“Kadkad In,” EnglishConnect 1 n̄an Rūkkatak ro (2022)
“Kadkad In,” EnglishConnect 1 n̄an Rūkkatak ro
Introduction
Kadkad In
Welcome to EnglishConnect!
Kwoj ruwainene n̄an EnglishConnect
EnglishConnect ej bōktok armej ippān doon ro rej kappukot n̄an kōļapļo̧k aer kapeel jān ekkatak kajin In̄lij. Jej aolep itok jān wāween mour ko roktak jān doon im kōnono kajin ko roktak. E oktak ļābōļ in In̄lij ko jepād ie , ak ippān doon jemaron̄ tōpar kōttōbar ko ad.
Why Are You Learning English?
Etke Kwoj Ekkatak Kajin In̄lij?
An wōr juon jibadbad ealikkar emaron̄ jipan̄ eok mijōk wōt am̧ ekkatak im itok limo. Baj ļōmņak etke kwoj ekkatak kajin In̄lij. Kwoj ke ļōm̧nak n̄an bōk juon jerbal em̧m̧anļo̧k? Kwoj ke aikuj in ekkatak kajin English n̄an kōļapļo̧k jeļāļo̧kjeņ eo am̧? Bōk jidik iien n̄an je laajrak in un ko unin am̧ ekkatak kajin In̄lij.
Ikōņaan ekkatak kajin In̄lij kōnke:
Ekkatak kajin In̄lij emaron̄ kōjeram̧m̧an eok n̄an bōk eļapļok jeļāļo̧kjeņ, jerbal, jerbal in jipan̄, im jem̧jerā. EnglishConnect emaron̄ jipan̄ eok tōpar kōttōpar ko am̧.
What Is EnglishConnect?
Ta In EnglishConnect?
EnglishConnect eo ej juon būrookraam̧ in katak-kajin In̄lij eo ejenolo̧k kar ejaak jān Kabun̄ eo an Jisōs Kraist im Armej ro Rekwojarjar ilo Raan Ko Āliktata. Kar ejaake EnglishConnect n̄an jipan̄ eok ejaake kapeeļ ko ilo kajin In̄lij ilo juon jikin ewōr tōmak ie, jem̧jerā, im eddōkļo̧k. Meļeļein bwe koban kōm̧m̧ane menin ippem make. Kwonaaj ekkatak ippān ro jet im rie im rōjan̄ ro jet. Kwonaaj barāinwōt maron̄ kaddōkļo̧k tōmak eo am̧ bwe Anij enaaj jipan̄ eok ekkatak.
EnglishConnect ekitbuuj elōn̄ ļābōļ ko. EnglishConnect 1 im 2 rej jipan̄ rikkatak ro kōļapļo̧k kapāāl ko ilo In̄lij emennin aikuj n̄an jeļā . EnglishConnect 3 ej kōpooje rūkkatak ro n̄an kōļapļokjeļāļo̧kjeņ ko ippāer—eļaptata BYU–Pathway Worldwide. Komaron̄ ekkatak eļapļo̧k kōn BYU–Pathway ilo byupathway.org. Ekkatak eļapļo̧k kōn EnglishConnect ilo englishconnect.org.
What Makes EnglishConnect Unique?
Ta eo ej Kōm̧m̧an an Jenolo̧k EnglishConnect?
Ilo EnglishConnect, jej ejaake kapāāl ko n̄an jeļā In̄lij ilo juon mejatoto in tōmak, jem̧jerā, im eddōkļo̧k.
Faith
Tōmak
Ilo EnglishConnect, jej ekkatak jān ad katak im jān tōmak. Aolep katak rej ijjino kōn juon pedped in ekkatak. Men kein rej pedped ko an jetōb im rej jipan̄ kōj pedped wōt ilo Anij n̄an kōļapļo̧k maron̄ ko ad n̄an ekatak. Tōmak ko ewōr ippem̧ kōn maron̄ eo am̧ n̄an ekkatak enaaj jelōt aolep am̧ jerbal im tōprak. Pedped in ekkatak kilen katak ko remaron̄ jipan̄ eok meļeļe lukkun aorōkim̧lim maron̄ eo an Anij n̄an jipan̄ eok. Laajrak in pedped ko kwonaaj ekkatak:
Kwoj Nejin Anij
“N̄aij juon ajri nejin Anij ewōr an jibadbad im kōttōbar.”
(Lale Rom 8:16–17; Baam̧le Eo: Juon Naan in Kean̄ n̄an Laļ in.
Kōjerbal Tōmak ilo Jisōs Kraist
“Jisōs Kraist emaron̄ jipan̄ eō kōm̧m̧ane men otemjej ilo aō kōjerbal tōmak ilo E.”
(Lale Philipai 4:13; Ether 12:27; Moronai 7:33 )
Bōk Eddo
“Ewōr aō maron̄ n̄an kāālet, im n̄a ij eddoik āō ekkatak .”
Iakwe im Katakin Doon
“Imaron̄ ekkatak jān Jetōb Kwojarjar ilo Aō iakwe, katakin, im ekkatak ippān ro jet.”
