an ajri ro kōm̧m̧ani kōl ko ilo aer al ilo m̧ōnjar eo

Kōmeļeļe ko n̄an Iien Al im Būrookraam̧ eo an Ajri ro ilo Kweilo̧k in Kwojkwoj eo.

Būreejtōnji ro im Ritōl Al ro an Būraimere Rejitōnbōro,

Al ko an Būraimere rej juon kein jerbal ekajoor n̄an jipan̄ ajri ro ekkatak kōn karōk in m̧ōņōņō eo an Jemedwōj Ilan̄ im m̧ool ko raorōk an gospel eo an Jisōs Kraist. Ilo an ajri ro al kōn pedped in katak ko an gospel eo, Jetōb Kwojarjar eo enaaj kam̧ool kōn m̧ool ko aer. Naan ko im al ko renaaj pād wōt ilo kōļmenļo̧kjeņ ko im bōro ko an ajri ro ilo aolepān mour ko aer.

Pukot jipan̄ eo an Jetōb ilo am̧ kōppopo n̄an katakin gospel eo kōn al. Kwaļo̧k naan in kam̧ool eo am̧ kōn m̧ool ko kom̧ij al kaki. Jipan̄ ajri ro loe elmen an al ko iookļo̧k ta eo rej ekkatak kake im en̄jake ilo m̧weo im ilo kūlaaj ko an Būraimere. Ajri ro im baam̧le ko aer renaaj jeraam̧m̧an kōn kijejeto ko am̧.

Kōmij iakwe kom̧ im lewaj am kam̧m̧oolol kōn jerbal in wūjlepļo̧k eo kom̧ij leļo̧k n̄an kōkajoor im kōjparok ajri ro nejid raorōk.

Būreejtōnji eo Eutiej an Būraimere

Naan in kōmeļeļe ko n̄an Sharing Time eo

5 minit (Būraimere būreejtōnji eo): Jar in kōppeļļo̧k, eoon ak laajrak in tōmak, im juon ekōnono

20 minit (ritōl al eo): Iien al

Būraimere būreejtōnji eo im ritōl al eo rej kāāleti al ko n̄an kajjojo allōn̄ n̄an kapen pedped in katak ko ajri ro rej ekkatak ilo kūlaaj ko aer im ilo m̧weo. Juon laajrak in al ko me rej kapen pedped in katak kein kar kobaik ilo unin tōl in. Al kein rebar waļo̧k ilo laajrak eo ilo Itok, Ļoor Eō—N̄an Būraimere im Itok, Ļoor Eō—N̄an Kajjojo Armej im Baam̧le ko.

Ilo am̧ katakin al ko n̄an ajri ro, karuwaineneik er n̄an kwaļo̧k ta eo em̧ōj kadede aer kar ekkatak kōn bwebwenato ko im pedped in katak ko me rej pād ilo al ko kwoj katakin. Kwomaron̄ bar kōņaan bar etale Itok, Ļoor Eō—n̄an Būraimere laajrak ko me ajri ro rej ekkatak ilo kūlaaj ko aer. Menin enaaj jipan̄ eok jeļā kōn bwebwenato ko im pedped in katak ko rej ekkatak bwe kwon maron̄ ļōmņak elmen n̄an jipan̄ ilo aer ekkatak kōjerbal al.

Ilo iien al, kwomaron̄ barāinwōt bar etale al ko ajri ro raar ekkatak im al ko rej m̧ōņōņō in al kaki. Ilo am̧ etale, karuwaineneik ajri ro n̄an kwaļo̧k ļōmņak im en̄jake ko aer kōn m̧ool ko repād ilo al ko.

Ilo Children’s Songbook ej juon kein jipan̄ eo m̧oktata n̄an al ko ilo Būraimere. Al ko jān bok in al eo im al ko jān Jera ak Liaona rebarāinwōt ekkar. Jet iien ajri ro remaron̄ al al ko alin kautiej ak iien ko raorōk me rem̧m̧an n̄an Jabōt im n̄an iiō ko an ajri ro. Kōjerbal al ko jabddwōt ilo Būraimere reaikuj in kar kōmālim jen bisoprik eo (lale Bok in Bōk Meļeļe: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 12.3.4, ChurchofJesusChrist.org).

