dear Father,” Aia Boki n Anene Ataei99

• “‘Give,’ Said the Little Stream,” Children’s Songbook,236

Eberi

• “Te Tia Kamaiura Iteraera,” Anene n taromauri, nambwa.6

• “Did Jesus Really Live Again?” Aia Boki n Anene Ataei.64

• Keep the Commandments,” Aia Boki n Anene Ataei, 146–47

Meei

• “N na Nakonako ma Iesu” (music.ChurchofJesusChrist.org)

• Search, Ponder, and Pray,” Aia Boki n Anene Ataei,109

• I Love to See the Temple,” Aia Boki n Anene Ataei,95

Tuun

• “I Will Be Valiant,” Aia Boki n Anene Ataei,162

• “A Child’s Prayer,” Aia Boki n Anene Ataei, 12–13

• “N na Katotonga Iesu,” Aia Boki n Anene Ataei, 78–79

Turai

• “The Holy Ghost,” Aia Boki n Anene Ataei,105

• “I Know My Father Lives,” Aia Boki n Anene Ataei,5

• “I Love to See the Temple,” Aia Boki n Anene Ataei,95

Aokati

• “My Redeemer Lives,” Hymns, no.135

• I Feel My Savior’s Love,” Aia Boki n Anene Ataei, 74–75

• “Teach Me to Walk in the Light,” Aia Boki n Anene Ataei,177

Tebetembwa

• “Kindness Begins with Me,” Aia Boki n Anene Ataei,145

• “Keep the Commandments,” Aia Boki n Anene Ataei, 146–47

• “N na Nakonako ma Iesu” (music.ChurchofJesusChrist.org)

Okitobwa

• “I Feel My Savior’s Love,” Aia Boki n Anene Ataei, 74–75

• “I Hope They Call Me on a Mission,” Aia Boki n Anene Ataei,169

• “Families Can Be Together Forever,” Aia Boki n Anene Ataei,188

Nobembwa

• “Follow the Prophet,” Aia Boki n Anene Ataei, 110–11 (te kibu7)

• “Ti Karabwako te Atua, ibukin am Burabeti,” Anene n taromauri, nambwa.19

• “I Want to Live the Gospel,” Aia Boki n Anene Ataei,148

Ritembwa

• “When He Comes Again,” Aia Boki n Anene Ataei, 82–83

• “Seek the Lord Early,” Aia Boki n Anene Ataei,108

• “Away in a Manger,” Aia Boki n Anene Ataei, 42–43

Kabongana te Katangitang n Reiakina te Reirei

Te tai n anene e baireaki ibukin buokai antaei n namakina mwaakan te Tamnei ae Raoiroi ngkai a reiakin koaua n te euangkerio. Iango aika imwina a kona ni kaungai nanomi ngkai kam iangoi kawai n anga reirei iaon reirein te euangkerio ake a kuneaki n anene n taromauri ao ni kunan te Moanrinan.

Wareki koroboki aika a tabu ake a irekereke ma ngaia. N aia Boki n Anene Ataei ao Anene n taromauri, bwai ni ibuobuoki ake a irekereke ma koroboki aika tabu a kairaki inanona ma mwaitin kuuna ao anene n taromauri. Buokiia ataei ni wareki tabeua mai buakon ikoa ni kibuntaeka aikai, ao maroroakinna bwa a kanga booki aika tabu n irekereke ma te anene. Ko kona naba ni karinani tabeua kiibu man koroboki aika tabu iaon te burakibooti ao kaoiia ataei bwa a na katoatoai bwaai ni kakoaua nakon te anene ke kibun te anene.

Kanoai taian Bwangabwanga. Korea kibun te anene iaon te burakibooti ma tabeua oin taeka ake a bua. Ngkanne tuangiia ataei bwa a na anenea te anene, kakauongo ibukin taian taeka ake a na kanoa te bwangabwanga. Ngkai a kanoa te bwangabwanga, maroroakin reirein te euangkerio ake a reiakin man taeka akana a bua.

Kabonganai Taeka mairouia Taan Kairiiri n te Ekaretia. Kaoiia ataei bwa a na ongora n ana taeka te mataniwi n te Ekaretia are titebo ma are e taekinaki n reirein te euangkerio n aron anenen te Moanrinan. Tuangiia bwa a na kateibaia ngkana iai te bwai ae a ongo are e buokiia ni kamatataia n taekan te koaua are a aneneia. Tuangiia bwa a na tibwaua te bwai are a ongo.

Kakoaua. Kaota ami koaua ae uarereke nakoia ataei iaon koauan te euangkerio ake a kuneaki n anenen te Moanrinan. Buokiia ataei bwa a na ataia bwa te anene bon teuana te kawai ae a kona ni kaota iai aia koaua ao n namakina te Tamnei.