(see John 13:34–35; John 14:26–27; Doctrine and Covenants 88:77, 88:122–123)
Wōnm̧aanļok Wōt
“Kōn jipan̄ eo an Anij, imaron̄ wōnm̧aanļok wōt men̄e ij ioon apan̄ ko.”
(Lale 2 Npai 31:20; 2 Nipai 32:9; Katak im Bujen Ko 50:41–42)
Pepe ippān Irooj
“Ij kōkm̧anm̧anļo̧k aō ekkatak jān aō pepe ippān Anij kōn aolep āo̧ jerbal.”
(Lale Jabōn Kōnnaan Ko 3:5–6; Matu 7:7–8; Alma 37:37)
Pedped in katak kilen ekkatak ko rej ennaan ko rem̧ool. Komaron̄ ba naan kein ippem make n̄e kwoj aikuj naan in kōketak im rōjan̄. Ilo am̧ kōjerbali pedped in katak kein, jeļa n̄an ekkatak enaaj ļapļo̧k. Kwonaaj jeļā bwe kōn jipan̄ eo an Anij, komaron̄ tōpar kōttōbar ko am̧.
Fellowship
Jem̧doon
Meneo eaorōk ilo EnglishConnect ej ekkatak ippān ro jet. Kūrub in EnglishConnect ko rej iakwe, jipan̄, im rie doon. Kweilo̧k ko an kūrub ko am̧ rej ijoko rem̧m̧an n̄an kamminene kōnono im kōm̧m̧an bōd . Bōk koņaam̧ ilo kūrub in EnglishConnect eo emaron̄ jipan̄ eok itok limo wōt im ejaake jem̧jerā ko.
Growth
Eddōkļo̧k
EnglishConnect ejjab wōtbūrookraam̧ in ekkatak kajin In̄lij. Jekdo̧o̧n ia eo kwoj ijjino ie, iien ko konaaj bōki renaaj jipan̄ eok erom̧ juon rikkatak ejōļā. Enaaj lōn̄ am̧iienn̄an:
-
Kaminene kajin In̄lij aolep raan.
-
Ļo̧o̧ke eddōkļo̧k eo am̧
-
Ekkatak ippān ro jet.
-
Jar n̄an Anij kōn jipan̄ n̄an tōpar kōttōbar ko am̧.
What Will I Do in EnglishConnect?
Ta Eo Inaaj Kōm̧m̧ane ilo EnglishConnect?
Ilo EnglishConnect, kwonaaj kōm̧m̧ane katak ko am̧ make, kamminene ilo ekōnono ko an kūrub, im kamminene aolep raan. Kajjojo katak ilo EnglishConnect rejenolo̧k ilo ruo m̧ōttan ko—“Katak An Juon Make” im “Ekōnono eo An Kūrup.”
Personal Study
Ekkatak an Juon Make
Jekjnō eo an “Ekkatak an Juon Make” ej kōpooj eok n̄an ekōnono eo an kūrup. Ilo “Ekkatak an Juon Make,” kwoj kam̧ōje laajrak in m̧akūtkūt kein:
Study the Principle of Learning
Katak Pedped eo an kilen Ekkatak.
Kajjojo katak ekitbuuj juon pedped in ekkatak. Erkein rej pedped ko an jetōb im renej jipan̄ eo m̧ōttā ippān Anij ilo ekkatak kajin In̄lij. Mokta jān ekōnono eo an kūrup eo, riiti pedped in kilen ekkatak eo, kejōkļo̧kjeņ kōn kajjitōk ko, im je ļōmņak ko am̧.
Memorize Vocabulary
Kakkilōklōki Naan ko (Vocabulary)
Ekkatak meļeļein im wāween ainikien ba kajjojo naan. Kōjerbale naan ko (vocabulary) n̄an kaminene jon̄ak ko. Komaron̄ barāinwōt pukot naan ko jet me remaron̄ kōjerbale ilo jon̄ak eo.
Practice the Patterns
Kaminene Jon̄ak Ko
Jinoe jān am kakkilōklōke jon̄ak ko an jantōj eo. Innām kōjerbale jon̄ak ko n̄an kōm̧m̧an am̧ make kajjitōk im uwaak ko. Komaron̄ jāniji naan ko ewōr ļain ie kōn naan ko jet jān laajrak in naan ko Wōnm̧aanļo̧k kaminene ilo ainikiem̧ eļaaj m̧ae iien komaron̄ kōjerbale jon̄ak ko m̧ae iien kwōj perane n̄an kajjitōk im uwaake kajjitōk ko.
Conversation Group
Kurup in Ekōnono eo
Jekjōn in “Ekōnono eo an Kurup” ekitbuuj m̧akūtkūt ko kwonaaj kōjerbale n̄an ekkatak ippān ro jet. Ilo “Kurup in Ekōnono eo,” kwoj kam̧ōje laajrak in m̧akūtkūt kein:
Discuss the Principle of Learning (20–30 minutes)
Ekōnono kōn Pedped in kilen Ekkatak eo (20–30 minit ko)
Ilo kurup eo am̧, riiti im ekōnono kōn pedped in kilen ekkatak eo. En̄in ej juon iien em̧m̧an n̄an kwaļo̧k im ekkatak jān ro jet.