Juon Etale an Būraimere

Kajjojo wiik, ilo Būraimere ekoba:

Iien al:25minit

Iien jānij:5minit

Kūlaaj ko:20minit

Ritōl ro an Būraimere ko reļļap remaron̄ ajije ajri ro n̄an ruo kurub ko im kōm̧m̧an bwe juon kurub ilo kūlaaj ko an Būraimere ilo an kurub eo juon ej pād ilo iien al eo. Innem kurub ko ruo remaron̄ ukōt jikier. Ilo kain jekjek in, ritōl ro an Būraimere remaron̄ in ukukōt awa ko rej waļo̧k ilōn̄ n̄an kōkkare n̄an jekjek ko aer.

Al Elmakote n̄an Iien Al eo

Jānwōde

• N̄a Nejin Anij,” Al ko Al in Ajri, 44

• I Know My Father Lives,” Children’s Songbook,5

• When He Comes Again,” Children’s Songbook, 82–83

Pāpode

• Follow the Prophet,” Children’s Songbook, 110–11 (eoon3)

• He Sent His Son,” Children’s Songbook, 34–35

• Choose the Right,” Hymns, no. 239

M̧aaj

• Love One Another,” Children’s Songbook, 136–37

• Help Me, Dear Father,” Children’s Songbook,99

• “Give,’ Said the Little Stream,” Children’s Songbook,236

Eprōļ

• “Dri Binmuren Israel,” Al , no.2

• Did Jesus Really Live Again? Children’s Songbook,64

• “Keep the Commandments,” Children’s Songbook, 146–47

Māe

• “I Will Walk with Jesus” (music.ChurchofJesusChrist.org)

• “Search, Ponder, and Pray,” Children’s Songbook,109

• “I Love to See the Temple,” Children’s Songbook,95

Juun

• “I Will Be Valiant,” Children’s Songbook,162

• A Child’s Prayer,” Children’s Songbook, 12–13

• “I’m Trying to Be Like Jesus,” Children’s Songbook, 78–79

Juļae

• “The Holy Ghost,” Children’s Songbook,105

• “I Know My Father Lives,” Children’s Songbook,5

• “I Love to See the Temple,” Children’s Songbook,95

O̧kwōj

• “My Redeemer Lives,” Hymns, no.135

• I Feel My Savior’s Love,” Children’s Songbook, 74–75

• “Katakin Iō Etetal Lo Meram,” Al ko Al in Ajri,47

Jeptōm̧ba

• “Jouj E Jinoi Ibba,” Al ko Al in Ajri,52

• Keep the Commandments,” Children’s Songbook, 146–47

• “I Will Walk with Jesus” (music.ChurchofJesusChrist.org)

Oktoba

• I Feel My Savior’s Love,” Children’s Songbook, 74–75

• “I Hope They Call Me on a Mission,” Children’s Songbook,169

• “Families Can Be Together Forever,” Children’s Songbook,188

Nobōm̧ba

• “Follow the Prophet,” Children’s Songbook, 110–11 (eoon7)

• “Kimij Kamolol Yuk, O Anij, Kin Juōn Dri Kanan,” Ak, no.26

• “I Want to Live the Gospel,” Children’s Songbook,148

Tijem̧ba

• When He Comes Again,” Children’s Songbook, 82–83

• “Seek the Lord Early,” Children’s Songbook,108

• Away in a Manger,” Children’s Songbook, 42–43

jilu ajri rej kotak pijain Jisōs ilo m̧aanin kūlaajruum̧ eo ilo m̧ōnjar eo

Kōjerbal Al ko n̄an Katakin Katak eo

Singing time ej n̄an jipan̄ ajri ro en̄jake im̧we eo an Jetōb Kwojarjar ilo aer ekkatak m̧ool ko an gospel in. Ļōmņak kein ilaļ remaron̄ im̧we eok ilo am̧ karōk wāween ko n̄an katakin pedped in katak ko an gospel eo loi ilo al in jar ko im al ko an Būraimere.

