Dugang nga mga Kapanguhaan

Kini nga mga kapanguhaan makita diha sa Gospel Library nga app ug sa ChurchofJesusChrist.org.

Mga Himno ug Songbook sa mga Bata

Ang sagradong musika nagdapit sa Espiritu ug nagtudlo og doktrina sa halandumong paagi. Agig dugang sa paggamit sa giimprinta nga bersyon sa Mga Himno ug Songbook sa mga Bata, makakita ka og audio ug video nga mga recording sa daghang mga himno ug mga kanta sa mga bata sa music.ChurchofJesusChrist.org ug diha sa Sacred Music and Gospel Media apps.

Mga Manwal sa Seminary ug Institute

Ang mga manwal sa seminary ug institute naghatag og background sa kasaysayan ug komentaryo sa doktrina alang sa mga baroganan nga makita diha sa mga kasulatan. Tingali makadasig usab kini nga mga ideya sa pagtudlo alang sa mga klase sa Sunday School.

Mga Magasin sa Simbahan

Ang Liahona ug Alang sa Kalig-on sa mga Kabatan-onan nga mga magasin naghatag og mga artikulo ug ubang mga feature nga makadugang sa baroganan nga imong gitudlo gikan sa Dali, Sunod Kanako—Alang sa Sunday School.

bata nga nagtuon sa mga kapanguhaan sa Simbahan

Isangyaw ang Akong Ebanghelyo

Kini nga giya alang sa mga misyonaryo naghatag og kinatibuk-ang pagpasabot sa nag-una nga mga baroganan sa ebanghelyo.

Alang sa Kalig-on sa mga Kabatan-onan nga (booklet)

Kini nga kapanguhaan naglatid sa mga sumbanan sa Simbahan nga makatabang nato sa pagsunod sa ebanghelyo ug matagamtam ang pakig-uban sa Espiritu. Hunahunaa ang pagdangop niini sa kanunay, ilabi na kon ikaw nagtudlo sa kabatan-onan.

Mga Video ug Sining

Ang buhat sa art, mga video, ug ubang media makatabang niadtong imong tudloan nga makasabot sa doktrina ug makalantaw sa mga istorya nga may kalabotan sa mga kasulatan. Bisitaha ang Gospel Media sa MediaLibrary.ChurchofJesusChrist.org sa pag-browse sa koleksyon sa Simbahan sa mga kapanguhaan sa media. Ang Gospel Media maanaa usab sa usa ka mobile nga app. Daghang mga hulagway nga mahimo nimong gamiton sa klase nga makita diha sa Libro sa mga Hulagway sa Ebanghelyo.

Pagtudlo sumala sa Pamaagi sa Manluluwas

Ang Pagtudlo sumala sa Pamaagi sa Manluluwas makatabang nimo sa pagkat-on ug sa paggamit sa mga baroganan sa Kristohanon nga pagtudlo. Kining mga baroganan hisgotan ug buhaton diha sa mga miting sa konseho sa magtutudlo.