Riiki bwa te tia kakoaua. Kaoiia ataei bwa a na kaibibiti n tei ao n tibwauai baike a reiakin man te anene are a aneneia ke aron aia namakin ibukin koaua ake a reiakinaki man te anene. Titirakiniia aron aia namakin ngkai anenea te kuna, ao ni buokiia bwa a na kinaa mwaakan te Tamnei ae Raoiroi.

Kabonganai tamnei. Tuangiia ataei bwa a na buoki ngkami ni kakaea ke ni karaoi tamnei ake a iri ma taeka aika kakawaki ke kibun te anene. Kaoiia bwa a na tibwauaia bwa tera rekereken taian tamnei ma te anene ao tera ae reiakinaki man te anene. Te katooto, ngkana ko reirei iaon te kuna “When He Comes Again” (Aia Boki n Anene Ataei, 82–83), ko kona ni katokai tamnei rinanon nako te ruu are e kaota kakaawakin te taeka man te anene (n aron anera, tinoo,, ao itoi). Tuangiia ataei bwa a na ikoti taian tamnei ao n tabeki ieta n teia ae barongaaki ngkai kam bane n anene.

Tibwai bwaai ni kakairi ae tei ibukin te reirei. Ko kona ni kabongana te bwai ae e kona n nooraki ae kaungaa maroroakinan te anene. N aron te katooto, te anene “Seek the Lord Early” (Aia Boki n Anene Ataei,108) e maroroakina taekan ukoran te Uea. Karaba kaobin tamnein te Tia Kamaiu n te tabo teuana n te ruu, ao kaoa temanna te ataei bwa e na kakaea. Imwiin tian te ataei ni kunea te tamnei, maroroakin bwaai are e karaoi teuanne ke neienne ngkai a kunea. Aei e kona ni kaira maroroakinan bwaai ake a taekinaki n te kuna ake ti kona ni karaoi n ukora te Uea.

Kaoa te Tibwatibwa ni bwaai ake ko a tia n rinanona. Buokiia ataei n tomai reirei ake a reiakinaki n te anene ma baike a rinanona ma reirei akanne. N aron te katoto, imwain te anene “I Love to See the Temple” (Aia Boki n Anene Ataei,95), ko kona n tuangiia ataei bwa a na katei baia ngkana a tia n noora te tembora. Kaoiia bwa a na iangoia ngkai a anene bwa tera aia namakin ngkai a noora te tembora.

Anga titiraki. A mwaiti titiraki aika ko kona n anga ngkai ko anenei kuuna. Te katooto, ko kona n titirakiniia ataei tera ae a reikainna man kibun nako te kuna. Ko kona naba n tuangiia bwa a na iangoi titiraki ake e kaekaaki n te kuna. Aei e na kona ni kaira te marooro ibukin koaua ake a reiakinaki n te anene.

Kakauongo nakon kaeka. Tuangiia ataei bwa a na kakauongo nakon kaekan titiraki. Te katooto, te anene “He Sent His Son” (Aia Boki n Anene Ataei, 34–35) iai inanona tabeua titiraki ao kaeka. Ko kona n titirakiniiia ataei titiraki ao imwiina tuangiia bwa a na kaeka kaekaana ngkai a anene.

Buokakia ataei n Reirei ao n Uring Anenen te Moanrinan ao Anene n Taromauri

Ataei a reiakina te anene man ongoraia ke n aneneia ni kaokiokia. Anenei n taainako taekan kuuna aika boou nakoia ataei—tai tii wareki ke ni kamatenanoi. Aei e na buokiia ataei n tomaa een te anene ma taekana. Imwin reiakinan te anene, manga rinanoia ni kawai aika a kakaokoro ma ni kaunga ni kabanea te ririki. Inano bon tabeua iango ni buokaia ataei n reiakin ao ni manga rinanon kuuna.

Karaoi boutita. Katei taian boutita ma taekan taian kibu ke tamnei are a tei ibukin tenaan taeka. Ngkai a anene ataei, rabun tabeua taeka ke tamnei ni karokoa are a kona n anene ni kabwanina kibuna n akea te boutita. Kam kona naba ni kaoiia ataei bwa a na buokii ngkami ni karaoi taian boutita.

Kamataataan toon te anene. Ni buokiia ataei n reiakina een te anene, kaaki baimi ni kaetii imoa, ao ngkana kam anenea taekana, karieta riki baimi ni kaota keeraken toon te anene, ao karuaaka baimi ni kaota keerikakin toon te anene.

Ekoo. Kaoiia ataei bwa a na riki bwa te ekoo ni kaokioka are kam aneneia. Anenea te kibu ae uarereke nakoia ataei ke teuana te rain, ao tuangiia bwa a na manga aneneia nakoim.