Riiti jeje ko rekwojarjar Reio̧kļo̧k. Ilo Children’s Songbook im Al ko, rej iokļo̧k eoon ko rekkar kar kobaiki ippān elōn̄ al ko im al in jar ko. Jipan̄ ajri ro riiti jet iaan bwebwenato kein, im kōnono kaki elmen an jeje ko rekwojarjar iokļo̧k wōt al eo. Kwomaron̄ barāinwōt kōllaajrake jet eoon in jipan̄ ko ioon boot eo im kūr ajri ro n̄an kajjejete kajjojo eoon in jipan̄ ko n̄an juon al ak juon eoon jān juon al.

Kanne ļain eo ejjeļo̧k kobban. Je juon eoon jān al eo ioon boot eo kōn jet naan ko raorōk rejako. Innām kajjitōk ippān ajri ro n̄an al al eo, ron̄jake naan ko me rekkar n̄an ļain ko ejjeļo̧k kobbaer. Ilo aer kanne kajjojo ļain ejjelo̧k kobban, kōnono kōn ta pedped in katak ko kwoj ekkatak jān naan ko rejako.

Kōjerbal kout ko jen ritōl ro an Kabun̄ in. Karuwaineneik ajri ro n̄an ron̄jake juon kout jān juon ritōl an Kabun̄ in me ej katakin kōn ejja pedped in katak ko an gospel eo ejja āinwōt al eo an Būraimere. Kajjitōk ippāer n̄an kajutak peier n̄e rej ron̄ jet men ko me ejipan̄ er meļeļe m̧ool eo rej al kake. Kajjitōk ippāer n̄an kwaļo̧k ta eo rekar ron̄jake.

Kam̧ool. Kwaļo̧k naan in kam̧ool eo am̧ ilo tukadu in n̄an ajri ro kōn m̧ool ko an gospel eo loe ilo al eo an Būraimere. Jipan̄ ajri ro meļeļe bwe al ej juon wāween eo remaron̄ in kwaļo̧k naan in kam̧ool n̄an en̄jake Jetōb eo.

Jutak āinwōt juon rikam̧ool. Kajjitōk ippān ajri ro n̄an kajjojo jutak im kwaļo̧k ta eo raar ekkatak jān al eo raar al kake im elmen aer en̄jake kōn m̧ool ko kar katakin ilo al eo. Kajjitōk ippāer elmen aer en̄jake ilo aer al al eo, im jipan̄ er n̄an kile im̧we eo an Jetōb Kwojarjar.

Kōjerbal pija ko. Kajjitōk ippān ajri n̄an jipan̄ eok pukote ak ejaaki pija ko me rekkar n̄an naan ko raorōk ilo al eo. Karuwaineneik ajri ro n̄an kwaļo̧k pija ko reiookļo̧k al eo im ta eo al eo ej katakin. N̄an waanjon̄ak, eļan̄n̄e kwoj katakin al eo “When He Comes Again” (Children’s Songbook, 82–83), kwomaron̄ likūt pija ko ilo aolepān ruum̧ eo rej jutak kōn naan ko raorōk jān al eo (ko āinwōt enjeļ ro, snow,, im iju). Kajjitōk ippān ajri ro n̄an aiin pija ko im kotaki ilo aer kōllaajraki ilo jim̧we ilo ami al al eo ippān doon.

Kwaļo̧k juon kein katak: Kwomaron̄ kōjerbal juon men n̄an kōketak ekōnono eo kōn al eo. N̄an waanjon̄ak, al eo “Seek the Lord Early” (Children’s Songbook,108) ej kōnono kōn kappukot Irooj. Komaron̄ nooj juon pijain Rilo̧mo̧o̧r ilo ruum̧ eo im kajjitōk ippān ajri ro n̄an kappukote. Ālkin an ajri ro kar loe pija eo, kōnono kōn men ko ekar kōm̧m̧ani n̄an loe. Menin ekar tōlļo̧k n̄an juon ekōnono kōn men ko kar kwaļo̧k ilo al eo me jemaron̄ kōm̧m̧ani n̄an kappukot Irooj.