Activities
M̧akūtkūt ko
Ilo m̧akūtkūt 1, 2, im 3, kōjerbale naan ko im jon̄ak in jantōj ko n̄an kobaļo̧k ilo ekōnono eo eļap tokjān. Makūtkūt ko rej jipan̄ eok eddōkļo̧k jān kamminene ko rej ālij n̄an ejaake naan ko am̧ make. Kajjojo m̧akūtkūt kein rej kōpooj eok n̄an m̧akūtkūt eo tok juon.
Activity 1: Practice the Patterns (10–15 minutes)
M̧akūtkūt 1: Kaminene Jon̄ak Ko (10–15 minit ko)
Ilo m̧akūtkūt 1, etale naan ko im jon̄ak ko kwaar ekkatak ilo ekkatak eo am̧ make. Kōttōpar eo am̧ ej n̄an kōjerbale jon̄ak kein n̄an ba im meļeļe kajjitōk ko repidodo im uwaak ko.
Activity 2: Create Your Own Sentences (10–15 minutes)
Makūtkūt 2: Kōm̧m̧ane Jentōj Ko Am̧ Make (10–15 minit ko)
Ilo m̧akūtkūt 2, pedped wōt ioon am̧ kōjerbale jon̄ak ko n̄an kōm̧m̧ane jentōj ko am̧ make. Kwōn mejādik. Kōttōbar eo am̧ ej n̄an kōjerbale jon̄ak ko n̄an ejaake elōn̄ kajjitōk ko im uwaak ko jon̄an wōt am̧ maron̄.
Activity 3: Create Your Own Conversations (15–20 minutes)
Makūtkūt 3: Kōm̧m̧ane kilen Kōnono Ko Am̧ Make (15–20 minit ko)
Ilo Makūtkūt 3, kamminene kam̧ōje ekōnono ko ilo waanjon̄ak ko ilo m̧ool ak waween kenono. Kōttōbar eo am̧ ej n̄an kōm̧m̧ani ekōnono ko eļap aer aorōk ilo am̧ kōjerbaleIn̄lij eo kwaar ekkatak.
Evaluate (5–10 minutes)
Etale (5–10 minit ko)
Ilo jem̧ļo̧kin juon ekōnono an kūrub eo, etale eddōkļo̧k eo am̧ kōn jibadbad ko an katak eo. Kōjerbale “Kein Etale Kopād Ia Ilo Katak ko Am̧” n̄an etale jerbal eo am̧ ilo katak eo an juon make, im kōm̧m̧ani kōttōpar ko n̄an em̧m̧anļo̧k. Bōk am̧ iien n̄an kōjeraam̧m̧an eddōkļo̧k eo am̧ im kijejeto ko am̧.
Daily Practice
Kaminene Aolep Raan
N̄an katak kajin English, kwoj aikuj in ejaake juon m̧wil in kaminene aolep raan. Kakobaba n̄an iien katak eo ewūjlepļo̧k, pukot wāween ko n̄an ukōte kobban m̧akūtkūt ko am̧ aolep raan n̄an katak kajin In̄lij. N̄an waanjon̄ak, n̄e kwoj ron̄jake al, ron̄jake ilo kajin English. N̄e kwoj alooje pija, alooje ilo kajin In̄lijh ak kōjo̧e jeje ko n̄an kajin In̄lij. Jabdewōt iien kwoj kōttar ilo juon jikin, kōm̧mālmelekōnono kajin In̄lij ilo ļōmņak eo am̧. N̄e kwoj jar, ba jon̄an eo komaron̄e ilo kajin English. Kii eo eaorōk ej n̄an kamminene kōjerbal kajin In̄lij aolep raan ilo iien ko am̧.
Komaron̄ barāinwōt kadedeļo̧k m̧akūtkūt ko an katak eo im jerbal ko ilo online ilo englishconnect.org/learner/resources im ilo EnglishConnect Workbook.
Ilo am̧ kam̧ōje m̧akūtkūt in ekkatak eo an juon make n̄an kajjojo katak im kamminene aolep raan, enaaj m̧ōkajļo̧k am̧ ekkatak im maron̄ pojak n̄an ekōnono eo an kūrub eo am̧. Kōjerbale “kein Etale Kopād ia Ilo Katak” kobaļok ilo jem̧ļo̧kin kamelele in ej n̄an etale jerbal im kōttōbar ko am̧.
Remember This
Keememej Menin
Ilo am̧ kam̧ōje m̧akūtkūt in katak eo an juon make, kaminene kajin In̄lij aolep raan, im bōk koņaam̧ ilo ekōnono eo an kūrub, kwonaaj ejaake kapāāl in ekōnono ilo kajin In̄lij. Men eo eļap an aorōk, ilo am̧ mour kōn pedped in kilen ekkatak im jar kōn jipan̄ an Anij, E emaron̄ jipan̄ eok tōpar kōttōpar ko am̧ kiiō im ilju im jekļaj.