Kabonganai anga aika a kakaokoro. N anenean taian kuna ni kawai aika a kakaokoro, n aron te wirikiriki, te aam, ubouboan tangin te anene, ke anene ngkai ko tekateka ke n teirake. Kam kona naba ni karaoi bwaoki man te beeba, ao iaon iteran nako te bwaoki, korea te kawai ae kaokoro n anene. Kaoiia ataei bwa a na niniira te bwaoki ni iangoia bwa a na kanga ataei n anenea te anene.

Anene inanon te kurubu. Anganiia kaain te kiraati ke te aomata teuana te kibu bwa e na aneneia ngke e tabe n tei, ao ngkanne kaibibiti kiibu ni karokoa are e reke aia tai kaain te kiraati n tatabeua ke te aomata n anenei kiibu n tatabeua.

Kabongana katean te bai. Kaoiia ataei bwa a na iangoa aron kamwakuran baai aika a bebete bwa e na buokiia n uringa taekan ao rongorongon te anene. Te katooto, ngkana kam anenea “Reverently, Quietly” (Aia Boki n Anene Ataei26), ko kona ni kaoia ataei bwa a booti baia, kabobaraaki atuiia, ao n riinga burouia ngkana a anenei rain ake a karinerine n te kuna.

A anene ataeinaine, a anene ataeinimwaane. Korea tamnein te ataeinimwaane ao tamnein te ataeinaine, ao kuruunna ke kanimwa te tamnei iaon taian kai ni kakaokoroi. Inanon rinanoakin te anene, tabeka ieta teuana te tamnei ni kaotia bwa antai ae e na anenea mwakoron te anene anne.

Kakibaan te bwaene. Kamenai bwaene aika a nambwanaki ke tabeua kaonteina imoan te ruu—ni kamwaiti taian kaonteina ngkai a mwaiti kibun te anene. Kaoa temanna te ataei bwa e na kakibaa te bwaene ni biin ke te mwakoro ni beeba ae nimwanunu nakon ke irarikin kaonteina ake a nambwanaki. Tuangiia ataei bwa a na anenea te kibu ma nambwan te kaonteina.

Katoatoai tamnei ma kibuntaeka. Korea rainin te anene iaon te mwakoro ni beeba ae kaokoro, ao kakaea te tamnei are e tei ibukin te rain n tatabeua. Kaaki taian tamnei n iteran te ruu ao beeba n iterana are teuana. Anenea te anene, ao tuangiia ataei bwa a katoatoai tamnei ma taian taeka.

Kainibaire ibukin Karaoakin te Bootaki n Toa

Iaan ana kairiiri te bitiobi, aia anga reirei ataei ni bootakin te toa irouia ataei e taneiai ni kakaraoaki n te kaua ni kuata n te ririki. Ngkai beretitentii n te Moanrinan ao te tia kairiiri n te katangitang, a bairea aia tai ni boowi ni moan te ririki ma te kauntira n te bitiobiriki are e tararua te Moanrinan ni moana maroroakinan taian babaire ibukin aia marooro ataei. Ngkana kam a tia n rinanoi taian babaire, karekea ana kariaia ibukiia.

Te kabwarabwara e na kariaia ataei bwa a na kaoti baike a reiakin ma aia utu man te O Tetemanti ni mwengaia ao n te Moanrinan n raonaki ma anenen te Moanrinan ake a tia n anenei inanon te ririki. Tataromwaaka n iangoia raoi bwa tera reirein te euangkerio ao anene ake a na boutokai baike a tia n reiakin. Ni kabwanina te ririki, korei mwin aia marooro ataei ao aia taneiai aika a onoti ibukin riain kabonganaan te tai ni kabwarabwara. Kaoiia ataei bwa a na tibwauai booki aika tabu, karaki, ao aia koaua n tain aia kabwarabwara. Ngkai ko bairea te kabwarabwara, iango kawai are a na kona ni buokiia kaain te taromauri ni katurui aia iango iaon te Tama are i Karawa ao te Tia Kamaiu ao Aia reirei.

Iunite ma karakon mwaitiia ataei e bae n iangoi kawai ike kaain te utu a na kona ni waaki iai ma natiia. Kaain te bitiobiriki a kona ni kainna te boowi n aia marooro ae uarereke.

Ngkana kam katauraoa karaoakin ami reirei, ururingi kainibaire akana imwina:

• Karaoan te kataneiai e ria n aki anaa te tai man taian kiraati n te Moanrinan.

• Tamnei, kunnikai ni kaotioti, ao bwaai ni katangitang aki katauaki ni kamanenaaki n te bootaki n toa.

Tara Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong Aika Kaitira,, 12.2.1.2, ChurchofJesusChrist.org.