Kajjitōk n̄an kwaļo̧k en̄jake an juon make. Jipan̄ ajri ro dāpij pedped in katak ko kar katakin ilo al eo ippān en̄jake ko rekar en̄jaki kōn pedped in katak ko. N̄an waanjon̄ak, m̧okta jen al “I Love to See the Temple” (Children’s Songbook,95), kwomaron̄ kajjitōk ippān ajri ro n̄an kotak peir eļan̄n̄e em̧ōj aer lo juon tampeļ. kajjitōk ippāer n̄an ļōmņak ilo aer al kake elmen aer en̄jake n̄e rej loe juon tampeļ.

Kajjitōk kajjitōk ko. Ekanooj lōn̄ kajjitōk ko kwomaron̄ kajjitōk ilo ami al. N̄an waanjon̄ok, kwomaron̄ kajjitōk ippān ajri ro ta eo raar ekkatak jen kajjojo eoon ko ilo al eo. Kwomaron̄ bar kajjitōk ippāer n̄an ļōmņak kōn kajjitōk ko me al eo ej uwaaki. Menin emaron̄ tōlļo̧k n̄an juon kōnono kōn m̧ool ko kar ekkatak ilo al eo.

Ron̄jake uwaak ko. Kajjitōk ippān ajri ro n̄an ron̄jake uwaak ko n̄an kajjitōk ko. N̄an waanjon̄ak, al eo “He Sent His Son” (Children’s Songbook, 34–35) epād ie jet kajjitōk ko im uwaak ko. Kwomaron̄ kajjitōk ippān ajri ro kajjitōk ko innām kōm̧m̧an bwe ren ron̄jake uwaak ko ilo aer al.

Jipan̄ Ajri ro Ekkatak im Keememej Al ko an Būraimere im Al in Jar ko

Ajri ro rej ekkatak juon al ilo aer ron̄jake im al kake im bar al kake. Aolep iien al naan ko ilo juon al kāāl n̄an ajri ro—jab baj riiti wōt n̄an er. Menin ejipan̄ ajri ro koneeke tōn eo n̄an naan ko. Ālkin katakin juon al, etale ilo elōn̄ wāween ko rekaitoktok limo ilo aolepān iiō eo. Itulaļ rej jet iaan itia ko n̄an jipan̄ ajri ro ekkatak im etali al ko:

Ejaake peba kileplep ko. Kwaļo̧k peba kileplep ko ippān kajjojo eoon ak pija ko me rej bōk jikin naan eo. Ilo an ajri ro al, pinej jet iaan naan ko ak pija ko m̧ae iien remaron̄ al aolepen eoon eo kōn jab lale peba kileplep eo. Kwomaron̄ bar kajjitōk ippān ajri ro n̄an jipan̄ eok ejaake peba kileplep ko.

Kwaļo̧k tōn eo. N̄an jipan̄ ajri ro ekkatak tōn eo an juon al, likūt peim ilo jekjek in juon lain ejejjet, im ilo am̧ al naan ko, kotak pein lōn̄ļo̧k im laļtak.

Āliji. Kajjitōk ippān ajri ro bwe ren āliji ta eo kwoj al kake. Al n̄an ajri ro juon eoon ekadu ak juon ļain, innām kōm̧m̧an bwe ren al waj.

Kōjerbal Oktak ko. Al al ko ilo wāween ko reoktak, āinwōt unoojdikdik, in̄n̄ūrn̄ūr, kabokbok, okoktak in al, ak al ilo iien jijet jutak. Kwomaron̄ bar kōm̧m̧ane juon cube kōm̧m̧an jān peba im, ilo kajjojo jait ko ilo cube eo, je juon wāween eoktak ilo al. Kūr juon ajri bwe en kōjabwil peba eo n̄an kālet elmen an ajri ro naaj al al eo.

Al ilo kurup ko. Leļo̧k n̄an kajjojo kūlaaj ak kajjojo ajri juon naan n̄an al kake ilo aer jutak, innām bwe ren jāniji naan ko m̧ae kajjojo kūlaaj ak kajjojo ajri em̧ōj aer kajjojo al kajjojo naan eo.

Kōm̧m̧ani M̧akūtkūt in Pāā ko. Kajjitōk ippān ajri ro n̄an ļōmņake m̧akūtkūt in pā ko repidodo n̄an jipan̄ er keememej naan ko im ennaan ko ilo al eo. N̄an waanjon̄ok, al eo kwoj al kake “Reverently, Quietly” (Children’s Songbook,26), kwomaron̄ bar karuwaineneik ajri ro n̄an bokpā, badikdik, im jibwe ubweer n̄e rej al al eo.

Leddik ro rej al, ļaddik ro rej al. Jin̄aik juon pija in juon ļaddik im juon pija in juon leddik, im kūļukii ak tepe pija ko ioon jet aļaļ. N̄an etale al eo, kotak juon iaan pija ko n̄an kwaļo̧k wōn eo eaikuj in al me ej m̧ōttan al eo.

Joto jotak Iieb. Likūt iieb ko kar nōm̧baiki ak jet kantāinōr im̧aan in ruum̧ eo—jon̄an an lōn̄ oran kantāiner ko ne jon̄an lōn̄ in eoon ko ilo kajjojo al. Karuwaineneik ajri ro n̄an jolo̧k juon pāāk in piin ak m̧ōttan peba eo nuknukji n̄an lowaan ak turin kantāinōr kar nōm̧baiki. Kōm̧m̧an bwe ajri ro ren al eoon eo kōn jon̄an nine ko.

Kakkar juon pija n̄an juon eoon. Je kajjojo ļain in al eo ioon juon bar peba, im pukot pija eo ej juak kōn kajjojo ļain ko. Likūt pija ko ilo tūrājet in ruum̧ eo im peba ko ilo tūrājet eo juon. Al al eo, im kajjitōk ippān ajri ro n̄an māāje pija ko n̄an naan ko.

ruo ajri rej al ilo m̧ōnjar eo

Laajrak n̄an Būrookraam̧ eo an Ajri ro ilo Kweilo̧k in Kwojkwoj eo

Ium̧win tōl eo an bisop eo, būrookraam̧ eo an ajri ro n̄an kweiļo̧k in kwojkwoj eo ekkā an kōm̧m̧an ilo kuwōta eo kein kemen ilo kajjojo iiō. Āinwōt Būraimere būreejtōnji im ritōl al eo, karōke n̄an kweilo̧k ilo jinoin iiō ippān rikakpilōklōk eo ilo bisoprik eo ej lale Būraimere n̄an jino ekōnono kōn karōk ko an būrookraam̧ eo. N̄e ededeļo̧k ami karōk pepe ko, bōk an mālim n̄an er.

Būrookram̧ eo eaikuj in kōm̧m̧an bwe ajri ro ren kwaļo̧k ta eo er im baam̧le ko aer raar ekkatak jān Kallim̧ur M̧okta ilo kapijuknen im ilo Būraimere, ekoba al ko an Būraimere raar al kaki ilo iiō eo. Lukkuun jar im ļōmņak kōn ewi wōt pedped in katak ko an gospel eo im al ko me rej rejtake ta eo raar ekkatak. Ilo aolepān iiō eo, je kakeememej ko kōn ekōnono ko an ajri ro im en̄jake ko an kajjojo n̄an maron̄ kōjerbali ilo Karuwaineneik ajri ro n̄an riiti jeje ko rekwojarjar, bwebwenato ko, im naan in kam̧ool ko aer ilo būrookram̧ eo. Ilo am̧ karōk būrookram̧ eo, ļōmņake wāween ko emaron̄ in jipan̄ jarlepju eo mije wōt Jemedwōj Ilan̄ im Rilo̧mo̧o̧r im katak ko Aer.

Iunit ko me edik uwaan ajri ro ie remaron̄ in ļōmņake wāween ko me baam̧le ko remaron̄ bōk koņaer ippān ajri ro nejier. Juon uwaan bisoprik eo emaron̄ kōjem̧ļo̧k kweilo̧k eo kōn jet naan ko rōkaddu.

Ilo am̧ kōpooj būrookram̧ eo, keememej laajrak in karōk kein:

• Iien kaminene ko ejjab aikuj in bōk eļap iien jān kūlaaj ko an Būraimere ak baam̧le ko.

• Būrookraam̧ ko me rej kōjerbal pija ko, costume ko, ak pijaan alooj ko rejjab ekkar n̄an kweilo̧k in kwojkwoj eo.

Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan ko Āliktata, 12.2.1.2, ChurchofJesusChrist.org.